ساغلیقیمدا منی یاد ائت اخوی!
من اولندن سورا جیرما یخوی !
ساغلیقیمدا من دیندیر دیلینن
گلمه ترحیمیمه تاجو گولینن!
ساغلیقیمدا الیوی چک باشیما
یاخما بورنون زیلغین باش داشیما!
-
تا وارام اوزمه الیمدن الیوی
نه قارا گی؛ نه اوزاد سققلیوی!
قوی یانیم من سنه؛ سنده منه یان
سن منه جان دئه؛ دییم من سنه جان!
-
ساللاما قبریمه شالوار باغیوی!
دایاما بوورومه ...،..وی!
دیلیم اولسایدی پوزاردیم تاقیوی!
الیم اولسایدی کسردیم آقیوی!
-
ساغلیقیمدا قولووی بوینوما سال!
گاه گاهی بو سینان گویلومو آل!
هیچ گلیب قبریمه یاد ائتمه منی!
باشیما چالما غلط فاتحه نی!
قالاما شمعیله تونقال ...تومه!
اولموشم؛ یاخمامیشام بال ...تومه!
-
کاش گورکن قویا قبریمده دلیک!
منیله دفن اولا بیر جانلی چلیک!
او آداملار کی گلیر فاتحه یه!
ساغلیقیمدا منه چیخمازدی دیه!
اوزادایدیم کفن آلتدان چلیگی!
زور وئریدیم گئنلیدی دلیگی!
-
بابا! ساغلیقدا منیم گول اوزومه!
مشتری اول سوزومه هم اوزومه!
منی تشویق ائله خلعت لریه !
گویلومو شاد ائله دعوترلریله!
نه یالاندان چپی قهقهلریلن
مرسی احسنت یاشا به به لریلن
-
ائل گرک قیمت اشعاری بیله!
نیه ایراندا گرک شاعر اوله!؟
صنعت شعری چکیبلر فسادا!
دوشدو بازار فصاحت کسادا!
-
بیر غزل کی گلیر عشقیله باشا
کیم آلیر بیر غزلی بیر لاواشا!؟
-
سعدی،حافظ، بابا طاهر ، خیام
سحرین ائتدی ناهار، ناهارسیز آخشام!
گیمه دی اینینه قیمتلی قبا
سالمادی چینینه بیر تازه عبا!
----
Sağlığımda məni yad et əxəvi,
Mən öləndən sonra cırma yəxəvi.
Sağlığımda məni dindir dilinən,
Gəlmə tarhimimə tac-o-gülünən.
Sağlığımda əlivi cək başıma,
Yaxma burnun zılığın baş daşıma.
-
Ta varam üzmə əlimdən əlivi,
Nə qara gey nə uzat səqqəlivi.
Qoy yanım mən sənə, səndə mənə yan,
Sən mənə can de, deyim mən sənə can.
-
Sallama qəbrimə şalvar bağıvı,
Dayama bövrümə sik daşşağıvı!
Dilim olsaydı pozardım tağıvı,
Əlim olsaydı kəsərdim ağıvı.
-
Sağlığımda qolunu boynuma sal,
Gah gahi bu sınan göylümü al.
Heç gəlib qəbrimə yad etmə məni,
Başıma çalma qələt fatihəni!
Qalama şəm’ilə tonqal götümə.
Ölmüşəm yaxmamışam bal götümə.
-
Kaş gorkan qoya qəbrimdə dəlik,
Mənilə dəfn ola bir canlı cəlik.
O adamlar ki gəlir fatihəyə,
Sağlığımda mənə çıxmazdı diyə,
Uzadaydım kəfən altdan çəliyi,
Zor verəydim gənələrdi dəliyi!
-
Baba sağlıxda mənim gül üzümə,
Müştəri ol sözümə həm özümə.
Məni təşviq elə xəl’ətlər ela,
Göylümü şad elə d’vətlər elə.
Nə yalandan çəpi qəhqəhlərinən
Mersi, əhsənt, sağol, yaşa, bəhbəhlerilən!
-
El gərək qiyməte əş’arı bilə,
Niyə İranda gərək şair ölə?
Sənəte şe’ri çəkiblər fəsada,
Düşdü bazare fəsahət kəsada.
-
Bir qəzəl ki gəlir eşqiylə başa,
Kim alır bir qəzəli bir lavaşa?
-
Sə’di, Hafez, Baba Tahir, Xəyyam,
Səhərin etdi nahar, naharsız axşam.
Geymədi əyninə qiymətli qəba,
Salmadı çiyninə bir tazə əba.
