آذری شعرلری

[t.s.m.t]

Ey saçın "vəlleyl", üzün "vəzzüha",
Surətin şənində gəldi "qül kəfa".
Ey saçından çün əyan oldu mana,
Sirri-ərrahman ələl-ərş-istiva.

İMADƏDDİN NƏSİMİ

[t.s.m.t]

Eşq ilə gəldi cəmiyi-ənbiya,
Eşqdir seyrü süluki-övliya.
Eşq ilə yola girərlər biriya,
Eşq ilə vasil olurlar tanrıya.

İMADƏDDİN NƏSİMİ

[t.s.m.t]

Ey üzün min-indəhü elmül-kitab,
"Qül kəfa" gəldi cəmalından xitab.
Surətin həqdir, götür həqdən niqab,
Həq budur, vəllahi-aləm-bissəvab.

İMADƏDDİN NƏSİMİ

[t.s.m.t]

Ey camalından münəvvər afitab,
Düşdü hüsnün pərtövündən ayə tab.
Kirpiyin, zülfün, qaşın ümmül-kitab,
Oldu üzündən əyan yövmül-hesab

İMADƏDDİN NƏSİMİ

[t.s.m.t]

Ey saçın dövründə məstur afitab,
Vey üzün aləmdə məşhur afitab,
Utanır hüsnündən, ey hur, afitab,
Səndən oldu məstü məxmur afitab.

İMADƏDDİN NƏSİMİ

[t.s.m.t]

Ey qəmər üzlü, götür həqdən niqab
Kim, üzündə rövşən oldu afitab.
Arada munca nədəndir bu hicab?
Şərh edər "min indəhü" ümmül-kitab.

İMADƏDDİN NƏSİMİ

[t.s.m.t]

Ey məlik, mülkündə vəchin afitab,
Ey boyu sidrə, rüxün ümmül-kitab.
Düşdü canə atəşi-hicrində tab,
Şövqi-eşqin bağrımı qıldı kəbab.

İMADƏDDİN NƏSİMİ

[t.s.m.t]

Ey özündən bixəbər, qafil qərib,
Bilməmişsən sirri-əsrari-əcib.
Olmasın bu sirrə məhrəm hər rəqib,
Həmçinin pünhan gərək razi-həbib.

İMADƏDDİN NƏSİMİ

[t.s.m.t]

Canımın cananəsi sənsən, həbib,
Xubların fərzanəsi sənsən, həbib,
Küntə-kənzin xanəsi sənsən, həbib
Vəhdətin dürdanəsi sənsən, həbib.

İMADƏDDİN NƏSİMİ

[t.s.m.t]

Bir-iki-üç gün cahandır cayigəşt,
Faida qılmaz, keçər çün dər güzəşt.
Dərd ilə sən özünü qılma məlul,
Şadiman ol, ta gəlincə həftü həşt.

İMADƏDDİN NƏSİMİ