آذری شعرلری

[t.s.m.t]

Mən yanar od kimiyəm,sirlərim buz kimidir
Qorxuram öylə yanam,faş ola min sir bir bir

İskafi Zəncani

[t.s.m.t]

Sürüb dəvələrini mənim yurduma çatsan
Dostlarıma,unutma məndən yetir bir səlam

Bu dərdə dözməyimdən,ayrılıq əzabından
Danış bir-bir onlara mən necə xəstəhalam

Söylə ki,onları mən hər yadıma saldıqca
Gəlir keçir gözümdən bir də o günlər tamam

Hər axşam göy üzündə ulduzlar görünəndə
Yanağıma süzülür göz yaşlarım biaram

ətirli meh əsdikcə səhər dost diyarından
qəlbim yarpaq tək əsir,tutmur bir ləhzə aram

Ömər Gənci

[t.s.m.t]

Camaat büründü xəz paltarlara
Ağaclar üstünə əsdikcə xəzan

Havalar tutuldu,sular duruldu
Dünya hiddətləndi,qocaldı cavan

Almayla,heyvayla,narla doldu bağ
Boş qaldı lalədən,güldən gülüstan

Kəklik qaqqıltısı dağdan kəsildi
Qırqovul sədası gəlmir tarladan

Qətran Təbrizi

[t.s.m.t]

Aşıq öz sirrini açarsa bir dəm
Qıyacaq canına bir vicdanı kəm
Gizlətsə ürəkdə,yaşlı gözləri
Eşqi əyan edər,artar kədəri

Şəhabəddin Sührəvərdi

[t.s.m.t]

"Lelətül-qədr"i Tanrı özü seçib,bəyənib
Haman gecə işləmir şeytanın əməlləri
əgər bilmək istəsən nədir bi"leylətül qədr"
gərək ki,açıq gözlə sən açasan səhəri

Məsud İbn Namdar

[t.s.m.t]

Yalnız yaxşı ad qalar bu vəfasız dünyada
Hamı bunu dərk edib,anlayıb,bilsin gərək
Gülər üzlə,açıq əl xeyirə səbəb olar
Bizim böyük sahibin nəcib əməlləri tək

Xəttat Nizami Təbrizi

[t.s.m.t]

Eşqində gərək hasil ola,o,yoxdur
Ümiddə gərək sahil ola,o,yoxdur
Səbr eylə deyirsən ki,işin yaxşi olar
Qəlb ola,ona qabil ola,o yoxdur

Eyn əl Quzat Miyanəçi

[t.s.m.t]

گل کی مشتاق اولموشام دیدارینا
وئرمیشم جان زلف عنبربارینا
محروم ائتدین چون منی اسرارینا
ای پری گل چک منی بیر دارینا

İMADƏDDİN NƏSİMİ

[t.s.m.t]

ای جمالیندان منور آفتاب
دوشدو حسنون پرتووندان آیا تاب
کیپریکین ، زولفون ، قاشین ، ام الکتاب
اولدو اوزوندن یانان یوم الحساب

İMADƏDDİN NƏSİMİ

[t.s.m.t]

ای ساچین دوورونده مستور آفتاب
وی اوزون عالمده مشهور آفتاب
اوتانیر حسنوندن ای حور آفتاب
سندن اولدو مست و مخمور آفتاب

İMADƏDDİN NƏSİMİ