اشعار ترکی

[vahid_shokrzadeh]

• آجيقلی ديلَنچی نين تورباسی بوش قالار

• آخيردا گولن ياخشی گولر

• آخيرده گلن قاپينی اؤرتر

• آخيری فنا اولاجاق ايشی هئچ باشلاما

• آدامين آغزی آشا چاتاندا ، باشی داشا دَيَر

• آراليق اويونون آراليقدا اوينارلار

• آراليق سؤزو ائو ييخار

• آراليق مالی آرادا يئييلر

• آرواد کيشينين قولتوق ساعاتی دير

• آرواد مالی قاب دستمالی

• آروادا شريک اول، مالا شريک اولما

• آريق آتا قويروغو دا يوکدور

• آريق آتا يوک چاتمازلار

• آريق آتدا تَپر چوخ ، يئريمَيه هونر يوخ

• آريق اؤکوزه بيچاق اولماز( آريق اؤکوز کسيلمز(

• آز اولسون ، دوز اولسون

• آز يئه هميشه يئه

• آزانچی چکر سويوغو ، موللا يئير تويوغو

• آزاندا گئت شيطان ائوينه

• آستا آتين تَپيگی بَرک دَير

• آستا گئدن منزيل کسر

• آستا گئدن يورولماز، يورويَن يولدا قالار

• آشيق گؤردويون سؤيلر

• آغاج بار وئرديکجه ، باشين آشاغی تيکر

• آغاج توتان باش ياراندان چوخدور

• آغاج گتيرَنين اوّل اؤزون وورارلار

• آغاجين ايکی باشی وار

• آللاه قوناغينين اؤز قسمتنی وار

• آليجی نين گؤزو ساتيجی دا اولار

•آوازين ياخشی گلير ، اوخودوغون قرآن اولسا

• اؤ کوزو اولانا ، گؤن بورج وئرمزلر

• اؤرتولو بازار دوستلوغو پوزار

• ائرتَيه قالان ، بلادان قورخما ائرتَيه قالان ، آرخايا قالار

• اؤردک اتين قاز اتين ، يئيَن بيلر لإّتين

• اؤردک گليب قاز اولماز، گلين گليب قيز اولماز

• اؤردَگی باغلاماغا ايپک گرک ، يار ايله اويناماغااورَک گرک

• اؤردَگی سو ايله قورخوتمازلار

• ائرمنی دن شاهيد ايستَديلر ، اوزوم آياقلايان گتيردی

• اؤز آدينی اؤزگه لره قويما

• اؤز اؤزونه ائيلَيَنه چاره يوخدور

• اؤز ائولرينين تولکوسو ، اؤزگه ائوينين آسلانی دير

• اؤز ائويمين نؤکرييَم ، اؤزگه ائوينين آغاسی

• اؤز ائوينده اؤز باشينی باغلايا بيلمير ، اؤزگه ائوينده گلين باشی باغلايير

• اؤز چؤرَگينی اؤزگه سوفره سينده يئمه

• اؤز عاغلينی اؤزگه عاغلينا وئرمه

• اؤز قدرينی بيلمَيَنين قدرينی اؤزگه سی ده بيلمز

• اؤز قورو چؤرَييم ، اؤزگه نين پيلوووندان ) چيلوو( ياخشيدير

• اؤز کؤوشنينده اوتلايان مال آج قالماز

• اؤز گؤزونده بايقوشون بالاسی ، تاووس قوشوندان دا گؤزلدير

• اؤز گؤزونده تيری گؤرمور، اؤزگه گؤزونده قيل سئچير

• اؤز گؤزونده ديرَگی گؤرمور، اؤزگه گؤزونده چؤپو گؤرور

• اؤزو عدالتلی اولانين قاضييا احتياجی اولماز

• اؤزو قازانمايان مال قدرينی بيلمز

• اؤزو ييخيلان آغلاماز

• اؤزون باخما سؤزونه باخ

• اؤزوندن قوّتلی ايله آياق چکمه

• اؤزونده اولماياندا قونشويا گئدرسن ، قونشوندا اولماياندا هارا گئدرسن ؟

• اؤزونو ياستا بيلسن ، يولداشينی اؤلموش بيل

• اؤزونو باشقاسينا نرديوان ائيلَمه

• اؤزونه حرمت قويمايان ، اؤزگَيه ده حرمت قويماز

• اؤزونه قييماديغينی ، اؤزگيَه ده قييما

• ائششک نه بيلير زعفران نه دير؟

• اؤکوز اؤزونه يونجا اَکنده باشی آغرييار

• اؤکوز اؤلدو، اورتاق آيريلدی

• اؤکوز اؤلر گونو قالار، ايگيد اؤلر اونو( شهرت( قالار

• اؤکوز اؤلمَيينجه اينگه قيمت اولماز

• اؤکوز اولاجاق دانا پوخوندان بيلينر

• اؤکوزو اولانا بورج گون وئرلر

• اؤلموش آتا يوک چاتمازلار

[vahid_shokrzadeh]

اؤلموش آسلانا دووشانلار دا هجوم ائيلر

• اؤلموش آسلاندان دير کؤپک ياخشيدير

• اؤلموش دوه نين دريسی بير ائششگه يوکدور

• اؤلَنين بورجونو باققال ديريلره يوکلر

• اؤلو آسلانين ساققالينی يولارلار

• اؤلوسو اولان بير گون آغلار ، دليسی اولان هر گون آغلار

• اؤلوم قاش ايله گؤز آراسيندادير

• اؤلوم وار آرلوم کيمی ، اؤلوم وار ظولوم( ظلم) کيمی

• اؤلونو بير دفعه يويارلار

• اؤلونون وصيّتی اؤزو ايله گئدر

• ائله ائيله کی ، بيرده بازارا شور ساتان گلسين ( دئييم)

• ائله ايش توت کی، ايچيندن قنبر قولو چيخماسين( دئييم)

• ائله باغين بئله ده مئيوه سی اولار

• ائله تيکه گؤتور کی ، اودا بيلَسن( دئييم(

• ائله دون گئيمک گرک کی ، ياماغی ائوده تاپيلا

• ائله سؤز دئه کی ، کالی تؤکولسون دَيميشی قالسين) دئييم(

• ائله سؤز دئيير کی ، پيشميش تويوغون گولمگی گلير) دئييم)

• ائله قازانين بئله ده آشی اولار( دئييم)

• اؤيرنمَيه عار اولماز

• اؤيودو آلمايانا وئرلر

• اائله چؤمچه نين بئله ده قازانی اولار( متافور دور)

• احتياج انسانس هر ايشه قويار

• ارز ايشينی اؤزون گؤر

• ارکوزو اولانا يول گؤسترن چوخ اولار

• اغاج بهشتدن چيخيب

• اکينچی نين اومودو اکينه دير

• امير بازاری يانسين منه بير دستمال قالسين

• او قدر درد چکيب قارنی دومبولا( دؤهول) دؤنوب

• اوبا ييه سيز قالاندا دونوز تپَيه چيخار

• اوبات کؤپکسيز اولماز

• اوتا قاتسان آت يئمز، اته قاتسان ايت يئمز

• اوتنجاغين ائششگين قورد يئير

• اوجاق ايچيندن توتوشار

• اوجاق کئچر ، کولو قالار

• اوجاق يئری کولوندن معلوم

• اوجاقدان کول اکسيک اولماز

• اوجوزلو اتين شورباسی اولماز

• اوچ ائششک بير آخيردان آرپا يئمز

• اوچ تومنليک ائششگين اون بئش قيرانليق قودوغو اولار

• اوچوق ائو خرابه سيندن بللی اولار

• اوخ کيمی دوغرو اولسان الده توتارلار سنی، يای کيمی اَيری اولسان چؤله آتارلار سنی

• اوخ يارادان چيخار ، عداوت اورَکدن چيخماز

• اوخويان ياشا باخماز

• اودلا اوينايانين اوّل آخير الی يانار

• اودونا گئدنين بالتاسی ايتی اولار

• اورتا اويونو آورتا يئرده اوينارلار

• اورتاق چوخ اولدوقجا زيان آز اولار

• اورَک اؤز دوستونو تانييار

• اورک بير شوشه دير، سينديرسان ياماماق اولماز

• اورَک دنيزدن دَريندير

• اورَک قولاق دئييل کی ، بارماقلا قوردالاياسان

• اورَک کی وار شوشه دير، سينديرسان کيم يامار؟ !

• اورَک يانارر ، گؤزياشارار

• اورَک يانماسا ، گؤزدن ياش چيخماز

• اورَکدن اورَگه يول وار

• اورَگيمين داشقينينی آغيز دئير

•اوروج توتمايانين اوغلونا رمضان آدی قويارلار

• اوزاق يئرين آرپاسيندان ياخين يئرين سامانی ياخشيدير

• اوزاقدان باخانا داعوا آسان گؤرونر

• اوزاقلاشماق ياخينلاشماقاوچون واسيطه دير

• اوزو اوسته گلَنی ،آرخاسی اوسته چئويرمزلر

• اوزون دانيشانين عمری آز اولار

• اوزون قاراليغی يامان دئييل ، قلبين قاراليغی ياماندير

• اوزونو خالقا چئويرَنين آرخاسی محکم اولار

• اوستا اليدَيمَين ايش حرامدير

• اوستا اوغلوندان شاگيرد اولماز

• اوستا کارين اپيسی قيريق اولار

• اوستا ميمون قامچيسيز اوينار

• اوستادينا کج باخانين گؤزلريندن قان دامار

• اوستو بَزَک ،آلتی تَزَک

• اوستومو اونلو گؤروب ، آديمی دَييرمانچی چاغيرما

• اوغلانا بالاجاليقدا قيز وئرن چوخ اولار

• اوغلانين اوغلان اويونو وار ، قيزين قيز اويونو

• اوغلوم اوغول اولسون ، اونا تاپيلمايان قيز اولسون

• اوغلونا قيز آختارينجا، قيزينا اوغلان آختار

• اوغول آتانين کؤوشنين اَکر

• اوغول اؤلسه جيگريم يانار، قارداش اؤلسه بئليم بوکولر

• اوغول اناسی گاه دؤشونه ووار، گاه باشينا

• اوغول مئيوه دير، آتا باغبان

• اوغولون سئون گلينين سئور، قيزينی سئون کورَکنين

• اوّل دانيش ،سونرا گول

• اوّل دوشون ، سونرا دانيش

• اوّل سلام سونرا کلام

• اوّل طعام، سونرا کلام

• اوّل قاپينی دؤی ، سونرا قوناق اول

• اوّل قاچان جانينی قورتارار

[vahid_shokrzadeh]

تویلار موبارک



تویو باشلیرام سازینان

شیرین شیرین آوازینان

گلین گلیری نازینان

تویلار موبارک موبارک بادا



ای گولو ریحان ، ریحان بیچه ره م من

عروس یولوندا جاندان گئچه ره م من



نه گؤزلدیر بیزیم داماد

همیشه اولا گؤنلو شاد

ائوی اولا دائم آباد

تویلار موبارک ، موبارک بادا



ای گولو ریحان ، ریحان بیچه ره م من

داماد یولوندا ، جاندان گئچه ره م من



چکیلین عروس یئریسین

شوقو ائیوانی بوروسون

دئیینه ن دیلین قوروسون

تویلار موبارک ، موبارک بادا



ای گولو ریحان ، ریحان بیچه ره م من

داماد یولوندا ، جاندان گئچه ره م من



عروس گولدور یاناقلارین

گولدن گؤزل دوداقلارین

خوش گلیبدیر قوناقلارین

تویلار موبارک ، موبارک بادا



ای گولو ریحان ، ریحان بیچه ره م من

عروس یولوندا ، جاندان گئچه ره م من



بازاردان آلدیم قازانی

او قازانی بو قازانی

ساغ اولسون اوغلان دوغانی

تویلار موبارک ، موبارک بادا



ای گولو ریحان ، ریحان بیچه ره م من

داماد یولوندا جاندان گئچه ره م من



بازاردان آلدیم سئینی

او سئینی ، بو سئینی

خوش گلیب آقا قئیینی

تویلار موبارک ، موبارک بادا



ای گولو ریحان ، ریحان بیچه ره م من

عروس یولوندا ، جاندان گئچه ره م من

[vahid_shokrzadeh]

آنا



گئجه دن صبحه کیمی

منه لای لای چالمیسان

عمریوی منه وئریب

سن ایسه قوجالمیسان

آی منیم گؤیچک آنام

منیم آق بیرچک آنام

سنین قوجاغیندا من

بویویوب بوی آتمیشام

سن یوخوسوز من ایسه

شیرین شیرین یاتمیشام

آی منیم گؤیچک آنام

منیم آق بیرچک آنام

سئوینجیمه سئوینیب

کده ریمه یانمیسان

آی آنا قوربان اولوم

نه یامان قوجالمیسان

آی منیم گؤیچک آنام

منیم آق بیرچک آنام

[vahid_shokrzadeh]

بو ساراي دير...




بو ساراي دير آدي ديللرده راز اولموش



قاني آخميش آراز اولموش



ايريلرده تاراز اولموش



سئوگي اولدورمه گه گويا دار آز اولموش



بئله ليکله ساراي آدلي اوره گيزده ياراز اولموش



سارايين عيصمتي هر گون اوجالاندير



اوجاليب گؤيده قالان دير


ائله بيل کي ساوالان دير


سؤزو اوستونده قالان دير



ائليم آغلا ، بو گئدن نازلي بالان دير



بو ساراي دير بنيزي بير بوتؤ آي دير



قيشلر ايچره اولو ياي دير



اؤلومو بير اوجا هاي دير



بير دئيل دوز باخسان ميللته تاي دير



بو ساراي ائل قيزيدير خان چوبانين نازلي نيگاري



شؤهرتي، شاني، ويقاري



اريده ن گون کيمي قاري



سوزولر چايدا گئده ر عيزته ساري



غئيرتين تکجه باهاري



بو ساراي دير کي بگنمز دوشه بنده



توکه نر غئيرتي قول قويسا کمنده



ديريلر کؤرپودن آرخا دوشنده



اؤلومه طعنه ائدنده



ابديت گؤلونه دوغرو گئدنده

[Marichka]

سلام دوست عزيز

از زحمت شما براي ايجاد اين تاپيك ممنونم

فقط لطف كنيد و علاوه بر اشعار آذري همونطور كه عنوان تاپيك بيان مي كنه ساير موارد مربوط با ادبيات آذربايجاني رو هم قرار بديد.

چون در غير اين صورت تاپيك موازي با تاپيك "آذري شعرلري" ميشه و ناچارا بايد در ادامه ي همون قرار بگيره.

هميشه موفق باشيد

[vahid_shokrzadeh]

سلام دوست عزيز

از زحمت شما براي ايجاد اين تاپيك ممنونم

فقط لطف كنيد و علاوه بر اشعار آذري همونطور كه عنوان تاپيك بيان مي كنه ساير موارد مربوط با ادبيات آذربايجاني رو هم قرار بديد.

چون در غير اين صورت تاپيك موازي با تاپيك "آذري شعرلري" ميشه و ناچارا بايد در ادامه ي همون قرار بگيره.

هميشه موفق باشيد

سلام دوست گرامی

ممنون از شما در بین این 15 پست من فقط 3 شعر ترکی هست بقیه مربوط به ترانه های ترکی ، سخنان بزرگان ،

بایاتی ها و ... هست .

از این به بعد هم حتما سعی در این خواهم کرد که بیشتر به موضوعات دیگر بپردازم ( غیر از شعرهای ترکی )

تا با تاپیک مذکور شباهت کمتری داشته باشد .

باز هم از شما ممنونم

[vahid_shokrzadeh]

عاشیق اُولموشام

عاشیق اولموشام ، بیر نازلی یارا
قاش گؤزو قارا ، معصوم مارالا
بو فیکر و خیال ، چوخداندی منی
محکوم ائلییب ، چکیبدی دارا

سن بیر دؤولتدی قیزی
من ده فقیر بیر اُوغلانام
سنین یئرین یوردون وار
من بیر آوارا چوبانام

من غریب مسافیرم
یوللاردا گؤزلریم قالدی
بیلمیرم عزیزیمی
منیم الیمدن کیم آلدی

گئدیرم اُؤز شهریمدن
منیم ائویم چؤللرده دی
من اُؤلندن ده سورا
سندن آدیم دیللرده دی

آند ایچیرم عزیزیم
آنامیزین جانینا
قانیمی قاتارام من
مظلوملارین قانینا

بو دونیا منه سنه ده قالماز
عاشق اؤز عشقین دن اینتیقام آلماز
بو دونیا منه ده سنه ده قالماز
لیلی اؤز مجنونون چؤللره سالماز

[vahid_shokrzadeh]

قاچما مندن


سن منیم اولورسان رویالاریمدا
نئجه گیزلی گیزلی ، اوچوب گئدیرسن
شئیطانلار چیخاردیب ، سنی یولوندان
منی گؤرن کیمی ، قاچیب گئدیرسن

قاچما مندن آی سئوگیلیم
سئوگی بو دونیانیندیر
قاچما مندن آی سئوگیلیم
بیر قیز بیر اوغلانین دیر

بو عئشوه بو نازلا ، گل بو ادایلا
غونچه آرزولاری وئرمه یئل له ره
من سنی سئویرم ، سن ده سئو منی
بیزده دستان اولوب دوشک دیل له ره

قاچما مندن آی سئوگیلیم
سئوگی بو دونیانین دیر
قاچما مندن آی سئوگیلیم
بیر قیز بیر اوغلانین دیر

دئسه ن کی اؤلورم ، اوله ره م سن سیز
اونسوزدا سئوگیلیم یولا گلمه سن
آنلیما یازیب یارادان سنی
بختیمدن اوزاغا قاچا بیلمه سن

قاچما مندن آی سئوگیلیم
سئوگی بو دونیانین دیر
قاچما مندن آی سئوگیلیم
بیر قیز بیر اوغلانین دیر

وئره رم جانیم سنین یولوندا
گؤزلیم داها نه ائیله ییم سؤیله
قورخارام کؤنلونه توی دویون دوشه
نولار اینصافا گل مرحمت ائیله

قاچما مندن آی سئوگیلیم ،
سئوگی بو دونیانین دیر
قاچما مندن آی سئوگیلیم
بیر قیز بیر اوغلانین دیر

[persian365]

جالب بود ولي اگه ترجمه مي زاشتي ما هم استفاده مي كرديم

ترجمه روهم بزاريد تا همه استفاده كنند


موفق باشيد