آذری شعرلری

[t.s.m.t]

Lövh ilə Quran üzündür, vəssəlam,
Həq təaladan gələn sənsən kəlam,
Surətin dövründə hüsn oldu tamam,
Ey saçın taha, üzün beytülhəram,

İMADƏDDİN NƏSİMİ

[t.s.m.t]

آشینا اولا هر کیم حق ایله

غیر آشینا اولمایا گئرک

فانی عالمین مال و مولکونه

مطلق ائتمیه،اعتینا گئرک

***

اهل عشق اولان،غم چئکن اولور

زینت ایستمز،زیور ایستمز

جیسمی ضعفیده،کاهدان ضعیف

رنگ اطلسی کهربا گئرک

***

هر کیم عشق ایله اولسا آشینا

أولفتین کسر غیری عشقیدن

قلبی شاد اولار،گولمز هئچ أوزو

ایندی باشیما بیر هاوا گئرک!

***

روزگار ائدیب حالیمی تباه

ائیله ییب فلک باختیمی سیاه

درد و غم منی شوردان سالیب

عاشیقین گونو پُر بلا گئرک!

***

شوروم آرتیریب،نوطقومو آچان

ائیلئین منی بولبول باهار

بیر گول أوزلویار،سرو قد نیگار

بیر مارال باخیش،گؤز قارا گئرک

***

ماه مهر رو،مهر مه جبین

نازنین نیگار،نازلی نازنین

یاردان جدا،غیره آشینا

عاشق ئولدورن بی وفا گئرک

***

نی نواسینی یاخشی سیران ائت

نی ده کی نوا حق نواسیدیر

بی نوا!اگر سن ده ایسته سن

سنده نی کیمی بیر نوا گئرک

***

اویما ای گؤزوم فعل زاهیده

اعتبار ائدیب،گیرمه مسجیده

مسجید،ای رفیق!درگشا اولور

سگده لاجرم بیر حیا گئرک

***

مسجیده گئدن،حق یولون گئدر

هر عمل ائدر ،بی ریا ائدر

کینه سیز اولور لوح سینه سی

قلبی نوریدان پر صفا گئرک

***

ای حقیقتین سیررین ایتیرن!

گزمه چوخ سفیل،ایسته بیر دلیل

حق یولون سنه وئرمئگه نیشان

بیر علی کیمی رهنما گئرک!

***

هیچ کیم سنین موشکولون آچیب

گیزلی دردیوه ائیلمز علاج

چاره دردیوه گئت علی دن آل

موشکول آچماغا مورتضی گئرک!

***

حل موشکیلات،باعیثی نیجات

شاه ذوالنّعم،صاحب کرم

قعر چاهیدا،مهدی ناریدا

اژدها جیران ،لافتی گئرک

***

حق عینی گؤر،عینی حققی بیل

حقريالعلیده دیر،باخسان حق ایله

حق بیلیر اگر مونکیر اولماسان

بو سؤزه سؤزون اولمایا گئرک

***

یا علی!ئوزون ائیله بیر کرم

ای کریم منی سالما ذیکریدن

تئز یئتیر گلین ئوز مورادیما

وئر گیلن منه موددعا گئرک

***

حکیم سید ابو القاسم نباتی قاراجا داغی

Həkim seyyid əbülqasim nəbati qaraca daği

[t.s.m.t]

فنای عُمردن گویا دگیللر غنچه تک واقیف
اولار کیم ئوزلرین دونیا ایچون دلتنگ توتموشلار

فضولی

[t.s.m.t]

گئري دؤنمه! گئتمك گرك

يوللار بوتون دومان اولسا
داغ- دره لـر بـوران اولسـا
گول- چيچكلر تيـكان اولسا
گئري دؤنمه! گئتمك گره ك
***
بولبول كؤچسه، سولسا چيچك
دونيــا اولســا يــالان٬ كــلـك
قــان آغـلاتـسـا سنـي فــلـك
گئري دؤنمه! گئتمك گره ك
***
آديـن- سانـين گـيزلتـسه لـر
ائـليـن- اوبـان داغـيـتسـالار
"تورك"لويون اينكار ائتسه لر
گئري دؤنمه! گئتمك گره ك
***
يول كسسه لر، يول آچ٬ قورخما!
ديل كسسه لر، ديل آچ٬ قورخما!
آغلاتـسـالار، سئـل آچ٬ قورخما!
گئري دؤنمه! گئتمك گره ك
***
يـالانچيني يـالان تـوتـار
قان تؤكه ني ده قان توتار
ظالـيم عؤمرو سونا يئـته ر
گئري دؤنمه! گئتمك گره ك
***
"تورك"سه ن، "باهارلو" اوغلوسان

"علـي شـكر بـيگ" اوغـلوســـان
تـورك ائــللريـنه باغـليـسيــن
گئري دؤنمه! گئتمك گره ك

***
حميد رضا شريفي

[t.s.m.t]

ائي آقـالار ! هيچ كس من´ه م ديمه ‏سين
شاهلارين تختيني داغيدير فَلَك
من فقيره دادرسليگ ايتمه دي
يان دوشوب مينم‏لَه ن٬ ياغيدير فلك
***
بو يوخسوللوق مَنه يامان آد اولدي
دوست ايشيديب دوشمنلريم شاد اولدي
قوهوم ـ قارداش ، ائل منيم‏له ن ياد اولدي
ايندي حيمايَتين چاغيدير فلك
***
منزيليم اولوب كونج-ي ويرانه
طعنه لر باغريمي دؤندَه ريب قانه
بارماقلارا بئله اولدوم نيشانه
ييدوغوم هلاهل ، آغيدير ، فلك
***
گؤزه ل ايلهام آلار حُوسن-ي اَزَلد‏ن
عاشيقلار مجنونه دؤنه ‏ر گؤزه ‏لد‏ن
َايچه ‏ر لر بير به بير جام-ي اَجلدن
اَلينده مِئي ، هله ساقيدير فلك
***
« ريضا » دييَه ‏ر : نئچه دؤوران گئچيرتديم
هر دوشه ن كَرواني يورددان كؤچورتدوم
عاشيقلارا غم باده سين ايچيرتديم
جاميمده مئي ، هَله باقيدير فلك

***

« آشيق ريضا باهارلي »

[t.s.m.t]

گؤزونو بلا قرا بولوبدور
کیم جانه قرا، بلا بولوبدو
***
مجموع دوانی درد بولدو
دردینی منه دوا بولوبدور
***
عشق ایچره اونون فداسی یوز جان
بیگانه یه آشنا بولوبدور
***
تاقیلدی یوزون هواسی جانیم
اوز ساری اونا هوا بولوبدور
***
باقی تاپار اول کی اولدو فانی
رهرویه بقا، فنا بولوبدور
***
تا دوزدو نوایی آیت عشق
عشق اهلی آرا نوا بولوبدور

***

امیرعلیشیر نوایی

[t.s.m.t]

پولسوز پاراسیز بیر کیشی

اولا بیلرم

قادین سیز بیر کیشی کیمی

یاشایا بیلرم

اینام سیز بیر کیشی تک

ئوله بیلرم

وطن سیز بیر کیشی تک

قالا بیلرم

***

آمما او یئرده کی بیر ووجدان ایستیخدام ائتمک

ایکی جیزما ایسته یه،تئکجه مؤهور

***

اوردا کی بیر داغ باشیندا،دریندن نفس چئکمئگین تاوانی

تاریخی جعل ائتمئک دن آغیر راق دیر

***

اورداکی مسلول بیر اوشاغی ئولدورمئک

بالیق توتماقدان راحات راق دیر

***

اورداکی جوشغون و آزاده أوره گین قانی

بیر فاحیشه نین

اَنلیک-کیرشانیندان أوجوز راقدیر

من اوردا هئچ قالانمارام

***

چیغیرماقدان

سس سیز و سمیر سیز بیر کیشی!

***

علیرضا ذیحق

[t.s.m.t]

qurbətdə qərib şadiman olmaz imiş

il onla şəfiqü mehriban olmaz imiş

altın qəfəs içrə gər qızıl gül bitsə

bülbül ğə tıkan tək aşiyan olmaz imiş

امیرعلیشیر نوایی

[t.s.m.t]

ائي آقالار ! دونيا ايجاد اولاندا
" آدم صفي آللاه " ، قوشا يازيلدي
قودرت قلميني قاشا قوياندا
هر كيمين قيسمتي قاشا يازيلدي

بيري سولطان اولوب ، بيري سركرده
بيري بازرگاندير ، سئير-و سفرده
بيري عؤمور بويو ، چولقاشار درده
بيريسي خان ، بيري پاشا يازيلدي

داغلار دامانيندا يورد سالار ائللر
قاينايار بولاقلار ، بولانار سئللر
اؤردَه يه گؤل يازيب ، جئيرانا چؤللر
آسلانين مسكني مئشه يازيلدي

مؤشگولده قالاندا چاغير آللاه´ي
آچيقدير هميشه تاري درگاهي
قورآن`ين زينتي ، او بسم اللهي
آيه لر گله نده باشا يازيلدي

« ريضا » دييَه‏ ر بير گون كَسيله‏ ر روزوم
اَجليم يئتيشه ‏ر ، باغلانار گؤزوم
دوشه‏ ر آغيزلارا غوصصه‏ لي سؤزوم
دييَه‏ رلر كي : آدي داشا يازيلدي

« آشيق ريضا باهارلي »

[ali_86]

Bu gün sənin doğum günün

Xəyalımda bir quş olub sənə tərəf gələcəyəm

əlimdəki çiçəkləri gülüm sənə verəcəyəm

bügün sənin doğum günün belənçi bir şirin günü

bütün vucudumla gözəl sənə təbrik diyəcəyəm

ayrılıqdan gözüm yaşdı sənsizlikdən ürək qandı

ürəyimdə mən ağlayıb üzdə sənə güləcəyəm

əgər bütün aləm bügün gözəl səndən gözəl olsa

mənim gözümdə tək sənsən yalnız səni sevəcəyəm

əgər məni əfv etməsən ömrüm bitincə yar ınan

məni qoyub gedən yerdə sənin üçün dözəcəyəm

səni sevdim özüm üçün ayrılmışam sənin üçün

həsrətində mən yaşayıb xəyalında oləcəyəm


şair : Vəhid Şükürzadə

بوگون سنین دوغوم گونون

خیالیمدا بیر قوش اولوب ، سنه طرف گله جه یم

الیمده کی چیچک لری ، گولوم سنه وئره جه یم

بوگون سنین دوغوم گونون ، بئلنچی بیر شیرین گونو

بوتون ووجودوملا گوزل ، سنه تبریک دییه جه یم

آیریلیقدان گؤزوم یاشدی ، سنسیزلیکدن اورک قاندی

اوره ییمده من آغلاییب ، اوزده سنه گوله جه یم

اگر بوتون عالم بوگون ، گوزل سندن گوزل اولسا

منیم گؤزوم ده تک سنسن ، یالنیز سنی سئوه جه یم

اگر منی عفو ائتمه سن ، عومروم بیتینجه یار اینان

منی قویوب گئدن یئرده ، سنین اوچون دؤزه جه یم

سنی سئودیم اؤزوم اوچون ، آیریلمیشام سنین اوچون

حسرتینده من یاشاییب ، خیالیندا اوله جه یم


شاعیر : وحید شکرزاده