خالیقه بنده اولان،بنده قالار
آخار اولدوز،مه تابنده قالار
کیم عزالرده گئدیب شرکت ائده
ایکی دونیاده آدی زنده قالار
خرید لپ تاپ استوک
ماهان سرور
آکوستیک ، فوم شانه تخم مرغی ، پنل صداگیر ، یونولیت
دستگاه جوجه کشی حرفه ای
فروش آنلاین لباس کودک
خرید فالوور ایرانی
خرید فالوور اینستاگرام
خرید ممبر تلگرام
[ + افزودن آگهی متنی جدید ]
خالیقه بنده اولان،بنده قالار
آخار اولدوز،مه تابنده قالار
کیم عزالرده گئدیب شرکت ائده
ایکی دونیاده آدی زنده قالار
ای نور عینیم،منزل مبارک
بی کس حسینیم،منزل مبارک
چوخ اشک چشمون بنزتمه سئیله
یاندوم،منی گل یاندورما بئیله
دور بیر آناوا خوش گئلدئن ائیله
ای نور عینیم،منزل مبارک
دیندیر منی،من زهرا آنانم
بو دینمه مئکدن چوخ بد گمانم
سن خانه صاحب،من میهمانم
ای نور عینیم،منزل مبارک
باشوندو مشکواة آیات نوره
مطبخ سرانی دؤندردی طوره
خولی اوتانموب قویموش تنوره
ای نور عینیم،منزل مبارک
لازیمدو یاتسون بلبل،گول اوسته
تا سایه سالسون گول بلبل اوسته
دور سینمه گل،یاتما کول اوسته
ای نور عینیم،منزل مبارک
کسمیشدیم ایندی قان ایچره یانون
خشک ائیله یردیم زلفمله قانون
ناگه یئتیشدی ئوز ساربانون
ای نور عینیم،منزل مبارک
ای پادشاه ملک مدینه
اولدون نشانه شمشیر کینه
سنسیز حسین،بس نئیلر سکینه
ای نور عینیم،منزل مبارک
وجهی ندور بس اهلون آتوبساناکبر نولوبدور یالقوز یاتوبسان
چون اشک زینب،قانه باتوبسان
ای نور عینیم،منزل مبارک
گؤردوم وئروب جان،یئتمیش ایکی جان
بیر آغلیان یوخ،اولدوم پریشان
گلدیم دوتام من شام غریبان
ای نور عینیم،منزل مبارک
گیرم داغیلدی جاه و جلالون
تا لانه گئتدی مال و منالون
هاردا قالوب بس بیکس عیالون
ای نور عینیم،منزل مبارک
یوخسا چئکوبسن گوندوز اذیّت
ایندی اولوبسان،بیر لحظه راحت
دور یانما،یاتماز اهل محبّت
ای نور عینیم،منزل مبارک
گلدون وجوده صرّاف عدمدن
گئتمه کناره گل بزم غمدن
قوی نوحه اولسون جاری قلمدن
ای نور عینیم،منزل مبارک
صرّاف تبریزی
ای قاسم ِ تازه جوان
نوجوان اوغول،مهربان اوغول
یاتما آنان ئولسون،اویان
نوجوان اوغول،مهربان اوغول
سن بولوسن یوخدور کسیم
بیر سن ایدون هم نفسیم
سس وئر منه باتدی سسیم
نوجوان اوغول،مهربان اوغول
قانه باتوب گول بده نون
گلناری دور پیرهنون
طوی رختی اولموش کفنون
نوجوان اوغول،مهربان اوغول
الیم یئتیشمز ائلیمه
سن یئتیش درد دیلیمه
دور بیر الون وئر الیمه
نوجوان اوغول،مهربان اوغول
زلفون طناب ائیلمسین
پر پیچ و تاب ائیلمسی
قاندان خضاب ائیلمسین
نوجوان اوغول،مهربان اوغول
قانه باتان رختی سویون
سرّیه قربانی بویون
دؤندی نه تئز یاسه طویون
نوجوان اوغول،مهربان اوغول
ای یوسف مصر وفا
سلطان اقلیم صفا
ویردیم اولوب،وا اسفا
نوجوان اوغول،مهربان اوغول
از بس دگوب سینه وه اوخ
اوپمگه بیر صاف یئری یوخ
دور یاتما گون ایستی دی چوخ
نوجوان اوغول،مهربان اوغول
صرّاف چک بیر آه و فغان
قیل بو سؤزی وِرد ِ زبان
ای قاسم تازه جوان
نوجوان اوغول،مهربان اوغول
صرّاف تبریزی
Last edited by t.s.m.t; 03-01-2009 at 12:43.
قسم عشقه عاشیقلرین هیممتی
اونوچ گون محرم ده معلوم اولار
حوسینیلرین سینمئین وحدتی
اونوچ گون محرم ده معلوم اولار
حسین(ع)دیر محبت باغیندا گولوم
جهانی اسیر ایلئین سؤیگولوم
گؤزوم آغلا قوی جان وئرنده گولوم
منی یاندیرا عشقی چیخسین کولوم
حوسین سسلرم حل اولار موشکولوم
دئییر باغدا چه چه ویران بولبولوم
حوسینی لرین یار ایله اولفتی
اونوچ گون محرم ده معلوم اولار
محرم آیی ناز ائدر آیلارا
قولاخ وئر بو آیدا حوسین وای لارا
چیخار ناله اولدوزلارا آی لارا
یاغار غم توزو داغلارا چایلارا
گدا گؤز تیکر معنوی پایلارا
قولاق وئر مه منکیر سئون هایلارا
حقین دولتین باطیلیله جولتی
اونوچ گون محرم ده معلوم اولار
خدا تا خدایی ائدیر عالمه
بشر نسلی تا تاپمئییب خاتمه
نه قدری نفس وار بنی آدمه
نه قدری یارانمیش ائدیر زمزمه
بیری جان باخانماز قرا پرچمه
او کس کی مخالیف دی بو ماتمه
دئنه قاره پرچملرین قدرتی
اونوچ گون محرم ده معلوم اولار
گل سرسبد اولماز هر گول بیزه
حسین(ع) دی آدی حل موشکیل بیزه
اوخوردی دعای توسل بیزه
همین یول دی سیر تکامل بیزه
شمادت یئتیر مز تزلزل بیزه
حسین(ع) دوشمنی سن هله گول بیزه
سنا دهریده عشقین حیثییتی
اونوچ گون محرم ده معلوم اولار
اولوب کعبه ی اولیا،کربلا
زیارتگه انبیاء ، کربلا
وئریب کائناته صفا، کربلا
محل نزول بلا، کربلا
مقام ِعروج ولا،کربلا
غرض کربلا،کربلا،کربلا
او قانلی چؤلون ارزیشی تربتی
اونوچ گون محرم ده معلوم اولار
او چؤلده حسین(ع) ترک ِ جان ایلئدی
تجلّای عشقی عیان ایلدی
یئری برتر از آسمان ایلئدی
خدا بنده سین امتحان ایلئدی
حسینی عزیز ِ جهان ایلئدی
یزیدی ذلیل ِزمان ایلئدی
اونون عیزّتیله بونون ذیلۀتی
اونوچ گون محرم ده معلوم اولار
دئیور راوی :گؤردوم عمیر امم
گلیر خیمه دن بیر سپاه و الم
دالیجا چئکیر ناله،اهل ِحرم
قوجاقیندا بیر سود عَمَر غرق غم
سپاهه مقابل دایاندی او دم
ائشیت آغلا ای شیعه ی محترم
کی گؤزیاشیوین ارزیشی – قیمتی
اونوچ گون محرم ده معلوم اولار
حسین(ع) دردین ایظهار ائدیر دی هلهاو پیکانکی عبّاسین(ع)آنلین دله
یولا بلکه یولدان چیخانلار گله
قوشوندان چیخیب گؤردولر، حرمله
بیر ایش گؤردی عالم ائدیب زلزله
بیر اوخ آتدی گویده قوپوپ هلهله
نه هاله سالار طفلیمه طلعتیاونوچ گون محرم ده معلوم اولار
اوچوب روحی اصغر(ع)جنانه طرفنئجه آغلادار خلقی ،اوخ صحبتی
حسین(ع)باخمادی کوفیئیانه طرف
دولاندیر دی أوز آسیمانه طرف
بیر آز قان سئپیب کهکشانه طرف
مَلکلر وئریب پر او قانه طرف
گئدیب مرغ عشق آشیانه طرف
اونوچ گون محرم ده معلوم اولار
Last edited by t.s.m.t; 03-01-2009 at 16:57.
ائتدوم حسین مزارینی چوخ ایللر آرزوالحمد لله اولدی میسّر هر آرزو
پروانه تک فراق اودونا یاندی مرغ دل
ایندی وصال بزمدور ائیلر پر آرزو
انا الحسین
انا الحسین
انا الحسین
انا الحسین
انا الحسین
انا الحسین
انا الحسین
Last edited by t.s.m.t; 03-01-2009 at 17:48.
بو گئجه بیعت پوزولدی آشینالر گئتدیلر
قویدولار پیغمبر اوغلون،بیوفالر گئتدیلر
تاسوعای حسینی(تبریز)
Last edited by t.s.m.t; 07-01-2009 at 09:50.
بئله ائتمه ناله سکینه جان،بالام آغلاما،قیزیم آغلاما
سَفره گئدیب گله جک بابان،بالام آغلاما،قیزیم آغلاما
گؤریرم خرابه دو منزلون،غم و رنج و درد و بلالیسان
نه چراغی واردو نه فرشی وار،گونی قاره،باشی قارالیسان
قوری یئرده یاتماقا اینجیمه سن ابوتراب عیالیسان
بو قدر سیزیلداما مهربان بالام آغلاما،قیزیم آغلاما
تاسوعای حسینی(تبریز)
مولای من مهریم سنه، محببت ِ دونیایه وئرمئرمعشقین ،صفای جننت و لعنایه وئرمئرمسگگیز بهشتیده منی لوطفون غنی ائدیبظللی خودانی سایه ی طوبا یه وئرمئرمزاهید بهشتی ایستیری،دونیانی دونیاچیمن سندن اولماقی ایکی دونیایه وئرمئرم
گونده منه باش ووران ، ایندی منه داش وورور
ایندی منه داش ووران ، اوزگه لره باش وورور
اوزگه اگر داش وورور ، دردینه دوزمگ اولا
باخ بورا سوز بوردادير ، داشلاري يولداش وورور
مجيد شيخي
بایاتی
- باشيندا دومان وار
اوره يمده غميم وار
منه جانيم دئيه ن يار
ايندي سانير مني ياد
-
شاليم قارا بوياندي
اوجو يئره داياندي
منيم آه وناله دن
چرخ فلك داياندي
-
عزيزي يم بو يارا
گئدر قالماز بو يارا
دوستا ياد دئمه ك اولماز
دوست هارا دوشمن هارا
-
گوزوم قالدی او قاشدا
او کیپریکده او قاشدا
مجنون تک دلی گویلوم
گزیری داغدا داشدا
-
من عاشیقم اهیم دیلر
گوز یاشیم اهین دیلر
یار ایله کئچن گونر
اولایدی اه ایندیلر
-
آراز اوسته بوز اوسته
کباب یانار گوز اوسته
گوی منی اولدورسون
دانیشدیغیم سوز اوسته
-
آغ الما قیزل آلما
تاقچایا دوزول آلما
بیلسئدیم یار گوندریب
ساخلاردیم یوز ایل آلما
-
آبی دونون آستانا
کهلیک گیریب بوستانا
قور خورام یاغیش یاغا
قارا تئل لر ایسلانا
-
یار قاپینی آچیبدی
نیه رنگین قاچیبدی
دور گل، بیزیم باخچایا
گور نه گولر آچیبدی؟
-
داغ باشینی ساری گؤردی
گؤز قامشادی تار گؤردی
جفاسینی من چکدیم
صفاسینی اغیار گؤردی
-
داغدا دومان یئری وار
قاشدا کمان یئری وار
بیر جوت نار ایتیرمیشم
سنده گمان یئری وار
-
الیمده علمیم وار
قیزیلدان قلمیم وار
یاخیندان گوره نمیرم
اوزاقدن سلامیم وار
-
باشیمدا کلاهیم وار
سنین تک پناهیم وار
گوزگوردی ،گویول سئودی
منیم نه گناهیم وار؟
-
سؤزی سؤزدن آلان وار
زولفون اوزه سالان وار
گئدیرسن تئز قاییت گل
گؤزی یولدا قالان وار
-
حیط لری گولبسر
ایچینده گوللر اسر
من سنی چوخ ایستیرم
سن منی بیر مختصر
-
داغلار باشی قویون دیر
آی قیز بو نه اویون دیر
سنه موشتولوق وئریم
آچیلان آی تویون دیر
-
دردیوی دئ بیله نه
ایش باشینا گلنه
سیریوی دئمه کونلوم
هر اورویوه گوله نه
-
اوزه رلیک سن هواسان
هر بیر درده دواسان
درد قاپیدان گلنده
سن باجادان قوواسان
هم اکنون 1 کاربر در حال مشاهده این تاپیک میباشد. (0 کاربر عضو شده و 1 مهمان)
قوانين ايجاد تاپيک در انجمن
