آذری شعرلری

[t.s.m.t]

Sureyi-nuri-düxandır zülfi-yar,
Yəni küfr ilə imandır zülfi-yar.
Nəəcəb gənci-nihandır zülfi-yar,
Aşiqə elmi-bəyandır zülfi-yar.

İMADƏDDİN NƏSİMİ

[t.s.m.t]

Dilbərin xətti güli xəndanidir,
Şol mütərra sünbüli reyhanidir.
Can əgǝr təndən rəvan ola nə qəm
Əhdi-eşqin canı çün cananidir.

İMADƏDDİN NƏSİMİ

[t.s.m.t]

Dust Leylivü könül Məcnundur.
Fitnəli qaşına can məftundur.
Yar vəslin almayan can nəqdinə,
Eşq bazarında key, məğbundur.

İMADƏDDİN NƏSİMİ

[t.s.m.t]

Çün cəmalın məhşərin gülzaridir.
Hovzü kövsər bəs dodağın yarıdır.
Hər kim olsa vəsli-hüsnündən cüda,
Ona firqət bəs cəhənnəm naridir.

İMADƏDDİN NƏSİMİ

[t.s.m.t]

Pərdə çəkmiş ara yerdə pərdədar.
Pərdə içindən bəri bax gör nə var.
Adəmi gör, adəmi bil, adəmi.
Adəmin əsrarını bilməz dəvar.

İMADƏDDİN NƏSİMİ

[t.s.m.t]

Sivü du dəndan çü dürri-abidar,
Ləblərin abında heyvan suyu var.
Xızrını zində qılıbdır bu nigar,
Könlümüz çün susadı ləbdən suvar.

İMADƏDDİN NƏSİMİ

[t.s.m.t]

Fəsli-həqdir vaqifi-əsrarımız,
Fəzli həqdəndir qamu ənvarımız.
Fəzli-həq göstərmiş idi karımız.
Fəzli-həqdir, fəzli-həq memarımız.

İMADƏDDİN NƏSİMİ

[t.s.m.t]

Favü zadü lamə düşdü könlümüz,
Kəbəvü ehramə düşdü könlümüz.
Eşqi-biəncamə düşdü könlümüz,
"Cavidani-namə" düşdü könlümüz.

İMADƏDDİN NƏSİMİ

[t.s.m.t]

Favü zadü lamə düşdü könlümüz,
Gördü eyni camə düşdü könlümüz.
Sünbülün tək damə düşdü könlümüz,
Arizuyi-xamə düşdü könlümüz.

İMADƏDDİN NƏSİMİ

[t.s.m.t]

Favü zadü lamə düşdü könlümüz,
Nərgisi tək camə düşdü könlümüz,
Sünbülündən şamə düşdü könlümüz,
Danə gördü, damə düşdü könlümüz.

İMADƏDDİN NƏSİMİ