Lövh ilə Quran üzündür, vəssəlam,
Həq təaladan gələn sənsən kəlam,
Surətin dövründə hüsn oldu tamam,
Ey saçın taha, üzün beytülhəram,
İMADƏDDİN NƏSİMİ
Printable View
Lövh ilə Quran üzündür, vəssəlam,
Həq təaladan gələn sənsən kəlam,
Surətin dövründə hüsn oldu tamam,
Ey saçın taha, üzün beytülhəram,
İMADƏDDİN NƏSİMİ
آشینا اولا هر کیم حق ایلهغیر آشینا اولمایا گئرکفانی عالمین مال و مولکونهمطلق ائتمیه،اعتینا گئرک***اهل عشق اولان،غم چئکن اولورزینت ایستمز،زیور ایستمزجیسمی ضعفیده،کاهدان ضعیفرنگ اطلسی کهربا گئرک***هر کیم عشق ایله اولسا آشیناأولفتین کسر غیری عشقیدنقلبی شاد اولار،گولمز هئچ أوزوایندی باشیما بیر هاوا گئرک!***روزگار ائدیب حالیمی تباهائیله ییب فلک باختیمی سیاهدرد و غم منی شوردان سالیبعاشیقین گونو پُر بلا گئرک!***شوروم آرتیریب،نوطقومو آچانائیلئین منی بولبول باهاربیر گول أوزلویار،سرو قد نیگاربیر مارال باخیش،گؤز قارا گئرک***ماه مهر رو،مهر مه جبیننازنین نیگار،نازلی نازنینیاردان جدا،غیره آشیناعاشق ئولدورن بی وفا گئرک***نی نواسینی یاخشی سیران ائتنی ده کی نوا حق نواسیدیربی نوا!اگر سن ده ایسته سنسنده نی کیمی بیر نوا گئرک***اویما ای گؤزوم فعل زاهیدهاعتبار ائدیب،گیرمه مسجیدهمسجید،ای رفیق!درگشا اولورسگده لاجرم بیر حیا گئرک***مسجیده گئدن،حق یولون گئدرهر عمل ائدر ،بی ریا ائدرکینه سیز اولور لوح سینه سیقلبی نوریدان پر صفا گئرک***ای حقیقتین سیررین ایتیرن!گزمه چوخ سفیل،ایسته بیر دلیلحق یولون سنه وئرمئگه نیشانبیر علی کیمی رهنما گئرک!***هیچ کیم سنین موشکولون آچیبگیزلی دردیوه ائیلمز علاجچاره دردیوه گئت علی دن آلموشکول آچماغا مورتضی گئرک!***حل موشکیلات،باعیثی نیجاتشاه ذوالنّعم،صاحب کرمقعر چاهیدا،مهدی ناریدااژدها جیران ،لافتی گئرک***حق عینی گؤر،عینی حققی بیلحقريالعلیده دیر،باخسان حق ایلهحق بیلیر اگر مونکیر اولماسانبو سؤزه سؤزون اولمایا گئرک***یا علی!ئوزون ائیله بیر کرمای کریم منی سالما ذیکریدنتئز یئتیر گلین ئوز مورادیماوئر گیلن منه موددعا گئرک***حکیم سید ابو القاسم نباتی قاراجا داغیHəkim seyyid əbülqasim nəbati qaraca daği
فنای عُمردن گویا دگیللر غنچه تک واقیف
اولار کیم ئوزلرین دونیا ایچون دلتنگ توتموشلار
فضولی
گئري دؤنمه! گئتمك گرك
يوللار بوتون دومان اولسا"علـي شـكر بـيگ" اوغـلوســـان
داغ- دره لـر بـوران اولسـا
گول- چيچكلر تيـكان اولسا
گئري دؤنمه! گئتمك گره ك
***
بولبول كؤچسه، سولسا چيچك
دونيــا اولســا يــالان٬ كــلـك
قــان آغـلاتـسـا سنـي فــلـك
گئري دؤنمه! گئتمك گره ك
***
آديـن- سانـين گـيزلتـسه لـر
ائـليـن- اوبـان داغـيـتسـالار
"تورك"لويون اينكار ائتسه لر
گئري دؤنمه! گئتمك گره ك
***
يول كسسه لر، يول آچ٬ قورخما!
ديل كسسه لر، ديل آچ٬ قورخما!
آغلاتـسـالار، سئـل آچ٬ قورخما!
گئري دؤنمه! گئتمك گره ك
***
يـالانچيني يـالان تـوتـار
قان تؤكه ني ده قان توتار
ظالـيم عؤمرو سونا يئـته ر
گئري دؤنمه! گئتمك گره ك
***
"تورك"سه ن، "باهارلو" اوغلوسان
تـورك ائــللريـنه باغـليـسيــن
گئري دؤنمه! گئتمك گره ك
***
حميد رضا شريفي
« آشيق ريضا باهارلي »ائي آقـالار ! هيچ كس من´ه م ديمه سين
شاهلارين تختيني داغيدير فَلَك
من فقيره دادرسليگ ايتمه دي
يان دوشوب مينملَه ن٬ ياغيدير فلك
***
بو يوخسوللوق مَنه يامان آد اولدي
دوست ايشيديب دوشمنلريم شاد اولدي
قوهوم ـ قارداش ، ائل منيمله ن ياد اولدي
ايندي حيمايَتين چاغيدير فلك
***
منزيليم اولوب كونج-ي ويرانه
طعنه لر باغريمي دؤندَه ريب قانه
بارماقلارا بئله اولدوم نيشانه
ييدوغوم هلاهل ، آغيدير ، فلك
***
گؤزه ل ايلهام آلار حُوسن-ي اَزَلدن
عاشيقلار مجنونه دؤنه ر گؤزه لدن
َايچه ر لر بير به بير جام-ي اَجلدن
اَلينده مِئي ، هله ساقيدير فلك
***
« ريضا » دييَه ر : نئچه دؤوران گئچيرتديم
هر دوشه ن كَرواني يورددان كؤچورتدوم
عاشيقلارا غم باده سين ايچيرتديم
جاميمده مئي ، هَله باقيدير فلك***
گؤزونو بلا قرا بولوبدور
کیم جانه قرا، بلا بولوبدو
***
مجموع دوانی درد بولدو
دردینی منه دوا بولوبدور
***
عشق ایچره اونون فداسی یوز جان
بیگانه یه آشنا بولوبدور
***
تاقیلدی یوزون هواسی جانیم
اوز ساری اونا هوا بولوبدور
***
باقی تاپار اول کی اولدو فانی
رهرویه بقا، فنا بولوبدور
***
تا دوزدو نوایی آیت عشق
عشق اهلی آرا نوا بولوبدور***امیرعلیشیر نوایی
پولسوز پاراسیز بیر کیشیاولا بیلرمقادین سیز بیر کیشی کیمییاشایا بیلرماینام سیز بیر کیشی تکئوله بیلرموطن سیز بیر کیشی تکقالا بیلرم***آمما او یئرده کی بیر ووجدان ایستیخدام ائتمکایکی جیزما ایسته یه،تئکجه مؤهور***اوردا کی بیر داغ باشیندا،دریندن نفس چئکمئگین تاوانیتاریخی جعل ائتمئک دن آغیر راق دیر***اورداکی مسلول بیر اوشاغی ئولدورمئکبالیق توتماقدان راحات راق دیر***اورداکی جوشغون و آزاده أوره گین قانیبیر فاحیشه نیناَنلیک-کیرشانیندان أوجوز راقدیرمن اوردا هئچ قالانمارام***چیغیرماقدانسس سیز و سمیر سیز بیر کیشی!***علیرضا ذیحق
qurbətdə qərib şadiman olmaz imişil onla şəfiqü mehriban olmaz imişaltın qəfəs içrə gər qızıl gül bitsəbülbül ğə tıkan tək aşiyan olmaz imişامیرعلیشیر نوایی
ائي آقالار ! دونيا ايجاد اولاندا
" آدم صفي آللاه " ، قوشا يازيلدي
قودرت قلميني قاشا قوياندا
هر كيمين قيسمتي قاشا يازيلدي
بيري سولطان اولوب ، بيري سركرده
بيري بازرگاندير ، سئير-و سفرده
بيري عؤمور بويو ، چولقاشار درده
بيريسي خان ، بيري پاشا يازيلدي
داغلار دامانيندا يورد سالار ائللر
قاينايار بولاقلار ، بولانار سئللر
اؤردَه يه گؤل يازيب ، جئيرانا چؤللر
آسلانين مسكني مئشه يازيلدي
مؤشگولده قالاندا چاغير آللاه´ي
آچيقدير هميشه تاري درگاهي
قورآن`ين زينتي ، او بسم اللهي
آيه لر گله نده باشا يازيلدي
« ريضا » دييَه ر بير گون كَسيله ر روزوم
اَجليم يئتيشه ر ، باغلانار گؤزوم
دوشه ر آغيزلارا غوصصه لي سؤزوم
دييَه رلر كي : آدي داشا يازيلدي« آشيق ريضا باهارلي »
Bu gün sənin doğum günün
Xəyalımda bir quş olub sənə tərəf gələcəyəməlimdəki çiçəkləri gülüm sənə verəcəyəm
bügün sənin doğum günün belənçi bir şirin günübütün vucudumla gözəl sənə təbrik diyəcəyəm
ayrılıqdan gözüm yaşdı sənsizlikdən ürək qandıürəyimdə mən ağlayıb üzdə sənə güləcəyəm
əgər bütün aləm bügün gözəl səndən gözəl olsamənim gözümdə tək sənsən yalnız səni sevəcəyəm
əgər məni əfv etməsən ömrüm bitincə yar ınanməni qoyub gedən yerdə sənin üçün dözəcəyəm
səni sevdim özüm üçün ayrılmışam sənin üçünhəsrətində mən yaşayıb xəyalında oləcəyəm
şair : Vəhid Şükürzadə
خیالیمدا بیر قوش اولوب ، سنه طرف گله جه یم
الیمده کی چیچک لری ، گولوم سنه وئره جه یمبوگون سنین دوغوم گونون ، بئلنچی بیر شیرین گونو
بوتون ووجودوملا گوزل ، سنه تبریک دییه جه یمآیریلیقدان گؤزوم یاشدی ، سنسیزلیکدن اورک قاندی
اوره ییمده من آغلاییب ، اوزده سنه گوله جه یماگر بوتون عالم بوگون ، گوزل سندن گوزل اولسا
منیم گؤزوم ده تک سنسن ، یالنیز سنی سئوه جه یماگر منی عفو ائتمه سن ، عومروم بیتینجه یار اینان
منی قویوب گئدن یئرده ، سنین اوچون دؤزه جه یمسنی سئودیم اؤزوم اوچون ، آیریلمیشام سنین اوچون
حسرتینده من یاشاییب ، خیالیندا اوله جه یم
شاعیر : وحید شکرزاده
Çillə
Ömürüm geçir Günlərin geçir
İllər yaşıma artırır pillə pillə
Yapraq solur Gözlərimsə dolur
Ginə oldu payızın sonu çillə
Çillə oldu genə hardasan yarım
Sənsizlik illər neçə oldu bu illə
Gözlərimlə dedim səni sevirəm
Ama İyicə diyəmədim bu dillə
Ginə oldu çillə ginə oldu çillə
Hardasan gül sevər bülbül çilə
Çilə sevdiğimi yarıma söylə
Bəlkə səsin sözünlə dərdimi bilə
Bəlkə gələ gaxar öz yaşımı silə
Bəlkə bu şax Atilla az əzilə
Bu gəncin boyunu az bükülə
Gözləri yarın yoluna az dikilə
Çilə ey gül sevər bülbül Çilə
Denən Atilla səni sevir Qaragilə
وطنیم! بیر قاداغان دیلده سنه آند ایچیرم
آنامین سؤیله دییی لایلایا من آند ایچیرم
آرازین باغلادیغی یوللارا من آند ایچیرم
سنه من آند ایچیرم...
سنی مندن آلانی تورپاغینا قایتارارام
اونودولموش نیشانی بایراغینا قایتارارام
«سو» یو «آب» اولمادا من بارداغینا قایتارارام
یئنه بیر خیردا بالیق ماوی دنیزدن سؤز آچیر
اونو بوغماز قره سو سولدوغو گولدن گول آچیر
دنیزه بیر یول آچیر
وطنیم! تک دئییلم سانما سسیم تئز بوغولا!
گون او گوندور کی گرک گؤنده مین آصلان دوغولا!
ائوی ظولمون داغیلا!...
وطنیم! گون اولار! دونیا گؤره ر! توپراغینا گول بیته جک!
خالقیمین قوردوغو بایراق دا یئره یئنمه یه جک...
...
وطنیم! اؤلسه م اگر، منده وطن قوربانییام
سنی بیر گؤرمک اوچون قورخو نه دیر، آتمالییام
یازاسان باش داشیما، بوردا وطن قوربانی وار
یاتیب هردن اویانیر، گؤزلرینین آل قانی وار
وطنین سئومه یه نین کیم دی دئیه ن ووجدانی وار
بو نه یاتماقدی، دورور گؤز تیکیر هردن اوتایا
دئییر آخر یانیرام، هم اوتایا، هم بو تایا!
تورکی شعر عاشورا و امام حسین ( ع ) حاقیندا
آی باتدی صبح آچلدی زینب نوایه گلدی
زهرا دئدی حسین وای عالم صدایه گلدی
چون ییخدیلار آتیندان سلطان تشنه کامی
دنیایه اولدی اعلان قتل الحسین پیامی
جناتیدن انشیتدی پیغمبر گرامی
نعلین سیز عباسیز کرب و بلایه گلدی
پیمانه عالم اولدی چانانه وئردی چانین
شوق و شرافتیان طی ائتدی امتحانین
شمر دغا توکنده خاک منایه قانین
پوزدوتدی آسمانه حمد و ثنایه گلدی
خون خدا توکولدی گودال کربلایه
یئرلر تزلزل ائتدی دعسه دوشوب سمایه
کروبیان لاهوت آغلاشدی بو بلایه
یئل اسدی گون دوتولدی ظلمت فضایه گلدی
خون حسین بوغازدان جاری اولان زمانی
جبریل آپاردی عرشه بیر شیشه ده قانی
اول شیشه دن نمودار اولدی بلا نشانی
قوزاندی بوی ماتم اهل سمایه گلدی
نور حق اولدی لامع باشسیز قالان بدنده
راس حسین مظلوم سر نیزیه گئدنده
باد سیاه اسنده یئر زلزله ائدنده
سیندی نظام دنیا حد فنایه گلدی
نزدیکدی یئرندن چیخسون مدار دنیا
آل امیه ائتسون دستور شرعی ملغی
سرنیزه دن ائدنده نور حسین تجلی
دین محمد اوسته نورانی سایه گلدی
فرمان غارتیلن تللی آشوب عربلر
گوردی اوهایهویی اطفال زار و مظطر
قاچویلا خیمه گاهه بیردن اوچالدی سسلر
عمه آماندو لشگر خیمه سرایه گلدی
صحرانورد عربلر خرگاهی یاندیراندا
باشی آچوغ حرملر اوتدان چیخوب قاچاندا
قالخیب بحتر آتش گیزلندیلر دوماندا
توسدی اوجالدی قاره پرده هوایه گلدی
بیر خوردا قیز قاچیردی دوتموش آلوعباسین
مرد یهودی دوتدی خاموش ائدب لباسین
گتدی اله حسینون دلبندینون رضاسین
احسن او شیخه مشکل وقته هرایه گلدی
گرائتمه سئیدی زینب نسل حسینه امداد
اولموشدی اودایچینده سوزان امام سجاد
قیلدی رشادتیله اوتدان امامی آزاد
بیر تازه زندگانیق زین العباده گلدی
زهرا گزردی گوندوز اطراف ماجراده
تا کوفیه حسینون گئتدی باشی جداده
نعش حسینی آخشام باشسیز قویوب اراده
گون باتجاقین او خاتون مطبخ سرایه گلدی
حوران باغ جنت محزون گرفته سیما
حوا خدیجه خاتون مریم جناب سارا
آشفته مو سیه پوش دیللرده وای حسین وا
زهرایه همدم اولسون بزم عزایه گلدی
اللی اوچ ایل قاپونداوار حسین جان
نوحه یازیب غمونده اولموش مریض و نالان
دست مبارکونله دردینه ائیله درمان
امید صحت ایله باب شفایه گلدی
تاج الشعرا یحیوی
آنا تک ، جاندان عزيزدير “آنا ديل”
بيز واريق ، وارسا وطن ، وا ايسه دوْغما ديليميز
اؤيرهنيب بيلمهليدير اؤز ديليني ائللريميز
آنا تک ، جاندان عزيزدير آنا توْپراق ، “آنا ديل”
حؤرمتين ساخلا ياشارکن ، آنالار قدريني بيل
وطنين کيمليگيدير ، وارليغينين داش تَمَلي
کيمليگين بايراغيدير هر بالانين دوْغما ديلي
“آنا ديل”دير بَزهيَن دويغولارين اوْيلاغيني
سوسلهين آرزيلاري ، سئوگي ـ سئوينجين باغيني
بولبول اؤز “دوْغما ديلي” ايله گوله سؤيلر سؤزونو
هر گول اؤز رايحهسي ايله تانيدار اؤز اؤزونو
“آنا ديل”دير داشيان لايلالارين جان داديني
“آنا ديل”دير ياشادان اؤولادينين اؤز آديني
آنا ديلدير ائلينين تاريخي ، آيدين تانيغي
يوردونون ، اؤلکهسينين آيناسي ، سؤنمز چيراغي
“آنا ديل”ده آنانين سئوگيسي ، عطري ، دادي وار
“آنا ديل”ده وطنين شانلي شرفلي دادي وار
---------
--------- گؤزلريمدن آخان ياش
--------- ظلم اليله سينان داش
--------- غمله دوغما آرخاداش
--------- گؤيدن انميش پارچا داش
--------- اوزوگومده اينجه قاش
بيلميرم کي نه دانيشيم نه يازيم
کدرليدير سازيم، سؤزوم آوازيم
قيشدان کئچير چوخدا آغير بو يازيم
دوست ائدني دوشمن ائدمير منه، باخ
ائله دوست وار دوشمندن ده چوخ آلچاخ
اينتيظارين آغير دوستو، شلهسي
دوْندو قاردا حقيقتين لهلهسي
گورونمهدي دوشمنلرين تله سي
سيتم اولدو اولوسوما، ائليمه
ايللر بويو خور باخيلدي ديليمه
دده قورقود دوعاسي وار ديليمده
تارلا خاتون وفاسي وار ديليمده
مين سارانين حياسي وار ديليمده
هر کلمهسي بير دونيادي ديليمين
فولکولوري معمادي ديليمين
تاريخيمي يانليش يازدي يازاني
حاققي ساتدي يولون آزدي يازاني
حقيقتي چوخ ـ چوخ آزدي يازاني
يازدي آغي، اوزو قارا، بيلمديک
اغيار دوندو نازلي يارا، بيلمديک
ماتم گونون بايرام سانديق ائله بيز
آنلاماديق اويدوق شيرين ديله بيز
واري ـ يوخو اوجوز وثرديق يئله بيز
نه ديل قالدي، نه ده آغيز، نه دو گؤز
تحريف اولدو، دييشيلدي، دؤندو سوز
الهديلر باشيميزا قارا کول
قول چکديلر گلستانا نئچه يول
زامان بيزي ائتدي يادا مفته قول
خان ايوازيم اويدو حمزه فعلينه
چنلي بئليم دوشدو يادلار الينه
ناشي باغبان وئرمه ينله گؤلونو!
هيجران وورهر خزان کسر يولونو
اوز الينله، باغلاما اوز قولونو
فيتنهچيدير يالانچي دير بو فلک
سانما باهار اؤز اؤزونه گلهجک
ديليم ـ ديليم دوغراديلار بيزلري
کامان کيمي قاتلاديلار ديزلري
ديلي کسيب باغلاديلار گؤزلري
قوجاق ـ قوجاق اوتدوردولار قان بيزه
قويماديلار خوش کئچه بير آن بيزه
تانيماديق نه دوستو نه دوشمني
اودوزدوق چوخ اوجوز معاميلهني
تيکه ـ تيکه الدهن وئرديک وطني
نه دوستدان يارديق نه ياردان بئله
پاي وئرديق دوشمنه دياردان بئله
قورومادي گؤزوموزدن گؤز ياشي
دوشمن اولدو مين حيلهلي، بيز ناشي
ووردو بيرـ بيرينه قارداش قارداشي
هيچ زامان ديل آچيب حاققي دئمهدي
ناحاق يئره بوْغدو اوْ خان صمدي
آخدي سارام خان چوبانيم خبرسيز
داردا قالدي قوچاق نبيم هجرسيز
بير گونومده هيچ اولمادي کدرسيز
قيشيم بوران، يازيم خزان اؤتوشدو
بو دونيادا هيجران پاييما دوشدو
داشي چالدي اؤز باشيما اؤز اليم
يوْلو کسدي مين جينايت مين ظؤلوم
بابام بابک سويولدو ديليم ـ ديليم
بورا سيدير اوْدلاغالي، ياغالي
اؤزوموزق بوْ آل ـ وئرين دالالي
نه ساتيرميش نه آليرميش زامان گؤر
ساتقين اللر ائتدي بيزي تالان گؤر
بو نه ايشدي گونو گوندن يامان ، گؤر
اينديجه دير ياتا بيلمز قالخاجاق
مزاريندان ستارخانيم « ار » ساياق
قاراباغيم آلتدان ـ اوستدن تالاندي
شرفيميز آياغلارا جالاندي
شک ائديرم دئييلنلر يالاندي
قوْچ کوْراوْغلو ، خان جوانشير هني بس ؟
هايدي دئسين دليلره بير نفس!
--------- اؤلکهسي
نه دوماندان قوْرخوم واردي، نه چَندن
نه دَنيزدن، نه دالغادان، نه سندن
سئويلهميشم بو کؤنلومه اوّلدن
بير گون گلن ، بير گون گئدر چيمَندن
آيرليغين باغرين ياريب گلميشم
سودانين غنچاسين دَريب گلميشم
دنيزين، دالغانين، دومانين، چهنين
ظاليم اورکلرين يوروب گلميشم
اوجا داغ باشيندا دومانام، چَنَم
کدَر ايله سوْلان ياشيْل چيمَنم
دوْنوبدور شاختادان اَللريم مَنيم
ائليندن ـ گونوندن آيريلان ، منم
بو دونيادا چوخ چتينليک گؤرموشم
دوْغرولوق يوْلوندا عؤمور سورموشم
شيرين ايستَکلره يئتيشمک ايچين،
مينلر آجي حسرته تئلين هؤرميشم
بولودلار باغلاييب گونَشين گؤزون
چاققاللار دانيْشيْر آسلانلار سؤزون
اورَکلرده قارانليْق يئر سالاندان
خوش گونلر گيزلهدير بيزلردن اوزون
آنا وطنيمين دؤرت ياني داغدي
گـلهجک گـونلري گـؤرونور ، آغدي
«فضولي»نين، «شهريار»ين ، «صابير»ين
اؤزلري گئتسهده، سؤزلري ساغدي
«آزربايجـان» اؤلکـهسينه تـاي اوْلـماز
ياز سوْنا چاتماسا ، داها ياي اوْلماز
اوْيانماساق بيز شيرين يوْخولاردان
غفلَتده ياتاندان بيزه هاي اوْلماز
غوربتده غريبين هاراسي واردي ؟
گؤزونون بير آغي ، قاراسي واردي
آختاريب تاپماسا اؤز ايستهديگين
گؤنلونده چوْخ دردي ، ياراسي واردي
دانيبسان آناديلين
من ائللرين ، بوغازدا بوغولموش سؤالييام
من اؤلکهمين شفقده باخان آي هيلالييام
سن بير قارانليغا سيخيليب ، دويغو دويمايان
من ، دان زاماني ، آيدا قوپان گون خيالييام
بير کاسه آشدان اؤترو ، دانيبسان آنا ديلين
مندنده ايستهمه ، کي گليب کاسه يالييام
سن قوردا قويروغون سيخان ايت، من ده بير قوزو
يئتمز سَسيم چوبانا ، سورومدن آرالييام
مندن اگر اؤز ائللريمه سَس يئتيشمهيير
اؤز بختيمين ، اويوندا جيريلميش قاوالييام
چوخدا گؤوَنمه شهريده، قصرين هاوالى دير
من سَس وئرَرسَم ائللره ، سندن هاوالييام
نَه اوز وئريب زمانه ده، کي کيمسه سؤيلهمير
هاردا ائويم ، نَه يئرده ائليم ، يا هارالييام
آديم “باهارلي”، يوردوم آدين ايستهسَن ، “باهار”
“تؤرک ” اوْغلويام، “اوغوز”لارين ايتگين ماحالييام
سن سیز ای گول کونلومون بیر دم قراری یوخدو، یوخ
سندن اؤزگه، نئیله سین، بیر غمگساری یوخدی، یوخ
درد هیجرین چاره سی هرچند بیلدیم صبرایمیش
نئیله ییم، بالله بو دریانین کناری یوخدو، یوخ
لئیلی- لئیلی سؤیله ییب چوخلار دئییر کیم عاشیقم
لیک مجنون تک اونون بیر داغداری یوخدو، یوخ
گوللری، بولوللری، آب و هاواسی چوخ گؤزل
حئیف کیم بو گولشنین بیر گولعذاری یوخدو، یوخ
هئچ عیبین یوخ، گؤزلیک هامی سنده جمعدیر
نئیله ییم آمما کی، عهدین اغتباری یوخدو،یوخ
سن نه بسلرسن بو ترلانی نباتی، روز و شب
من بو داغی چوخ دولاندیم بیر شیکاری یوخدو، یوخ
Cana, könüldǝ hǝmdǝm olan qǝm durur mana,
Gör kim, fǝraq evindǝ nǝ hǝmdǝm durur mana.
Ancaq yüzün görǝndǝ sǝnin can degil mǝlul,
Zülfin kimi könül dǝxi bǝrhǝm durur mana.
Dil tǝşnǝ olsa vadiyi-hicrindǝ qǝm yemǝn,
Lǝlin zülali çeşmeyi-Zǝmzǝm durur mana.
Neyçün sevǝrdi xǝstǝ dil, ey bivǝfa, sǝni,
Bu çox bǝla ki, hicrin edǝr kǝm durur mana.
Miskin Xǝtai vǝsl ilǝ yüz il yaşar, müdam,
Bu ömr kim, zǝmanǝdǝ bir dǝm durur mana.
Ey cǝmalın gülstani-baği-minudur mana,
Cǝnnǝti-rizvan ki, derlǝr ol sǝri-kudur mana.
Yüzün üstǝ zülfini ta gördüm, ey ruhi-rǝvan,
Gecǝ-gündüz ağlamaq eşqindǝ xoş xudur mana.
Hicr sǝrgǝrdanlığın çǝrxi-fǝlǝkdǝn görmǝnǝm,
Bu cǝfalǝri qılan ol yari-mǝhrudur mana.
Gecǝlǝr ta sübh olunca uyxu gǝlmǝz eynimǝ,
Ta xǝyalın daima çeşmimdǝ qarşudur mana.
Onca yaş tökdi Xǝtai firqǝtindǝn, ey sǝnǝm,
Xancaru baxsam gözümdǝ yer yüzü sudur mana
[ برای مشاهده لینک ، با نام کاربری خود وارد شوید یا ثبت نام کنید ]
--------------
عید اولسا جاهان خوررم و خندان اولاجاق
بیر قطره ی می شیشه ده بیر جان اولاجاق
به به گئنه دؤرد نؤشلار بزمینده
ساقی یئخیلیب ، پیاله غلطان اولاجاق
nəbati
خيرداجا, ايشجه آرخيديم Xırdaca işcə arxıdım
مئشه لردن, داغلاردان Meşələrdən dağlardan
دره لردن آخيرديم Dərələrdən axırdım
بيليرديم دورقون سولار Bilirdim durqun sular
اؤز ايچينده بوغولار Öz içində boğular
بيليرديم دريالاردا Bilirdim dəryalarda
دالغالار قوجاغيندا Dalqalar qucaöında
خيرداجا آرخلار اوچون Xirdaca arxlar üçün
يئنی حيات دوغولار Yeni həyat doğular
نه يولون اوزاقليغی Nə yolun uzaqlığı
نه قارانليق چوخورلار Nə qaranlıq çuxurlar
نه دورقونلوق هوه سی Nə durqunluq həvəsi
منی يولدان قويمادی Məni yoldan qoymadı
ايندی قاريشمشام من İndi qarışmışam mən
قورتولماز دالغالارا Qurtulmaz dalqalara
وارليغيميز چاليشماق Varlığımız çalışmaq
Yoxluğumuz dayanmaqيوخلوغوموز دايانماق
شهید مرضیه احمدی اسکوئی
-------------------
Ay çillə çillə qardaş
Atın qamçıla qardaş
Bir gəldin danışmadıq
Qəlbim açıla qardaş
نه دی دونيا
انـدوه- و غميـن گـؤزگوسو ، غمـخانه دی دونيـا
افسانه يازانلار يازيب : افسانه دی دونيا
آلدانما زر- و زيـورينه ، يـوخدو وفـاسی
هم دامی فريبنده ديرهم، دانه دی دونيا
بير لحظه ده ، ويرانه جيداری ييخيلان دير
ويرانه يه يورد سالما كی ويرانه دی دونيا
هر ائو كی سو اوسته سالينيب ، غرق اولوب آخير
سو اوسته سالينميش ائو- و كاشانه دی دونيا
ای كاخدا وو قصریده منزيل ائده ن اينسان
گئت "داری سلام" ايچره ، گؤر آيا نه دی دونيا
گؤر نه سوروشوب "نوحی نبی"دن "ملك العرش"
باخ "نوح" بيانيندا ، عزيزا ، نه دی دونيا
"جبريلی امين" ، نازيل اولوب نوحه سوروشدو:
چوخ عؤمر ائله يه ن حضرتی نوحا ، نه دی دونيا ؟
حضرت بويوروب پئيكی خوداوندی جليله
ايكی قاپيلی ائو كيمی بير خانه دی دونيا
بو مطلبی زيبانی بيله ند ن سورا ، واللاه
هر كيم سنه بئل باغلاسا ديوانه دی، دونيا
فخريم بودو : مدداحی حوسئين ايبنی علی يه م
جان و قلميم وقف او سولطانه دی ، دونيا
شيش گوشه مزاريندان اوزاق دوشماغا خاطير
"دانا" اوره يی " اُستُنِ حنّانه "دی ، دونيا
عليرضا كامرانی دانا
عؤمروم گئچيب احوالی جوانليق هانی قارداش؟
ايشيق گونوزوم اولدو قارانليق داخی ، قارداش
بوش معريكه ده اوْل قورو خانليق هانی قارداش؟
افسوس! گئچيب عؤمر ، توکه ندی اوْ طراوت
اُوْل بزمی طرب اولدی حيكايت هامی ، قارداش
پيس وقتده بويوردون سنه بير شئعر يازام من
فيكر ائيله مه دين بلكه بو اشعاری آزام من
يا يازديغيم اشعاری جيسارتله پوزام من
يوخدور داهی بنده نده اوْ ذؤوق ايله شهامت
گول اولدو خيزان ، باغی فصاحت هانی ، قارداش
نه باشدا واريم حؤوصله ، نه قلبده طاقت
بير لحظه ده جيسميم تاپيری ضعف و كسالت
اؤتدو گؤزه ل عؤمروم ، هامی جهل ايچره ، جهالت
هر چند جوانلاردا دا قالماز بو وجاهت
گئد گؤلشَنه باخ ! گؤر او طراوت هانی ، قارداش؟
ايندی دلی لر تك اولورام من عصبانی
هر لحظه دوشور ياديما اييامی جوانی
چوخدور اوره گيمده ، منيم ، اسراری نهانی
فاش ائيله مه ره م ، ائيله مه م هرگيز ده شيكايت
عاجيزدی قلم ، وقتی كيتابت هانی ، قارداش
سن ده بئله مغروری جمال اولما ، عزيزيم
لاكين چو من آزورده خيال اولما عزيزيم
سن عاشيقی آمالی محال اولما ، عزيزيم
دوشمه ز الينه ، يوخدو داهی هيجرينه طاقت
عاشيقلار اوچون صبرو متانت هانی ، قارداش؟
بو دهرده ، گَل سالما اؤزون دردو بلايا
فيـكر ائيلَه گيـلَه ن گئتـمه گينه داری بقـايا
"نمرود"ی ، "سؤلئيمان"ی فلك ووردو فنايا
بيل گورکی اجل جنگينه يوخ كيمسه ده طاقت
گر چاتسا اجل ، وقتی خلاصت هانی ، قارداش؟
بئش گون ، باشارارسان ، هامی مخلوقا وفا قيل
آت جورو سيتم داشينی ، سن تركی جفا قيل
گل ديققت ايله ، بيرجه نظر بر سوله فا قيل
گؤر هاردا ، او كسلر كی به صد شورو وقاحت
سندَن قاباق ائيله ردی ريياست ، هانی ، قارداش؟
سؤز دوشدو اوزون ، ختم ائليره م ، ائتمه گيلايه
لازيـمدی بـو اشعـاری چـكه م كربُوبَـلايا
چون نوحه گره م ، سن كيمی ، شاهی شوهدايا
گر ائتمه سه محشرده منی زارا شفاعت
بو عبدی گُونَه كارا سعادت هانی ، قارداش؟
علی اصغر مصطفوی
باخ بير کؤنولده گؤزلريمه ، سن ده يان ديليم!
باخ بو تيكيك دوداقلاريما ، بير اوتان ديـليـم!
اويدون يابانجی لايلالارا ان باهار چاغيم
عؤمروم دؤنوبدو سون باهارا ، دور اويان ديليم!
داندين اؤزونده كی آتالاردان قالان ديلی
ايندی يابانجیلاردی بيزی دانلايان ، ديليم!
باخ! اؤلكه لردن ايندی گلير كيمليييم سَسی
سَسلَه ن او سَسلره سَس وئر ، آمان ديليم!
چوخدان هارايلايير سنی ائللر ، قيسيلما قالخ
قير ايپلرين دوداقلاريمين ، سَسله "جان" ديليم!
آنلام ديليندن آل يايی ، قوی اودلو سؤز اوخون
ديلسيز قارانليغين اوره يين آل نيشان ديليم!
بير گون كؤچه ر گئجه ، سؤكوله ر دان ، گونش ساچار
باش قالديرار چيچك گَنَنه قاردان ، اينان ديليم!
قيش دا گئده ر ، "باهارلي" يازار شئعرين ائللره
ائل ده سنه چيچك گتيره ر آرماغان ، ديليم!
اوستاد غلامرضا باهارلی
ADƏMİ ADƏM EYLƏYƏN PARADIR
Adəmi adəm eyləyən paradır,
Parasız adəmin üzü qaradır,
Qoy nə əslin, nəcabətin olsun,
Nə nəcibanə halətin olsun,
Baş-ayaq eyb içində olsan da -
Tək bu aləmdə dövlətin olsun;
Adəmi adəm eyləyən paradır,
Parasız ad_min üzü qaradır.
Olmasın fəhmin, əqlin, idrakın,
Var nə qəm, ta ki, vardır əmlakın;
Atəşi-xanə suzi-millət ikən --
Hər kəsin səcdəgahıdır xakın;
Adəmi adəm eyləyən paradır,
Parasız adəmin üzü qaradır.
Olmayır, olmasın da insafın,
Dut qanın şişə içrə əsnafın,
Ta ki, var əldə beş puçuq quruşun --
Mötəbərsən gözündə əşrafın;
Adəmi adəm eyləyən paradır,
Parasız adəmin üzü qaradır.
MİRZA ƏLƏLBƏR SABİR
قبر پاکون یا حسین ،مدتدی وار ایستر کؤنول
زاره گلمیش،بیر مقام آه و زار ایستر کؤنول
معصیت کارم منه توفیقون هر گه یار اولور
نقطه ی مجرم گئدر،دل محرم اسرار اولور
قبر اکبرعاشق منصوره پای دار اولور
پای دار ئولمکلیگه،بیر پایدار ایستر کؤنول
کنج غمده بیر نفر یوخ منله هم آواز اولا
آز قالوبدور مرغ روحیم جسمدن پرواز اولا
ایسته بو جانیم سر کویینده پای انداز اولا
دوت الیمدن،غم گونونده غمگسار ایستر کؤنول
هر طرف اسکندر دل آب حیوان آختارور
ظلمت غمده گزر لعل بدخشان آختارور
جان وئرن عاشق همیشه کوی جانان آختارور
جان نثار ائتمک لیگه بیر جان نثار ایستر کؤنول
ائیلیوب شوق وصالون واله و حیران منی
وادی حیرتده قویما بئیله سرگردان منی
قورخورام سالسون ایاخدان محنت هجران منی
هجر الیندن جانه گلمیش وصل یار ایستر کؤنول
پرتو نور خیالونله دولوب صحرای دل
گؤز یاشیم تک موجه گلمیش جوش ائدر دریای دل
طور عشقونده مناجات ائتمگه موسای دل
طاقت و تاب آختارور،صبر و قرار ایستر کؤنول
حجله گاه قاسمی هر لحظه کیم یاد ائیلرم
نی کیمی گللگ نوایه داد و فریاد ائیلرم
عیش و عشرت مولکونی،آه ایله بر باد ائیلرم
چون تن تبدار و چشم اشکبار ایستر کؤنول
خاطیریم اومیش پریشان سنبل سوسن کیمی
خلقدن کسمیش علایق رشته سین سوزن کیمی
چوخ سئور قبرون چکه آغوشه پیراهن کیمی
جان وئروب وصله یئنه پروانه وار ایستر کؤنول
تند باد هجریله سولموش گلستانیم منیم
غصّه دن اولموش خزان گلبرگ خندانیم منیم
نطق یوخ،دیلدهن دوشوب مرغ خوش الحانیم منیم
بلبل شوریده تک فصل بهار ایستر کؤنول
سیل غمدن آز قالوب بنیاد جسم اولسون خراب
زورق جسمیم او سیل ایچره قالوب مثل حباب
محفل وصلون خیالیله اولوب باغریم کباب
اختیاریم یوخ،نئدن،بی اختیار ایستر کؤنول
شور عشقون شهرتی از بس کی عالمگیر اولوب
بینوا صرّاف اودور مجنون بی زنجیر اولوب
آب و خاک غمله گویا طینتیم تخمیر اولوب
محنت و درد و مصیبت،هر نه وار ایستر کؤنول
صرّاف تبریزی
[ برای مشاهده لینک ، با نام کاربری خود وارد شوید یا ثبت نام کنید ]
----------------
گئل حلال ایله منی،عازیمی میدانم آنا
بیر دقیقه سنه بو خیمه ده مهمانم آنا
چون وئروب سرور لب تشنه منه اذن جهاد
ایلئیوب خاطر ناشادیمی بیر حرفیله شاد
قالمیوب حسرتیم عالمده بودور عین مراد
خاک پایوندا فدای ره جانانم آنا
بوته ی سوز و گداز ایچره اولوب کشمکیشیم
صاف چیخدوم،اریدیم،قالمادی بیر غل و غشیم
بی ادب سانما منی،بسکه واریمدیر عطشیم
قورویوب غنچه دوداقیم اودی خندانم آنا
گلشن جسمیم اولوب بارش پیکانه سوسوز
جهد و جهدیم بودور ایندی بویانام قانه سوسوز
ایچمئرم سو گئدرم مجلس جانانه سوسوز
چونکی من تشنه لب چشمه ی حیوانم آنا
بولورم ئولدورجکلر منی ایقراریم وار
هر کمین گاهیده مین قاتیلی خونخوایم وار
بسکی ابروی نگاریله سروکاریم وار
مایل تیغ کج خنجر بررانم آنا
اولموشام روز ازلده آنا،چون مایل دوست
باتارام ایندی قیزیل قانه،برای دل دوست
سرو سامانیم اولب سلسله ی کاکل دوست
دئمه بو سلسله ده بی سرو سامانم آنا
باغلانوب سو یولی صد شکر آچیخدور ره عشق
کربلا دشتی اولوب محضر شاهنشه عشق
کشته ی عشقیله مملودو قربانگه عشق
قوی گئدوم من ده وئروم جان،سنه قربانم آنا
دولدی قانیله، کؤنول کاسه سی، پیمانه کیمی
تئل به تئل زولفی خیالین گئزرم شانه کیمی
یوز قویام چوللره واردیر یئری دیوانه کیمی
بسکه سودازده ی زلفی پریشانم آنا
بو قدر آغلاما قربان اولوم آغلار گؤزو وه
قانلی گؤز یاشینی بونوعیله تؤکمه یوزو وه
آناجان،صبر ائله،وئر بیرجه تسللی ئوزو وه
گؤره سن اوندا کیم ئوز قانیمه غلطانم آنا
دوتا هر کیمسه علی اکبره عالمده عزا
شه لب تشنه وئرر اجرین اونون روزی جزا
یازا دوباره بو سؤزی دفتر صررافه،رضا
گئل حلال ایله منی ،عازیمی میدانم آنا
صرّاف تبریزی
[ برای مشاهده لینک ، با نام کاربری خود وارد شوید یا ثبت نام کنید ]
بو چؤلده باجی محنت هجران سنون اولسون
آغلار گؤزیله زلف پریشان سنون اولسون
عهد ایلمیشم بوردا گئرک تشنه وئرم جان
باشسیز بدنیم ایستی قوم اوسته قالا عریان
منلن یاتا بو چؤلده گرک یئتمیش ایکی جان
شام ایچره باجی،منزل ویران سنون اولسون
بو دشت بلا اولموش عجب بزم مرتب
غم جامین ائدوبله می محنتله لبالب
تقسیم اولونوب آل پیمبر،باجی زینب
عبّاس منیم،عابد نالان،سنون اولسون
ترک ائیلر عدو حرمت قرآن و کتابی
یغمایه گئدر فاطمه نون طاقت و تابی
من اصغری آغوشه آلوم،سن ده ربابی
بوشرط ایله:پیکان منیم،افغان سنون اولسون
بو چؤلده باتار کاکل اکبر باجی،قانه
تیر غمه لیلانون اولور جسمی نشانه
من اؤلمه میشم گلمه گیلن آه و فغانه
مندن سورا بو ناله و افغان سنون اولسون
هر ظلم و ستم گلسه باجی اولما پریشان
پیمانه ی غم نوش ائله تا سین میا پیمان
دامادیمون ئوز جسمی اولور قانینه غلطان
جان تازه گلین دردو غمی،جان سنون اولسون
ایچدیم باجی پیمانه ی پیمان بلانی
تا گلشن ائدم قانیم ایله دشت بلانی
بو یئرده من أوز یانیمه آللام شهدانی
ویرانه ده بیر جمع پریشان سنون اولسون
جمع ائت باشیوا سلسله ی آل رسولی
سر سلسله قیل عابد بیمار ملولی
کول اوسته قویار باجی باشیمی خولی
تنّور منیم،سینه ی سوزان سنون اولسون
صرّافه رضا،لازمه دور گوهر معنا
نه قشر،نه ترکیب،نه صورت،نه هیولا
تحصیل کملات ائدوب اول قابل انشا
تا روز جزا روضه ی رضوان سنون اولسون
صرّاف تبریزی
[ برای مشاهده لینک ، با نام کاربری خود وارد شوید یا ثبت نام کنید ]
ایندی کی جان وئرمگه راغب سن ای ناشاد اوغولمن ده سندن اَل گوتوردوم،هر چه بادا باد اوغول!
یاده سالدون بیر بئله حالتده دید ائتدون منی
مرحبا،سرگرم صهبای امید ائتدون منی
حضرت زهرا(س)یانیندا روسفید ائتدون منی
شاد کام نشأتسن اولدوم،ائوون آباد اوغول
سالگیلان بو چؤلده گؤز یاشون کیمی گؤزدن منی
قوی اسیر و دستگیر ائتسون علی،شمر دنی
بوندان آرتیخ دورما،گئت آللاهه تاپشیردوم سنی
خنجر الده منتظر دور قتلووه جلّاد،اوغول
قوی بو قربانگاه عشقه ذوق و شوقیلن قدم
غم،غم اوستیندن گله،ای غمگساریم ائتمه غم
نور دیده م خنجر قاتل دمینده،چکمه دم
ائیلمه بیداد قوم اشقیادن،داد اوغول
پادشاه کربلا قالمیش بئله فرد و وحید
ئولدوروب اعوان و انصارین بو گون قوم یزید
اولگیلان امر شهادتدن ئوتور،سن ده شهید
ائیله بو مظلومه باش و جانیله امداد اوغول
قتلگاه ایچره بو گون قانیله ائیله شست و شو
آل بو صحراده طریق اهل عشقیلن وضو
چکمه دشمن منّتین،لب تشنه جان وئر،ایچمه سو
قوی سنی سیراب ائده تا خنجر فولاد اوغول
آهی آه اوستن چکوب از بسکه تجّار بلا
گرم اولوب اصناف عشقه،بئیله بازار بلا
سن ده دوت جان نقدین الده،اول خریدار بلا
مدت عمرونده دوشمز بئیله داد استاد اوغول
نصب ائدوب بو چؤلده چون بیدق یئره سلطان عشق
شهسوار عشقیلن یکسر دولوب میدان عشق
عاشق صادق اولور بو عرصع ده فرمان عشق
چون منای عشقدور نه حجله ی داماد اوغول
سالک راه بقاسن اول فنا فی الله دوست
وئر قدم تا باشون اولسون برگ سبز راه دوست
چار سوی عشقده چک نعره ی الله دوست
ائلئیوب چون مرشد کامل،سنی ارشاد اوغول
محنت و درد بلایه جسمیوی توش ائتگیلن
نرگس مستون کیمی دنیانی مدهوش ائتگیلن
گئت علی،سن ده شهادت باده سین نوش ائت گیلن
قید محنتدن بو گونده اولگیلن آزاد اوغول
نقد عمرون ائتمه ای صرّاف!صرف این و آن
عاشقانه شعر یاز،وئر اهل عشقه تازه جان
گؤرمئیوب عالمده هرگز،بیر نفر وئرمز نیشان
امّ لیلا تک آنا،اکبر کیمی ناشاد اوغول
صرّاف تبریزی
دۇر ای دعــوالــه‌ر اســــلانـێ
ابـوْالـفـضـلیـم عـلـمـداریــم
آخــان سـۇ تـک قێزێـل قانـــێ
ابـوْالـفـضـلیـم عـلـمـداریــم
ـــــــــــــــــــــــــ ـــــــــــــــــــ
دیلیم تۇتمـۇر دییــه‌م قــارداش
دۇر ای آرخام ائلیم قارداش
سێنێب سنسیز بئلیم قارداش
ابـوْالـفـضـلیـم عـلـمـداریــم
ـــــــــــــــــــــــــ ـــــــــــــــــــ
کسیب دۆشمه‌ن یوْلۇن آخه‌ر
سالۇب ساق-وْ-سوْلۇن آخه‌ر
آخێب قانـۇن گئـدیب جانــۇن
ابـوْالـفـضـلیـم عـلـمـداریــم
ـــــــــــــــــــــــــ ـــــــــــــــــــ
علمداریـــم زبـــون اوْلـــدۇ[ی]
قتیل-ی-قوْم-ی-دون اوْلدۇ[ی]
علم تـک سرنگــون اوْلــدۇ[ی]
ابـوْالـفـضـلیـم عـلـمـداریــم
ـــــــــــــــــــــــــ ـــــــــــــــــــ
اوْغۇل یوْخ دردیمی بـۆلسـۆن
منــه یـار-وْ-مـوْعیـن اوْلسۇن
اوْغۇل‌سێز قارداشۇن اؤلسۆن
ابـوْالـفـضـلیـم عـلـمـداریــم
ـــــــــــــــــــــــــ ـــــــــــــــــــ
تۆکـه‌ندی طاقه‌تیم سنسیز
بۆکۆلدۆ قامه‌تیم سنسیز
قان آغلار عیتره‌تیم سنسیز
ابـوْالـفـضـلیـم عـلـمـداریــم
ـــــــــــــــــــــــــ ـــــــــــــــــــ
اؤزین مــقـصودیــوه یئتــدیـن
بئله احبابـی تـــرک ائتـدیــن
منی یالقۇز قـوْیـۇب گئتـدیـن
ابـوْالـفـضـلیـم عـلـمـداریــم
ـــــــــــــــــــــــــ ـــــــــــــــــــ
ایـا مــاه-ی-بنــی هاشیــــم
منیم ایسته‌کلی قارداشێم
دؤنــۆب آلقــانـا گــؤزیـاشێـم
ابـوْالـفـضـلیـم عـلـمـداریــم
ـــــــــــــــــــــــــ ـــــــــــــــــــ
دئسه‌م گؤرمه‌ز گؤزۆم قارداش
یقین دۆزدیر سؤزۆم قارداش
سنـه قـۇربــان اؤزۆم قــارداش
ابـوْالـفـضـلیـم عـلـمـداریــم
ـــــــــــــــــــــــــ ـــــــــــــــــــ
اؤزۆن گئتدین خـلاص اوْلـدۇن
دوْلــۇ پئیـمانه تک دوْلــدۇن
گۆلۆستانێـم نه تئز سوْلـدۇن
ابـوْالـفـضـلیـم عـلـمـداریــم
ـــــــــــــــــــــــــ ـــــــــــــــــــ
سنی کیم غرق ائدیب قـانه
سالێب بۇ قانلــێ مئیدانــه
یــانـار بــــۇ حــالــه بیــگـانـه
ابـوْالـفـضـلیـم عـلـمـداریــم
ـــــــــــــــــــــــــ ـــــــــــــــــــ
بــۇ غـۆربـه‌تـده وحیـد اوْلدۇم
کؤمه‌کـده‌ن نا اۇمـۇد اوْلدۇم
سن اؤلدۆن من شهید اوْلدۇم
ابـوْالـفـضـلیـم عـلـمـداریــم
ـــــــــــــــــــــــــ ـــــــــــــــــــ
قـالـێــب صــراف-ی-بیـچــاره
مـحیـــط-ی-غـمــــده آواره
اؤزۆن قیــل دردینـــه چــــاره
ابـوْالـفـضـلیـم عـلـمـداریــم
اوندا بیلمه یه جکسن / نصرت کسمنلی
سن سیز ائله بیلمه اؤله جه یه م من
قارا بیر کدره دؤنه جه یه م من
گئجه لر یوخونا گله جه یه م من
سن منی اونودا بیلمه یه جک سن
عمرونده ناراحات ایزیم قالاجاق
آلووم سؤنسه ده کؤزوم قالاجاق
آرخانجا همیشه گؤزوم قالاجاق
سن منی اونودا بیلمه یه جک سن
سن ائله بیلمه کی غمدن اوزاقسان
عمرونو گونونو اودوزاجاقسان
اؤزونو بلکه ده اودوزاجاقسان
سن منی اونودا بیلمه یه جک سن
منی اونوتماغا عینادین کیمی
ایلک سئوگی آغریسی ، فریادین کیمی
لاپ اؤز آدین سوی آدین کیمی
سن منی اونودا بیلمه یه جک سن
باغیشلا / نصرت کسمنلی
بیر سؤزومله اوره یینه توخوندوم
یالواردیغیم سؤزلریمه باغیشلا
ایسته ییرسن گل دیلیمدن آس آنجاق
سنی سئون گؤزلریمه باغیشلا
هارا گئتسه ، سیزه طرف یول آلان
یالنیز سنین آتشینه قالانان
ائوینیزه پروانه تک دولانان
ناخیش – ناخیش ایزلریمه باغیشلا
..
اؤزون یازدین اوره ییمه آدینی
سن گؤستردین محبتین دادینی
اینجیک لیین آتشی نی اودونو
کوله دؤنموش گؤزلریمه باغیشلا
اوزونده بیر تبسم /نصرت کسمنلی
اوزونده بیر تبسم
سن دؤنوب باخمادین می ؟
بیر باخیشلا کؤنلومو
یاندیریب یاخمادین می ؟
یاشادین اومودومدا
کول آختاردین اولدومدا
قارالمیش بولودومدا
شیمشک تک چاخمادین می ؟
..
آتیب اوزدن تئلینی
بال ائیله دین دیلینی
منیم تک بیر دلینی
یولوندان ساخلادین می ؟
..
کولک کیمی اسن سن
شئیطان می ، یا نه سن سن ؟
پامبیقلا باش کسن سن
آللاهدان قورخمادین می ؟
بوراخ اللریم / نصرت کسمنلی
بوراخ اللریمی داها
الیم الینده اوشودو
آیریلیق زامانی گلدی
بو دا آللاهین ایشیدی
سن اوزومه باخا – باخا
یازما هر ایشی گوناها
اللریندن اوچدو داها
سئوگی بیر فرصت قوشویدو
..
هوچ بیلدین می نه لر چکدیم؟
سنلی واختدا دا تکیدیم
اول آخیر گئده جکدیم
بو عشق حسرته توش ایدی
..
بیر آد داشییریق ایندی
« یوخ » دئمه دیک کیم نه دئدی
هر کس منه سئوگیلیدی
هر کس ده سنه کیشیدی
..
سؤندوردون قلبیمده اودو
بیر گونلوک سئوگیدیر آدی
بلکی سنه باهار اولدو
آمما منیم چون قیشیدی
..
بوراخ اللریمی داها
الیم الینده اوشودو
طالع بیزی گرروشدوردو
بودا آللاهین ایشیدی
پشیمان دئیلم
سئومیشم من سنی، ائی شوخ پشیمان دئییلم
سندن ال چکسم اولونجه اگر،اینسان دئییلم
او وفاسیز کی، سنین له بئله رفتار ائله دی،
من بو ایشدن، گوزه لیم، ذره جه خندان دئییلم
مین اگر دوشمنیم اولسا، او جفا پیشه کیمی،
سنده قورخما، مله ییم، من داها قورخان دئییلم
سئویرم من سنی، بی حد حساب ائتمه منی،
سندن اوزگه گوزه لیم عشقینه قوربان دئییلم
سن منیم له اولاجاقسان، نه قدهر عمروم وار،
سندن اوزگه گوزه ل عشقینده نیگاران دئییلم
منی سندن آییرا، بلکه، اولن واختدا عجل،
واحیدین عاقلی کئسیر هر شئی، نادان دئییلم
علی آقا واحد شعرلری
شانه دولانسین
زولفونده نه لازیم ، گؤزلیم ، شانه دولانسین ؟
قویما او حرمخانه نی بیگانه دولانسین
عیب ایله مه ، کویوندا دولانسام گئجه گوندوز
شمعین گرک اطرافینه پروانه دولانسین
ساقی دولانیم باشینا مئی جامینی گزدیر
سرمست اولوم ، باشیما میخانه دولانسین
اول زولفه کونول وئرمه ، دییرلر منه ال چک
اونسوز نئجه بس بو دل دیوانه دولانسین
مجنون نه برابر منه صحرالره قاچدی
عشق اهلی اودور عرصه ده مردانه دولانسین
اغیار ایله اؤز یارینی همدم گؤرن عاشیق
دوشسون او گرک دشت و بیابانه دولانسین
سرخوش لیق ایله عؤمرونی صرف ائیله مه « واحید »
عارف اونا دییرلر کی ، حکیمانه دولانسین
شاعیر : علی آقا واحد