Printable View
نصیحت
بیری اُغلون نصیحت ائیلیردی
اُنا بئیله حکایت دئیلیردی:
قارا عقرب هایاندا من تاپارام
قویروغون تئز اُنون توتوب چاپارام
تا اُنون اَندامیندا قویروغو وار
هر کیمی ایسته سه ،بیر آندا چالار
اوناکی، قویروغون گرک چاپاسان
اؤلدورن زهردن نجات تاپاسان
سن ده اُغلوم گرک گئدیب گزه سن
عقربین قویروغون توتوب اَزه سن
ظالیمین بورونون گرک اُواسان
مملکت دن اُنو گرک قُواسان
محمود قاضی زاده خسروشاهی
گؤزلرین گؤزدور ولیکن عین دریا دیر منه
پیکرین پیکر ده گیل تندیس رؤیا دیر منه
من کی بوعالمده یم بیرعؤمردور آواره یم
منزليم هر هاردا اولسا، اوردا مأوادیر منه
من او گون کی درد وغمدن ساغ سلامت قورتلام
عید نوروز و غدیر و فطر و اضحی دیر منه
یوخ یئری باغ و گولسوتانه گئدم سئیر ائیله یم
چون سنین فکر و خیالین خوش تماشا دير منه
یاخشی لیقدا هئچ تایین یوخ، حیف چون مغرور سان
بو غورورون هر زماندا بیر معّما دیر منه
محمود قاضی زاده خسروشاهی
آرازی آییردیلار
قومونان دویوردولار
من سندن آیریلمازدیم
ظلمنن آییردیلار
من عاشیق،یامان گونده
گؤرموشم یامان گونده
یاخشی لار مین یاشاسین
ئولسون پیس همان گونده
-----------------------
واردیق عومور منزیلینه بیر تهر
داها بیزه باغ قاپیسین آچان یوخ
بو دونیا بیر پنجره دیر دئییرلر
پنجره دن باخماغا دا ماجال یوخ
صیت فصاحت ایله سؤزوم توتدو عالمی
من مهد اعتبار دا طفل زبون هنوز
بوی خوشوملا اولور معطر دماغلار
من نافه ی وجود دا بیر قطره ی خون هنوز
مولانا حکیم محمد فضولی بغدادی
گیریه دیر هر دم آچان غمدن توتولموش کؤنلومو
عشقدیر خالی قیلان قان ایله دولموش کؤنلومو
مولانا حکیم محمد فضولی بغدادی
نئجه بیر وسوسه ی عقل ایله غمناک اولالیم
گلین آلایش غمدن چیخالیم پاک اولالیم
نئشه ی مئی بولالیم قابل ادراک اولالیم
مست و مدهوش و خراباتی بی باک اولالیم
مولانا حکیم محمد فضولی بغدادی
گؤروب بار غمین،بیلدیرمه دیک،رنجیده ییز سندن
بو معنادن،دلا!غایتده محنت دیده ییز سندن
علمی بغدادی