آذری شعرلری

[t.s.m.t]

Həq təala varlığı adəmdədir.
Ev onundur, ol bu evdə dəmdədir.
Bilmədi şeytan bu sirri, qəmdədir,
Ol səbəbdən ta əbəd matəmdədir.

İMADƏDDİN NƏSİMİ

[t.s.m.t]

Gər hǝq oldun, həq sifatın qandadır?
Həq süfat ol, gör ki, zatın qandadır?
Gər mühit oldun cəhatın qandadır?
Ey Kəmax, axər Fəratın qandadır?

İMADƏDDİN NƏSİMİ

[t.s.m.t]

Cövhəri-fərd adəmin kanındadır,
Küntə kənzən adəmin şanındadır.
Gərçi şeytan adəmin qatındadır,
Sirri-əsma adəmin canındadır.

İMADƏDDİN NƏSİMİ

[t.s.m.t]

Aşiqin seyranı ol aləmdədir,
Bilməyən ol aləmi matəmdədir,
Küntə kənzin cövhəri adəmdədir,
Adəm ol meydir ki, cami-Cəmdədir

İMADƏDDİN NƏSİMİ

[t.s.m.t]

İsanin əsli bilən Məryəmdədir,
Həq Süleyman hakimi xatəmdədir.
On səkkiz min aləmin sirrin bilən,
Ol ləqəd kərrəm bəniadəmdədir.

İMADƏDDİN NƏSİMİ

[t.s.m.t]

Xeyli müddətdir ki, dərdin məndədir,
Dil sənə bir boynu bağlı bəndədir.
Saldı hicranın ayağımdan məni.
Sən bilirsən, indi mürvət səndədir.

İMADƏDDİN NƏSİMİ

[t.s.m.t]

Həq təalanın kəlamı nurdur,
Görməyən ol nuri həqdən durdur.
Çün ənəlhəǝq söyləyən Mənsurdur,
Gəldi İsrafil əlində surdur

İMADƏDDİN NƏSİMİ

[t.s.m.t]

Həq sözün gör ki, necə dürdanədir,
Həq sözünü bilməyənlər da nədir?
Cahilü nadan nə bilsin danə dür.
Danəyi dana bilir kim, danədir.

İMADƏDDİN NƏSİMİ

[t.s.m.t]

Dutdu üzündən cahanı cümlə nur.
Həq hidayət etdi Mehdidən zühur.
Endi İsa, gəldi Musa, doldu nur,
Zahir oldu möminə cənnəti hur.

İMADƏDDİN NƏSİMİ

[t.s.m.t]

Hər nə kim təqdiri-yəzdani qılır,
Eyni hikmətdir, həq ərzani qılır,
Şah iki aləmdə sultanı qılır,
Hər nə kim könlü dilər, anı qılır.

İMADƏDDİN NƏSİMİ