آذری شعرلری

[t.s.m.t]

Həşrü nəşrin afitabidir üzün,
Saətin yovmül-hesabidir üzün,
Cənnətin şəmü şərabidir üzün,
Rövzənin hüsnül-məabidir üzün.

İMADƏDDİN NƏSİMİ

[t.s.m.t]

Həqq əyan oldu, gəlin, həqqi görün!
Həqqi batildən seçin, fərqi görün!
Bədrimin üzündəki şəqqi görün!
Aləmǝ sığmaz ənəl həqqi görün!

İMADƏDDİN NƏSİMİ

[t.s.m.t]

Həqq əyan olduvü getdi şirkü şək.
Vahidin yoxdur şəriki, müştərək.
Çox zaman keçdiyü çox gəzdi fələk.
Səndə gördü mədəni-hüsni-nəmək.

İMADƏDDİN NƏSİMİ

[t.s.m.t]

Şəmi-tovhidi-hidayətdir üzün.
Surəti-həqdən kinayətdir üzün.
Bibidəyət, binəhayətdir üzün,
Həm nəhayət, həm bidayətdir üzün.

İMADƏDDİN NƏSİMİ

[t.s.m.t]

Surəti-həqdən işarətdir üzün,
Əhli-tovhidə bəşarətdir üzün,
Həccü ehramü ziyarətdir üzün,
Cümləəşyadan ibarətdir üzün.

İMADƏDDİN NƏSİMİ

[t.s.m.t]

Aşiqə iman ilə dindir üzün.
Bir adı bütxaneyi-Çindir üzün.
Əbcədü tahavü yasindir üzün,
Ərşü kürsi Turisinindir üzün.

İMADƏDDİN NƏSİMİ

[t.s.m.t]

Aşiqin beytülhəramidir üzün,
Arifin Darüssəlamidir üzün,
Əhli-imanın imamidir üzün,
Dünyəvi üqba tamamidir üzün.

İMADƏDDİN NƏSİMİ

[t.s.m.t]

Eşqin əhli bisərü saman gərək,
Dostu üçün zarü sərgərdan gərək.
Hər kimə kim, mülki-cavidan gərək,
Fitnə qaşın yayına qurban gərək.

İMADƏDDİN NƏSİMİ

[t.s.m.t]

Fəzli-həqqin "Cavidanidir" üzün,
Aləmin doğru nişanidir üzün.
Əhli-erafə məanidir üzün,
Bütpərəstin şami-xanidir üzün

İMADƏDDİN NƏSİMİ

[t.s.m.t]

Qibleyi-ərbabi-taətdir üzün.
Nüsxeyi-işrət, saətdir üzün,
Sanei-süni-sənaətdir üzün,
Gör necə yovmi-şəfaətdir üzün.

İMADƏDDİN NƏSİMİ