آذری شعرلری

[t.s.m.t]

Doğdu Məğribdən günəş, endi Məsih,
Burğu çalındıvü həşr oldu səhih.
Keç kinayətdən ki, rəmz oldu sərih,
Gör ki, müstəhsənmisən, yoxsa qəbih?

İMADƏDDİN NƏSİMİ

[t.s.m.t]

Saqiyi-gülrüx əlindən bir qədəh
İç pərişan xatirin olsun fərəh.
Mey həram isə həqin nitqi həlal,
Qamu məzhəbdə budur qövlü əsəh.

İMADƏDDİN NƏSİMİ

[t.s.m.t]

Dalmışam şol bəhrə kim, payanı yox,
Düşmüşəm şol rəncə kim, xüsranı yox.
Görmüşəm şol bədri kim, nüqsanı yox.
Bulmuşam şol gənci kim, viranı yox.

İMADƏDDİN NƏSİMİ

[t.s.m.t]

Dərdinə aşiqlərin dərmanı yox,
Zərqi çox zahidlərin, imanı yox,
Canına hey der və leykən canı yox,
Əhdinə sabit deyil, peymanı yox.

İMADƏDDİN NƏSİMİ

[t.s.m.t]

Könlümü yəğmaladı şol alı çox
Şol qızıl gül, rəngi gülgyn, alı çox,
Zülfünün sirri uzundur, halı çox,
Şol şəkər sözlü dodağın balı çox.

İMADƏDDİN NƏSİMİ

[t.s.m.t]

Ey boyun tuba, üzün darül-xülud,
Hüsnünə xurşidü mah eylər sücud.
Taleyin mülkündə cəm oldu səüd
Sivü du nuri-xuda, yek nur bud.

İMADƏDDİN NƏSİMİ

[t.s.m.t]

Ey camalın qülhüvəllahi-əhəd,
Surətin yazusu allahü-səməd,
Bir ucu zülfün əzəl, biri əbəd,
Hüsnünə şeytan imiş mən-la-səcəd.

İMADƏDDİN NƏSİMİ

[t.s.m.t]

Kim ki, oldu taleyi həqdən səid,
Olmadı şeytan kimi adı mərid,
Kim ki, nəfsin görmədi həqdən bəid,
Gecəsi qədr olduvu əyyami eyd.

İMADƏDDİN NƏSİMİ

[t.s.m.t]

Ey saçın məhşər, üzün darül-xülud,
Kəbə üzünə qılır aləm sücud.
Ey saçın buyi əbirü mişkü ud,
Çıxdı eşqin atəşindən çərxə dud.

İMADƏDDİN NƏSİMİ

[t.s.m.t]

Ey əzəl nuri-camalın ta əbəd,
Məndə nəqş oldu xəyalın ta əbəd.
Biğürub oldu həlalın ta əbəd.
Ey günəş, yoxdur zəvalın ta əbəd.

İMADƏDDİN NƏSİMİ