آذری شعرلری

[ali_86]

یوخدو یوخ
-
سن سیز ای گل کونلومون بیردم قراری یوخدو یوخ
سندن اوزگه نیله سین ، بیر غمگساری یوخدو یوخ
---
درد هجرین چاره سین هر چند بیلدیم صبر ایمیش
نیلییم بالله بو دریانین کناری یوخدو یوخ
---
لیلی لیلی سویلیوب چوخلار دییر کیم عاشقم
لیک مجنون تک اونون بیر داغداری یوخدو یوخ
---
هر خزانین بیر بهاری اونسوز اولماز اولماسین
بو چول اولموش گلستانین بیر بهاری یوخدو یوخ
---
گللری بلبل لری آب و هواسی چوخ گؤزل
حیف کیم بو گلشنین بیر گلعذاری یوخدو یوخ
---
یا هیچ عیبون یوخ گوزللیک هامی سنده جمعدور
نئیلییم امّا که عهدون اعتباری یوخدی یوخ
---
سن نه بیلرسن بو طرلانی "نباتی" روز و شب
من بو داغی چوخ دولاندیم بیر شکاری یوخدو یوخ
-
نباتی

[ali_86]

وطنیم دور (آذربایجان)
-
آرزوم دیله ییم سؤگیلی یاریم وطنیمدور
عشقیم هوسیم نازلی نگاریم وطنیمدور
---
آلمیش منی آغوشه مرامیله بویوتمیش
جانیم جگریم خون و دیاریم وطنیمدور
---
آرام و قرار تربت ها را دوتمارام اصلا
آسوده لی گیم صبر و قراریم وطنیمدور
---
عومروم بویی یاد ایئله بو عکسیمه نشانی
عزمیم شرفیم شأن و وقاریم وطنیمدور
---
من خلقیمین اولادیم عالم بونی بیلسین
دوغرو ئوره گیم دولت و یاریم وطنیمدور
---
شاهد گورورم خلقه تیمین عالم و زکاوه
یوک سلمه دی بو شعر و شعاریم وطنیمدور
-
وورغون

[ali_86]

یوخ
-
قسم جمالینه سندن صونرا شاهیم یوخ
سن حُسن شاهیسن عالمده اوزگه ماهیم یوخ
---
جهاندا بیرده نه معبود خالقیم سن سن
اطاعتیم سنه دیر ، اوزگه بیراِلاهیم یوخ
---
من اولموشام سر کویینده بیراُووش توپراق
بسیمدیر بیله شرر ، اوزگه قدر و جاهیم یوخ
---
فراق آتشینه یانسام آه چکسم ده
بو خسته دیلده سنه تحفه غیراز آهیم یوخ
---
نسیمی" هر طرفده باخسا صورتین گؤره جگ"
جهاندا اوزگه سین گؤرمه گه بیر نگاهیم یوخ
-
نسیمی

[ali_86]

غملی گلستان
-
مطربا چالما سازین دیدۀ گریانیمه باخ
بوش قالان الده سینیق جام پریشانیمه باخ
---
گورنه حالت یارادیر مجلس عرفانیده می
عکس یاریم گؤرونور جامیده مهمانیمه باخ
---
قاش سوزور آی دولانور کیرپیگی اوخ نیزه کیمی
سانجیلیب دیر گوزومه لشکر مژگانیه باخ
---
فخریدیر گر یارادام عشقیده طوفان اودینی
سنده آختارماقا گوز یاشیمی دامانیمه باخ
---
ائیله مضراب اوزووه گؤزده کی کیپریک لریوی
چالگیلان ساز نوا الدکی فرمانیمه باخ
---
گر یولون باغلیدی اول جنّت مأوایه طرف
باغ فردوسی بوراخ شمع شبستانیمه باخ
---
عشق پروانه سییم شعله اوجات یانماقیما
قوری توپراق یاتاقیم تخت سلیمانیمه باخ
---
نقدی الدن بوراخیب نیسه نی نیلیر کونولون
ایاق آلتیندا اولان روضه ی رضوانیمه باخ
---
شانه زلفینده چالان نغمه ی حزن ایسته یه رم
دلی جیران ئوتاران اولکده "حیرانیمه" باخ
-
حیران

[ali_86]

تبریز
-
درک ائیله داداش گردش دورانیده تبریز
گؤنلر گئچیدیب فخریله ایرانیده تبریز
---
هر عصریده مین لرجه لباس اگنینه گئیدی
بیلمم نیه بو عصرده بیگانه دی تبریز
---
هر کیمسه که مست اولماقا آختارسا گلستان
گلسین بو گؤزل ئولکیه گلخانه دی تبریز
---
یوخدو باکی سندن سبلانین ده دماوند
دشمن قاباقیندا دورا آماده دی تبریز
---
اصلانلاری بیجا یئره جان بذل ایله مه زلر
سالاریله - سردارینه میخانه دی تبریز
---
کس دشمن ایاقین یئنه توپراقیوه قویما
دوران اهلینه یئر یوخ یئنه آزاده دی تبریز
---
تهران نه قدر گویچک اولا تبریزه چاتماز
سیر ایله افق لاردا گؤزل هاله دی تبریز
---
فارسا-عربه قاتما دیلین آذری اوغلی
فخر ائیله دیلین دیلله لره شاهانه دی تبریز
---
هر کیمسه اگر اولمیا نقصانی دیلینده
دوزگون دانیشان دیللره ، پروانه دی تبریز
---
امکان وجود اولدی نفس چکماقا "حیران"
شوقیله یازار زنده پاینده دی تبریز
-
حسین زارع (حیران)

[ali_86]

افسونه باخ افسونه باخ
-
عریان و زار اولدوم یئنه مجنونه باخ مجنونه باخ
سلطان غار اولدوم یئنه هامونه باخ هامونه باخ
---
داش اوسته گویدوم باشیمی عمّانه توکدوم یاشیمی
طوفان نوح اولدوم یئنه جیحونه باخ جیحونه باخ
---
وحشی یاتاقی منزلیم قوشلار یوواسی کاکلیم
افعی الیمده اوینارام افسونه باخ افسونه باخ
---
سولدو خزان اولدی گولوم دوشدی نَوادن بلبلیم
بیر دم منی شاد ائتمه دی گردونه باخ گردونه باخ
---
الدی الیمدن یاریمی آرتیردی آه و زاریمی
هر ایلده بیر داغ آرتیریر قانونا باخ قانونا باخ
---
قند و نباتی توک اوزه گل بیر تماشا قیل سوزه
بیر گؤر نه گوهر دوزمیشم مضمونا باخ مضمونا باخ
-
نباتی

[ali_86]

ناله نی
-
ناله دن دیرنی کیمی آوازۀ عشقیم بلند
ناله ترکین قیلمارام نی تک کسیلسم بند بند
---
قیل مدد ای بخت یوخسا کام دل ممکن دَئل
بویله کیم اول دلربا بی درد دیرمن دردمند
---
داغ لردیر اولدو کوکسوم دن قاراسی قوپمامیش
یا ثبات عشق ایچون اؤد اوزه بیر نئجه سپند
---
آچیلیر کونلوم گهی کیم گریۀ تلخیم گوروب
آچار اول گلرخ تبسّم بیرله لعل نوشخند
---
خاک راهیم دن منی قالدیرا بیلمز سایه تک
قیلسا گردون آفتابین هر شعاعین بیر کمند
---
جام توت وئر ساقی گلچهره زاهد ترک جام
ای کونول فکر ایله گورکین هانسی دیر توتماقا پند
---
ای "فضولی" صورت فقرین قبول دوست دور
هیچ درویشی سنین تک گورمدیم سلطان پند
-
فضولی

[ali_86]

آیریلدیم

منه مجنون دئمه جانا ، کی من لیلا دان آیریلدیم

بئلی اینجه قاشی خنجر ، گؤزی شهلا دان آیریلدیم

گوزل نازلی سؤزی سازلی ، او آوازلی نیگاریم دان

شیرین دیللی ساچی تئللی ، مَلَک سیما دان آیریلدیم

دویونجا گؤرمه دیم هئچ من ، او گول روخساری آی آللاه

اینانمیر بو کونول کی بولبول شیدا دان آیریلدیم

گؤزومدن بیر آراز آخدی ، اُوت اولدی سینه می یاخدی

او گوندن کی دلی لر تک گول رعنا دان آیریلدیم

اولر ماهی دنیزدن گر بش اون دیقه اوزاق قالسا

نئجه دؤزسون بالیق کونلوم ، کی من دریا دان آیریلدیم

منیم بیردانه دونیام وار ، اودا سؤزسوز فقط سنسن

من ایندی بیر اولو جیسمم ، آخی دونیا دان آیریلدیم

شاعیر : وحید شکرزاده
-
Ayrildim

Mənə məcnun demə cana ki mən leyla dan ayrildim

Beli incə qaşi xəncər gözi şəhla dan ayrildim

Gözəl nazli sözi sazli ö avazli nigarimdan

Şirin dilli saçi telli mələk sima dan ayrildim

Döyunca görmədim heç mən o gül rüxsari ay Allah

Inanmir bü könül ki bülbüle şeyda dan ayrildim

Gözümdən bir araz axdi öt oldi sinəmi yaxdi

Ö gündən ki dəlilər tək güle rəna dan ayrildim

Olər mahi dəniz dən gər beş ün dəyqə üzaq qalsa

Necə dözsün baliq könlüm ki mən dərya dan ayrildim

Mənim bir danə dünyam var öda sözsüz fəqət sənsən

Mən indi bir olü cisməm axi dünya dan ayrildim

Şair : Vəhid Şükürzadə

[ali_86]

باغیشلا سن

خطا یاپدیم اورک ایندی پشیمان دی باغیشلا سن

بو پیس ایشدن منیم گؤزلر ده گیریان دی باغیشلا سن

نئچه گوندی یوخوم یوخدی چؤرک گئتمیر بوغازیمدان

پشیمانام حالیم دا چوخ پریشان دی باغیشلا سن

اؤزون یاخچی بیلیرسن کی سنی من چوخ سئویرم یار

گوناهکارام گوناهیما کونول یاندی باغیشلا سن

منی عفو ائیله مه سن یار اگر ریضوان دادا اولسام

خداوندین بهشتی بیل کی زیندان دی باغیشلا سن

منیم جانیم سنی سئودیم سنه جاندان ئورک وئردیم

داحا سنسیز منیم دونیام دا ویران دی باغیشلا سن

بو هیجران دان بیر اُود دوشدو آلیشدیردی وجودومو

منیم آرتیق موجازاتیم بو هیجران دی باغیشلا سن

شاعیر : وحید شکرزاده
-
Bağışla sən

Xəta yapdım ürək indi pəşimandi bağışla sən

Bü pis işdən mənim gözlərdə gıryandı bağışla sən

Neçə gundu yüxüm yoxdu çörək getmir boğazımdan

Pəşimanam halımda çox pərişandi bağışla sən

Özün yaxçı bilirsən kı səni mən çox sevirəm yar

Gunahkaram gunahıma könül yandı bağışla sən

Məni əfv eyləməsən yar əgər rızvandada olsam

Xüdavəndin beheştidə bil ki zındandı bağışla sən

Mənim canım səni sevdim sənə candan ürək verdim

Daha sənsiz mənim dunyamda vırandı bağışla sən

Bü hıcrandan bir od tüşdü alışdırdı vüjüdümü

Mənim artıq mucazatım bü hıcrandı bağışla sən

Şaır : Vəhid Şükürzadə

[ali_86]

کاش اولاردی...

کاش اولاردی کی یئنه زولفووه من شانه چکردیم

سنی بیر شمع اُوزومی آتشه پروانه چکردیم

کاشکی مجنون ئورگیمه یئنه لیلا تک اولاردین

تا کی من عشقیده اُوز شکلیمی دیوانه چکردیم

کاش اولاردی کی یئنه ده او کئچن گونلریمیز تک

سنه خاطیر گوزلیم عالمی من قانه چکردیم

کاشکی دونیا قاییداردی ، دئدییم سؤز یوخ اولاردی

تا کی ذهنینده کی اُوز رسمیمی مردانه چکردیم

کاش اولاردی کی یئنه ده آیریلیق عمرو بیتردی

گله جک ده بو قارانلیق گونه افسانه چکردیم

کاشکی جانا قاییداردین منی سن عفو ائلییردین

قویمازییدین اُوزومی من سنه بیگانه چکردیم

شاعیر : وحید شکرزاده
-
Kaş olardı ...

Kaş olardı kı yenə zülfüvə mən şanə çəkərdim

Səni bır şəm özümü atəşə pərvanə çəkərdim

Kaşkı məcnün ürəgimə yenə leyla tək olardın

Ta kı mən eşqidə öz şəklimi divanə çəkərdim

Kaş olardı kı yenədə o keçən günlərimiz tək

Sənə xatır gözəlim aləmi mən qanə çəkərdim

Kaşkı dunya qayıdardı dediyim söz yox olardı

Ta kı zehnindəki öz rəsmimi mərdanə çəkərdim

Kaş olardı kı yenədə ayrılıq omru bitərdi

Gələcəkdə bü qaranlıq günə əfsanə çəkərdim

Kaşkı cana qayıdardın məni sən əfv eliyərdin

Qoymazıydın özümü mən sənə biganə çəkərdim

ŞAIR : VƏHİD ŞÜKÜRZADƏ