آذری شعرلری

[t.s.m.t]

Ey camalın kafü hey, yey, eynü sad,
Məniyi ya sin saçında müstəfat.
Qəddi min-Tuba, əya huri nicat,
Səcdeyi-vəchində meracil-ibat.

İMADƏDDİN NƏSİMİ

[t.s.m.t]

Gəl, mühiti-eşqə bir gəz dala gör,
Vəhdətin dürrün içindən ala gör.
Adəmǝ qıl səcdə, kibri sala gör,
Olma şeytan, düşmə məkrü ala gör.

İMADƏDDİN NƏSİMİ

[t.s.m.t]

Qaşların yayı məni qurban edər.
Surətin nəqşi könül heyran edər,
Gör bu qüdrət möcüzü yəzdan edər,
Cümləəşya səndə uş seyran edər.

İMADƏDDİN NƏSİMİ

[t.s.m.t]

Abü xaki eylədi çün həq xəmir,
Ərşini xəlq eylədi yəni sərir,
Hüsnünü şah eylədi, eşqi əmir
Aşiqü məşuq ilə eşq oldu bir.

İMADƏDDİN NƏSİMİ

[t.s.m.t]

Yar əlindən çün meyi-dilkəş gǝlir,
İçəlim, həqdən nə gəlsə xoş gəlir.
On səkkiz min aləmin sirrin bilən
Kəbəteyni atacaq se şeş gəlir.

İMADƏDDİN NƏSİMİ

[t.s.m.t]

Çün həqi hər yerdə aydırsan ki, var,
Səndə bəs həq var imiş, həq səndə var.
Ənbiyanın sirrini bilməz davar,
Qismət olmaz divə rahi-xoşgüvar.

İMADƏDDİN NƏSİMİ

[t.s.m.t]

Çox zaman keçdivü çox gəzdi mədar,
Səndən özgə görmədi bir doğru yar.
Hər kimin mənzuru sənsən, ey nigar,
Cənnəti-əladadır leylü nəhar.

İMADƏDDİN NƏSİMİ

[t.s.m.t]

Həq təalanın kəlamı səndədir,
Favü zad ol bil ki, lamı səndədir.
Rövşənin darüssəlamı səndədir.
Gör kəlami həm səlami səndədir.

İMADƏDDİN NƏSİMİ

[t.s.m.t]

Gəl ki, sənsən ərşü kürsi səndədir,
Bistü həştü sivü düsi səndədir,
Ey Məsiha, ruhi-qüdsi səndədir.
Həqmisən, yoxsa ki, əksi səndədir?

İMADƏDDİN NƏSİMİ

[t.s.m.t]

Ey könül, həq səndədir, həq səndədir,
Söylə həqqi kim, ənəlhəq səndədir,
Nuri mütləq, zati mütləq səndədir.
Müshəfin hərfi mühəqqəq səndədir.

İMADƏDDİN NƏSİMİ