آذری شعرلری

[t.s.m.t]

Könlümüz bir yar əlindən xəstədir,
Gözü qara, qaşları peyvəstədir.
Naz edərsə nazını çəkmək gərək,
Can fəda qılmaq gərək, növrəstədir.

İMADƏDDİN NƏSİMİ

[t.s.m.t]

Şəmi rüxünə günəş pərvanədir,
Tən sədəfdir, surətin dürdanədir.
Nüğli-mey ləlin, gözün peymanədir,
Məsti-eşqin məscidü meyxanədir.

İMADƏDDİN NƏSİMİ

[t.s.m.t]

Fitnənin başı gözün sevdasıdır,
Şurü şər hüsni-rüxun qovğasıdır.
Kövsərin xəmri ləbin səhbasıdır,
İndi dişin lölöi-lalasıdır.

İMADƏDDİN NƏSİMİ

[t.s.m.t]

Saçların qədrü bəratın leylidir,
Aşiqin Məcnunü hüsnün Leylidir.
Həmdəmim daim xəyalın xeylidir,
Surətin sövmü salatin keylidir.

İMADƏDDİN NƏSİMİ

[t.s.m.t]

Əqrəb oldu aləmin xəlqivü mar,
Fitnə yayıldı əla qomüş-şərar.
Qandadır bir ari batin, doğru yar?
Qanı insafü mürüvvət, kimdə var?

İMADƏDDİN NƏSİMİ

[t.s.m.t]

Saqiya, mən sərxoşam, yarım gətir,
Bir qədəh çün dərkəşəm, yarım gətir.
Neylərəm mən sənsizin canü cahan,
Həsbətən lillah sana ranım gətir.

İMADƏDDİN NƏSİMİ

[t.s.m.t]

Fitnədir eynin, üzün şəmsü qəmər,
Fitneyi-dövrü qəmərsən bəs məgər?
Surətin həqdir, budur həqdən xəbər,
Söyləyən həqdir, vəli, adı bəşər.

İMADƏDDİN NƏSİMİ

[t.s.m.t]

Şol qaşı çaçı büti-məhvəş gəlir,
Kirpik oxundan dolu tərkəş gəlir.
Həq meyindən gözləri sərxoş gəlir,
Kirpiyi, qaşı hesabı şeş gəlir.

İMADƏDDİN NƏSİMİ

[t.s.m.t]

Ey saçın hər tarına min can əsir,
Surətin yektavü adın binəzir.
Surətin yazusu reyhan, həq dəbir,
Həm səmiü bibədəlsən, həm bəsir.

İMADƏDDİN NƏSİMİ

[t.s.m.t]

Yeddidir, dörd yeddidən bir yeddidir,
Yüz igirmi dörd yenə üç yeddidir.
Evi bir, bacası yeddi, babı üç,
Əhli beyt ilə özü on yeddidir.

İMADƏDDİN NƏSİMİ