آذری شعرلری

[t.s.m.t]

Saqi, gətir ol cami-zərəfşanı görək,
Sal gərdişə bir o rahi-reyhanı görək,
İsgəndərə söylə getməsin Zülmatə,
Göstər ona bir o abi-heyvanı görək.

NƏBATİ

[t.s.m.t]

Mən ruzi-əzəldə sevmişəm bir şahi,
Allah deyər ona əliallahi,
Hər kim ona allah desə, kafirdir,
Şəkkaldır ol Nəbatitək, vallahi

NƏBATİ

[t.s.m.t]

Meyxanədə mey əcəb bəha tapdı genə,
Hər rindü gəda bu gün nəva tapdı genə,
Aineyi-dil ki, zəngi-qəm tutmuş idi,
Bir cam ilə gör necə səfa tapdı genə!

NƏBATİ

[t.s.m.t]

Saqi, bu Nəbati niyə dəng oldu genə?
Netdin ona, böylə şiri-cəng oldu genə?
Bu badəni gör ki, pərri-tavus kimi,
Bu qətreyi-dil hezar rəng oldu genə

NƏBATİ

[t.s.m.t]

Ey cani-həzin, bu nalədən bir əl çək,
Qoy bəngi yerə, piyalədən bir əl çək,
Sındır qələmi, dəvatın ağzın möhr et,
Bu hamı yalan məqaldən bir əl çək

NƏBATİ

[t.s.m.t]

Bu xacə, cəlal tərkini qıldın, qıl,
Bu malü mənal tərkini qıldın, qıl,
Çün axır olub cəlal bir xabü xəyal,
Bu xabü xəyal tərkini qıldın, qıl.

NƏBATİ

[t.s.m.t]

Ey dust, şərab tərkini qıldın, qıl,
Bu çəngü rübab tərkini qıldın, qıl,
Çün rəncü məlal imiş meyin əncamı,
Bu rəncü əzab tərkini qıldın, qıl.

NƏBATİ

[t.s.m.t]

Saqi, mənə bir soraq ola Keydən ver,
Ya bircə xəbər o Hatəmi-Teydən ver,
Sevdayi-cünunə səmmi-qatildir mey;
Qurban sənə, bir piyalə ol meydən ver

NƏBATİ

[t.s.m.t]

İyd olsa, cahan xürrəmmü xəndan olacaq,
Hər qətreyi-mey şişədə bir can olacaq,
Bəh, bəh, genə dürdnuşlər bəzmində,
Saqi yıxılıb, piyalə qəltan olacaq.

NƏBATİ

[t.s.m.t]

Saqi, atəşi-kəbabə ab eylər əlac,
Mədquqə yəqin şərabi-nab eylər əlac,
Ayineyi-dil zəngi-küdurət tutsa,
Qıl təcrübə kim, qəndü gülab eylər əlac.

NƏBATİ