آذری شعرلری

[ali_86]

-آ نــــا -مـــا مــامـــا دئدیم 1
دیـــلیــــمی بـــئــله یـــئـــدیم
زمــــان بـــئــــله گـــئتیردی
بـــونــنـــان ســونرا نه ائدیم


2-ســــو گــــئدیر آخا آخا 2
داش قــــومـــــا باخا باخا
دونـــیـامــــیـــز بئله گلیب
فــاقــیــری یـــیــــخا ییخا

3-آغاج اوسته پوتاق وار3
پـــــوتــــاقیندا یارپاق وار
گـــئلین ال الــــه وئره ق
قونشولـــوقدا چیرپاق وار

4-اوزوک واردی بارماقدا 4
گـــــؤزوم قـــــالیب داراقدا
تلفون مــــــوبایل چیخاندان
قیز گورمــــــوره م بولاقدا

5-اطــــــاقیم دورد دیواردی 5
هیــــچ کیم دئمیر نه واردی
اوره گــــــیمی یــــوخلاساز
غـــــم الینن هــــــــاوار دی

6-کـــــــاغیذ الــــده یازیرام
هــــــــر ســــــوزیله آزیرام
دنـــیـــام بـــــــئله ساویشسا
جــــانــــا قبیر قـــــــازیرام

7-گــــــئجه باخدیم اولدوزا
وورولــــــــموشام بیر قیزا
دوســــــلاریمنان خبر یوک
بــــیـــر منه ســـوزلر سیزا


8-هـــــر قــــــدمی آتــــــیرام
مـــقـــــصدیمه چــــاتــــــیرام
چوره ک پــــــولــــو تاپمیرام
شــــرمــنــــــده مــــن یاتیرام

9-قــــــــاوین قارپیز بوستاندا
هـــــــر شی واردی اوستاندا
منیم یــــــــــوردوم اوزاقدیر
آدی قـــــــالــــــــیب داستاندا

10-من دئمیرم گـــــلاب وئر
ســـــــــوزلریمه جواب وئر
مـــــــــن بیلیره م سن کیمسن
بـــــــاشـــاردیقجا عذاب وئر

11-قیش گئلر سویوق گئله ر
اینله ره تــــــویـــــوق گئله ر
زوو زوو گئده ن اوشـــاقیین
بــــاشی تـــــام چاپوق گئله ر

12-عـــمور گئلدی ساویشدی
سئللر ســـــــــــولار قاویشدی
بــــــودنـــــیـــــــام یز گئنیشلی
او دونیامـــــیـــــــز داریشدی

13-گئــــــــجه گونوز دولانیر
غــــم اوســــتوسته قــــــالانیر
نـــــا حـــــق بــــالیق توتماغا
تــمیز ســـــــولار بـــــــولانیر

14-نـــــاحــــق باشین اوجاتدی
بیزلـــــری غـــــم قــــــوجاتدی
دوزلـــــوغ یـــــئرین چون تاپا
شــــــاعــــــیر سوزو هجاتدی


تــــــــویــدا زیرنا چالینار
اوغــــلانـــــا قــــیـــــز آلینار
دامــــــاد گــــلــــین گه لرکن
هـــــدیــــه اونـــا ســـــالــینار

16-سیــــــلاو ســــویو لیلیدی
بـــــو اوغـــــلانــــیــز دیللیدی
هـــــــر کس بــــیرآز دانیشسا
اوره ک ســـــــوزو بـــئـللیدی

17-داغـــــدا گئزیر جیرانلار
ســــو آلتیندا مـــــرجــــانــلار
حـــــق ســـــوزیئرین تاپماغا
شاعــــــیـــــر یازیر دیوانلار

18-قـــــوشلار دوشوب قفسه
اوچمـــــاق گـــلیب هــــــوسه
رخــــمیــــــزگلسین سیز الله
بــــــو چــــیرپــیــنان نـــفسه

19-آغـــــاج اومود باغلادی
گــــــویـــــده بولوت آغلادی
غــــــــافـــل اُ ؤلوم اولماغی
چـــــــوک اوره کلرداغلادی

20-باغـــــــدا آغاج کئسیلدی
آتــــام آنـــــام اصــــــیــــلدی
اوشــــاقــــــا دوزگون باخین
آیـــنده چــــــــون نــــــسیلدی

21-گـــوزده ن آخارگوزیاشی
ولله دَئــــلــــر دوز داشـــــــی
نــــــــامــــــرده بئل بـــاغلاما
کئسر آتـــار هــــــــــربــــاشی



22-بــــــاغچادا گول سولوبدور
هــــــــرزه اوتـــــلار دولوبدور
نــــــــامـــــرد گیریبدیر بــــاغا
گــــــوزلــــلــــری یــولـــوبدور

23-مــــــــــن بیر قوشام یارالی
بـــــــو داغــــــلاریـــــن مارالی
فـــــــلـــک گــــــولــدو اوزومه
ائــــلــــــده ن ســـــالــدی آرالی

24-یول گلیب یــــــؤرولموشام
پـــــــارادان ســــــــؤیـولموشام
بـــیــر قــــیــز اوستــه بو گونو
چـــــؤخـــــلامـــــا دؤیولموشام

25- ائوده یـــانــیــر چــیراقلار
ایـــشیـــق اؤلـــــوب اطــــاقلار
اُؤغــــــلانــــیـــن ائـــلــــلریننن
بــــیــزه گـــئـــلـــیــب قـوناقلار

26- یــــــاغیش گئلدی باجادان
دامــجــیـــللادی اوجـــــــــادان
هـــــیـــچ بــــیــرنــفر ائشیدمیر
دلـــیـــللی ســــــؤز قــــوجادان

27- ســــــو سئپدیم کوچه لره
ده ن وئـــــردیــــم بــئــچه لره
ائشیهده ن بـــیـــــر داش گلدی
دئیدی تــــام ســئـــرچـــــه لره


28-هـــاوار هاوار وای هاوار
یــــیــخـــیـــلــــدی نئچه دووار
قـــــوهــــوم قــبــــیــلــه گئلدی
هـــیـــچ دئـمـه دی باخ نه وار

[ali_86]

لای لای چاتمیر داده کیم

هارایا ، فریاده کیم

دور قالادان هارایلا

بلکه گلسین بابکیم

---
اؤزویونده قاشام من

جؤمردلیکده باشام من

یاخشی گونده گَز دولان

پیس گونده یولداشام من
---

ایکی قاشین آراسی

اوره گین وار یاراسی

عشق اوتونا یانماسین

هئچ آنانین بالاسی
---

الیمده وار باغلاما

من گئدیرم آغلاما

بلکه گئتدیم گلمه دیم

نامرده بئل باغلاما
---

اورکیمده یارام وار

دئه گوروم نه چارام وار

سنه دئییب گلمیشم

سن سیز منیم هارام وار؟

---
تار گِدَر ایشیق گَلر

اولدوز گلر آی گلر

منیم یوردوم اولماسا

دیری گالماخ آر گلر

---
آراز آراز جان آراز

درد لَره درمان آراز

یاریمه شادلخ گَتیر

غملری ده مَنَ یاز
---

من سئويرم آذربايجان ائليني

اؤيره نيرم اونون شيرين ديليني

بو ديل اجداديمين حيات سسي دير

اودلار يوردوموزون اود نفسي دير
-

یاریما اولسون سلام

قوی کی دییم بیر کلام

ایستییرم من سنی

ایسته منی والسلام

---
الیمده آلدیم چیچک

وئریم سنه آی گؤیچک

دوغوم گونون گلیبدی

بو گون سنه موبارک

--
دنیزلره سالیب بوغسالار منی

دار آغاجینا چکیب سویسالار منی

آنالار سونرادان دوغسالار منی

دئیرم یاشاسین تورک آذربایجان

-
غریب بیر گئجه ده سندن اوزاقدا

کولک لرحسرتلی نفس کیمیدیر

سن سیز تنها قالمیش سیزلایان قلبیم

داریخیر هر طرف قفس کیمیدیر

***

Eşq Üçün Yaradıb Bu Hayat Məni

Artırar Zülminə Görsə Şad Məni

Ya Öldür Bir Yolluq Ya Yaşat Məni

A Zalim Balası Yar Belə Olmaz

[ali_86]

مثنوی معنوی تورکی دیلده ابیات ۱ - ۵۰

۱ گل ائشيت نئي دن شيكايت ائيله يير
آيريليقلاردان حيكايت ائيله يير

تا قاميشليقدان اوزولدو اولفتيم
آغلاديب دونياني سونسوز مئحنتيم

هيجردن يانميش اوره كدير ايسته ييم
ايشتيياقين آغريسين تا سؤيله ييم

اؤز كؤكوندن كيمسه كيم دوشدو اوزاق
آختارار بيرلشمه يه داييم ياراق

۵ جمعلرده آه و نالم سالدي ايز
موتلو هم موتسوزلا اولدوم ديز به ديز

يار اولور هر كس منه بير ظن ايله
يوخ ايشي سينمده اودلو سيررينن

ليك نالمدن دئييل سيرريم اوزاق
گؤرمه مزليك گؤزلره اولموش دوزاق

تن رواندان جان دا تندن آيري يوخ
گؤرمه يه جاني بو جيسمين ايزني يوخ

نئي ده كي ناله، دئييل يئل، اوددور اود
بو اودا اودلانمايان جندك دي خود

۱۰ نئي ده كي اود، مئي ده كي قايناقدير عشق
عشق دورغونلوق دئييل اويناقدير عشق

نئي دي ياردان آيريلانلار همدمي
نئي دي ييرتان ناله سي ايلن پرده ني

نئي كيمي دردي، دواني كيم گؤروب
نئي ده كي سيزقين نواني كيم گؤروب

قانلي يوللاردان آچير سؤز اودلو نئي
اودلانانلاردان آچير سؤز اودلو نئي

بوردا هوش تاپماق باييلماقدير گؤزه ل
مستليك ايچره آييلماقدير گؤزه ل

۱۵ غوصه ميزدن قرنلر قالدي ملر
سوزونان بيرلشدي آيلار هفته لر

گونلريم گئچدي قوي اؤتسون عيبي يوخ
قال گينان سن، ائي كي سندن غيري يوخ

گون قارالتدي، عشق دن پايسيز، يقين
يانقي سي سوندو باليقدان غئيرينين

پيشميشين حالين گؤزه ل خام آنلاماز
قيسسا گل خامي يئتيشميش دانلاماز

اولما پولدان اؤترو بير پوللوق، اوغول
قئيديني سينديرگينان سوندان دوغول

۲۰ پاي وئرر دريا سنه بير كوزه ليك
كوزه دن آرتيق يئتيشمز گونده ليك

دار گؤزه اولدو قوخوق دونيا هدف
دورره دولماز اولماسا قانع صدف

عشق دن هر كيم كي ييرتدي جامه سين
معشوقوندان آلدي پاك ليق نامه سين

اي ديريلدن پايلي عشقيم سن ياشا
سنله ويررام آغرينين باشين داشا

چؤكدورنمز سنله مغرورلوق ديزه
سن سن افلاطونلا جالينوس بيزه

٢٥عشق دن تورپاق فلك دن آلدي باج
داغ گليبدير اويناغا قيزديردي ساج

عشق دن طور اولدو سرخوش تاپدي جان
دوشدو موسي رؤعبدن اوينار مكان

نئي تكين يارلا دوداقلانسام اگر
اودلو سؤزدن عالمه ساللام شرر

ديل قاناندان آيري دوشسه ديل قانان
مين نوا ايله اونو اولماز قانان

اونداكي گول گئتدي سولدو گؤلسيتان
كيمسه وئرمز بيرده بولبولدن نيشان

٣٠ ديلبرين اوغروندا عاشيق پرده دير
يوخدو جان عاشيقده، ديلبر زينده دير

واي اگر گؤزدن سالا عشق، عاشيقي
بير قانادسيز قوش اولار عشق عاشيقي

هوش نئجه اولسون هم اؤن، هم آرخادا
چون دگيل يار شووقه سي، اؤن آرخادا

عشق ايستر بحثدن چيخسين تووا
گوز گويه باخسان، نئجه وئرمز لووا

هان نه دير عيلت، دگيل گوزگون چوغول
چونكي زاغلانميش دگيل گوزگون اوغول

٣٥ ايندي دوستلار دينله يين بير داستان
ائيله يير او بيزلرين حالين بيان

بيزدن اؤنجه واريميش بير مرد راه
دينه هم دونيايه اولموش پادشاه

آتلانيب اؤزغو نلري ايله اوولاغا
اوولاييب اوو، سالدي سس داغدان داغا

بير قاراواش گؤردو يولدا پادشاه
اوولانيب دوشدو تورا هئی چکدی آه

سينه سينده جان قوشو تاپميز قرار
پول تؤكوب ائتدي كنيزي ايختيار

٤٠ وصل جامين اوندان آلديقدان سورا
خسته لندي دوشدو قيز توردان تورا

واريدي بير گون پالانسيز ائششگي
تا پالان تاپدي يئدي قورد ائششگي

سو دئييردي، الده بومبوش كوزه سي
تا سويا ال تاپدي سيندي كوزه سي

سؤيله دي شه سيز حكيم لرسيز خيدير
هر ايكي جان سيزلره يالوارچي دير

من نه يم كي، جانيمين جاني اودور
خسته لنديم ديبده درمانيم اودور

٤٥ كيمسه كي قورتاردي غم دن جانيمي
يييه لندي دورروله مرجانيمي

دئديلر جان ايسته سن جان دا نه وار
قازاريق علم ايله بيز درده مزار

علمده بيزلر مسيحادن باشيق
مرهميك درده يورولماز قارداشيق

چون ياراندي غيفلت آللاهدان ساری
گؤرسديب بوشلوقلارين اؤندن تاري

داش اوره كليكدير حقه سؤكن مه مك
او دگيل قوندارما بير سؤز سؤيله مك

٥٠ گلمه ييب چوخ يئرده ايستيثنا ديله
ليك اولوب اوندان بويوندا سيلسيله

[t.s.m.t]

خوررم اولدو باغ و یئر گولدن،ایچیمده غم هنوز
گولدو هریان غونچه و کؤنلوم ایشی ماتم هنوز

[t.s.m.t]

دلبرا من سندن آیرو عمرو جانی نئیلرم
تاج و تخت و ملک و مال و خانمانی نئیلرم؟
ایسترم وصل جمالین تا قیلام درده دوا
من سنون بیمارونم،ئوزگه دوانی نئیلرم؟
چوق دوعالر قیلمیشام من خالقین در گاهینه
چون مرادیم حاصل اولماز،من دعانی نئیلرم؟
ای مسلمانلار،بیلین کیم،یاریله خوشدور جهان
چونکو یاردان آیرو دوشدوم،بو جهانی نئیلرم؟
دلبر آیدیر،ای نسیمی،صبر قیل ائتمه فغان
(بن بو گون صبر ائیلسم داخی فغانی نئیلرم؟)

[t.s.m.t]

گورگور بابا٬ حئيدر بابا آغلادی
شهرييار´ين ياراسينی باغلادی
داشا دؤنه ن اوره كلری داغلادی

سن ده گئل بير تبريز ایچون٬ يان٬ بابا!
قان قارداشی٬ قان قوسوروق٬ قان٬ بابا!

عبدوللطيف بندراوغلو

[t.s.m.t]

شمع رخ جانانه،پروانه منم ایندی

باخ ایچدیگیم آل قانه،مستانه منم ایندی

فریادیمی گوش ایله،عشّاقی خموش ائیله

گل باده نی نوش ائیله،خمخانه منم ایندی

اول زولف سمن بویه،میل ائتدی دل ابرویه

باغلاندیم اوگیسویه،دیوانه منم ایندی

عالم بیلیر اسراریم،یوخدور منیم اغیاریم

بیلمزمی او دلداریم،افسانه منم ایندی

عشقیله خراب اولدوم،دنیاده سنی بولدوم

مین گز بوشالیب دولدوم،پیمانه منم ایندی

آثار نسیبانی،لیلایه ائدیب تحریر

ائتدیم اونو من تنظیر،بیردانه منم ایندی

اولدون ایسه افتاده،می وئرمه ساقین باده

خمخانه ی ملّاده،میخانه منم ایندی

لیلا خانم(قرن7)

[ali_86]

ئوز قدریوی بیل،هرکس بو یولا چئکیلمز!

یاشاسین آذربایجان
یاشاسین تورک میلتلر
یاشاسین بوتون آزاده لره
جانیم واریم قوربان آنا یوردوم غیرت توپراقی آذربایجانا

[ali_86]

آتالار سؤزو

اینسان اولان اؤزلوگونو دانارمی؟
اؤزگه دیلی اؤز دیلینه جالارمی؟
قنیملرین حوققاسینا قانارمی ؟
اؤز باشینی اؤزگه داشا چالارمی؟

مرد او دو کی یالان سؤزه قانمییا
یاندیردیغی اودا اؤزگه یانمیا
سؤزدانیشیب دانیشدیغین دانمییا
اَر دوغولان توپوردوغون یالارمی؟

ایگید اودور اَیری دوزو قاتمییا
ظولمو گوروب گؤزون یوموب یاتمییا
گئتسه باشی ویجدانینی ساتمیا
اَردوغولان اؤزون اوزدن سالارمی؟


گر ایگید­ین گؤکسونه مین­اوخ دولا
ساواش گؤرسه دونمز آیری بیر یولا
او تولکودور گونده دالار بیر کولا
اَسلان اولان دالدالارا دالارمی؟ .

بیزیم ائلده ایگید امک ایتیرمز
ائل یاراسین یاد علاجی بیتیرمز
ائل تانییان ائله ضرر یئتیرمز
ائلدار اولان ائل اوباسین تالارمی؟ .

بیزیم ائله شرف گره­ک شان گره­ک
اَر اوغلانا دامار گره­ک قان گره­ک
ائل یولوندا ساواش گرَک جان گرَک
ائلین ساتان بایراق­اَله الارمی؟

سانکی دونیا بیر اؤته جک نفسدیر
یاخشی آددان باشقا نه وار هوسدیر
دونیا بوتون آلتین اولسا قفسدیر
اؤزگور اولان قفسلرده قالارمی؟

اوزگور

[ali_86]

بیز سومئرلر اوغلویوق ،
تاریخ بویو وار شانیمیز
بیز یئنیلمز بیر اولوس
عالمده یوخدور سانیمیز
قزاقیق بیز بلکه قیرقیز
ترکمن یا اؤزبکیک بیز
بیز تاتار بیز آذریز
جاندیر آذربایجانیمیز
بیزده واردیر تورکیه
سویداش دئمز هر چرچیه
تورک بیرلشسین دییه
بیرلیک اولوب قالخانیمیز
تورک ائلی قئیرت داغی
یوکسلدی سکگیز بایراغی
ساتماریق بیز توپراغی
ایستر تؤکولسون قانیمیز

آردی وار............اؤزگور