آذری شعرلری

[ali_86]

دیلبرا دردی دیلیمدن بئله عنوان ائتدیم

کی غم و هجرده دیل مولکونو ویران ائتدیم

ممکن اولماز منه وصلین بیلیرم حشره کیمی
اول سبب مسکنیمی کوه و بیابان ائدیم

عشق سولطانی منیم قتلیمه فرمان گتریب
اتمدیم ترکی وفا طاعتیئ فرمان ائتدیم

یا طبیب آدینی ترک ائیله طبابت ائتمه
یا منیم دردیمی تاپ گور نییه طوغیان ائتدیم

ناتوان ائتمدی اول سنگ دیله نالم اثر
گئجه گوندوز نه قدر ناله و افغان ائتدیم.

[ali_86]

بختیار عاشیق اودور کی،اونو جانانی سئویر
بینوا بولبولونو، اوز گولئ- خندانی سئویر

من او زولفون آزی یوز دفعه بلاسین چکدیم
دلی کونلوم یئنه اول زولفی – پریشانی سئویر

اعتیبار اولماز اوزون گوسترن عاشیق لرده
احسن اول عاشقه جانانینی پنهانی سئویر

عصری حاضیر کئ – گوزلیکلری گورمور زاهید
ایندی ده جهلینی گور – روضه یئ رضوانی سئویر

سئویرم من او نزاکتلی گوزل دیلبری کی
موسیقی علمینی ، رسامی ، غزلخوانی سئویر

'پیر کونلوم گلییر ایلهامه گوررکن هردن
بیر نجابتلی گوزل قیز گوزل اوغلانی سئویر

واحیدین اوچولوغو اولسادا اینصافی دا وار
اوز کمندیینه دچار ائتدیی جیرانی سئویر

[ali_86]

آتالار سؤزو

اینسان اولان اؤزلوگونو دانارمی؟
اؤزگه دیلی اؤز دیلینه جالارمی؟
قنیملرین حوققاسینا قانارمی ؟
اؤز باشینی اؤزگه داشا چالارمی؟
---
مرد او دو کی یالان سؤزه قانمییا
یاندیردیغی اودا اؤزگه یانمیا
سؤزدانیشیب دانیشدیغین دانمییا
اَر دوغولان توپوردوغون یالارمی؟
--
ایگید اودور اَیری دوزو قاتمییا
ظولمو گوروب گؤزون یوموب یاتمییا
گئتسه باشی ویجدانینی ساتمیا
اَردوغولان اؤزون اوزدن سالارمی؟

--
گر ایگید­ین گؤکسونه مین­اوخ دولا
ساواش گؤرسه دونمز آیری بیر یولا
او تولکودور گونده دالار بیر کولا
اَسلان اولان دالدالارا دالارمی؟
-
بیزیم ائلده ایگید امک ایتیرمز
ائل یاراسین یاد علاجی بیتیرمز
ائل تانییان ائله ضرر یئتیرمز
ائلدار اولان ائل اوباسین تالارمی؟

--

بیزیم ائله شرف گره­ک شان گره­ک
اَر اوغلانا دامار گره­ک قان گره­ک
ائل یولوندا ساواش گرَک جان گرَک
ائلین ساتان بایراق­اَله الارمی؟
-
سانکی دونیا بیر اؤته جک نفسدیر
یاخشی آددان باشقا نه وار هوسدیر
دونیا بوتون آلتین اولسا قفسدیر
اؤزگور اولان قفسلرده قالارمی؟
--
اوزگور

بیز سومئرلر اوغلویوق ،
تاریخ بویو وار شانیمیز
بیز یئنیلمز بیر اولوس
عالمده یوخدور سانیمیز
-
قزاقیق بیز بلکه قیرقیز
ترکمن یا اؤزبکیک بیز
بیز تاتار بیز آذریز
جاندیر آذربایجانیمیز
-
بیزده واردیر تورکیه
سویداش دئمز هر چرچیه
تورک بیرلشسین دییه
بیرلیک اولوب قالخانیمیز
-
تورک ائلی قئیرت داغی
یوکسلدی سکگیز بایراغی
ساتماریق بیز توپراغی
ایستر تؤکولسون قانیمیز

[ali_86]

بوسؤزلر قبر داشینا یازلماق اؤچون گوزل و مناسب دیلر :

ای وای سنون قصه جانسوزوی هر کس کی اشیتدی -- بیر آه چکیب کوسدی فلکدن سنه خاطر

ای دوست سنون شانسوی هر کس کی بولوردی -- چوخ آرزولارن آتدی نظردن سنه خاطر
***
ئولمه ، توپراقلارا وئرمه رم سنی -- یئرین قوللارمین آراسیندادیر

طبیعتی سولارآلا یومارام سنی -- سویون گوزمون قاراسیندادیر
***
بهار فصلی خزان گلدی باغیما -- سولدی آچیلمامیش گوللریم منیم

قارا توپراق چکدی منی کامینا -- یاددان چخاتماسین ائللریم منیم
***
نئجه راحت یاتاسان بیر گئجه بیزسیز آتا جان -- قوروماز گوز یاشیمیز بیر گئجه سنسیز آتا جان

بیز سنه بلبلودوخ سنده بیزه باغ و چمن -- نئجه بلبل یاشاسین باغ و چمن سیز آتا جان
***
غم غصه لر اورگ لری داغلاییب -- هجرینده جون گوزلریمیز آغلاییب

بیز بویالان دنیایا بیر مهمانیخ -- حق توشه سین گوزل آتام باغلاییب
***
هر بیر اولاده شرف شهرت ایله شأن آتادیر -- باشا تاج قلبه فرح بخته سلیمان آتادیر

حورمتین ساخلاگیلن دایماً عالمده اونون -- چونکی دونیایه سنی بخش ائده ن انسان آتادیر
***
سنه گر واضح اولا اؤلماغیم ای بیکس آنا -- چاغیر همسایه لری اوغلوا قور بزم عزا

سیز قورون بزم عزا تاکی منی یاد ایلیون -- اوخویون سوره الحمد منی شاد ایلیون
***
داغلاردان اوجا آنام -- دنیزلردن دئرین سن

هر نه قدر قوجالسان -- باشقا گوزل گلین سن
***
بلبلون سولسا گلی بیرده گلنمز بوباغا -- اووچینین قاخسا اووی بیده دولانماز بوباغا

ننه آغوشی هر یئردن راحت اولار اوشاغا -- ننه دور بیر خوش گلدین ایله بو قوناغا
***
بیزلری هجرونده آغلاتدون آنا -- گون کیمی چیخدون نه تیز باتدون آنا

سن بیزی گوزدن نیه آتدون آنا -- ساخلامیشدوخ بیز گوز اوستونده سنی
***
آنا آنا فراقونده آغلارام -- آدون گلنده سینمی داغلارام

چیخاتمارام محبتون یادیمنان -- لای لای سون قولاقیمده ساخلارام
***
بؤیوک ننه عجب شیرین دیلیدون -- بو گلستانیده شانلی گولیدون

یاخشیلیقون من نه سیاق ذکر ائدیم -- محبت اوباسیندا سن ائلیدون
***
ای اؤره گی لاله کیمی قان آنا -- قان ائله دی قلبیمی هجران آنا

آنا دییب هرای چکیب آغلارام -- عومروم بویی من سنه یاس ساخلارام
***
نامرد فلک هر گولی کی چوخ گوزل اولسا -- گلزاری خراب ایلیجاخ بیر گول آپارسین

چرخ و فلکی ساخلاماق اولماز یتیشن وقت -- بو عادت اولوب غنچه گتیر سین گول آپارسین
***
بو رسمیدی کی آی یرینه گون گئجه گلمز -- گر جذبه ی عشق اولسا گتیررم نئجه گلمز
***
عشقین کی قرارندا وفا اولمایاجاقمیش -- بیلمم کی طبیعت نیه قویموش بو قراری
***
ای اؤره گی لاله کیمی قان اوغول -- قان ائله دی قلبیمی هجران اوغول

آنان یوخدی زولفین یولا آغلایا -- باجی قارداش بویووا قربان اوغول

[ali_86]

آنا ديليم
بو ديل بيزيم روحوموز ، عشقيميز ، جانيميزدير
بو ديل بيري ، بيريميزله عهدي ـ پيمانيميزدير

بو ديل تانيتميش بيزه بو دونيادا هر شئيي
بو ديل اجداديميزين بيزه گويوب گئتدييي

أن قيمتلي ميراثدير ، اونو گؤزلريميز تك
قورويوب نسلي لره ، بيز ده ورك هديه

بيزيم اوجا داغلارين سون سوز عظمتيندن
ياتاقينا سيغمايان چايلارين هيدّه تيندن

بو توپراقدان قوپان يانيقلي نغمه له ر دن
گوللرين رنگ لريندن ، چيچك لرين اييين دن

ميل دوزونون ، موغانين سون سوز گئنيش ليين دن
آغ ـ ساچلي بابالارين آغليندان ، كاماليندان

دوشمن اوستونه جومان او قيراتينينين نالين دان
قوپان سسده دن ياراندين !!!

سن خالقيمين آلديغي ايلك نفسده دن ياراندين !
آنا ديليم ! سنده دير خالقيمين آغلي ، حكمتي
-

[ برای مشاهده لینک ، با نام کاربری خود وارد شوید یا ثبت نام کنید ]

[ برای مشاهده لینک ، با نام کاربری خود وارد شوید یا ثبت نام کنید ]

[ali_86]

دوداقین قندینه شکر دئدی لر
جان شیرینه گورنه لر دئدی لر

دئدیلر کیم دهانی یوخدور اونون
بی خبر لر عجب خبر دئدی لر

اهل معنی خجسته صورتینه
معنی واهب الصور دئدی لر

حقدن ایراق ایمشلر آنلار کیم
سنی ای نور حق بشر دئدی لر

فتنه دوشدو جهانه یوزوندن
بو جهتدن سنه قمر دئدی لر

عنبر افشان ساچینا عارضینه
یاسمین اوزره مشک تر دئدی لر

باخ اونون یوزونه الاهینی گؤر
اهل معنی بودور نظر دئدی لر

شامه بنز تدیلر قارا ساچینی
عارضین نورینه سحر دئدی لر

کیرپیکین اوخونه قاشین یایینه
عاشقین سینه سین سپر دئدی لر

شب یلدا دورورصا چین گئجه سی
صورتین بدرینه قمر دئدی لر

ای نسیمی محیط اعظم سن
گرچه الفاظینه گوهر دئدی لر


نسیمی

[ali_86]

آنا

بير جوجوق ايديم يئره گومديلار سني
حياتا قانادسيز آتديلار مني
باخ نئجه پوزولوب عمرين گلشني
حيات سن سيز منه زنداندير آنا!
...
قوينوندا بسله نر گوزل ديلكلر
لاييقدير سجده يه سنه ملكلر
نرده سن، گوزلريم هپ سني بكلر
باخ اولادين ناسيل گرياندير آنا!
...
سن بير گونش ايدين، دوغدوندا باتدين
يازيق اولاديني غملره آتدين
بير جواب وئر، هانكي مرادا چاتدين
تورپاقلاردا نئچه زماندير آنا!؟
...
بير آه چكسم سنسيز قوپمازمي طوفان؟
عزيزيم آنا جان، گوزوم آنا جان
يوموق گوزلريني آچ دابير اويان
ايندي زمان باشقا زماندير آنا
...
ييخيليب پايينه اولمك ايسته رم
آناليق مهريني گورمك ايسته رم
سني گورمك ايچون اولمك ايسته رم
تسلليم آه ايله فغاندير آنا
...
صمد وورغون

[ali_86]

باياتي لار


من عاشیقم تبریزه
سیزده بیر گلین بیزه
یئیه ک ایچه ک دانئشاق
اوتوراق بیز دیز دیزه

عزیزیم بو داغدا یان
اود توتوب بو داغدا یان
شاخدا وئرمئش چیچک تک
سارالئب بوداغدا یان

بو آراز دلی آراز
عاغئلدان بری آراز
هئچ باخمادی آپاران
سانکی بیر پری آراز

بو آراز آخار آراز
گویلره باخار آراز
قان ائیله یئب ،اورکلر
یاندئرار یاخار آراز

آرازئن بو شامئندا
او شام یوخ بو شامئندا
نیسگیل لریم قالئب دی
شافاقلی آخشامئندا


گمیم دریادا قالدی
ایشیم امدادا قالدی
اؤلمه یمه یانیرام
حییف یار یاددا قالدی

************
عزیزیم داشلی قالا
تورپاقی داشلی قالا
قورخورام دوشم اؤلم
یار گؤزو یاشلی قالا


عزيزيم آچ باشي ؛ ساچيني دارا
گل باغا ؛ آچ باشيني ؛ ساچي دارا
بولبولو چه چه ده ن اؤتور
باغدا چکديله ر دارا

[ali_86]

سومیجـــم سوميجـــم مــن

درديمــه درمــانيم اولسانــدا مــنيم سنــي سومیجـــم سوميجـــم مــن
عــشقيمه هـمدميم اولسانــدامـنيم سنــي سِوميجــم سِوميجــم مَــن
دونيــا محــــورينـده اينـان داغيلسا بــو دونيا بيــر سنه بيــر منه قــالسا
اونــدادا ســـن مـنه گَرَك دِييل سن سنــي سِوميجـــم سِوميجـــم مـن
سيـــنم ورم اولسا جــــان ياتاغيندا ســـن طبيب حـــياتيم اَلينده اولسا
عــزرائيل جــانيمي آلان چــاغينـدا سَنــي سِوميجـــم سِوميجـــم مــن
ايــنان مـــزاريمــي زيارت اتـــسَن قبريمين اوستونده گـوز ياشي توكسَن
جــهنم اودومــي جنَّت ســه اتـسن سنــي سِوميجــم سِوميجَـــم مــن

[ali_86]

منی بول آننه
دون گئجه گوردوم دوشومده
سنی اوزلدیم آننه
الین یئنه الیمده
گوزلرین آغلاماکلی
گوز یاشلارینی سیلدیم آننه

جاملار دوشدی یئرلره
الیم الیم کان ایچینده
یانیما گل یانیما آننه
ایکی یانیمدا ایکی بولیس
اللریم کلبچه ده
بنی بول بنی بول آننه

دون گئجه گوردوم دوشومده
سنی اوزلدیم آننه
گوزلریندن آکان بنیدیم
دوشدیم گویسینه
سویله جانین یاندیممی اننه
جاملار دوشدی یئرلره
الیم الیم کان ایچینده
یانیما گل یانیما آننه


Beni Bul Anne
Dün gece gördüm düşümde
Seni özledim anne
Elin yine ellerimde
Gözlerin ağlamaklı
Gözyaşlarını sildim anne
Camlar düştü yerlere
Elim elim kan içinde
Yanıma gel yanıma anne
İki yanımda iki polis
Ellerim kelepçede
Beni bul beni bul anne
Dün gece gördüm düşümde
Seni özledim anne
Gözlerinden akan bendim
Düştüm göğsüne
Söyle canın yandımı anne
Camlar düştü yerlere
Elim elim kan içinde
Yanıma gel yanıma anne

ديشب در خواب دیدمت
دلم برات تنگ شد
باز دستت در دستهايم بود
چشمهات گریان بود
اشکهايت را پاک کردم مادر
شيشه ها فرو ريختند
دستهايم غرق در خون شدند
بیا پيشم بیا پيشم مادر
در دو طرفم دو پليس
بر دستهايم دستبند زدند
پيدايم کن مادر، پيدايم کن
ديشب در خواب دیدمت
دلم برات تنگ شد
اونی که از چشمهايت فرو چکيد من بودم
روي سينه ات افتادم
بگو مادر آیا جگرت سوخته؟
شيشه ها فرو ريختند
دستهايم غرق در خون شدند
بیا پيشم بیا پيشم مادر