آذری شعرلری

[t.s.m.t]

Bir əcaib şahə düşdü könlümüz,
Üzü bədrü mahə düşdü könlümüz,
"Qül kəfi billahə" düşdü könlümüz,
Məzhəri-allahə düşdü könlümüz.

İMADƏDDİN NƏSİMİ

[t.s.m.t]

Nagəhan bir şahə düşdü könlümüz,
Üzü bədrü mahə düşdü könlümüz,
Taki Fəzlullahə düşdü könlümüz,
Uş həqiqi rahə düşdü könlümüz.

İMADƏDDİN NƏSİMİ

[t.s.m.t]

Pərdə üzündən götürdü mahimiz,
Həqdən oldu, həqqə doğru rahimiz,
Surətü mənidə həqdir şahimiz,
Dinlə laila-illəllahimiz.

İMADƏDDİN NƏSİMİ

[t.s.m.t]

Ey camalın surəti-rəhmanimiz,
Ey dodağın çeşmeyi-heyvanimiz,
Qaşlarındır razi-sübhanəlləzi,
Ey vüsalın şərbəti imanimiz.

İMADƏDDİN NƏSİMİ

[t.s.m.t]

Məğribü məşriqdən oldu seylimiz,
Yeddi ulduz, on iki bürc əslimiz,
Bistü həştü sivü düdür nəslimiz,
Fəzli-həqdən oldu babü fəslimiz.

İMADƏDDİN NƏSİMİ

[t.s.m.t]

Sənsiz, ey can, könlüm aram eyləməz,
Can yanar, səbr, ey dilarəm, eyləməz.
Ləlini dövlət mana ram eyləməz,
Neyçün, ey sərvi-güləndam, eyləməz.

İMADƏDDİN NƏSİMİ

[t.s.m.t]

Üç yüz altmış gündürür dövranımız,
Altı gəz altmış olur ey canımız,
Şeş cəhətdən baxıcaq hər vəch ilə,
Görünür bu məfsəli-insanımız.

İMADƏDDİN NƏSİMİ

[t.s.m.t]

Yeddi göz yeddi olur hər yeddimiz,
İstiva keçdik səkkizdir yeddimiz,
Gər kəlamüllaha eylərsən nəzər,
Əlli olur hərfi nüktə yedimiz.

İMADƏDDİN NƏSİMİ

[t.s.m.t]

Gəl rizasın istə həqqin hər nəfəs,
Çünki, həqdir yar iki aləmdə bǝs.
Dünya məhmildir, anın dövrü cərəs,
Uçacaq can quşu, boş qalır qəfəs.

İMADƏDDİN NƏSİMİ

[t.s.m.t]

İndəhü elmül-kitab, ol mah imiş,
Qül kəfi billah Fəzlullah imiş.
Qibləsi aşiqlərin ol şah imiş,
Səcdədən başın çəkən gümrah imiş.

İMADƏDDİN NƏSİMİ