آذری شعرلری

[ali_86]

سلام

خاص مناسیبته گؤره دَییر
باخیشیمیز کللی دیر
(امما محرم ده یا بایرامدا و ... او مناسبته گؤره یازاروخ )

هر کیم ده یازسا بیز سئوینروخ
و استیقبال ائیلروخ

یاشیاسان یولداش

[ali_86]

سئوگیلیم
--
عزیزیم گوزلیم سن ، دیلیمده غزلیم سن
منی گورمک اوچوم قیز،نه گورچک بزنیب سن
-
گوزل سن منیم اولسان،جانی سنه وئررم
سنه گوره مارالیم،هرنییم نن کئچرم
-
جیران گوز منیم اولسان،منده سنین اولارام
منی یالقیز قویسان یار،سارالارام سولارام
-
ایندی سؤیله بو گوزلر،بو نازلی شیرین دیلبر
کیمین پایی اولوبدی،کیمین یاری اولوبدی
-
کیمین شانسی دوروبدو،کیمین بختی یاتیبدی
سویله طالعیم قالخیب یا کی عمریم سولوبدی
-
مارالیم یاخجی دئدون،بو گون شانس منیم اولوب
باختین قیرقیسی سئوگیم گلیب چینیمه قونوب
-
نه ائشیتدیم آی الله،منیم یاریم اولورسان
منه لوطف ائلیییرسن،منه عاشق اولورسان
-
منی سسلیییرسن قیز ،منی عشقه بولورسان
محببت یاغیشیله،یانان کونلی سولورسان
-
خوشلوق غملری ازیر،کونلیم باغلاری گزیر
عشق گوللرین عطیری،یالنیز،قیز سنه بنزیر



ÖZÜM

[shalineh]

Sən gözəllər gözəlindən də gözəlsən gözəlim
Bu gözəllikdə ağızlarda məsəlsən gözəlim

Bu acı dunyada sən təkcə şirin bir məzəsən
Qoy ki mən sadə deyim dadlı əsəl sən gözəlim

Mən gözəl şeirlərimi təkcə sənin eşqə dedim
Çünki sən layıqe bu şeiro qəzəlsən gözəlim

Niyə sən saçlarıvı məndən axı gizlədisən
Olmuya şuxluq üçün səndə çeçəlsən gözəlim

Sənin eşqindən üzaq gəzmərəm mən hətta əgər
O kaman qaşlarıvınan məni dəlsən gözəlim

Elərəm canımı qurban sənə tay nazlı yara
əgər ki büsə üçün bir qonaq gəlsən gözəlim

[t.s.m.t]

یئنی تمددؤنؤن میوه لرینده ن،
آنا وطنیمین پایی چوخ اولدو
ترقّی عصرینین برکتینده ن
اینسانلار الیلن اینسان یوخ اولدو

عاصم اردبیلی

[ali_86]

ایسترم گوزلرینین نقشینی تصویره چکم
نیلریم سن سیز عزیزیم گنه دونیاده تکم

سن منیم نازلی یارم سان گوزلیم دردین آلم
اوزون اینصاف اله سنسیز نجه دونیاده قالم

[ali_86]

گوزلیم گوزلریمه رحم ایله آغلاتما منی
عشقیمین قدرینی بیل آیریسنا ساتما منی

من سنه جان دئمیشم باغریمی قان ایله میشم
بو غریبانه لرین محملینه ساتما منی

[ali_86]

کاش اولاردی کی یئنه زولفووه من شانه چکردیم
سنی بیر شمع اُوزومی آتشه پروانه چکردیم

کاشکی مجنون ئورگیمه یئنه لیلا تک اولاردین
تا کی من عشقیده اُوز شکلیمی دیوانه چکردیم

[ali_86]

آذربايجان روحوم جانيم

دامارلاردا گزن قانيم

سهنديله ساوالانيم

آذربايجان- آذربايجان



لعل ومرجان داغي- داشي

خائين چيخان يار يولداشي

ايرانيمين ديل سيز باشي

آذربايجان- آذربايجان



قورتارمييان چولو گولدن

ظولميله قيريلان بئلدن

قارداشلارين وئرن الدن

آذربايجان- آذربايجان



طلسمده قاليب اركين

شام قازانين قيلدين تركين

قازيلار گوي مچيد كوكين

آذربايجان- آذربايجان



يادلار دئيير يالان سوزلر

كور اولسون پيس باخان گوزلر

عاقيل ايشين سونون گوزلر

آذربايجان- آذربايجان



هاني صابير، هاني معجز

يارادسينلار سوزده معجز

ايستكلري يازسينلار دوز

آذربايجان- آذربايجان



هاردا قاليب ستارخانين

توپال تيمور تك اصلانين

كيم آلدي بابكين قانين

آذربايجان- آذربايجان



افراسياب چنگيز هاردا

ائل اوباميز قاليب داردا

چاغير گلسينلر فريادا

آذربايجان- آذربايجان



قورولسون هر يئرده اوردو

قاچيرداق ايتيله قوردو

ازيليري اودلار يوردو

آذربايجان- آذربايجان



گويده اويناسين شمشيرلر

باغيرسين شئر اورك شئرلر

ائله يئتسين شان خبرلر

آذربايجان- آذربايجان



آزادليقين مارشين چالاق

تانرييا دوز بنده اولاق

وارليغيميزدان كام آلاق

آذربايجان- آذربايجان



هاني علي حكومتي

اصلاح ائده بو امتي

اجرا ائده عدالتي

آذربايجان- آذربايجان



عدالت له بيته ساواش

ائللر اولا بوتون قارداش

وطن اولا گول باشا باش

آذربايجان- آذربايجان



گولله وجهي بئجرده ك گول

چه- چه وورسون سونا بولبول

گول پاي ليياق زنبيل- زنبيل

آذربايجان- آذربايجان



دونيا ديمز بير قوروشا

كوسو قالانلار باريشا

اوتاي بوتايا قاريشا

آذربايجان- آذربايجان



(نجار اوغلو) اول گولوموز

سئويب سئويله ائليميز

قول قاناد آچا ديليميز

آذربايجان- آذربايجان
یازان: نجاراوغلو

[ali_86]

اول وقت کي مشروطه خبري ايران کندلي لرينين قولاغينا يئتيشدي، بير نفر قوجا اکينچي سجده يه ييخيليب دئدي:



صد شکر کي اولدي نورباران

مشروطه ايله بو خاک ايران

رخنه يئتيشيب بناي ظلمه

يئر قالمادي کدخداي ظلمه

ظلمون، ستمين چيراغي سوندي

ايران يئنه بير بهشته دوندي

حاکملرين اختياري بيتدي

دهقانلارين اضطرابي بيتدي

بوندان سونرا رنجبر دويولمز

ناحق يئره بينوا سويولمز

سالماز بيزي ملکدار رنجه

قورماز بيزه بير داها شکنجه



يازيق بو شعرلري اوخور- اوخوماز ناگاه ديوان مامورلاريندان بير نفر فراش حاضر اولوب اکينچي نين قوللاريني باغلاييب آت قاباغيندا پياده اوني اربابين قاپيسينا گتيردي.

اربابين گوزلري قيزارميش الينده بي تعليمي طيشره چيخيب اکينچي ني گوردوکده دئدي:

ها... اکينچي بير آي کئچير کي خرمن

اوتدي نره لرده قالميسان سن؟!

محصولي بوتون اوزون گوتوردون

اربابه نه پيشکش گتيردين؟!

بوستاندا کي ميوه جاتي دردين

آيا دئه گورک بيزه نه وئردين؟

بو باغدا نه آرپا چاتدي سندن

نه لوبيا نخود،نه پاخلا ارزن

لازيم سنه ايندي مين عقوبت

تا عبرت آلا بوتون بو رعيت



بيچاره اکينچي بويني چيگنينده بوتون بدني اسه- اسه، قورخا- قورخا باش انديريب عرض ائتدي:



اللهه قسم کي من فقيرم

کوچ کلفت الينده دستگيرم

اطفال صغيره پاسبانم

آواره ي اکل و شرب و نانم

معلوم جنابينيز دير ارباب!

بير ايل قوراق اولدي تاپماديق آب

اکديکلريمين تمامي ياندي

فريادلريم گويه داياندي

واللاه اوزوموزده قالميشيق آج

بير پارچا قوري لواشه محتاج



ارباب بو سوزلري اکينچيدن ائشيتديکجه آغزي کوپرميش گوزلري حدقه دن چيخميش بير حالتده: اوشاقلار، فلقه چوبرق حاضر ائدين! اوت يانديرين، شيش قيزديرين. دئدي. بو اثناده دورد نفر ظاليم اللرينده شاللاق بيچاره اکينچي نين آياقلاريني محکم باغلاييب فلقه يه ساليب دويمه يه باشلاديلار:



ارباب- وور، وور کي گتيرمه ييبدير آرپا

اکينچي- انسان دوزنمز بو شارپا- شارپا!

ارباب- وور، وور کي بير آزدا مست کامم

اکينچي- جانيم چيخار وورما بي دوامم

ارباب- وور، وور کي نه ياغ وئريب نه قايماق

اکينچي- وورما دئييل اينکلريم ساغ

ارباب- وور، وور کي بوني قودورتدي مجلس!

اکينچي- وورما مني حاکم ائتدي مفلس!

ارباب- مشروطه بوني خراب ائديبدير!

اکينچي- ظولمون مني دلکباب ائديبدير!

ارباب- حريت ائديب بو شومي گمراه!

اکينچي- فرياده يئتيش آماندير آللاه!

...
یازان: صابير

[ali_86]

ديلده هاراي سالان کسين
ايچي آز يانار- آز يانار
بير درديم وار سازا دئسه م
اينان، ساز يانار- ساز يانار

آراز دئييب قارغايان وار
آراز دئييب آغلايان وار
قورد آغزيني باغلايان وار
دئسه م، سوز يانار- سوز يانار

بو داغلارين ديلي چاي دي
بو چاي يامان دلي چاي دي
ليلي، سولاري ديل آچايدي
يوخسا، يازيانار- ياز يانار

منيم بو ديو صبريمه باخ
گورن، سونون نه اولاجاق؟
يورد يئري يم، صبريم اوجاق
قاليب کوزله نه- کوزله نه

سونو دويوش بيلديرمز مي؟
آغلادان هئچ گولدورمزمي؟
ياران آخير اولدورمزمي
هر گون دوزلانا- دوزلانا؟

ديو الينده منيم يولوم
اووسونلودور ساغيم- سولوم
آراز چايي کورپون اولوم
آخ کئچ، نازلانا- نازلانا


یازان: روستم بهبودي