-
سرو نازه وئریب
بوتون گوزللیگی تانریم او سرو نازه وئریب
او هر نه ائتسه طبیعت اونا ایجازه وئریب
اول آهو گؤزلو گؤرخورام منی خطایه سالا
کی ، فیتنه سیله چوخ عاشیقلری گودازه وئریب
اَییلدی سجده یه ، محراب گؤردو قاشلارینی
اودور کی ، اهل ریا مئیلینی نمازه وئریب
گولردی قیرخ گوزل عشقیله ، آغلایاردی خزر
همین او ذوق صفانی کره آرازه وئریب
جمال یوسیفه جاه و جلال محموده
کمالی معرفتی سرّی وار ایازه وئریب
گوزللیک عالمینین شهریاری دیر بو پری
بونا بو سلطنت حسنی ایندی تازه وئریب
بو فخریمیز بیزه واحد بؤیوک سعادتدیر
زمانه ، ثروت آغیر یوکدور ، آنلامازه وئریب
شاعیر : علی آقا واحد
-
کونلوم
گلوبدور تنگه ای ظالم ، ستمله قان اولان کونلوم
همیشه باغ وصلینده ، گولوب خندان اولان کونلوم
دوشوب مجنون کیمی ، صحرایه بیر لیلی فراقیندا
بوتون عاشقلر ایچره ، منبع عرفان اولان کونلوم
نه اولدو بیلمه دیم دوشدو ، جدا گولزار کویوندان
همیشه خوان وصلین بزمینه ، مهمان اولان کونلوم
کیمه بیلمم ، گئدیب اظهار قیلسین محنت عشقین
دؤنوبدور قانه هجرینده غمی پنهان اولان کونلوم
نه چاره ائیله سین ، بیلمم خلاص ائتسین اوزون غمدن
اسیر محنت و پا بسته هجران اولان کونلوم
اولورمی بیر زمان خرم ، یئتیشسه وصل جانانه
غم هجرینله افغانلار چکیب ، گریان اولان کونلوم
منم فرهاد ! عصرین سئودیگی { واحد } گوزللر دیر
اودور کی لاله داغین گؤستریر ، ویران اولان کونلوم
علی آقا واحد
-
حسینه یئرلر آغلار گویلر آغلار
بتول و مصطفی پیغمبر آغلار
الم آغلار،شه آغلار،لشکر آغلار
سو آغلار،قاتیل آغلار،خنجر آغلار
دلریش
[ برای مشاهده لینک ، با نام کاربری خود وارد شوید یا ثبت نام کنید ]
-
گولسون منه
آخر آغلاتدین منی ، بیگانه لر گولسون منه
شمع تک یاخدین منی ، پروانه لر گولسون منه
منده یالوارام ، گوزون یادیله ، پیر میکده
ائیله مست ائتسین منی ، مستانه لر گولسون منه
پرتو خورشید رویین جام می ایچره گؤروب
آغلارام قوی دوریده پیمانه لر گولسون منه
قورخورام سر دهانین می ایچیب فاش ائیله یم
مست اولام کیم عارف ، میخانه لر گولسون منه
باغلا اول زنجیر زولفونه من سرگشته نی
قویما کیم صحرانشین ، دیوانه لر گولسون منه
لیلی وش ، زولفوندن آیری ایسته رم مجنون اولام
قوی ائشیتسین بو سؤزی ، فرزانه لر گولسون منه
ییخا بیلمزدی فلک اولسایدی ییخدی هجر یار
واحدم قوی ساکن ویرانه لر گولسون منه
-
گؤتورون اله قالخان لاري!
داشيميز يوخ!
ال آغاجيميز يوخ!
گؤتورون اله قالخان لاري!
٭ ٭ ٭
دانيشماغا ديليميز يوخ!
سسيميزي ائشيدن يوخ!
گؤتورون اله قالخان لاري!
٭ ٭ ٭
وارليغيميز تالاندي،
داشيميز يوخ!
اَل آغاجيميز يوخ!
گؤتورون اله قالخان لاري!
-
ای قلم سوزلرینده اثر یوخ
آشنادن منه بیر خبر یوخ
گلدی بو جمعه ده گِده آلله
فاطمه یوسفینن خبر یوخ
یاندی پروانه لر شمع سوندی
آیریلیقدان اوره قانه دوندی
شانیده رتبه ده بی بدلسن
هر گوزلدن اقا سن گوزلسن
کیم دییر آیریلیق درده سالماز
عاشیقین صبرینی الدن آلماز
ای گوزوم یوللارا باخ داریخما
گون همیشه بولوت آتدا گالماز
شانیده رتبه ده بی بدلسن
هر گوزلدن آقا سن گوزلسن
غنچه گوللر نه اندازه سولسون
قلبیلر گویما قانیله دولسون
گلدی بو جمعه ده گلمه دین سن
گون ساییم جمعه ی دیگر اولسون
شانیده رتبه ده بی بدلسن
هر گوزل دن اقا سن گوزلسن
ای صفایی هَله دوز فراقه
یول سالاغ بیزده بیرده عراقه
قلبیلر غصه دن داغلی گالدی
كربلا یولاری باغلی گالدی
یا اما زمان گَل اماندی
یا امام زمان گَل اماندی
-
-
گئتمه بو میدانه ،سنسیز تنگ اولور دنیا منه
یا آنام لیلایه باخ،رحم ائیله قارداش یا منه
جان وئریر لعل لبین هر دم منه عیسی کیمی
مات و مبهوت اولموشام بو عرصه ده موسی کیمی
جلوه ی حسنون تجلا ائیلمیش سینا کیمی
کربلا صحراسی اولموش وادی سینا منه
SƏRRAF TƏBRİZİ
[ برای مشاهده لینک ، با نام کاربری خود وارد شوید یا ثبت نام کنید ]
-
Yağmur Perisi
Gözlerin ne zaman ıslandı
Ne zaman yağmur yağdı
Yollar mı bu kadar uzaktı
Yoksa sen mi yağmur perisi
Yağmur yağsa geriye döner misin
Yağmur yağsa yeniden sever misin
Gitme kal yağmur perisi
Gitme kal yağmur perisi
Sözlerin ne zaman hüzünleşti
Ne zaman gökler inledi
Sözler mi bu kadar serindi
Yoksa sen mi yağmur perisi
Yağmur yağsa geriye döner misin
Yağmur yağsa yeniden sever misin
Gitme kal yağmur perisi
Gitme kal yağmur perisi
Rüya Deniz Demir
-
علی بیرجه ایاخ ساخلا
بلا گردانو وام قارداش
دیزیم گلمز بو آردینجا
دایان قور بانو وام قارداش
علی هرگیز دئیم گئتمه
گئدیب مقصودیوه یئتمه
منی ده ناایمد ائتمه
دایان قور بانو وام قارداش
دؤزوم سنسیز قراریم یوخ
الیمده اختیاریم یوخ
غمیم چوخ،غمگساریم یوخ
دایان قور بانو وام قارداش
عجب سالدون منی گؤزدن
دؤنرمیش آخر أوز أوزدن
موکددر اولما بو سؤزدن
دایان قور بانو وام قارداش
اوچار روحیم فراقیندان
چیخار جان ایشتئیاقیندان
ئوپوم قوی بیر ایاقیندان
دایان قور بانو وام قارداش
باجین بو سرو آزاده
اولوب زلفون تک افتاده
الیندن دوت ،یئتیش داده
دایان قور بانو وام قارداش
بو بلبل قالدی گلشن سیز
قالا مشکلدی شیون سیز
قاییتمام خیمیه سن سیز
دایان قور بانو وام قارداش
سنی ایندی یولا ساللام
یول اوسته منتظر قاللام
وئریب جان دردیوی آللام
دایان قور بانو وام قارداش
SƏRRAF TƏBRİZİ
[ برای مشاهده لینک ، با نام کاربری خود وارد شوید یا ثبت نام کنید ]
