آذری شعرلری

[t.s.m.t]

Surətin nəqşində qıldı həq zühur,
Üştə müshəf gəl oxu allah nur,
Zülfü rüxsarındadır həşri nüşur,
Ey boyu tuba, üzü cənnati hur.

İMADƏDDİN NƏSİMİ

[t.s.m.t]

Mahımın üzündən oldu pərdə dur,
Gəldi həqdən ayəti-allah nur,
Ey xətü xalın təcəlli, üzün Tur,
Surətin mənisidir cənnati hur.

İMADƏDDİN NƏSİMİ

[t.s.m.t]

Bil vücudun kim, Süleyman təxtidir,
Həm imarət qıl ki, sultan təxtidir.
Cismini yoğurdu çün can təxtidir,
Həq qatında həşrü mizan təxtidir.

İMADƏDDİN NƏSİMİ

[t.s.m.t]

Ləbinə ləli-canfəza dedilər,
Sormuşam, dərdimə dəva dedilər.
Qamətin balası bəla dedilər,
Bizləri ona mübtəla dedilər.

İMADƏDDİN NƏSİMİ

[t.s.m.t]

Ey günəş surətli, yari-dilpəzir,
Tələtindən utanır bədri-münir.
Neyləyim ki, mən fəqirəm, sən əmir,
Həsrətindən ürəyim hər dəm ərir.

İMADƏDDİN NƏSİMİ

[t.s.m.t]

Surətin müshəfdir, ey bədri-münir,
Xilqətin sər ta qədimdir dilpəzir,
Əhli-ürfan ol, nəəshabi-sərir
Bil ki, həqdir həm səmiü həm bəsir.

İMADƏDDİN NƏSİMİ

[t.s.m.t]

Ay ilə günəş üzün heyranıdır,
Mişk iləənbər saçın tərxanıdır,
Çün Nəsimi aləmin sultanıdır,
Dövr anın, dövran anın dövranıdır.

İMADƏDDİN NƏSİMİ

[t.s.m.t]

Ey iki aləmdə hüsnün binəzir,
Fitnəli qaşın kamandır, qəmzə tir.
Ənbərin zülfün tozundandır əbir,
Məhşər oldu, qopdu hüsnündən nəfir.

İMADƏDDİN NƏSİMİ

[t.s.m.t]

Həqqə yar ol, ey könül, yar ol, yetər,
Həqqi çün yar eylədin, var ol, yetər,
Nurə nur ol, narə ol nar ol, yetər
Adəmə oldur səzavar, ol yetər.

İMADƏDDİN NƏSİMİ

[t.s.m.t]

Ey hərami gözlərin yəğmaçılar.
Kəbə üzündür, məlaik hacılar.
Eşqinə ümmət olandır nacilər,
Vey dodağından xəcil həlvaçılar.

İMADƏDDİN NƏSİMİ