آذری شعرلری

[t.s.m.t]

عشقینله گئرک حاصیل اولا،او،یوخدور

أوممیده گئرک ساحیله اولا،او،یوخدور

***

صبر ائیله دئییرسن کی، ایشین یاخشی اولار

قلب اولا،اونا قابیل اولا،او یوخدور

***

عین القضات میانه چی

[t.s.m.t]

چوخ میللت یوخ اولدو اولو دونیادان

هارادادیر سارایلار،مسجیدلر هاردا؟

***

عؤمور گئدیر الدن عیشرته جان آت

نعمته گؤز یومما فانی دیر حایات

***

خوش گونلرین ایپی الینه گئچجک

نعمته لاقید لیک حؤکموندن ال چک

***

شهاب الدّبن سُهره وَردی

[t.s.m.t]

ایللر گیزلتدیم اونو اغیاریدان مودام

وئریدم او شوخه گؤزلریم أوستونده یئر فقط

***

اول شوخ باخیشلی گؤزیاشیمین ساده طیفلی تک

گؤزدن یویوردو،أوز گؤزومه چیخدی عاقیبت

***

ابوالعُلی گنجوی

[t.s.m.t]

کؤنلوم چیخیب گئدیبدیر،بیلمم نه جور بلا وار
من کی عزیز توتاردیم،بس بوندا نه قضا وار؟

***
ظننیم چاتان مکاندان سوردوم،سوراغین ائتدیم
الدن دوشوب یورولدوم،بو یوللا چوخ جفا وار
***
هی آختاریب سوروشدوم،بیر تاپمادیم نیشانه
یارب اونون باشیندا نه گیزلی ماجرا وار؟
***
ائتدیم گومان کی بلکه قاچمیشدیر عشق الیندن
عشقه دوشوب او،یوخسا ظننیمده بیر خطا وار؟
***
سویموش مگر چئکیلدی،تورپاغا هوپدو،گئتدی
یا قوش اولوب او اوچدو،باشیندا نه هاوا وار؟
***
أوچ گون سوراعین ائتدیم،جار چئکدیم هر طرفده
اوندان بو هنده ورده نه صوت،نه صدا وار
***
کیمدیر خبر وئرن بیر یورغون غریب أورکدن؟
آیا بو دره آخیر بیر چاره،بیر دوا وار؟
***
دیل آچدی بیر اوشاق کی،خاقانی اولما غمگین
بیر آفتین تئلینده بیر قلبی موبتلا وار
***
افضل الدّین خاقانی شیروانی

[t.s.m.t]

دؤران سنی گؤندردی،نه خوررم گلدین

ای حوری ملک،سن منه همدم گلدین

***

هئچ فیکریمه گلمزدی سنی گؤررم من

هاردان یئل اسیب،دردیمه ملحم گلدین

***

مجیرالدّین بیله قانی

[t.s.m.t]

ظولمتلر الیندن قالماییب نیجات

بو سونسوز یوللاردا گؤرونمور نیجات
***
بلکه ده خیضر تک بیر نفر گلدی
وئردی بیزیم أوچون او،آبی حیات
***
محمد فلکی شیروانی

[t.s.m.t]

یوکسک حضورونا یئتمدیم بو گون

أوزروم وار،گوناهیم بوراسیندادیر

***

کؤنول گمیسینده فیکریمین نوحو

مدحین قاسیرغاسی اورتاسیندادیر

***

قیوامی متعرّزی

[t.s.m.t]

کویینده فلک دون گئجه گؤرجک منی سوردو

"کیم سالدی سنی بو حالا؟دور بیر منه گؤستر"
***
"یارین او خومار گؤزلری"دیندیم.دئدی :هیهات!
"چوخ سرخوش اولوبلار،سنی،قاچ،ئولدوره جکلر"

***
عزالدّین شیروانی

[bidastar]

بير الا گوزلو اوجا بويلي يارا يار اولموشام

جان ويروب ناز الميشام رسواي بازار اولموشام

نيلوم اخر يوخدي بو جاندان صورا ايري واريم

بير بو جاندور گون قباقنده قالان قار اولموشام

ائتمشم ازبر ادين ديلده اولوب غم موسيم

حسرتي ديلده نچه مين يول اولوب وار اولموشام

اولماسا بير كيمسه عاشق درك ائدنمز حاليمي

اديمي عاشق قويوب درده گرفتار اولموشام

جرئتيم يوخدور دييم منده دوغرچي عاشقم

وار بو قدري يانمشام مشتاق ديدار اولموشام

انتظارم گلسه والله خسته گوگلوم دينجلر

چاره ايلر درديمه چوخداندي بيمار اولموشام

خوش گونه حسرتدي گوگوم اولموشام غم دوستاقي

فرقتونده باتمشام ياسه عزادار اولموشام

ليلينون حسنيدي مجوني سالان چولدن چوله

منده عشقوه دوشوب چولدن چوله زار اولموشام

حكم ايدوب حام كه عاشق اولماقين چوخ جرمي وار

ذره قورخوم يوخ اگر منده گنهكار اولموشام

عشق اولا ماواده اتديم باش و جان سوداسيني

قورخوسور منصور تك اماده دار اولموشام

هوشمند اولماق يارين كوينده بيجا فيكريدور

ياره جان قوربان ديوب كوينده زوار اولموشام

[t.s.m.t]

Gəl ki, müştaq olmuşam didarına,
Vermişəm can zülfi-ənbərbarına,
Məhrəm etdin çün məni əsrarına,
Ey pəri, gəl çək məni bir darına.

İMADƏDDİN NƏSİMİ