ماهان سرور
آکوستیک ، فوم شانه تخم مرغی ، پنل صداگیر ، یونولیت
دستگاه جوجه کشی حرفه ای
فروش آنلاین لباس کودک
خرید فالوور ایرانی
خرید فالوور اینستاگرام
خرید ممبر تلگرام
[ + افزودن آگهی متنی جدید ]
قوش دار گورسه قفسی چتین چیخار نـــــــــفسی
بـــــــیزه اوخـــوماق گـــلر قوشون آغلاماق سسـی
یـــولدان ائـــــیله ییر بیزی مـــــــــحبتین ده نــــــیزی
آلچــــــاقا خـــــــانیم اولما اول اوجــــــانین کـــــنیزی
گــــــوزوم دوشدی دومانا جــــــومدوم ده رین گومانا
گـــــوندوزلر اولار گـــــئجه گـــــــــوزلرینی یـــــومانا!!
فلکین قانلی الیندن بیر آتیلمیش یئره اندی،
بیر فلاکت آنانین جان شیره سیندن سودون امدی،
بوللو نیسگیل شله سین چیگنینه آلدی .
تای توشوندان دالی قالدی،
ساری گول مثلی سارالدی.
گونو تک باغری قارالدی.
خان چوبانسیز سئله تاپشیرسین اوزون،
یوردوموزا بیر سارا گلدی.
بیر وفاسیز یار الیندن یارا گلمز سانا گلدی.
بیر یازیق قیز ، جان الیندن جانا گلمز جانا گلدی.
کئچه جکده “الموت” دامنه سیندن بورایا درمانا گلدی.
بیرآدامسیز “سوری” آدلی، الی باغلی، دیلی باغلی!
“سوری” کیم دیر؟
سوری بیر گول دی جهنمده بیتیبدیر .
سوری بیر دامجی دی، گوزدن آخاراق اوزده ایتیبدیر.
سوری یول- یولچوسودور، ایری ده یوخ ،دوزده ایتیبدیر.
سوری، بیر مرثیه دیر اوخشایاراق سوزده ایتیبدیر.
او کونول لرده کی ایتمیش دی ازلدن، اودو گوزدن ده ایتیبدیر.
سوری بیر گوزلری باغلی، اوزو داغلی سوزوداغلی،
اولوب هاردان هارا باغلی!
بوشلاییب دوغما دیارین، اوموب البته یاریندان.
ال اوزوب هر نه واریندان.
قورخماییب،شهریمیزین قیشدا آمانسیز بورانیندان، نه قاریندان.
گزیر آواره تاپا، یاندیریجی دردینه چاره، تاپابیلمیر.
چوخ سئویر عشقی باشیندان آتا، آمما آتا بیلمیر.
اووا باخ آووچی دالینجا قاچیر، آمما چاتا بیلمیر.
ایش دونوب، لیلی توشوب چوللره مجنون سوراغیندا.
شیرین الده تئشه، داغ پارچالاییر فرهاد اوتورموش اوتاغیندا.
تشنه لب قو نئچه گور جان وئری دریا قیراغیندا.
گوزده حسرت یئرینی خوشله ییب ابهام دوداغیندا.
وارلیغین سون اثری آز قالیر ایتسین یاناغیندا.
سانکی بیر کوزدی بورونموش کوله وارلیق اوجاغیندا.
کوزه ریر پیلته کیمین، یاغ توکه نیب دیر چراغیندا.
بوی آتیر رنج باغیندا. قوجالیر گنج چاغیندا،
بیر آدامسیز، سوری آدلی، الی باغلی، دیلی باغلی!
سوری جان !
اومما فلکدن ، فلکین یوخدو وفاسی،
نه قدر یوخدو وفاسی، او قدر چوخدو جفاسی،
کوهنه رقاصه کیمین، هر کسه بیر جوردی اداسی،
او آیاقدان دوشه نی، ایستیر آیاقدان سالان اولسون.
او تالانمیش لاری ایستیر گونو- گوندن تالان اولسون.
او آتیلمیشلاری ایستیر هامیدان چوخ آتان اولسون.
او ساتیلمیشلاری ایستیر قول ائدرکن ساتان اولسون.
نئیله مک قورقو بوجوردور .
فلکین نظمی ازلدن اولوب اضدادینه باغلی.
قاراسیز آغلار اولانماز،
دره سیز داغلار اولانماز.
اولو سوز ساغلار اولانماز.
گره ک هر بیر گوزه له بیر دانا چیرکین ده یارانسین،
بیری انسین یئره گوکدن، بیری عرشه اوجالانسین.
بیری چالسین ال آیاق غم دنیزینده،
بیری ساحیلده سئوینج ایله دایانسین.
بیری ذلت پالازین باشه چکیب یاتسادا آنجاق،
بیری نین بختی اویانسین .
بیری قویلانسادا نعمت لره یئرسیز،
بیری ده قانه بویانسین.
آی آدامسیز سوری آدلی، ساچلاریندان دارا باغلی!
نئیله مک ایش بئله گلمیش. چور گلنده گوله گلمیش.
فلکین ایری کمانینده اولان اوخ آتیلاندا دوزه دگمیش،
دیلسیزین باغرینی ده لمیش.
ایری قالمیش، دوزو اگمیش.
اونو خوشلار بو فلک،
ائل ساراسین سئللر آپارسین،
بولبول حسرت چکه رک گول ثمرین یئللر آپارسین.
قیسی چوللرده قویوب
لیلی نی محمللر آپارسین،
خسرووی شیرین ایلن ال اله وئرسین، کئفه دولسون،
سوری لار سولسادا سولسون،
بیری باش یولسادا یولسون،
سیقسا بیر اولدوز اگر اولماسا اولدوزلار ایچینده،
بو سماء ظولمته باتماز.
داش آتان،کول باشی قویموش،
داشینی اوزگه یه آتماز.
سن یئتیش سون هدفه،
اوندا فلک مقصده چاتماز،
داها افسانه یاراتماز.
سوری،ای باشی بلالی،زامانین قانلی غزالی.
سوری بیر قوش دی خزان آیری سالیبدیر یوواسیندان،
ال اوزوبدور آتاسیندان،
جوجه دیر حیف اولا سود گورمه ییب اصلا آناسیندان.
او زلیخا کیمی یوسف ایی ین آلمیر لباسیندان.
بونا قانع دی تنفس ائله ییر یار هاواسیندان.
درد وئرن درده سالیب آمما خبر یوخ داواسیندان
آغلاییب سیتقایاراق بهره آپارمیر دوعاسیندان.
او بیر آئینه دی رسسام چکیب اوستونه زنگار،
اوندا یوخ قدرت گفتار،
اوزو چیرکین، دیلی بیمار،
گنج وقتینده دل آزار،
گوره سن کیم دی خطاکار،
گوره سن کیم دی خطاکار!
**********************
قانلی سحر کیتابیندان
اولدوز ساياراق گوزله ميشم هر گئجه ياریگج گلمه ده دير يار يئنه اولموش گئجه ياریگؤزلر آسيلی يوخ نه قارالتی نه ده بير سسباتميش گولاغيم گؤرنه دؤشور مکده دی داریبير قوش آييغام! سويليه رک گاهدان اييلده رگاهدان اونودا يئل دئیه لای-لای هوش آپاریياتميش هامی بير آللاه اوياقدير داها بير منمندن آشاغی کيمسه يوخ اوندان دا يوخاریقورخوم بودی يار گلمه يه بيردن ياريلا صبحباغريم ياريلار صبحوم آچيلما سنی تاری!دان اولدوزی ايسته ر چيخا گؤز يالواری چيخمااو چيخماسادا اولدوزومون يوخدی چيخاریگلمز تانيرام بختيمی ايندی آغارار صبحقاش بيله آغارديقجا داها باش دا آغاریعشقين کی قراريندا وفا اولمياجاقميشبيلمم کی طبيعت نيه قويموش بو قراری؟سانکی خوروزون سون بانی خنجردی سوخولدیسينه مده أورک وارسا کسيب قیردی داماریريشخندله قيرجاندی سحر سويله دی: دورماجان قورخوسی وار عشقين اوتوزدون بو قماریاولدوم قره گون آيريلالی او ساری تئلدنبونجا قره گونلردی ایدن رنگيمی ساریگؤز ياشلاری هر يئردن آخارسا منی توشلاردريايه باخار بللی دی چايلارين آخاریاز بس منی ياپراق کيمی هيجرانلا سارالديبباخسان اوزونه سانکی قيزيل گولدی قيزاریمحراب شفقده ئوزومی سجده ده گؤردومقان ايچره غميم يوخ اوزوم اولسون سنه ساریعشقی واريدی شهريارين گللی- چيچکلیافسوس قارا يل اسدی خزان اولدی بهاری
گونده منه باش ويران ايندي منه داش ويرير
ايندي منه داش وران اوزگه لره باش ويرير
اوزگه اگر داش ويرا دردنه دزماخ اولار
باخ بورا سوز بوردا دي داشلاري يولداش ورير
فکر کنم یکی از اصیل ترین شعر های ترک زبان ها همینه با بیر قاری ننه :دي
اوشودوم آی اوشودوم
اوشودوم آی اوشودوم
داغدان آلما داشیدیم
آ لماجیغیمی آلدیلار
منه ظللوم سالدیلار
ظلومدان بیزارم
درین قویو قازیرام
درین قویو بئش کئچی
بشده ایرکک گئچی
ائرکج قازاندا قاینار
قنبر یانیندا اوینار
قنبر گئتدی اودونا
قارغی باتدی بودونا
قارغی دئییل قامیشدیر
بئش بارماغیم گوموشدور
گوموشو وئزدیم تاتا
تات منه داری وئردی
دارینی سپدیم قوشا
قوش منه قاناد وئردی
قانادلاندیم اوچماغا
حاق قاپیسین آچماغا
حاق قاپیسی کیلیت دی
کیلیت دوه بوینوندا
دوه شیروان یولوندا
شیروان یولو بیز باغلار
دووره سی یارپیز باغلار
او یارپیزدان اوزئیدیم
بویون باغی دوزئیدیم
قارداشیمین تویوندا
بیرجه دابان سوزئیدیم
چیققیلی-چیققیلی دو چای قوی
چیققیلی-چیققیلی دو چای قوی
ائوی سوپور ناهار قوی
منیم آدیم حلمه دیر
اصفهاندان گلمه دیر
اصفهان منیم اولسون
قیرمیزی دونوم اولسون
گئییم گئدیم تبریزه
تبریزده تویوم اولسون
قیزلار گلسین تویوما
قوربان اولسون بویوما
خیریک یاد اولسون اوشاقلیق زمانیندان
سلام
خیلی خوب است شعرهاتون اگه میشه از شعرهای آذری دیگر هم بنویسید
بیرده جاوان اولماقیما
بیر سبب یوخ دئمه روسوای جهان اولما قیما
غنچه آغزین کیمی خلق ایچره نهان اولما قیما
منی صد حیف قوجالتدی بو گوزللر سیتمی
یوخدور امّید داها بیرده جاوان اولما قیما
قامه تین جلوه سی چشمیمده گزیر وجهی اودور
چشمه تک هر یانا ای سرو روان اولما قیما
مومیانین هوسی غونچه دهانین فیکری
سبب اولدو بئله بی نام و نشان اولما قیما
انتظارم کی ، وئرم جانیمی ، گورجک یوزونی
نولا ای گول بیر علاج ائت نگران اولما قیما
یانیرام عشق اودونا ثابت اینان مجنون تک
لیلی اولسا یاناجاق شعله فشان اولما قیما
واحیدم درد و غم غربته تابیم یوخدور
وار امیدیم یئنه اولکمده عیان اولما قیما
علی اغا واحد
Last edited by ahmad g; 31-01-2011 at 11:22.
سنه " سن " دئمک یا " سیز " دئمک . . .
اما . . .
" سن سیز " نه دئمک . . . ؟
فلکین داد الینن
أولمادیم شاد الینن
یامان یئرده یئــخیلدیم
دوتمادی یاد الیـــــــمینن
آز یاشا آمما ناز یاشا
بلکه بیر اینسان یاشا
هم اکنون 1 کاربر در حال مشاهده این تاپیک میباشد. (0 کاربر عضو شده و 1 مهمان)
قوانين ايجاد تاپيک در انجمن
.gif "N Aggressive (17)")