آذری شعرلری

[t.s.m.t]

Bənzəmiş mahi-hilalə qaşların,
Başladı məkr ilə alə qaşların,
Aşiqə oldu həvalə qaşların,
Qəsd edər ki, canı ala qaşların.

İMADƏDDİN NƏSİMİ

[t.s.m.t]

Sehr ilə qurub kamanı qaşların,
Canımı qıldı nişanı qaşların,
Tökdü nahəq yerə qanı qaşların,
Yoxmudur, insafı, qanı qaşların?

İMADƏDDİN NƏSİMİ

[t.s.m.t]

Seyd edər səyyadi-candır gözlərin,
Fitneyi-axirzamandır gözlərin,
Bildilər kim, biamandır gözlərin,
Dilə gəlməz dilsitandır gözlərin.

İMADƏDDİN NƏSİMİ

[t.s.m.t]

Mənə ol dəm naz ilə baxdı gözün,
Hicr oduna canımı yaxdı gözün,
Adımı məlamətə taxdı gözün,
Razimi aləmlərə çaxdı gözün.

İMADƏDDİN NƏSİMİ

[t.s.m.t]

Tiz edər canıma xəncər kirpiyin,
Qıldı dil mülkun müsəxxər kirpiyin,
Hökm ilə xunrizü kafər kirpiyin,
Aləmi dutdu sərasər kirpiyin.

İMADƏDDİN NƏSİMİ

[t.s.m.t]

Bir xədəng atdıqda yarə, kirpiyin,
Min cigər dilər ki, yara kirpiyin.
Bağrıma çox vurdu yara kirpiyin,
Yaxındır kim, yara, yara, kirpiyin.

İMADƏDDİN NƏSİMİ

[t.s.m.t]

Aşiqin canına batar kirpiyin,
Sehr oxunu daim atar kirpiyin,
Ləşkəri-yəğmaçı tatar kirpiyin.
Aləmi bir heçə satar kirpiyin.

İMADƏDDİN NƏSİMİ

[t.s.m.t]

Can kimi sirri nihandır ağzının,
Varlığı dəxi gümandır ağzının,
Abi-kövsər Xızrı candır ağzının.
Nitqi dür kimi əyandır ağzının.

İMADƏDDİN NƏSİMİ

[t.s.m.t]

Canıdır çün abi-heyvan ağzının,
Zindəsidir cism ilə can ağzının.
Nitqidir dərdimə dərman ağzının,
Yeri var canımda pünhan ağzının.

İMADƏDDİN NƏSİMİ

[t.s.m.t]

Nafeyi-çinü Xətadır bənlərin,
Daneyi-dami-bəladır bənlərin,
Məcməri-şəmi-səfadır bənlərin,
Mülki-Ruma padişadır bənlərin.

İMADƏDDİN NƏSİMİ