بو تاپیک ده تورکی و آذربایجان بایاتیلار ، شعرلر ، ماهنی لار و ... سیز عزیز یولداشلارین یاردیمیلا یازیلاجاق![]()
![]()
![]()
![]()
![]()
![]()
بو تاپیک ده تورکی و آذربایجان بایاتیلار ، شعرلر ، ماهنی لار و ... سیز عزیز یولداشلارین یاردیمیلا یازیلاجاق![]()
![]()
![]()
![]()
![]()
![]()
آی بری باخ
پنجره نین میللری ؛
آی بری باخ ؛ بری باخ
آچیب قیزیل گوللری ؛
آی بری باخ ؛ بری باخ
اوغلانلاری یولدان ائیلر
آی بری باخ ؛ بری باخ
قیزین شیرین دیللری
آی بری باخ ؛ بری باخ
پنجره دن داش گلیر ،
آی بری باخ ؛ بری باخ
خومار گؤزدن یاش گلیر
آی بری باخ ؛ بری باخ
سنی منه وئرسلر
آی بری باخ ؛ بری باخ
هرگوره نه خوش گلیر
آی بری باخ ؛ بری باخ
پنجره نی باغلاما
آی بری باخ ؛ بری باخ
من گئدیرم ، آغلاما
آی بری باخ ؛ بری باخ
گئدیپ گینه گله رم ،
آی بری باخ ؛ بری باخ
اُوزگیه بئل باغلاما
آی بری باخ ؛ بری باخ
بیاض گئجه لر
گؤروشدوم یاریملا بولاغ باشیندا
اولدوزلو گئجه ده آی ایشیقیندا
دانیشدیق ئورکدن دونیالار قدر
سیرداش اولدو بیزه بیاض گئجه لر
بیاض گئجه لر ، بیاض گئجه لر
دانیشدیق ئورکدن دونیالار قدر
بیاض گئجه لر ، بیاض گئجه لر
سیرداش اولدو بیزه بیاض گئجه لر
اُؤپمک ایسته دیم من آل یاناقیندان
قارا گؤزلریندن ، بال دوداغیندان
چکیلدی کنارا ، اوزوندن کرد
سیزدن اوتاندی او بیاض گئجه لر
بیاض گئجه لر ، بیاض گئجه لر
دانیشدیق اوره کدن دونیالار قدر
بیاض گئجه لر ، بیاض گئجه لر
سیرداش اولدو بیزه بیاض گئجه لر
دوتدوم اللریندن آچدیم قلبیمی
آخیر بیان ائتدیم محبتیمی
یاشالدی گؤزلری بورولدو قهر
شاهیددی سئوگیمه بیاض گئجه لر
بیاض گئجه لر ، بیاض گئجه لر
دانیشدیق ئورک دن دونیالار قدر
بیاض گئجه لر ، بیاض گئجه لر
سیرداش اولدو بیزه بیاض گئجه لر
چوخ گوزل دی وحید جان ، حتما" ایشی وی ادامه ور . منده سعی الییرم کمک الییم .
آنا![]()
![]()
![]()
اي يامان گونده چاتان هر زمان امداده آنا!
اي حياتيم بويو دونياده يئتن داده، آنا!
ياتارام هر گئجه من فيكر و خيالينله سنين
گوره رم گول اوزيوي هر گئجه روياده آنا!
جان ائوينده نئچه آي چكدين آنا زحمتيمي
ياتماييب صبحه قدر، هي چكيبن ذلتيمي
سود وئريب كورپه ليگيمدن گوروبن محنتيمي
وئردين اولادين اوچون عمريني سن باده آنا!
منه روزي ائله دين جان شيره سين قانين ايلن
مين جوره نازيمي چكدين باش ايلن، جانين ايلن
ياتمادين، لايلا دئدين سن حزين افغانين ايلن
آغليان دمده يئتيشدين نئجه , فرياده آنا!
صبح تئزده ن اپوبن سن مني بيدار ائله دين
اوزومه گولدون آنا! عالمي گلزار ائله دين
منه اوز وئرسه كدر,سن اوزيني زار ائله دين
اي اولان جمله مشقتلره آماده آنا!
گر مريض اولسام آنا!جانيني قربان ائله دين
اوزده گولدون,غميني سينه ده پنهان ائله دين
يئتيريب حد كماله مني انسان ائله دين
تئز قوجالتدين اوزيني سن بو تمناده آنا!
بويودوم منده بوگون يار هوادارين اولوم
دولانيم باشينه من همدم وغمخوارين اولوم
خوشدير عمرين بويو,گر يارو پرستارين اولوم
نه ضرر گلسه منه خوشدو بو سئوداده آنا!
آنالار بايراميدير منده سني ياد ائله ديم
بو حقير تحفه م ايله قلبيني دلشاد ائله ديم
سني گوردوم اوزومي غصه ده ن آزاد ائله ديم
مسكنين دائم اولا جنت اعلاده آنا!
نه قدر تعريف ائده م آزدير آنا!حرمتيوي
حقيوي سعييني ,ائولاده چكن زحمتيوي
خالق آرتيرسين اوزو عزت ايله شوكتيوي
هم بو دنياده و هم عالم عقباده آنا!
قاشلارین قیبله گاهدی،
قیبله دئسم گوناهدی،
داغلارا دومان چوکسه،
او داغ من چکن آهدی.
***
عاشیق سوزون گیزله در،
سوزون دوزون گیزله در،
سن چمنه چیخاندا ،
لاله اوزون گیزله در.
***
آغلارام آغلار کیمی،
دردیم وار داغلار کیمی،
خزان اولدوم توکولدوم،
ویرانه باغلار کیمی.
***
باهاسیز داشدی دونیا،
چوروک آغاجدی دونیا،
کیمه دئییم دردیمی ،
بوتون قان یاشدی دونیا.
***
لای- لای دئدیم یاتاسان،
قیزیل گوله باتاسان،
قیزیل گولون ایچینده،
شیرین یوخو تاپاسان.
***
لا- لای بئشیگیم لا- لای،
ائویم- ائشیگیم لا- لای،
سن یات شیرین یوخودا،
چکیم کئشیگین لا- لای.
***
اوز ه رلیک سن هاواسان،
هر بیردرده داواسان،
درد قاپیدان گلنده،
سن باجادان قووارسان.
هارداسان
جانیمی یاندیردی شوقون ای نگاریم هارداسان
گؤزلریم نوری ایکی عالمده یاریم هارداسان
باغریمی قان ایلدی آجی فراقون گل ایرش
ای لبون وصلی شراب خوشگواریم هارداسان
فرقتون دردی منی گؤر کی نه مجروح ایله دی
ای گؤزی نرگس حبیب گولعذاریم هارداسان
صبری یغمالدی شوقون قراریم قالمادی
ای منیم آرام صبریم بی قراریم هارداسان
ایله دی عشقون منی قلخان ملک تیرینه
ای گؤزی قاشی بیلیک لی شهریاریم هارداسان
تا اوزون شوقوندان ایراغ اولموشام پروانه تک
یانیرام لیل و نهار ای نور و ناریم هارداسان
قاتی موشتاق اولموشام زلف و غذارین بویونا
ای اوزی گلشن ساچی مشک تاتاریم هارداسان
سندن آیری کونلومه یوخدور وفالی یار دوست
ای جفاسیز حسن کامل یار غاریم هارداسان
هجرون اوخی دلدی بو شوقونده یانان باغریمی
صورت و معنیده ای چابک سواریم هارداسان
بادایلن گؤندر ساچین بویین منه هر صبحدم
ای کی یاندیم گئچدی حددن انتظاریم هارداسان
یار اوچون هر گوشه ده مین دیو اولور دشمن منه
ای سواد اعظم و محکم حصاریم هارداسان
عاشیقین جنات عدنی چون جمالون وصلیدیر
ای شراب کوثریم گئتمز خماریم هارداسان
چون نسیمی دور بوگون ایام عشقین خسروی
ای شکر لب یار شیرین روزگاریم هارداسان
عمادالدین نسیمی
دئدیم – دئدی
دئدیم : - ائی غنچه دهان ، کونلومو قان ائیله میسن ،![]()
دئدی : - بیجا یئره عشقیمده فغان ائیله میسن !![]()
دئدیم : - اینصاف ائله ، اینجیتمه منی ،عاشیقینم![]()
دئدی : - گئت ،سرّیمی دونیایا عیان ائله میسن![]()
دئدیم :- آغلاتما منی سرو بویون شوقوندا ،![]()
دئدی :- گوز یاشینی بیهوده روان ائیله میسن !![]()
دئدیم : - آخر، گوزلیم ،باغ و بهاریم سن سن ،![]()
دئدی : - سن عومرونو حسرتله خزان ائیله میسن !![]()
دئدیم : - آز چکمه میشم گوزلرینین حسرتینی ،![]()
دئدی : - اوز کونلونو یئر سیز نیگران ائیله میسن !![]()
دئدیم : - عشقینده اسیرم ، منه بس خئیری ندیر ؟![]()
دئدی : - اوّلده بو سئودادا زیان ائیله میسن !![]()
دئدیم : - عشق آتشی نئیلر منه قورخان دئییلم !![]()
دئدی : - بی چاره ، یانارسان ، نه گومان ائیله میسن ؟!![]()
دئدیم : - ائی گول ، من ازه ل دن ده گوزه ل عاشیقینم![]()
دئدی : - سن روحونی عشق ایله جاوان ائیله میسن ،![]()
دئدیم : -هر گون سری – کویینده دولانماق دیر ایشیم![]()
دئدی : - واحید نه گوزه ل یئرده مکان ائیله میسن !![]()
شاعیر :علی آغا واحید
سارای
آرپا چايي آشدي داشدي
سل ساراني آلدي قاشدي
جوت باجي نين گؤزو ياشدي
آپارده سئللر ساراني
بير اوجا بويلو بالاني
گئدین دئیین خان چوپانا
گلمه سين بو ائل موغانا
گلسه پاتار ناحق قانا
آپارده سئللر ساراني
آرپا چائي درين اولماز
آخار سولار سرين اولماز
سارا كيمي گلين اولماز
آپارده سئللر ساراني
آذربایجان مارالی
من قور بانام گوزلره
شیرین شیرین سوزلره
بیرقوناق گل بیزلره
آذربایجان مارالی
اوگونه قوربان کسره م
گلمه سن سندن کوسره م
گزره م سندن آرالی
آذربایجان مارالی
گئده ک قیرخ قیز یا یلاغینا
مارال جیران اویلاغینا
ائنک عیسی بولاغینا
آذربایجان مارالی
تورش سو اولسون یایلا غیمیز
گوزل شوشا اویلاغیمیز
سن اولایدین قونا غیمیز
آذربایجان مارالی
هم اکنون 1 کاربر در حال مشاهده این تاپیک میباشد. (0 کاربر عضو شده و 1 مهمان)