آذری شعرلری

ساقیا جام توت اول عاشیقه کیم قایغولودور
قایغو چئکمک نه ایچون جام ایله عالم دولودور
قویالیم باشی خُم باده آیاغینا مودام
توتماق اولماز آنین حؤرمتینی بیر اولودور
بونجا کیم کوه صیفت باشیما داشلار اورولور
دیده ی بختیم اویانماز نه عجب اویغولودور

مولانا حکیم محمد فضولی بغدادی

ساقیا می دن رفو قیل چاک بولموش کؤنلومو
قیل یواسی قان ایله پیوند اولموش کؤنلومو

صائب تبریزی

جوان لیقین،سوبایلیقین قدرینی شوخ قامتیم بوکولنده بیلمیشم
گئجه گوندوز اورییمین باشینا غم کوللاری اکیلنده بیلمیشم
اینجیمیشم نئچه دوسدان ،قوهومدان،داغلار داشلار زارا گلیب آهیمدان
شان شوهرتین معناسینی قاپیمدان دوست ایاقی کسیلنده بیلمیشم

Divanə könül, bəsdi fəğan eyləmə çox,
Razi-dilimi xəlqə əyan eyləmə çox,
Xamuş otur, feyzi-əzəl tap, özünü
Əbnayi-zəmanə həmzəban eyləmə çox.

NƏBATİ

قیزیل گول

آچیب دیر بوردا بیر گؤیچک قیریل گول
اونو گؤرجک گلیب افغانه بولبول

اؤزو گولدور، اوزو گول دور، سؤزو گول
اَییب دیر باش اونا نسرین و سونبول

دوداق قرمیز، اوزو آغ ، زولفو قاره
باخان دویماز، نقدر ائیلر نظاره

کمانی قاشلار، آغزی عین پوسته
هلاله بنزه یر چیخسا دام اوسته

پریسا ، دلربا، خوش قد و منظر
او خوش قامت، او خوش بوی، سروه بنزر

پاریلدار اود او قاره گؤزلرینده
یاغار شكر او شیرین سؤزلرینده

او بير جوت گؤز انو جیران ائدیب دیر
من بیر عؤمردور حیران ائدیب دیر

گولر چوخ عشوه لی، گاهدان بیر آغلار
بو غمی قلبیمی هر دمده داغلار

آیاقدان تا باشا هر بیرزادی دوز
نه کول تؤکسون باشا بیچاره انسوز

دئدی:«بیر عیب اولار هر بیر گؤزل ده
اگر چه المویا مثلی مَحَل ده»

بونون عیبی بودرکی رحمی یوخدو
اورک ده مهری آزدیر، کینی چوخدور


محمود قاضی زاده خسرو شاهی
( ا وزون آرزولار)

او فریبا گؤزه لیم هر بیر ایشه قادیرایمیش
ایندی بیلدیم او اؤزو بیر بالاجا ساحرایمیش

هارا گئتدیم منیله شام و سحر یولداش ایدی
هاردا قالدیم ، باشیم اوسته دئیه سن حاضرایمیش

هامی اسراریمه پیس - یاخشی بوتون آگاه ایدی
وار یقینیم کی ، منیم ایشلریمه ناظرایمیش

گرچه ممکن دی بیری چوخلو ایشه ماهر اولا
آمما هر ایشده نگاریم هامیدان ماهرایمیش

دونیا اهلینده اینان باطن زیبا یوخ ایدی
بو جماعت ده فقط جلوه له نن ظاهرایمیش

یاخشی اللاهیمه بیر عؤمر توکّل ائله دیم
طول عؤمرومده فقط بیر او منه ناصرایمیش

محمود قاضی زاده خسرو شاهی
( ا وزون آرزولار)

Gəldi yenə fəsli-növbahar, ey saqi,
Bəs harda qalıb o gülüzar, ey saqi,
Meyxanəyə get, gətir onu məstanə,
Vermə mənə munca iztirar, ey saqi.

NƏBATİ

شهادت

عاشقی گون ده سوسوز اؤلدور دولر
عشق شمعین ظلم ایله سؤندور دولر

چون واریدی معشوقین دوغرو وفا
ساخلادی اوندان اؤتور هرگون عزا

نه سو ایچدی نه اوتوردو کؤلگه ده
نه تخلّف ائتدی بیرگون وعده ده

عشق دریاسندا غرق الماق بودور
عشق دن درد و غمه دولماق بودور

محمود قاضی زاده خسرو شاهی
( ا وزون آرزولار)

ائیله رم جانانه قوربان جا نيمي،حاتم کیمی
فرقتینده ایچمه رم می گراولا زمزم کیمی


نوشدارو دور منه عالم ده جانانین سؤزو
کیم اولار اسراریمه محرم منیم همدم کیمی


من محبت مستی یم ، هجرانه یوخدور طاقتیم
یاش یاغار دایم گؤزومدن حضرت آدم کیمی


اولماسا او ماه تابان درد وغم داغلار منی
بیلمه رم دونیاده دوشمن محنت و ماتم کیمی


عاشقم، جور و جفاسن من تحّمل ائیله رم
قلبه ووررام خنجرعشقین اینان مرهم کیمی


یوخ غمیم من بولبول شیرین زبانم شعر ده
چون سلیمان عشقینه رونق تاپار خاتم کیمی


محمود قاضی زاده خسرو شاهی
( ا وزون آرزولار)

Ey badi-səba, güzar qıl Təbrizə,
Aləmdə qalıb ümidimiz bir sizə,
Ol sərvqədin kuyinə düşsə güzərin,
Bu naməni ver o zülfi ənbərizə.

NƏBATİ