آذری شعرلری

[ali_86]

یارین اولوب یاتمایین
ایشلری یوباتمایین
گون چیخیب وارلیق وئریر
داخی باش اویناتمایین
-
یا علی جانیم سنه اولسون فدا
"قل کفی" دیر شأنینه حقدن ندا
بو خطائی کؤنلونه قیلدی نزول
مرحبا ای شاه عالم مرحبا

[ali_86]

ساچلارينا بنزتميشم گئجه مي

اوزاق گزمه يانيما گل سئوگيليم
دوداغيندا ايتيرميشم سؤزومو
گولوشونله جانيمي آل سئوگيليم


سن او تايدا من بو تايدا آرالي
کؤنلوم درد ايلندن اولوب يارالي
يانيما گل آذربايجان مارالي
گولوشونله جانيمي آل سئوگيليم


کؤنلومده بو حسرن منه درد اولور
اوره ييمدن آخيب گؤزومه دولور
وئردييين گوللرين ايلمده سولور
گولوشونله جانيمي آل سئوگيليم


سن منيم چون يازيلماميش بير شعير
سطيرلر دينله نير سطيرلر دئيير
بو کلمه لر ماهني کؤينه يي گئيير
گولوشونله جانيمي آل سئوگيليم


بابکين شعرينده غم وار کدر وار
ووصالا چاتماغا مين بير تهر وار
هر گئجه سونوندا يقين سحر وار
گولوشونله جانيمي آل سئوگيليم

بابک قوجا اوغلودان

[ali_86]

تاریم منیم

سيزلايير احواليما صبحه قدر تاريم منيم
تكجه تاريم دير قارا گونلرده غمخواريم منيم

چوخ وفالي دوستلاريم واردير، يامان گون گلجه يين
تاردان اوزگه قالمايير يار وفاداريم منيم

يئر توتوب غمخانه ده، قيلديم فراموش عالمي
من تارين غمخواري اولدوم، تار غمخواريم منيم

گوزلريمه هر تبسم سانجيلير نئشتر كيمي
كيپريگي خنجردي، آه، اول بي وفا ياريم منيم

آسمان آلدي كناريمدان آي اوزلو ياريمي
ياش توكر اولدوز كيمي بو چشم خونباريم منيم

اي بو غملي كونلومون تاب و تواني، سويله بير
عهد و پيمانين نه اولدو، نولدو ايلغاريم منيم

"شهريار"م گرچي من سوز مولكونون سلطاني يم
گوز ياشيمدان باشقا يوخدور در شهواريم منيم

بودور دینیم منیم
سجده دیر هر یئرده بیر بت گؤرسم آئینیم منیـــــــــم
خواه کافر ، خواه مؤمن توت ، بـــــودور دینیم منیم

باغبان ، شمشاد و نسرینین منه عـرض ائتمه کیم ،
اول قد و رخسار دیر شمشـــاد و نســــــرینیم منیم .

خاک درگاهین نظـردن سورمـــــــه ای سیلاب اشک
قیلما ضایع سرمــــــــــه چشـــــــم جهــان بینیم منیم

اشک موجی گزدیرر هر یان تن خاشــــــــا کــــــیمی
ممکن اولماز اشک تحریکی له تمکینیــم منیـــــــــم

چاره اومدوم لعل شیــــرینین دن اشک تلخیمـــــــــه
اوندان آرتیق دیر مگر عشق ایچره تمکینیم منیم ؟

ای فضولی ، هــــــــــر یئتن طعن ائیلر اولدو حالیمه
بو یئتر اهل ملامت ایـــــــچره تحسینیـــــــــــم منیم

[t.s.m.t]

beylə bir dünyada ki xəlqə aman yox nə deyim
bir nəfəs çəkməgə asudə məkən yox nə deyim

baxıram hər yana ancaq görünür də"va-döyüş
bir uman yer ki gələ sülhə güman yox nə deyim

MƏCİD SƏBBAĞ İRANİ

بئیله بیر دونیادا کی خلقه آمان یوخ نه دئییم
بیر نفس چئکمگه آسوده مکان یوخ نه دئییم

باخیرام هر یانا آنجاق گؤرونور دعوا-گؤروش
بیر اومان یئر کی گله صولحه گومان،یوخ،نه دئییم

[t.s.m.t]

درد اهلیدی منیم پریم

سیررین بیلدیرمیه گئلمز
گؤزلریمدن یاشلار آخار
نئدن سیلدیرمیه گلمز؟

هر نه اولوب،منه اولوب
گول باشیما خوریاد اولوب
منیم کؤنلوم آغلار اولوب
پریم گولدورمیه گلمز

حیدر دئیر اولمادیم شاد
دیلدیم خودادان ایمداد
حاققی گؤرک قانلی جللاد
بیر یول ئولدورمیه گلمز

AŞIQ HEYDƏR

[t.s.m.t]

----------------

[ali_86]

بابام

بو آدام منیم بابام
سکیز کؤشه کاسکئتیله
اوموزوندا ساکوسویلا
...
جئبینده یوک پاراسی
بافرادیر سیگاراسی
یوره گینده بیر یاراسی
...
آلتی جوجوق بویوتموش
بیر ایشچی معاشیلا
بو آدام منیم بابام
...
آغلاما منیم بابام

آغلاما ناچار بابام
قارا گؤن گئچه ر بابام
...
بیر قاپینی قاپایان
گئری آچار بابام
الله بؤیوکدور بابام
...
بو آدام بنیم بابام
دردی داغلاردان بویوک
چاره سیز بئلی بوکوک
...
بیر گون اولسون گرلمه میش
راحات ندیر بیلمه میش
گؤز یاشینی سیلمه میش
...
بیر لقمه اکمه ک اوچون
کیمسه یه اییلمه میش
بو آدام بنیم بابام
...
آغلاما آسلان بابام
درد ائتمه ناچار بابام
قارا گون گئچه ر بابام
...
بیر قاپینی قاپایان
گئری آچار بابام
الله بویوکدور بابام
...
بنیم بابام مرد آدامدیر ، مانقال گیبی اوره یی ، یوفقا گیبی قلبی واردیر ، حیاتیم بویو اونا اوزندیم هئپ ، فداکاردی، بیر دیکیلی آغاجی اولمادی بلکی ، آما کندی سی اونورویلا یاشایان کوس کوجا چیناردی ، اوستومده کی کول کاناد ، سیرتیمی یاسلادیغیم داغ کیبی دی ، بن بابامین اوغلویام ، تپه دن دیرناغا ، آنادولویام

فاتح قیسسا بارماق

[ali_86]

طالعی خوش اینسان گلسه دونیایا
اونون گتیردیغی دوران گولرمیش
لقمان گلسه بیر خسته نین یانینا
خسته ساغالارمیش ، لقمان گولرمیش
..
هرکیمین دونیادا طالعی گولسه
سینه سیندن لعل و گوهر سوزولسه
ازاد گونلرینین قدرینی بیلسه
دوران سئوینرمیش ، زامان گولرمیش
..
سن هئچ واخ دونیادا گولمه بیر کسه
نامردلر ایسته ییر باسدیغین کسه
زمانه بد گلیب مردلر بودره سه
نامردلر ال آچیب یامان گولرمیش
..
غافل اولما کؤنول خوش گونلر آرا
عشقینی وئرگینه ن دوغما دیارا
بیر اوخ دوزگون گئدیب دیسه شیکارا
صیاد سئوینرمیش کمان گولرمیش
..
حسین سن داغلارین ذیروه سیندن آش
دؤیوش مئیدانینا هنرله یاناش
کمک ائیله مه سه قارداشا قارداش
کناردان ال آچیب دوشمن گولرمیش

عاشق حسین جوان

[ali_86]

بخته ور

چکیلیب قدرتدن قاشلارین گؤزل
کیمین اولاجاقسان یاری ، بخته ور؟
تؤکولوب گردنه ایپک ساچلارین
کیم هؤروپدو او ساچلاری بخته ور؟
..
ته زه جه غنچه دن چیخیب یاناغین
شوق سالیب گردنه بلور بوخاغین
نه شیرین دیر دیلین ، قایماق دوداغین
شان چکیبدی یقین آری بخته ور
..
سنین مرمر سینه ن کاغاذدان آغدی
باخیشین قلبیمده دؤیوندو ، داغدی
قوینون بیر باهاردی ، میوه لی باغدی
بئجه ریبسن شیرین باری بخته ور
..
ای دیرمی جمالین ، گون دور مو اوزون؟
سن سن می ایشیقی گئجه / گوندوزون؟
اویناتما قاشلارین ، سوزدورمه گؤزون
تنه وورما بیزه باری ، بخته ور
..
طبیعت دن نه گؤزل پای آلمیسان
اودور ائل ایچینده سن اوجالمیسان
گون کیمی دنیایه ایشیق سالمیسان
نورون توتوب هر دیاری بخته ور
..
گؤزلدیر دنیادا دوز ایلقار ، وفا
یار یارین یولوندا چوخ چکر جفا
یئتیشیب وصالا سورولر صفا
محکم اولسا دوز ایلقاری ، بخته ور
..
یاناغیندان آخان گولابدی ، تردی ؟
بوخاغین گول کیمی نه ته زه تردی
سنی سئون کسین اولارمی دردی ؟
حسین سئویر سن تک یاری ، بخته ور

عاشق حسین جوان

[t.s.m.t]

-----------------