آذری شعرلری

[ali_86]

پریشان کؤنول
-
سن زلیخا سن اگر دیدۀ گریانیمه باخ
بلبل غمزه ده یم لانۀ ویرانیمه باخ
---
رحمه گر کشف اولونا دیلده کی اسرار نهان
بی وفالیق سوزونی آچماگیلان حالیمه باخ
---
مشق آلان گونلریمی یاده سالیب آغلامیشام
نیلییم عاشق زارم ، غمه شایانیمه باخ
---
منده غرق اولدوم ازل گون ساچین اندیشه سینه
سنده بیر لحظه یاخین لاش دم هجرانیمه باخ
---
یئر قبول ائیله مز عالمده پریشان کونولی
دوشدو اود جانیمه گل ناله و افغانیمه باخ
---
راز عشقین آچارام گر منی رام ائیله مه سن
گنج حسن آختایرام سینه ی سوزانیمه باخ
---
قامتین خدمتینه کونلومی قان ائیله میشم
غمزه تیرین چک ئوره کدن دم پایانیمه باخ
---
سینمی چاک ائیاه ییب عکسینی سالدون ئوره گه
گورمه گه عکسیوی گل سینه ی سوزانیمه باخ
---
جور الوب عادتین ازلجه منه فاش ایله دین
دیلین آغزیندا کول اولسون غم شایانیمه باخ
---
عکس رخساریوی حکّ ائیلدی "حیران" ئورگه
سنده گل الده کی جان وئرمه یه عنوانیمه باخ
-
(زارع(حیران

[ali_86]

آنام دور
-
محبت باغچاسینین پروانه سی آنام دور
مشقّت ئولکه سینین دیوانه سی آنام دور
---
هر زمان که کونول غمیلن همدم اولار
غملی کونلومون کاشانه سی آنام دور
---
نئجه دئیم که انسانام آنام برابرینده
انسانلیق عرصه سنین دانه سی آنام دور
---
بیر لحظه قویماز پریشان اولا زولفلریم
بو پریشان زولفلرین شانه سی آنام دور
---
کونول شاد اولماخلیقا محبّت آختاریرام
مست اولماقا محبّتین میخانه سی آنام دور
---
هر یئرده ائشید جک سسین پر آچارام
بیلمم نجور اوچام قصدیم دانه سی آنام دور
---
دنیا بویی گول اولا بیل هئچ گل ایگله مرم
زیرا که ایگلی گوللرین گولخانه سی آنام دور
---
کیمسه گورونور آنا تک زحمته دؤزه؟
زحمت عرصه سنین مردانه سی آنام دور
---
چایلار داشی گر صدف اولا دُرّ گورمه رم
عشق عالمینین دُرّ یکدانه سی آنام دور
---
سود ائتمه رم اگر عرض و سمائی وئرسه لر
عشق اگر فتوی وئره سرمایه سی آنام دور
---
مست اولماخلیقا محبتده پیمانه آختاریم
محبّت اولکه سینده کونول کاشانه سی آنام دور
-
زارع (حیران)

[ali_86]

طبیب
-
ئوره گیم اولدی غم یاریله دیوانه طبیب
یوخدو چارم دوزه رم محنت شایانه طبیب
---
شمعه یانما خلیقی پروانه دن ئویره ندیم ازل
تن رنجوریله دوزدوم بئله عصیانه طبیب
---
رو به محراب اوتوروب نیت پاکیله مدام
ایسته رم تاری یتیرسین منی جانانه طبیب
---
نقشیم ایفا اولونار گر هدفیم ثابت اولا
مست اولان وقت دولانار باشیمه میخانه طبیب
---
من گؤزه ل زلفینه سودازده اولدوم آل آچام
بلکه ده قالسین اوزاخ عصره بو افسانه طبیب
---
عشقه مایل اولان آختارماسا تاپّاز هدفی
یانسا عاشق سالاجاق صحبتی هر یا نه طبیب
---
کیمسه قویدی بئله بیر رسمی طبابت لیک ایچون
ائوی آباد اولا رحم ائیله دی "حیرانه" طبیب
-
زارع متخلص به (حیران)

[ali_86]

محبت اهلینه
-
کونول وفاسیز اولان نازلی یاره یالوارما
نه اعتبار اونا بی اعتباره یالوارما
---
داریخما یاخشی ، یامان روزگار یمیز گئچه جک
بو بئش گون عومره گؤره روزگاره یالوارما
---
سنین ده بیرگون اولار نوباهارین ای بولبول
خزان جفاسینه صبر ایله رخساره یالوارما
---
فقیره عاجزه مظلومه احترام ائیله
عدویه ، قان ایچه نه ظلمکاره یالوارما
---
وطن یولوندا اؤلوم مرد اوچون سعادت دیر
حیات اوچون فلک کج مداره یالوارما
---
مخالف اهلینه باش اگمه سن ده منصور اول
اناالحق اوسته چکیلسن ده داره یالوارما
---
محبت اهلینه "واحد" همیشه خدمت ائیله
نه تاجداره نه بیر شهریاره یالوارما
-
واحد

[ali_86]

ائل آراسیندا
-
بیر نغمه اوخودوم ترجمان اولدو
دانیشدی دردیمی ائل آراسیندا
---
بیر نغمه اوخودوم بولوت تک دولدو
کوره لدی دوداقلار دیل آراسیندا
---
آغلایا بیلمه ییرم گوله بیلمه ییرم
هجران چوخ چه که جگ هله بیلمه ییرم
---
حسرتی انگلره بوله بیلمه ییرم
گون گئچیر آی ئیله ائل آراسیندا
---
من بیر حیات ائدیم ائللی اوبالی
من بیر سوگی ایدیم عهده وفالی
---
من بیر کاریدیم هایلی هارایلی
سیم قالمیش بسم له زیل آراسیندا
---
نه اولا سئوینجیدن آغلایا گؤزوم
نه اولا داغلاردا عکس ائده سسیم
---
باهار یاغیشینا گیره تبریزیم
یویونام عُممانلا سئل آراسیندا
-
مدینۀ گلگون

[ali_86]

آنا دیلیم سوسدو
---
گویده کی نازلی آیا من مه تابان دئمرم
هر گزن دورت ایاغا بیر داها جیران دئمرم
---
تا یاغیش کلمه سی وار من اونا باران دئمرم
بولودو من بوراخیب هئچ واخت اونا ابر دئمرم
---
غمده ن اوتورو چالینان سازلارا بی صبر دئمرم
سودئدیم کی دئدیلر سن سو دئمه آب دئنن
---
یاخشینی بوشلا داها خوب دئنن ناب دئنن
کووف گئدر سن داها کووف یوخ سن اونا تاب دئنن
---
یئددی یاشدا دئدیلر سن آنایا مادر ده
قاپونو چالسا بیری سن قاپویوخ دای در ده
---
اوزون ایللرده یادیمدا کی آتام بویله دئدی
عاشیقا ماهنی اوخو چال سازینی سویله دئدی
---
چاره سیز قالما اوغول یامان گونده نه ایله دئدی
اوزگه لر یاورینه بیر داها من جان دئمرم
---
هر گوزل اؤلکییه ده آذربایجان دئمرم
بو آنا یوردوموزوندور کی شرفلی آدی وار
---
هم بوتوپراقدا شرفلر هم ایگیدلر سانی وار
خوره یینده تامی وار هم چوره گینده دادی وار
---
آی شرفلی ائلیمیز دونیا بیلیر وار دیلیمیز
نییه کی "سو"دئمه سین آب دئسین گنچ ائلمیز

[t.s.m.t]

نم اشکیم،موکددر خاطریمدن دفع غم قیلماز

بو روشن دیر کی نم آئیینه دن ژنگاری کم قیلماز

خم ابروی مشکینین گؤرورسه زاهید کج بین

دخی قامت سجود گوشه ی محرابا خم قیلماز

سنه ای شوخ سنگین دل دئمن بت نیشه کیم بت هم

اگر چی سنگدلدیر بؤیله بیداد و سیتم قیلماز

جفا و جؤور ایله قان اولدو باغریم،یارب اول بد خو

نیشه ترک ائیله مز جؤورو جفاسین بیر کرم قیلماز

مورادیم گریه دن کسب غبار رهگذاریندیر

گؤزوم یاشی دمادم چهره می بیهوده نم قیلماز

خطین دورینده اشک ال ایله درد و غمیم شرحین

دم اولماز کیم رخ زردیمده موژگانیم رقم قیلماز

فضولی خسته دل تا رو ضه ی کوییندا ساکندیر

تمننای بهشت و مئیل گلزار ارم قیلماز

حکیم مولانا محمد فضولی بغدادی

[t.s.m.t]

-----------

[Mist]

سلام عزیزان مهمون نمیخواین

*************************
فلکين قانلی اليندن بير آتيلميش يئره اندی،
بير فلاکت آنانين جان شيره سيندن سودون امدی،
بوللو نيسگيل شله سين چيگنينه آلدی .
تای توشوندان دالی قالدی،
ساری گول مثلی سارالدی.
گونو تک باغری قارالدی.
خان چوبانسيز سئله تاپشيرسين اوزون،
يوردوموزا بير سارا گلدی.
بير وفاسيز يار اليندن يارا گلمز سانا گلدی.
بير يازيق قيز ، جان اليندن جانا گلمز جانا گلدی.
کئچه جکده “الموت” دامنه سيندن بورايا درمانا گلدی.
بيرآدامسيز “سوری” آدلی، الی باغلی، ديلی باغلی!
“سوری” کيم دير؟
سوری بير گول دی جهنمده بيتيبدير .
سوری بير دامجی دی، گوزدن آخاراق اوزده ايتيبدير.
سوری يول- يولچوسودور، ايری ده يوخ ،دوزده ايتيبدير.
سوری، بير مرثيه دير اوخشاياراق سوزده ايتيبدير.
او کونول لرده کی ايتميش دی ازلدن، اودو گوزدن ده ايتيبدير.
سوری بير گوزلری باغلی، اوزو داغلی سوزوداغلی،
اولوب هاردان هارا باغلی!
بوشلاييب دوغما ديارين، اوموب البته ياريندان.
ال اوزوب هر نه واريندان.
قورخماييب،شهريميزين قيشدا آمانسيز بورانيندان، نه قاريندان.
گزير آواره تاپا، يانديريجی دردينه چاره، تاپابيلمير.
چوخ سئوير عشقی باشيندان آتا، آمما آتا بيلمير.
اووا باخ آووچی دالينجا قاچير، آمما چاتا بيلمير.
ايش دونوب، ليلی توشوب چوللره مجنون سوراغيندا.
شيرين الده تئشه، داغ پارچالايير فرهاد اوتورموش اوتاغيندا.
تشنه لب قو نئچه گور جان وئری دريا قيراغيندا.
گوزده حسرت يئرينی خوشله ييب ابهام دوداغيندا.
وارليغين سون اثری آز قالير ايتسين ياناغيندا.
سانکی بير کوزدی بورونموش کوله وارليق اوجاغيندا.
کوزه رير پيلته کيمين، ياغ توکه نيب دير چراغيندا.
بوی آتير رنج باغيندا. قوجالير گنج چاغيندا،
بير آدامسيز، سوری آدلی، الی باغلی، ديلی باغلی!
سوری جان !
اومما فلکدن ، فلکين يوخدو وفاسی،
نه قدر يوخدو وفاسی، او قدر چوخدو جفاسی،
کوهنه رقاصه کيمين، هر کسه بير جوردی اداسی،
او آياقدان دوشه نی، ايستير آياقدان سالان اولسون.
او تالانميش لاری ايستير گونو- گوندن تالان اولسون.
او آتيلميشلاری ايستير هاميدان چوخ آتان اولسون.
او ساتيلميشلاری ايستير قول ائدرکن ساتان اولسون.
نئيله مک قورقو بوجوردور .
فلکين نظمی ازلدن اولوب اضدادينه باغلی.
قاراسيز آغلار اولانماز،
دره سيز داغلار اولانماز.
اولو سوز ساغلار اولانماز.
گره ک هر بير گوزه له بير دانا چيرکين ده يارانسين،
بيری انسين يئره گوکدن، بيری عرشه اوجالانسين.
بيری چالسين ال آياق غم دنيزينده،
بيری ساحيلده سئوينج ايله دايانسين.
بيری ذلت پالازين باشه چکيب ياتسادا آنجاق،
بيری نين بختی اويانسين .
بيری قويلانسادا نعمت لره يئرسيز،
بيری ده قانه بويانسين.
آی آدامسيز سوری آدلی، ساچلاريندان دارا باغلی!
نئيله مک ايش بئله گلميش. چور گلنده گوله گلميش.
فلکين ايری کمانينده اولان اوخ آتيلاندا دوزه دگميش،
ديلسيزين باغرينی ده لميش.
ايری قالميش، دوزو اگميش.
اونو خوشلار بو فلک،
ائل ساراسين سئللر آپارسين،
بولبول حسرت چکه رک گول ثمرين يئللر آپارسين.
قيسی چوللرده قويوب
ليلی نی محمللر آپارسين،
خسرووی شيرين ايلن ال اله وئرسين، کئفه دولسون،
سوری لار سولسادا سولسون،
بيری باش يولسادا يولسون،
سيقسا بير اولدوز اگر اولماسا اولدوزلار ايچينده،
بو سماء ظولمته باتماز.
داش آتان،کول باشی قويموش،
داشينی اوزگه يه آتماز.
سن يئتيش سون هدفه،
اوندا فلک مقصده چاتماز،
داها افسانه ياراتماز.
سوری،ای باشی بلالی،زامانين قانلی غزالی.
سوری بير قوش دی خزان آيری ساليبدير يوواسيندان،
ال اوزوبدور آتاسيندان،
جوجه دير حيف اولا سود گورمه ييب اصلا آناسيندان.
او زليخا کيمی يوسف ايي ين آلمير لباسيندان.
بونا قانع دی تنفس ائله يير يار هاواسيندان.
درد وئرن درده ساليب آمما خبر يوخ داواسيندان
آغلاييب سيتقاياراق بهره آپارمير دوعاسيندان.
او بير آئينه دی رسسام چکيب اوستونه زنگار،
اوندا يوخ قدرت گفتار،
اوزو چيرکين، ديلی بيمار،
گنج وقتينده دل آزار،
گوره سن کيم دی خطاکار،
گوره سن کيم دی خطاکار!


**********************
قانلی سحر کيتابيدان

[ali_86]

سلام عزیز یولداش
خوش گلیب سن بو تایپیکَ

امیدیم وار هامیمیز اَل اَلَ وئراخ و اجدادیمیزین گوزل ادبیاتین که حقیقتده بیزیم لاپ بویوک سرمایه میزدی حفظ ائدیب داها آرتخراق گسترش وئراخ

من به عنوان بیر بالاجا عضو هامی تورک ادبیاتینا ارزش وئرن لرَ چوخ ارزش قائلم و هامیز دان تشکر ائدیرم

یاشاسین آذربایجان --- یاشاسین هامی تورک میللتلر