آذری شعرلری

سئوگی
-
سئوگیه خاطیر گرک اینسان اؤزوندن گئجه
بوتون آجیلیق لاری یاشایئشینده سئچه
---
سئوگی منیم گؤزومدی دیلده گزن سؤزومدی
سؤزون آچیخین دئییم کی سئوگیلیم اؤزومدی
---
سئوگیلیمی آتمارام دونیالارا ساتمارام
مارالییمدان اوزاقام اُنسوز گئجه یاتمارام
---
داغدا اووا اوخ آتدیم آز دئمه کی چوخ آتدیم
جیران منه باخارکن گئدیب توروندا یاتدیم
---
ووغون لوقون چاره سی سئوگیه جان دئمک دی
عؤمیر بویو دونیادا آجی لاری یئمک دی
---
کؤنلوم اسیر اولوبدو غم سینه مه دولوبدو
یاریم دان آیری دوشدوم باخ کی جانیم سولوبدو
---
جیران هارا گئدیرسن وورغونو ترک ائدیرسن
سندن اوزاق اؤله رم نییه یالقیز گئدیر سن
---
گئتدن منی بوشلادون باشقا اؤرک توشلادون
منی بگن مدون گول آیری بولبول خوشلادون
---
سن سیز حالیم یاماندی دونیا بوتون تالاندی
گل دادیما چات گیلان رحم ائله کی آماندی
---
گوز یولووا یاش تؤکور اورک سینه می سؤکور
سندن اوزاق یاقیزلیق گل کی بئلیمی بوکور
---
سئوگیم گئدیبدی بوردان گوزلر گینه سولانوب
فیر تانادیر ایچمده آیدین لیق لار بولانوب
---
چوخدور گوناهیم الله اؤزبنده وی باغیشلا
بیر قورولوق توپراقام یاغ کؤنلومی یاغیشلا
---
سئوگینی وئردون اؤزون بس نییه سونرا آلدون
گوز یاشیما باخمادون منی عذابا سالدون
---
سن بیل علی نین عشقی بو وورغونا رحم ایئله
وورغونلوقدا بنده وی علامه ی دهر ایئله
---
نه جور عذابا دوشم سئوگیلیمدن آزمارام
آدیمی شاعر قویوب باشقا بیر سوز یازمارام
---
دونیادا جننتیم سن سویمک قانیم ایتم سن
اللاهیمین وئرگیسی ان بویوک نعمتیم سن
---
سئوگی دریمی سویدو سوتک ایچیمی اویدو
آنلامیرام کی نییه باشدا عشقیمدن دویدو
---
بودنیانین رسمی دیر وورغونلار یالقیز قالار
سئوگی دییر جان دییر یالقیزلیق دان کام آلار
---
یاخشی بو درده توشدوم عشقین سویاندان ایشدیم
کئفلن دیم ایندی باخون اؤلومیلن اوپوشدیم
---
یاریمدان اؤتور اؤلدوم یاریم منی بولمه دی
آغلادیم آغلامادی گولدوردوم ده گولمه دی
---
دئدیمنی اتارسان من سیز راحات یاتارسان
دونیا یالان دونیادی باشدا منی ساتارسان
-
دئدیم اوجور سؤیله مه بو سؤزلری قانمارام
جهنمه ده توشسم سئوگیلیمی دانمارام
-
دئدی سنه اود ووررام بیر شمع کیمی یانارسان
ثابت اولار بیله وه سنده منی دانارسان
-
منی یالقیز قویار کن هرنه دئدی ائله دی
یاندیم امما دؤنمه دیم دونیا رسمی بئله دی
-
وورغون گرک اود توتا آجیلیق لاری اودا
آیا وورولسان اگر اونو گؤرسن سودا
-
گویده کی آی اولدوزا هرکیم "سومر" چاتانماز
اونا چاتا چاتمییا فیکرین باشدان آتانماز

-
سومر

سوروشما
-
یانان کؤنول گولومدن هئچ سوروشما
وفاسیز سئوگولومدن هئچ سوروشما
-
یانان کؤنول یاناق لاردان دانشما
اوتا بنزر دوداقلاردان دانشما
-
کؤنول سؤیله اوزونده نه گوروب سن
گؤرن لحظه وورولوبسان سئووب سن
-
اوزونده ایشیقا گونه چاتوب سان
قارانلیق لارداشین بیردن آتوب سان
-
قارا پارلاق گؤزو یادیمدا قالدی
اؤزو گئتدی باخیشی منله قالدی
-
سومر

عاقبتیم
-
دونیادا یوز سئوگیه یالان اورک باغلادیم
دییم سئویرم سیزی هامی سینی توغلادیم
---
هره نی اؤز یئرینده دویونجا اوینات میشام
سونرا گؤزومدن دوشوب آچیب باشدان آتمیشام
---
آیری گؤزل به ینیب بو یول اونا دولاشتیم
هرنه سئودیم ائیله دیم باشدا اونلان ساواشدیم
---
بیرآزینا چاتماغا یالان یئری آغلادیم
اله گلن دن سورا اورک لرین داغلادیم
---
سسی بولبوله بنزیر گوزلری عینه جیران
اونودا قاندیرمیشام هاممی قالوبدی حیران
---
بیر نازلی سی واریدی گؤزللیکده تایی یوخ
بیر تورا سالمیشام کی قاچاق یولو یوخدی یوخ
---
دونیادا بوجور دولانیب منیم دؤروم قورتولدو
گلدی اوگون یئتیشدی اؤز کؤنولومده توتولدو
---
بیر قارا گؤز ترلانا دورو اورک باغلادیم
او ترلانا چاتماغا لاب اورکدن آغلادیم
---
وای یامان چتیندی سئوگی کلک باز اولا
اؤلدور اؤز وورغونون رحمی اگر آز اولا
---
اینانمازدیم گون گلر اوچی اووا توتولار
هره نین بیر دؤوری وار اودا گئچر قورتولار
---
یوزعاشیقی آغلادیب اؤز یانیمدان قووموشام
ایشیم جیغاللیقیدی بوجور عؤمری سووموشام
---
بیر تورا دوشموشم کی اؤزوم اونو سالمیشام
یوز وورغونون قارقیشین اؤز جانیما آلمیشام
---
بویول من آغلییرام سئوگی باخیر گولوری
قاچاق یولوم دا یوخدی بونو یاخجی بولوری
---
اوزوم یوخدی یالوارام تانریمادا بوگونلر
آخی گناه سیزیدی یولوشدوردوغوم گوللر
---
بوایش نئییدی گؤردوم چوخلی اورک داغلادیم
تانرینین دا قاپوسین اؤز اوزومه باغلادیم
---
آی اورک سیندیرانلار عاقیبتیزه باخون
عاشیقیزین کؤنلونه خنجریزی آز تاخون
---
هاممی نین اللاهی وار قورخون سیزده توتار
عاشیق اگر آه چکه اونون آهی ائوییخار
---
هرنه سالساز آشیزا چیخار اؤز قاشیزا
وورغونا ظولم ائیله سز گلر اوز باشینی زا
---
هانسی الیلن وئرسز او الیلن آلار سوز
یئرینده رحم ائتمه سز باشدا رحمه قالار سوز
-
سومر

کئچمه رم
-
یاریم سوسوز دولانسا بیر دامجی سو ایچمه رم
آپارسادا سئل منی تک کؤرپودن کئچمه رم
---
سئو گیلیمدن باشقایا بیر دانا گول بیچمه رم
دوغواسلاردا منی آیری سئوگی سئچمه رم
---
عاشیق کیمی هارای چک الینده بیر تار اولوم
وورغونلوقون یولوندا سنه گرفتار اولوم
---
کؤنول اؤزون اؤلدورور دئیر سن لن یاراولوم
کؤلگن اولوم جئیرانیم سن اولدوقجا وار اولوم
---
سن اللهین وئرگیسی ایچیمده کی نفس سن
توتولموشام عشقیوه ایندی منه قفس سن
---
سندن اوزاق دوشنده یاشایشین دادی یوخ
اورکیمین باشیندا بیرلشماقا هوس سن
---
آخیر یئتر اوگون کی ایستکیمه چاتارام
اوگون منیم گونومدی غمین داشین آتارام
---
سئوگی آچار قوللارون قوجاقیندا یاتارام
سیخیلارام باغرینا شیرین لیکه باتارام
---
جیرانیما چاتین جان "سومر" ده نئجه دؤزوم
اوقدر آغلییارام کی باشدا کور اولار گؤزوم
--
سئوگی قوربان ایسته سه چیغیرارام کی اؤزوم
سندن اؤتور اؤلورم بودور اَن گؤزل سؤزوم
-

سومر

گؤزلریوه
-
گؤزلریوه باخاندا عاقیل باشیمدان گئدیر
گوزلریوون باخیشی کئف سیزی کئفلی ائدیر
---
نازیله کیپریک ووروب باغریمی قان ائدیرسن
قوربان اولوم جانیوه من سنیز هارا گئدیرسن
---
اولدوزوم سان آییم سان یاشایش دن پاییم سان
وورغونلوغا گلنده سنده منیم تاییم سان
---
قار آدامین اولمیشام وجودیمده قاریم سان
دونیا بویی جئیرانیم دؤولتیم سن واریم سان
---
کمانیم سان تاریم سان بیرجه منیم یاریم سان
آند ایچیرم قورانا ان بویوک ایلقاریم سان
---
دوداقلارین چیچک دی گؤزل یوزون یازیم دی
دیلین بالدی شیرین دی دانیشیقون سازیم دی
---
منه باخوب گولورسن احساسی می بیلیرسن
دیندیریسن ترلیره م ترلریمی سیلیر سن
---
کئفین گؤروم ساز اولسون عؤمرون بوتون یاز اولسون
آچان گولون سولماسین درد و غمین آز اولسون
---
نظر سنه دیمه سین دونیا قاشین ایمه سین
فلک سنی توتماقا هئچ واقت تورون سرمه سین
---
گؤزللرین گؤزی سن "سومر" سنه وورولدی
سئوگیلی نین یولوندا یازیخ اولدو قیریلدی
-

سومر

منیم اول
-
یا منیم اول سوزلریمه باخ گیلان
یا سینه مه خنجریوی تاخ گیلان
--
شربت اولوب گل ایچیمه آخ گیلان
یا منی یاندیر گؤزلیم یاخ گیلان
--
وورغونووام قدریمی کی بیلمیسن
آغلییرام گؤزلریمی سیلمیسن
-
عؤمیر بویو بیر اوزمه گولمه دون
جان وئریرم ایندی نییه گولمیسن
---
اؤلدوم داها قبریم اوسته گول گتیر
گلن زامان گوزل گئیون وور عطیر
-
یاغیش یاغار اوستو باشون ایسلانار
باشیوون اوسته مارالیم توت چتیر
---
دفتریوه بوسوزلری یاز گولوم
آغاج لارون سینه سینده قاز گولوم
-
چوخ چالیشدیم سئوگولومه یئتیشم
آمما منی بگن مَدی ناز گولوم
---
وورغونوز اؤلدی باشینیر ساغ اولسون
سومر" دئییر گؤزل اوزوز آغ اولسون"
--
توپراقینیز برکتی باغ اولسون
آرخاز ائلیز یخیلمیان داغ اولسون
-

سومر

نازلانیر
-
بیر گؤزل گول سئومیشم نقدر ده سن نازلانیر
هم گؤزلدی هم پوللو منه شیشیر قازلانیر
---
اونسوز ایچیم سویوق دو گئجه گوندوز قاریاغیر
آمما اونو گؤرنده ایچیم قیزیر یازلانیر
---
یاری گؤرمیین گونلر کئفسیزلنیب سولورام
سئوگیلیمه باخاندا یاخجی کئفیم سازلانیر
---
گونلر بیربیر سوروشور اونسوز جانیم قوجالیر
جاوان لاشیر جیرانیم گونی گوندن دوزلانیر
---
هردن بئینیمدن گئچیر مارالیما یئتمه سم
دوداقلاریم ساللانیر ایچیم دونور بوزلانیر
---
اؤز اؤزومه دئییرم "سومر" مارال سنین دی
اوندا کؤنول آلیشیر اود توتورو جازلانیر

SUMER

یار
-
ایستی ییرم یار دولانام باشیوه
قوربان اولام آخان او گؤز یاشیوه
--
ساچ لاریوی من هوررم باغلارام
سن آغلاسان سندن اوجا آغلارام
--
نظر سنه گؤزل گولوم دیمه سین
دونیا سنه قاش گؤزونو ایمه سین
--
ایجازه وئر ایاق لاروندان اؤپوم
گؤز یاشیمی یولوون اوسته تؤکوم
--
بویور گیلان تا سنه سو گتیریم
ایستکیمه چاتم سنه یئتیریم
--
قویما فلک غمین سالاجانیما
اولدوم آخی دورگل گیلن یانیما
--
نئیله میشم گوزل منی آتوب سان
وورغونوو اؤزگلره ساتوب سان
--
گل رحم ائیله آغلایان گوزلریمه
قولاق یئتیر یانیقلی سوزلریمه
--
قویما گولوم تانرییا قارقیش ائدم
یازلارووا سویوق سالام قیش ائدم
--
کاش دییه سن هارا چیخیب گئدیب سن
نئیله میشم کی منی ترک ائدیب سن
--
رسمی بودور منی آشیق ائدرسن
سونرا منی باشدان آتیب گئدیرسن
--
سومر" وورولوبدو سئوگیلین آتماز"
باشی گئدر ایسته دیگینی ساتماز

SUMER

یوخدی یوخ
-
چوخ گؤزللر گؤرمیشم سنون تایون یوخدی یوخ
سندن سونرا دونیادا آیری پاییم یوخدی یوخ
-
اؤلکه لری دولاندیم سنه اوخشار تاپمادیم
گؤزللیکده مثل سن سنه بنزر یوخدی یوخ
---
گوله ئورک باغلادیم گئجه گوندوز آغلادیم
یئته جاغام گولومه اؤلدی واردی دوندی یوخ
---
سئوگیلیمه چاتماغین یول یوندمین بیلمیشم
یالواریرام آغلیرام باشقا یولو یوخدی یوخ
---
تانری یا یالواریرام بولبوله گول گتیرسین
ایسته کیمه یئتیرسم داها آرزیم یوخدی یوخ
---
قومار ائیله دیم اوتام نازلی جیرانی توتام
توتولموشام جیرانا قاچاق یولوم یوخدی یوخ

SUMER

hər zaman baş uca yaşamaq üçün
o əsrin hünərin öyrənmək gərək
ataya güvənmək hünər deyildir
dünyada hünərə güvənmək gərək

هر زامان باش اوجا یاشاماق اوچون
او عصرین هونرین اؤیرنمک گرک
آتایا گوونمک هونر دئیلدیر
دونیادا هونره گوونمک گرک