آذری شعرلری

هیجران دئمیش اول دم قلم اود دوتدو آلیشدی،
آهیم شرریندن،
بیر خنجر خونریز گئتیر،باغریمی بیر یار،
بیر گؤر کی نه لر وار!
زهر ائیله دیلر بو ایکی گون دیرلیگی با لله!
من عاجیز زارا،
گؤر ائتدی منی جؤرریله بو چرخ ستمکار،
جاندان نئجه بیزار!

نباتی

Ölməmişəm hələlik
ta mən varam diləm də var

ائل بیلیرکی سن منیم سن
یوردوم یووام مسکنیم سن
دئمئک دوغما وطنیم سن
آیریلارمی کؤنول جاندان
آذربایجان،آذربایجان

وورغون

ساق اول آرکاداش
چوخ گوزل

اما فونتیوی ایصلاح ائله . خراب یازیر .

گؤزوم آیدین گؤرورم سویگولو قارداشلاریمی
باسمیشام باغریما ئوز دوغما قارینداشلاریمی

محمد حسین بهجت تبریزی(شهریار)

بحر عشقه دوشدون ای دل،لعل جانانی اونوت
بالغ اولدون،گل رحیمدن ایچدیگین قانی اونوت
وئردی رحلت دن خبر ،موی سفید و روی زرد
چهره ی گولگون ایله زلف پریشانی اونوت

فضولی

ای مَلک سیما کی سندن ئوزگه حیراندیر سنا
حق بیلیر انسان دئمز هر کیم کی انساندیر،سنا!
وئرمه ین جانین سنا، بولماز حیاتِ جاودان،
زنده ی جاوید آنا دئرلر کی قورباندیر سنا!

حکیم مولانا محمد فضولی بغدادی

ز بس کی آتش آهیم یانوب شراره لنوب
یئتوبدور چرخه اودور چرخ أوزی ستاره لنوب

صّراف تبریزی

دل گیزلنوبدی طرّه ی طرّار یاریده
گویا که شهسواریدی ایتموش غباریده
گر آشنای لفظ انا الحق دل اولماسا
بیگانه تک باخار گؤزی منصوره داریده

پدیده ی تبریزی

آشینا اولا هر کیم حق ایله
غیر آشینا اولمایا گئرک
فانی عالمین مال و مولکینه
موطلق ائتمیه اعتینا گئرک

حکیم سید ابوالقاسم نباتی

جوهر فرد آدمین کانینده دیر
کنت کنزأ آدمین شأنینده دیر
گرچه شیطان آدمین یانینده دیر
سرّ اسما آدمین جانینده دیر

سید علی سید عماد الدین نسیمی

سینیق کؤنول لره دیمه مک گئرک
شریعت ایچینده راهی بیلنلر
ئوزگه نین غیبتین ائیله مه سینلر
باشی اوسته بیر آللاهی بیلنلر

خسته قاسیم

اینسان گئرک اینسان اولا اینسان آراسیندا
کشتی اولا هر اینسانا طوفان آراسیندا
اینسان ایله اینسان اولی راحت بو جهاندا
باس باغریوا بو کلمه نی ووجدان آراسیندا

غلامعلی آذری

بیر قانلی اوره ک چیرپینیری قان آراسیندا
ویرنیخمادادیر قالمیش ایکی جان آراسیندا
حق وئرمه لی ییک حق لی یه هر کیمسه اولا حق
زور قانونی جنگلده دی حیوان آراسیندا

مجید صبّاغ ایرانی(یالقیز)

دوروبان عشقیله گوزار ایله دیم
بیر پرینین اولدوم مهمانی ائوینده
ذرّه جه گؤرمدیم حرمت، عیزّتین
قالدیم ائله،پشمان- پشمان ائوینده

مولا پناه واقیف

گئتیر ساقی شرابی – ناب، موطریب سازینی ساز ائت
چئکیب بیر ناله ی بول بول لری دؤرد یاندان آواز ائت

قوسی تبریزی

قیلما منه هر نه کیم سزا دور
قیل گیل آنی کیم سنه روادور

مسیحی

ای همدردیم، گئل کی گئدر جان دورماز
سنسیز توتماز سؤیله مه یه دیل لر هی
کسیلیبدیر،یوخدور صبرو قراریم
بیر ساعتین اولوب أوزون ایللر هی

خسته ویدادی

هر مجلیسده سن هرجایی سؤیله مه
خانچال آلیب باغریم باشین تیله مه
دالدالاردا لافی – گزاف ایله مه!
ساخلا هرزه دیلین امانت کؤنول

عاشیق عبّاس

دردو غمین اربابی یم
دردلر مندن ایراد اولماز
گونده یوز مین خیال ایلر
منیم کؤنلوم بیر شاد اولماز

دلّک موراد

آغلایی آغلایی واردیم پینارا
کیرلی یاغلیغیم یو وئرمدیلر
هرکس دستی سینی دولدوردو چئکدی
بنا دا بیر داملا سو وئرمدیلر

عاشیق علسگر

نه یاتیبسان لحاف،بستر ایچینده؟
بیماریمسان،ندن بس حالین سنین؟
عشقین مریضینی من نه طبیبیم
بیان ایله منه احوالین سنین

عاشیق پری

چاغیر سن گئجه یاری
باختیندان کئچه یاری
یوخودا یاری گؤردوم
اوینادیم گئجه یاری

عاشیق شمشیر ده ده

گؤیلر وجده گلر اونو یاد ائتدیکجه هر زامان
سیّاره لر فلکلرده شوقو ایله سرگردان

عصّار تبریزی

گئچر گونلر،ئوتر آیلار،سراسر
جاهاندا وصلی یاره یوخ برابر
جمالی دیلبره مفتوندو سولطان
ووصالی گول جماله مات و حیران

فدایی

تورکون اود نفسینه
داها ایسینمه یه ن
"سیبریام"
چؤللری یوشانینا کوسموش
قیپچاق چؤلوم.

حسن صفری

سووشور یئل ایله زامان
گاهدا دؤنور
گول آچیر منده گؤزلرین
کیپریکین له قانات وورورام
یوخولار قاناتیم آلتدا

نادیر ازهری اردبیلی

ده کی ،او، آللاه دیر اونون سؤزودور
آلقیشا، سنایه لاییق ئوزودور
او تک دیر، غیری سی تک اولا بیلمز
همیشه موجود دور، دوغماز- تؤ ره مز

مراغالی اوحدی

وخت اولار قالخارسان عرشه،اسمانا
وخت اولار هاوادان انرسن،کؤنول!
وخت اولار دوشه سن چنه،دومانا
وخت اولار، هر ایشی قانار سان، کؤنول!

عاشیق محمد

یاز گلیب،آچدی قیزیل گول،گولشنه وئردی صفا
سانکی جنّتدن طبیعت قاپیلار آچدی باغا

قطران تبریزی

خوشا اول جانه کی،جان راحت ایلر
نه درویش،بلکه سولطان راحت ایلر
پشیمانلیق بوتون عومرونده گؤرمز
او کس کی ،بیر پریشان راحت ایلر

نظامی گنجوی

گئل،گئل،گؤره لوم،گئل گؤ ره لوم،گول گؤره لوم بیز
بیر نغمه گتور اورتایا بولبول گؤره لوم بیز

قاضی بورهان الدین

گنجوم آغا،ویلایتین دردینی
البته،گئت صاحیب کارا عرض ایله!
بیز بوردا قورخودان دئیه بیلمیریک
سن اوتانما،آشیکارا عرض ایله

شاکیر

دردی عشقه هر کی،اول دمساز اولا
اول گئرک لابد کی،اهلی راز اولا
عاشیقی صادیق اودور معشوقونون
یولونا جان ترک ائده،سرباز اولا

حبیبی

بی مرحمت اعیانلارینا شوکر ،خدایا!
بو صاحیبی میلیانلارینا شوکر ،خدایا!
میلت غمینه باخمایان انزاری کرمله
ایشانی زوی شانلارینا شوکر،خدایا!

میرزا علی اکبر صابیر

چون جمالین پرتو صوبحی کرامت دور منه
بیر نفس کیم گؤرمزم،شامی قیامت دور منه
سندن آیری کیم،دیری قالدیم،آنونچون دم به دم
دیشلئییب آغزیمدا انگشتی نیدامت دور منه

کیشَوری

هر ایکی دونیانین کریمی سن سن
قوجایا،جاوانا کؤمئک ائدن سن
سنین رحمتینه امینیک آللاه
کؤنلوموز شاد اولور سنین فیضیندن

مهستی گنجوی

عومور کئچدی بوش بوشونا،ائتدیک دائم آه و واه
کئچدی خوشلیق زامانلاری،چاتدی بلا گونو،آه!
ای ساقی،وئر پیاله نی می قیزدیرسین بو جانی
بلکه شادلیق بیر ده اولسون قلب ائوینین مهمانی

قدسی

دئیه رلر بوغدانین نیرخین گیران پروردگار ائیلر
خداوندا!سن ائیلرسن و یا انبار دار ائیلر؟
بلی!آللاه یاراتمیش سوغزونو،امما اونون نیرخین
بوگون بویله،صاباح اویله او اهل شیندیوار ائیلر

معجیز شبسترلی

جان قیلاندا جیسم ترکین محرمی جانان اولور
قوش یو واسیندان آزاندا همدمی شیطان اولور

شیخ صفی الدین اردبیلی