آذری شعرلری

[t.s.m.t]

Pərdə üzündən götürdü həq təmam,
Gəl həqin didarını gör, vəssəlam.
Çıxdı ərşüllah, xətm oldu kəlam,
Gəncini faş eylədi beytülhəram.

İMADƏDDİN NƏSİMİ

[t.s.m.t]

Mən əzəldən məstü sərxoş gəlmişəm,
Xızra su, Musayə atəş gəlmişəm,
Lövhi-məhfuzəm, münəqqəş gəlmişəm,
Çarü pəncü həft ilə şeş gəlmişəm.

İMADƏDDİN NƏSİMİ

[t.s.m.t]

Mən vücudi-mütləqəm, mütləq derəm,
Həq tanıqdır, həq bilir kim, həq derəm,
Küntə-kənzin sirrini müğləq dərəm,
Eylədi barmağilə ay şəq derəm.

İMADƏDDİN NƏSİMİ

[t.s.m.t]

Mən əzəldən eşq ilə pir olmuşam,
Gah iki anınla, gəh bir olmuşam,
Əhsəni-surətdə təxmir olmuşam,
Qadirəm hər əmrə, təqdir olmuşam.

İMADƏDDİN NƏSİMİ

[t.s.m.t]

Bulmuşam həqqi, ənəlhəq söylərəm,
Həq mənəm, həq məndədir, həq söylərəm.
Gör bu əsrarı nə müğləq söylərəm,
Sadiqəm qövlümdə, səddəq söylərəm.

İMADƏDDİN NƏSİMİ

[t.s.m.t]

Çün əzəldən ta əbəd baqi mənəm,
Kün-fəkanın xəlqü xəllaqi mənəm,
Vəhdətin bəzmində çün saqi mənəm.
Ənfüsun ayatü afaqi mənəm.

İMADƏDDİN NƏSİMİ

[t.s.m.t]

Rövzeyi-rizvan üzündür, vəssəlam,
Surəti-rəhman üzündür, vəssəlam,
Ərşi-həq, ey can, üzündür, vəssəlam,
Lövh ilə Quran üzündür, vəssəlam!

İMADƏDDİN NƏSİMİ

[t.s.m.t]

Səcdəəmrin tutmayan şeytani-şum,
Həq yaratmış ani min narəssəmum,
Gəlmədi şeytanə çün həqdən ülum
Ol cəhulin adıdır həqdən zilum.

İMADƏDDİN NƏSİMİ

[t.s.m.t]

Surətin nəqşində heyran olmuşam.
Vəslinə ulaşalı can olmuşam.
Əqlə sığmaz gənci-pünhan olmuşam,
Laməkan təxtində sultan olmuşam.

İMADƏDDİN NƏSİMİ

[t.s.m.t]

Fəzli-həqdən mən hidayət bulmuşam,
Surətin nəqşini ayət bulmuşam,
Mərtəbə aləmdə qayət bulmuşam,
Ol səbəbdən mən vilayət bulmuşam.

İMADƏDDİN NƏSİMİ