یاشاسین bb
به نوکرم
من که حال ائله دیم
خوش اولاسان
ماهان سرور
آکوستیک ، فوم شانه تخم مرغی ، پنل صداگیر ، یونولیت
فروش آنلاین لباس کودک
خرید فالوور ایرانی
خرید فالوور اینستاگرام
خرید ممبر تلگرام
[ + افزودن آگهی متنی جدید ]
یاشاسین bb
به نوکرم
من که حال ائله دیم
خوش اولاسان
چوخدانیدی بوردا شعر یازان یوخیدی. ایندیکی کی گلیب اوسته بیر نئچه شعر من یازیم بلکه دوستلاردا یاردیم ائله لر یئنی شعرلر یازالار.
دانيبسان آناديلين
من ائللرين ، بوغازدا بوغولموش سؤالييام
من اؤلکهمين شفقده باخان آي هيلالييام
سن بير قارانليغا سيخيليب ، دويغو دويمايان
من ، دان زاماني ، آيدا قوپان گون خيالييام
بير کاسه آشدان اؤترو ، دانيبسان آنا ديلين
مندنده ايستهمه ، کي گليب کاسه يالييام
سن قوردا قويروغون سيخان ايت، من ده بير قوزو
يئتمز سَسيم چوبانا ، سورومدن آرالييام
مندن اگر اؤز ائللريمه سَس يئتيشمهيير
اؤز بختيمين ، اويوندا جيريلميش قاوالييام
چوخدا گؤوَنمه شهريده، قصرين هاوالى دير
من سَس وئرَرسَم ائللره ، سندن هاوالييام
نَه اوز وئريب زمانه ده، کي کيمسه سؤيلهمير
هاردا ائويم ، نَه يئرده ائليم ، يا هارالييام
آديم “باهارلي”، يوردوم آدين ايستهسَن ، “باهار”
“تؤرک ” اوْغلويام، “اوغوز”لارين ايتگين ماحالييام
Last edited by Gune Baxan; 11-04-2008 at 20:08.
“قوْجَه باهار”
منظومه سيندن نئچه بند :
“باهاريم” شانلي دياريم ، “همدانين” بَهبَهگي
چيرپينير سَندَه حَلَه شانلي عارفلَر اورهگي
اَتهگين گوللَرينَه قيسقانار ” الوند” اته گي
اَتهگين گوللري عارفلريميز مقبريدير
گؤلشنين گوللرينين دَه شهدا پَرپَريدير
“باهاريم” آي کيشيلَر يوردو محبّت قوْجاغي !
سؤنمَهييب سَنده حَلَه قوْرخماز اَرَنلر چيراغي
دي گؤروم هاردا يانارميش ائليمين ايلک اوْجاغي
گئديم اوْ اؤلکهدهکي داغلارا تعظيم ائلَهييم
بير قوجاق گول گَتيريب شهريمَه تقديم ائلَهييم
” باهاريم ” کيم اوْ زامانلار اوْبا سالديردي سَني
کيم آدين قوْيدو زامان عَرشينه قالديردي سَني
کيميدي سِکه کيمي اؤلکهده چالديردي سَني
کيم سَنه قازدي کريز ، بَسلَدي گول باخچالاري
سولارين آخدي ، بوتون تاريخَه يازدي باهاري
باغي ـ بوستانيوَه دائم آچيب ” الوند ” قوْجاق
باش اَگيب شأنيوَه هيبتلَه دوروب ” آلما قولاق ”
باش قوْيوب باغلاريوين کؤلگَهسينَه “چوْخلي بولاق”
هَر سَحَر ، دان زاماني ، اولدوز اَنَهر چؤللَريوَه
گون ساچار لعلي ـ زومّرود سَپَهلَر گوللَريوَه
” قوْجَه باهار” قوْجاغيندان پَر آچيب اوچمالييام
يوکسَهليب آيري اوْفوقلاردا قاناد آچمالييام
بير گونَشتَک زامانين هَر يئرينَه ساچمالييام
گونش اوْلسامدا مَنيم شانلي چيخاريم سَن اؤزون
باتار اوْلسامدا گَنَه غَملي باتاريم سَن اؤزون
تا مؤذّن وئرَهر آفاقَه صَلاتيلَه صَلا
“بهاري” گنبدينَه جلوه وئرهر پَرچمِ ” لا ”
گون ساچار مَقبرهسيندَن وئريلَر شَهرَه جَلا
سانکي بو مَنظره بير جلوَهلي جَنّت باغيدير
اوز قوْيون مَقبرينَه ايندي زيارت چاغيدير
تا ” علي” دَرگهينين اوْلدو جَوارينده مُقيم
اوْلدو درياي کراماتده بير دُرِّ يَتيم
وئردي عرفاندا “شَوَندي” لَقَبين : “شيخ حکيم”
سؤيلهدي : حوزَهدَه اصحابَه حکيمدير “بهاري”
چونکي حکمَتلَه هَر انسانَه نَديمدير “بهاري”
“اصغري”لَر گؤگونون اولدوزو پارلاقدي حَلَه
“سيّد ابراهيم” فرخندهسِيَر ، ساغدي حَلَه
عُرَفا اؤلکهسينَه چشمَهلي بير داغدي حَلَه
“سيّد اسماعيل” اوْنون خَلقَه دوشَن کؤلگَهسيدير
کؤلگَهنين اوجي ـ بوجاغي همدان بؤلگَهسيدير
“اصغري”لَر اوْجاغي آيتِ حَق “سيد شُکور”
اوْ آچيق بارگهيندَن سَپَهر اطرافينَه نور
گَل بو دَرگاهَه گَتير دَرديوي ، قَلبينده حضور
بيل کي بو مقبَرهدَن دَردلَره دَرمان يازيلار
بو اوْجاق ايچرَه ، کدَرلَر اورَهگيندَن قازيلار
“رَضا باهارلي” ، “تئليمخان” کيمي بير شاعر ايميش
شعردَه سانکي اَزلدَن ـ اَبَدَه ناظر ايميش
يئري ـ گؤگدَن سؤز آچاندا قَلَمي فاخر ايميش
سينَهلَرده ييغيليب غُصّه کيمين قالدي سؤزو
شعرينين دَردلي اورَهگلَردَه حَلَه واردي ايزي
” زَکي”نين قوْشمالاري ، ظولميلَه دائم دؤيونَهر
“زَکي باهارلي” ، “رَضا”نين لَقبيندَن اؤيونَهر
شَهريمين کيمليگي بو ايککي شاعردَن سؤوونَهر
تورکيلَر باخچاسينين شانلي “زَکي” بير گؤلودور
“رَضا” گول باخچالارين هَم گولو هَم بولبولودور
طالعيم يازدي اَزَلدَن کؤلَه ، نامَردَه مَني
دردي ـ غم لشگرينَه ائيلَهدي سَرکرده مني
بير عُقابَم کي ساليب قَحبَه فلک دردَه مني
طَبعيمين قارتالينا اوچماغا گؤگلَر دار اوْلوب
قارقالاردان چَکينَرکن ديديگيم قار ـ قار اولوب
بيري دونيايَه گونَش تَک گَليب آفاقَه ساچار
بيري دونياني اوُتوب آجدي گَنَه آغزين آچار
بيري آصلان کيمي داردا ، بيري دار گوندا قاچار
دونيانين مؤشگول آچان ، ايش آشيران مَرديدَه وار
ايش باشيندا گؤزو ـ دار ، حکهلي نامَرديدَه وار
تورکم ، اؤز تورکلويومون آدينا قَلبيم دؤيونَهر
چنلي “اَلوند” چاتيب عَرشَه بو ديلدَن اؤيونَهر
“همدان” بؤلگَهسي ، تورک عَنعَنهسيندَن سؤوونَهر
“همدان” بؤلگهسينين کولتورو اَن تورک اوْجاغي
خلقينين اؤلکهدَه هَر تورکه آچيقدير قوْجاغي
کامان بيزي اينجيدير
قانماز بيزه قان اوتدورور يوْخ سؤزوم
اوْندان آرتيق قانان بيزي اينجيدير
اوزلوگ آلتدا آي اوزونو گيزلديب
گوزگولوگون دانان بيزي اينجيدير
دوران چکير قارا پرده آغ اوسته
چالخالانير ياغي تؤکور ياغ اوسته
داغلار قدر داغ قالايير، داغ اوسته
تاريخ بوْيو زامان بيزي اينجيدير
چوْوغون بيچير گول چيچَکلي خوللاري
دومان چوکوب اوستونلهييب يوللاري
بوش چاليشماق هئيدن ساليب قوللاري
ياز باغريندا خيزان بيزي اينجيدير
بو کوْر فلک اوْخو قوْيجاق کامانا
کامان توتور قلبيميزي نشانا
لعنت گلسين بير بئلنچي زامانا
اوخدان آرتيق کامان بيزي اينجيدير
بو رَسمدير آغير اولسا يارالار
يارالارين آغريسيني يار آلار
دوشمان ووران يارا عاصم ساغالار
دوست ياراسي يامان بيزي اينجيدير
--------- اؤلکهسي
نه دوماندان قوْرخوم واردي، نه چَندن
نه دَنيزدن، نه دالغادان، نه سندن
سئويلهميشم بو کؤنلومه اوّلدن
بير گون گلن ، بير گون گئدر چيمَندن
آيرليغين باغرين ياريب گلميشم
سودانين غنچاسين دَريب گلميشم
دنيزين، دالغانين، دومانين، چهنين
ظاليم اورکلرين يوروب گلميشم
اوجا داغ باشيندا دومانام، چَنَم
کدَر ايله سوْلان ياشيْل چيمَنم
دوْنوبدور شاختادان اَللريم مَنيم
ائليندن ـ گونوندن آيريلان ، منم
بو دونيادا چوخ چتينليک گؤرموشم
دوْغرولوق يوْلوندا عؤمور سورموشم
شيرين ايستَکلره يئتيشمک ايچين،
مينلر آجي حسرته تئلين هؤرميشم
بولودلار باغلاييب گونَشين گؤزون
چاققاللار دانيْشيْر آسلانلار سؤزون
اورَکلرده قارانليْق يئر سالاندان
خوش گونلر گيزلهدير بيزلردن اوزون
آنا وطنيمين دؤرت ياني داغدي
گـلهجک گـونلري گـؤرونور ، آغدي
«فضولي»نين، «شهريار»ين ، «صابير»ين
اؤزلري گئتسهده، سؤزلري ساغدي
«آزربايجـان» اؤلکـهسينه تـاي اوْلـماز
ياز سوْنا چاتماسا ، داها ياي اوْلماز
اوْيانماساق بيز شيرين يوْخولاردان
غفلَتده ياتاندان بيزه هاي اوْلماز
غوربتده غريبين هاراسي واردي ؟
گؤزونون بير آغي ، قاراسي واردي
آختاريب تاپماسا اؤز ايستهديگين
گؤنلونده چوْخ دردي ، ياراسي واردي
---------
--------- گؤزلريمدن آخان ياش
--------- ظلم اليله سينان داش
--------- غمله دوغما آرخاداش
--------- گؤيدن انميش پارچا داش
--------- اوزوگومده اينجه قاش
بيلميرم کي نه دانيشيم نه يازيم
کدرليدير سازيم، سؤزوم آوازيم
قيشدان کئچير چوخدا آغير بو يازيم
دوست ائدني دوشمن ائدمير منه، باخ
ائله دوست وار دوشمندن ده چوخ آلچاخ
اينتيظارين آغير دوستو، شلهسي
دوْندو قاردا حقيقتين لهلهسي
گورونمهدي دوشمنلرين تله سي
سيتم اولدو اولوسوما، ائليمه
ايللر بويو خور باخيلدي ديليمه
دده قورقود دوعاسي وار ديليمده
تارلا خاتون وفاسي وار ديليمده
مين سارانين حياسي وار ديليمده
هر کلمهسي بير دونيادي ديليمين
فولکولوري معمادي ديليمين
تاريخيمي يانليش يازدي يازاني
حاققي ساتدي يولون آزدي يازاني
حقيقتي چوخ ـ چوخ آزدي يازاني
يازدي آغي، اوزو قارا، بيلمديک
اغيار دوندو نازلي يارا، بيلمديک
ماتم گونون بايرام سانديق ائله بيز
آنلاماديق اويدوق شيرين ديله بيز
واري ـ يوخو اوجوز وثرديق يئله بيز
نه ديل قالدي، نه ده آغيز، نه دو گؤز
تحريف اولدو، دييشيلدي، دؤندو سوز
الهديلر باشيميزا قارا کول
قول چکديلر گلستانا نئچه يول
زامان بيزي ائتدي يادا مفته قول
خان ايوازيم اويدو حمزه فعلينه
چنلي بئليم دوشدو يادلار الينه
ناشي باغبان وئرمه ينله گؤلونو!
هيجران وورهر خزان کسر يولونو
اوز الينله، باغلاما اوز قولونو
فيتنهچيدير يالانچي دير بو فلک
سانما باهار اؤز اؤزونه گلهجک
ديليم ـ ديليم دوغراديلار بيزلري
کامان کيمي قاتلاديلار ديزلري
ديلي کسيب باغلاديلار گؤزلري
قوجاق ـ قوجاق اوتدوردولار قان بيزه
قويماديلار خوش کئچه بير آن بيزه
تانيماديق نه دوستو نه دوشمني
اودوزدوق چوخ اوجوز معاميلهني
تيکه ـ تيکه الدهن وئرديک وطني
نه دوستدان يارديق نه ياردان بئله
پاي وئرديق دوشمنه دياردان بئله
قورومادي گؤزوموزدن گؤز ياشي
دوشمن اولدو مين حيلهلي، بيز ناشي
ووردو بيرـ بيرينه قارداش قارداشي
هيچ زامان ديل آچيب حاققي دئمهدي
ناحاق يئره بوْغدو اوْ خان صمدي
آخدي سارام خان چوبانيم خبرسيز
داردا قالدي قوچاق نبيم هجرسيز
بير گونومده هيچ اولمادي کدرسيز
قيشيم بوران، يازيم خزان اؤتوشدو
بو دونيادا هيجران پاييما دوشدو
داشي چالدي اؤز باشيما اؤز اليم
يوْلو کسدي مين جينايت مين ظؤلوم
بابام بابک سويولدو ديليم ـ ديليم
بورا سيدير اوْدلاغالي، ياغالي
اؤزوموزق بوْ آل ـ وئرين دالالي
نه ساتيرميش نه آليرميش زامان گؤر
ساتقين اللر ائتدي بيزي تالان گؤر
بو نه ايشدي گونو گوندن يامان ، گؤر
اينديجه دير ياتا بيلمز قالخاجاق
مزاريندان ستارخانيم « ار » ساياق
قاراباغيم آلتدان ـ اوستدن تالاندي
شرفيميز آياغلارا جالاندي
شک ائديرم دئييلنلر يالاندي
قوْچ کوْراوْغلو ، خان جوانشير هني بس ؟
هايدي دئسين دليلره بير نفس!
آنا تک ، جاندان عزيزدير “آنا ديل”
بيز واريق ، وارسا وطن ، وا ايسه دوْغما ديليميز
اؤيرهنيب بيلمهليدير اؤز ديليني ائللريميز
آنا تک ، جاندان عزيزدير آنا توْپراق ، “آنا ديل”
حؤرمتين ساخلا ياشارکن ، آنالار قدريني بيل
وطنين کيمليگيدير ، وارليغينين داش تَمَلي
کيمليگين بايراغيدير هر بالانين دوْغما ديلي
“آنا ديل”دير بَزهيَن دويغولارين اوْيلاغيني
سوسلهين آرزيلاري ، سئوگي ـ سئوينجين باغيني
بولبول اؤز “دوْغما ديلي” ايله گوله سؤيلر سؤزونو
هر گول اؤز رايحهسي ايله تانيدار اؤز اؤزونو
“آنا ديل”دير داشيان لايلالارين جان داديني
“آنا ديل”دير ياشادان اؤولادينين اؤز آديني
آنا ديلدير ائلينين تاريخي ، آيدين تانيغي
يوردونون ، اؤلکهسينين آيناسي ، سؤنمز چيراغي
“آنا ديل”ده آنانين سئوگيسي ، عطري ، دادي وار
“آنا ديل”ده وطنين شانلي شرفلي دادي وار
ترکی آذربایجانی نه آذری
با سلام
خدمت کسی که نوشته شعرهای آذری عرض کنم که زبان ما مردم آذربایجان ترکی آذربایجانی است و ما زبانی به اسم آذری نمی شناسیم یعنی چنین زبانی وجود ندارد و اینها ساخته و پرداخته ی نویسندگانی چون احمد کسروی و ... است. چطور که در آذربایجان وقتی کسی به زبان دیگری صحبت میکند میگویند به ترکی صحبت کن ما هم بفهمیم نه اینکه بگویند به آذری صحبت کن ما هم بفهمیم . خواهش می کنم تیتر را عوض کنید
با ازبک جان کاملا موافقم
هم اکنون 1 کاربر در حال مشاهده این تاپیک میباشد. (0 کاربر عضو شده و 1 مهمان)
قوانين ايجاد تاپيک در انجمن
