آذری شعرلری

[t.s.m.t]

Ta mürği-dil aşüfteyi-ol mu oldu,
Qümri kimi kar-barı «ku-ku» oldu,
Bəs ki, gecə-gündüz dedi «hey-hey», «hu-hu»,
Yahu kimi məcmu bədəni «hu» oldu.[1]

HƏKİM SEYYİD ƏBÜLQASİM NƏBATİ

[İstinad 1: Şair öz könlünü qumru quşuna oxşadıb deyir ki, sənin zülfünü sevəndən işim-peşəm «ku-ku», yəni «hanı-hanı» olubdur. Guya qumru oxuyanda «ku-ku» deyir. Rübainin üçünçü və dördüncü misralarında isə şair ürəyini göyərçinə oxşadır. Guya göyərçin də səslənəndə «hu-hu» deyir. Nəbatinin fikrincə göyərçin o qədər «hu» deyir ki, bütün bədəni «hu» (allah) olmuşdur.]

[t.s.m.t]

Zalım şəcər dad əlindən /Sən ha nahaq qan eylədin.
Zülm ilə könlüm şəhrini, /Gör necə viran eylədin.
Saymadın sultanı, xanı,/Eyləyibsən nahaq qanı,/ Badam kimi novcavanı, /Yer ilə yeksan eylədin.
Necə qıydın gülzarına,/ Pünhan keçən iqrarına,/ Saldın yollar kənarına, /Dörd yanı al qan eylədin?
Pərinin dərdi tüğyandı, /Sakin yeri Maralyandı,/
Gülüm qonçasında yandı,/Bülbüllər əfqan eylədin

AŞIQ PƏRİ

[t.s.m.t]

اسسون وارسا ای غافل
آلدانما غيل زنهار سن مالا
شول نسنه يه که سن قويوب
گئدرسن اول گئرو قالا
ـــــــــــــــــــــــــ ـــــ
سن زحمتينی گوره سن
دوره سن دونيا مالينی
آنلار قاليرلار خرج ائدوپ
آنميالارزهی بلا
-------------------
سنی اونودور دوستلارين
اوغلون قيزين عورتلرين
اول مالينی اوله شلر
حساب ائديب قيلدان قيلا
---------------
قيلمايالار سنه وفا
بونلار بای اولار سن گدا
سنسن ايچين وئرمه يه لر
بير پارا ائتمک يوقسولا
--------------
بير دمليغه آغلاشالار
آندان واروپ باغلاشالار
سنی چوقورا گوموشوب
تئز دونه لر گوله گوله
--------
اول کيم گئدر اوزاق يولا
گرک آزيق آلا بيله
آلمازوسا يولدا قالا
ارميه هرگز منزله
-------------
وئردی سنه مالی چلب
تا خيره قيلاسان سبب
خیر ائیله ده قيل حق طلب
وئرمه دن اول مالين يئله

مولانا جلال الدّین بلخی

[t.s.m.t]

اونداكی اولاد وطن خام ايدی آخ نئجه كئفچكمه لی ايام ايدی


اوز حق مشروعونی بيلمزديلر چهره حريته گولمزديلر


گؤزلرينی بير كره آچمازديلر غزته يه،ژورناله اگيلمزديلر


دائم اشيتديكلری اوهام ايدی آخ نئجه كئفچكمه لی ايام ايدی

اؤلكه ده بونجا يوخيدی عيب جو نيلرديسه آنجاق گؤرونوردو نكو


خلقده ديداريميزه آرزو بيزده واريدی نه گؤزه ل آبرو


حؤرمتيميز واجب اسلام ايدی آخ نئجه كئفچكمه لی ايام ايدی

ملته چاتديقجا غم عياش ايديك حاكمه يار،آمره قارداش ايديك


قبله طاعتده كی اوباش ايديك هاردا آش اولسايدی اورا باش ايديك


هرگئجه هر گونبزه بايراميدی آخ نئجه كئفچكمه لی ايام ايدی

گرچه رياايدی بوتون كاريميز كاريله برعكسيدی كرداريميز


ليك همان واريدی مقداريميز حجتيدی هر كسه گفتاريميز


خلقين ايشی بيزلره اكرام ايدی آخ نئجه كئفچكمه لی ايام ايدی

عيبيميزی چولغالاميشدی ابا هر نه گليردی بوشاليردی قابا


كيم نه قانيردی نه دی زهد وريا نا خوشه خاك دريميزده ن شفا


صومعه ميز كعبه احرام ايدی آخ نئجه كئفچكمه لی ايام ايدی

بيزلريديك خلقين اينانديقلاری پير هدايت دييه قانديقلاری


نور گؤرور لردی قارانليقلاری بيزده ايدی جمله قازانديقلاری


كيم بيزه پول وئرمه سه بد نام ايدی آخنئجه كئف چكمه لی ايام ايدی

ايندی آداملار دييه سن جين ديلر جن ندی شيطان كيمی بی دينديلر


لاپ بيزی اوسارلاديلار مينديلر آی گئچن ايام اولاسان اينديلر


اونداكی اولاد وطن خام ايدی آخ نئجه كئفچكمه لی ايام ايدی


میرزا علی اکبر صابر

[t.s.m.t]

بيلديم‌كی‌ بو نازيندان‌ بير لحظه‌ دايانمازسان‌
كونلومده‌ اولان‌ درده‌ هرگيز سن‌ اينانمازسان‌
معناسی‌ نه دير دوشسم‌ تورپاغينا ذيلت‌ له‌؟
اؤپسم‌ ده ‌اياغيندان‌ بيـر حاليمه‌ يانمازسان‌
سوزوئـرميشدين‌كامه‌آمـما بونه ‌تئزليكله
بيـرعومورگئـچيب‌گئـتدی ‌اوز وعده‌نی ‌دانمازسان
من‌اؤلمه‌لی ‌اولسامدا، باری‌ سن‌اؤزون‌ اولدور
لاكـين‌ بيلـيـرم‌ لطفـا قـانيما بـولانمازسان‌
خاقانی ‌نين‌هرده‌ن ‌بيردؤيدون‌قاپی ‌سين‌گـؤردون‌
قان‌منزلـی ‌نی ‌باسـميش‌،قـاچدين‌داهاآ� �مازسان‌
خاقانی ‌اؤز عشقينده ثابيت‌ قدم‌ اول‌ جان‌ قوی
‌باش‌ گئتمه‌ سه‌ بويولدا وصلينی‌ قازانمازسان‌

افضل الدّین خاقانی شیروانی

[t.s.m.t]

بيلمم‌ نه‌ تحفه‌من‌ قول‌ او سلطانه گؤنده‌ريـم
‌لايق‌ دئيـركی‌، جانيمی‌ جانانه‌ گـؤنده‌ريم‌
ای‌ دوست‌ ايسته‌ ديم‌ ائيله‌ييم‌ بخش‌ كونلومـو
ائتديـم‌ حياكی‌ زيره‌ نی ‌كرمانه‌ گؤنده‌ريم‌
ای‌ خـواجـه‌ مصلـحت‌ ائلـه‌ الله‌ رضـاسيـنا
موره‌م نه‌ تحفه‌ سؤيله‌، سليمانه‌ گؤنده‌ريم‌
يوخـدور متاع‌یميـز كـی‌ اولا ياره‌ لايقـی‌
درويش‌ تكی‌ بو حضرت‌ سلطانه‌ گـؤنده‌ريم‌
يانميش‌ سينمده‌ يوخدور بيره‌ر آرپادانه‌ سی
‌ويرانه دير بو كند اونا بس‌ من‌ نه‌ گؤنده‌ريم‌
بايرام‌ يئتيشيدی‌، خسته‌ بو جانيم لابيردئيين‌
بيلمه‌م‌ نه قوربان‌ اول‌ شاه‌ قوربانه‌ گؤنده‌ريم‌
يوخدور نظامی‌ ياخشی‌ عمل‌ سنده‌ هيچ‌ صبا
ياخشی عمل‌ ده‌يی‌ نه‌ يين‌ ميزانه گؤنده‌ريم‌؟

نظامی گنجوی

[t.s.m.t]

بينه لری چادر- چادر

چوخ گزميشم اوزوم داغلار

قدرتينی سيزدن آلدی

منيم سازيم، سوزوم داغلار


مارال گزه ر آستا- آستا

انيب گلر چشمه اوسته

گؤزوم يولدا، كؤنلوم سسده

دئين نئجه دؤزوم داغلار؟


هر اوبانين بير يايلاغی

هر ترلانين اوز اويلاغی

دولايلاردا بهار چاغی

بير دويونجا گزيم داغلار


قايالاری باش- باشا دير

گونئی لری تاماشادير

گودك عمری چوخ ياشادير

جانيم داغلار، گؤزو داغلار


بير قوناغام بو دونيادا

بير گون عمروم گئدر بادا

((وورغون)) ودا سالار يادا

دوز ايلغارلی بيزيم داغلار

صمد وورغون

[t.s.m.t]

سنین بهرن یئین کیمدیر؟
کیمینکی سن؟ ییه­ن کیمدیر؟
سنه دوغرو دئین کیمدیر؟
یالان دونیا، یالان دونیا!

سنی فرزانه لر آتدی
قاپیب، دیوانه لر توتدی
کیمی آلدی، کیمی ساتدی
ساتان دونیا، آلان دونیا

آتی ازل داغا سالدیق
یورولدوقجا دالی قالدیق
آتی ساتدیق، اولاغ آلدیق
یهر اولدی پالان دونیا

بیری آینا ، بیری پاس دیر
بیری آیدین، بیری کاس دیر
گجه توی دور، گونوز یاس دیر
گول آچدیقجا، سولان دونیا

ایگیت ارین باشین یئیه­ن
گوجالار بوزباشین یئیه­ن
قبیرلرین داشین یئیه­ن
اءوزو یئنه قالان دونیا!

نه قاندین، کیم گول اکن دیر؟
کیم قیلیج تک قان توکن دیر؟
تیمور هله کوره کن دیر
چنگیز جانین، آلان دونیا

یامان قورقو! ییغیلایدین!
طوفانلاردا بوغولایدین!
نه اولایدی بیر داغیلایدین
بیزی درده سالان دنیا

چاتیب، سندن کوءچن کچدی
اجل جامین، ایچن کچدی
اولان اولدو، کئچن کئچدی
نه ایستردین اولان دونیا

بوغولایدین، دوغان یئرده
دوغوب خلقی بوغان یئرده
اوغول نعشین اوغان یئرده
آنا زولفون یولان دونیا

*****

[t.s.m.t]

--------------------

[t.s.m.t]

--------------------