آذری شعرلری

[t.s.m.t]

Qaşların kim, qayət əla tağ imiş,
Ruh anın meracına müştaq imiş,
Surətin kim, məzhəri-xəllaq imiş,
Kəbeyi-can qibleyi-üşşaq imiş.

İMADƏDDİN NƏSİMİ

[t.s.m.t]

Aşiqin adı nədən abdal imiş,
Anda kim, hərfi həmişə dal imiş,
Hərfi dal olmuş, vücudun tanımış,
Kim ki, bildi nəfsini abdal imiş.

İMADƏDDİN NƏSİMİ

[t.s.m.t]

Surətin tahavü həm yasin imiş,
İki qaşın sureyi-ta sin imiş.
Tur imiş üzün, dişin vəs-sin imiş,
Həq dedi arif səni ol çin imiş.

İMADƏDDİN NƏSİMİ

[t.s.m.t]

Arizin, zülfün sabahü şam imiş,
Xoş ləyalü qutlu bir əyyam imiş.
Bilhüvəl Qurani üzün nam imiş,
Həqqi tanı favü zadü lam imiş.

İMADƏDDİN NƏSİMİ

[t.s.m.t]

Həq təalanın kitabı Tur imiş,
Cümləəşyada gözün mənzur imiş,
Həqqi bilən aləmə məşhur imiş,
Həqq ilə beyti anın məmur imiş.

İMADƏDDİN NƏSİMİ

[t.s.m.t]

Adəmin vəchi kəlamüllah imiş,
Surətin lövhi sifatüllah imiş,
Ləblərin cami məsihüllah imiş,
Xilqətin təvili Fəzlüllah imiş.

İMADƏDDİN NƏSİMİ

[t.s.m.t]

Çünki, Səlman oğlu usta var imiş,
Hasili güldən cahanda xar imiş,
Həqqə yarəm der, vəli əğyar imiş,
O yalançıdan xuda bizar imiş.

İMADƏDDİN NƏSİMİ

[t.s.m.t]

Çün üzündən cümləəşya oldu faş,
Bəşrəna tüccar qəd cahəl məaş.
Axirət bazarıdır yoxdur savaş,
Həq kərimdir alana verir bəlaş.

İMADƏDDİN NƏSİMİ

[t.s.m.t]

Əhli-irfanın məqami Qaf imiş,
Arifi-rəbb, arifi-eraf imiş,
Bilməyən ol qafi sözü laf imiş,
Özünü bilən kişi sərraf imiş.

İMADƏDDİN NƏSİMİ

[t.s.m.t]

Ey üzün ol lövh kim, məhfuz imiş
Hər zaman bu növ ilə məlfuz imiş,
Ənbiya bir nöqtədən məhşuz imiş,
Bu xəbər iblisdən məhfuz imiş.

İMADƏDDİN NƏSİMİ