طاهر،شاعر حقیقت و غم

[t.s.m.t]

اَعوذ ُ بِا الله مِن الَشیطان ِ الرّجیم

بسم الله الّرحمن الرّحیم

الحمدالله الّذی میز الانسان علی سائر المخلوقات بشرف النطق و اللسان

الرّحمنُ*عَلَّمَ القُرآن*خَلَقَ الانسانَ*عَلَّمَهُ البَیان*الشّمسُ و القَمَرُ

بِحُسبان*و النّجمُ وَ الشّجَرُ یَسجُدان*والسّماءَ رَفَعَها و وَضَعَ

المیزان*...*فباَیِّ الاءِ رَبَّکُما تُکَذِّبان*...

طاهر صاحبی متنق،ملقّب به صاحبی تبریزی،متخلّص به پکر(عاشیق پکر) در سال 1362 (ه.ش)در تبریز به دنیا آمده است.
آنچه که در پست های آتی از نظر خواهید گذرانید ،گزیده ای از دیوان اشعار ترکی وی می باشد،که در اختیار دوستداران و شیفتگان ادبیّات قرار می گیرد .سعی بر این داشته ام که ردیف بندی اشعار دفتر اوّل به روش سنّتی باشد به این گونه که،به ترتیب ِ:غزل،ترجیع بند،گرایلی ،قوشما،بایاتی،قطعه و اشعار نو . به علت به روز شدن تایپیک و معاصر بودن شاعر، ترتیب بندی دفتر دوّم به این گونه، میسّر نخواهد بود.
سر آخر از همکاری مدیران محترم در ثبت این تایپیک ،کمال قدردانی و تشکر را دارم.

با آرزوی توفیق بر همه ی شما عزیزان
صاحبی تبریزی
دوم محرم الحرام 1430

[t.s.m.t]

چون تمامی اشعار به زبان ترکی آزربایجان است، برای استفاده ی همه ی عزیزان سعی بر این خواهم کرد که گاهاً به معنی اشعار نیز اشاره کنم.و همچنین توضیح ِ مناسبت هر شعر در همان پست ِ مربوطه خواهد بود.

[t.s.m.t]

سپاس خداوند منّان،
از عطای آنچه لایق آن نبودم
آنچه که گویم
نه از من است و نه از من نیست
واسطه ی بیش نیستم
وگرنه، گوینده دیگر ی ست .

[t.s.m.t]

ندای دل جز حق نیست

تقدیم به
حضور سبز موعود(عج)،
مادر،
پدر،
و مردمی که هستیَم در گرو هستیشان
است.

[t.s.m.t]

دغدغه های هر شاعر در انتخاب تخلّص کمتر از سرودن یک دیوان شعر نیست. با این وجود نه خواستم خود را درگیر تخلّص های آن چنانی کنم و نه خود را لایق آن چنان تخلص هایی دیدم.هر چند انتخاب آن ،زمانی چند،ذهنم را مشغول به خود کرده بود با این حال بر اعتقاد این بوده و هستم که: این شاعر هست که بر تخلّص جان میدهد و گرنه پنهان شدن ،به عنوان یک شاعر نو رس در پشت الفاظ بزرگ، کاری بس بیهوده به نظر می رسد.
هرچند که در انتخاب این مهم به دیوان بزرگانی چون صائب رجوع کرده ام اما با این حال بر انتخاب تخلّصم((پکر)) پافشاری داشتم.


به حق فال صائب لقب صاحبی اولسام
پکر قویوب زمانه،ئوز بیر آد منه


(معنی:به حق فال صائب گر لقب صاحبی باشم
زمانه خود برمن نام حزین ِ پکر گذاشت!)


توضیح درباب معنی پکر ،معادل ِ حزین ؛بند زیر از یکی از اشعار شاعر برای مفهوم تخلص کافی به نظر می رسد:

بیل قدرینی،عؤمرونو قیلما هدر
بیر گون اولار وئرر سنه غم -کدر
هر غملئنن بیل یقین اولماز پکر
حسرتلنر چون گئدر دوران دورماز


(معنی:قدر عمرت را بدان،هدر مده
روزی فرا میرسد که غم روزهای از دست رفته ات را خواهی خورد
هر که در این دنیا حزین و غمگین باشد به یقین پکر نخواهد گشت
حسرت خواهیم چشید چون که این دوران نیز خواهد گذشت)


سر آخر در انتخاب این تخلّص و تنظیر های بسیار ی که از شاعران معروف دارم تنها ارادت بنده را به ایشان می رساند وگرنه خاک پای ایشان نیز نیستم.


ثانی مجنون دئییلم، همان اوّل پکرم
عشق بازارین بارکشی،غم یوکومدور،چئکرم


(معنی: مجنون ثانی نیستم،همان اوّل پکرم
بار کش بازار عشقم،و مشتاقانه بار غم را می کشم.)

[t.s.m.t]

الیف- آللاه، خلق ائدیبدیر ازلی***منتهی سیز دیر، ازل دن ابدی

ب-بورهانی منطیقدن آلیب***حؤکمی ثابیت،عدلی اولدو سببی

[t.s.m.t]

گؤز یاشیدان یازیلدی،گئلمز کؤنول،دایانما
چوخلو وفا ائدیبسن،قیلماز وفا، اینانما!

دوشدوم شرابی عشقه،میگون لبیندن آلدیم
پیمانی وصلی ساقی،ائتدین قراری، دانما

هیجرین یولوندا،کول_کول،روسوای عالم اولدوم
زینهار وئرمیشدی زاهید:عشقین یولوندا یانما!

عشقینده ثابیت اوّل قالماق گؤروندو آسان
گر موددعی اولوبسان، هیجری- بلانی سانما

عقلین گؤزونده جنون،هئچ منطیقه سیغیلماز
ایللر یاشا خوش،عقلیم،هئچ منطیقه سیغیلما!

دونیا قارانلیق اولموش،گلمیر گونش،خبر یوخ
اویدوم خییالی صوبحه،اولماز سحر،اویانما

دردی فیراق دئیرکن،پوشتوم کامان اییلدی
میدانی وصلی پکر،پرگار اولوب دولانما

[t.s.m.t]

تا کی ریندلیق سایه سی اولدور بینا
آشینالر یاد اولدو ، یاد ، آشینا

آشدی تیری طعنه لر حرمت داغین
اولدو روسوا، موددعا عکسی بنا

سیندی سروی قامتیم کیم عکسی تا
قالمادی سیلی زاماندان ،تاب آنا

وئردیلر بیر تیککه نانه صیدقی،ئوز
اللریله سالدیلار آفت جانا

ساده لیکدن دیراونوتدوق دهری چون
جومله ی اییامیمیز، اولدور فنا

وادیِ مجنون دور اول کؤنلوم هنوز
ائتمئرم عاقیل لره هئچ اعتینا

دئرمیر اول افسانه ی وامیق ، پکر
روزیگارین وصفی دیر بیتی سنا

[t.s.m.t]

کیمسه کیم فخر ائتدی چوخ وارینا
یوخسوزلوق گئلر بوگون ، عارینا

ئوزو بوم بوشدی، دولو ثیروتدن
گؤرنه پش کش گئلر او یارینا

دیلی آجی، ابوجهل قارپیزدان
یازار طعنین ملامت داشینا

دوستو سئچنمز اولدا ،هئچ بیلمز
کیمسه گئچر، کیم دورار دادینا

گئچ بوجور اینساندان سنده یانما
ئوزو یانماز هئچ، ئوز احوالینا

بیرده اینسان وار کی چوخ آز بیلر
چوخدا سؤزلر وار گئلیر آغزینا!

بیشممیش چؤره گی چیخاردار تز
باخماز تندیرین هئچ، آغ - بوزونا

او طبله بنزیر سسیندن قورخما
بوشلا، دئیمز نفعی، آزارینا

بیرده نامرد اولار،مین صیفتلی
نه دئییم بو موجودون آدینا

أوزده ده سوپر،دایانسان اونا
اینجه باسمیش خنجری باغرینا

کافر اوندان ئوز آغارتدی دئییر
موسلمان مورتددی ایسلامینا!

اولسا کافرده دوزخ اهلیندن
بو جهننمده هیزم، نارینا

بیر ده اینسان وار کیم دیل دوستودور
سرّدئمه، اولما محرم رازینا

گون بوجور گئچدی پکر،نه اولور
بو نوقطه باش ایمیر پرگارینا

[t.s.m.t]

بیر رسمی واردیر کی بیر مجلیس آرا
مهمانه یئر وئررلر نه کیم یارا

گر صاحیب خانه اولا اغنا پرست
موحتاجی دویورماق دا گئلر عارا

برک سؤز ایله حقیقت ائتمز اثر
دیل خنجری ائدر قلبینی یارا

هر چند کی گؤرمدوق ائلدن ایلتیفات
ای وای او گوندن کی دوشاق یادلارا

بیر رسمی ده قویدی زمانه ائشیت
کیم دوشدو مزارا،دوشر یادلارا

سیغمازسا کؤنول بوردا، عبسم پکر
دوراندی چئکیر ایگیتلری دارا

[t.s.m.t]

حالیم قارت دور بو دونیادان،یالان دوسلار،یالان دونیا
منی گؤرسون بو دارلیقدا،یامان گئچدی یالان،دونیا

قارداش دوستلوق دیله گئلمز،اوره ک دوستو آتا بیلمز
سونوب چیخماز تک اولدوزوم،منی باشدان آتان دونیا

گئچن گونلر داها گئلمز،باتان گونلر بیرده گولمز
گئتسین دونیا دای گئلمسین،یامان گونلر،یامان دونیا

قورو یئلده چیخار اولماز،گئچی قیرار قورد دا ئولمز
قورد دیدیرمیش بیر سورونو،یاتان ائللر،یاتان دونیا

منیم سهمیم بو دونیادان،دورد دووارلی قارا زیندان
چوک ایستدیم قاچانمادیم،منی یولدا قویان دونیا

گئتسین دونیا دای گئلمسین،یامان گونلر گئتیرمسین
کیملر گئتدی،کیملر قالدی،گئدن دونیا- قالان دونیا

گؤزوم یاشدور آنام هاردا؟کؤنول قاندور آتام هاردا؟
اوره ک باغریر دای دورانمور،منی درده سالان دونیا

بو گولشنده او خار منیم ،اوره کدن قان آخار منیم
قره توکلر دونورلار گؤر،بیزی آیری سالان دونیا

بو تورپاقا حایا گئلمز،ئولنلری سایا گئلمز
ایچر قانلار،آما دویماز،ایکی أوزلو پالان دونیا

سحرگوندوز چیخارسولدان،گؤزوم اوندا گئچر سولدان
گون گؤرمدیم اینامماییم،اینام قارداش،باتان دونیا

گئچن دونیا کیمه قالدی،شاهین بختین،تاجین آلدی
سنی قوزار قیزیل تخته،قیزیل تختْده ن سالان دونیا

دئمیشدین داغ داغا ائتمز، بیزی دوسلار ساتا بیلمز
بیلنمزدیم قیامت وار، جانیم آلیب ساتان دونیا

بو درده من باتانمادیم،دویون سالدی آچانمادیم
کؤنول یارا،کؤنول یورگون،پکر أوزون آچان دونیا

چوخ ایستدیم قالانمادیم، هر ساز ایله چالانمادیم
ایتیر طویلار،بیتر یاسیم،آلیب سازیم چالان دونیا

[t.s.m.t]

تا گئتدی پرده کناره ظاهیر اولدو آفیتاب
بیر شورشیله سالدی کؤنلومه موجی اینقیلاب

چون صید گیریفتار اولدو زنجیری بنده ناتوان
صیّاد وئردی کمندی - زولفونو گؤرنه پیچ و تاب

هئچ اوخشاماز گولوستانه هر چند گوله توشسه خار
دریایی بی کران دورار،قالخسا یوکسک ده حوباب

گر مودّعی اولوبدو روخونا بولبولی مرغزار
من مرغی حقّم،ساچدی کؤنلومه آیاتِ مهتاب

ساتدی صیداقتی،زاهید، بیر دم ویصالی ایچون
آتدیم ریا و زوهدی،هیجرین یولونو اینتیخاب

سالدی نظرینده ن منی ایله،ئوز صداقتیم
عالم دا گؤرمز ئوزونه، بئله عاشیقی بی تاب

هر چند ائتمدی دوران سانا پکر،هیچ ایلتیفات
قورخ اول شبی قبر و روزِ حشر،گلسه یوم الحساب

[t.s.m.t]

کج مودار اولدون فلک فیرلانمادون ویفقی موراد
گون ازل ده ن ایلدون بو بختی کوکبله عیناد

هم نوا اسدی نیستان هر نسیم له صوبح و شام
ایلئدی خم، موددعینی هر اسیلمیش گیردیباد

گئچتدی عمریم بندیده بیگانه لر نزدینده تا
دؤندولر ایل آشینالر ایلئدیم ترکی بیلاد

توشدو کؤنلوم ده پرواسیز مجمری سوزانا لیک
چون گئتیرمیر تاب و غیرت ایلئییر مجمر ده داد

اهلی دوران یاغدیریر تیری ملامت چئوره مه
ایلمز بیر تیر ایصابت،تا کی دوشمن اولا شاد

بحری کؤنلومله، تلاطم، خوفی طوفاندان پکر
سینسا سروی قامتیمده بیل اینمز مردی باد

[t.s.m.t]

گون چئکدیقجا علامت أوشودور،فیکری نیگاریم بو گئجه
اولدو باطیل هر نه ائتمیشدیم ذهنیمده اینگاریم بو گئجه

صوبح یومدوقجا گؤزون،یار یارانماز گؤزومه، گؤرونمز هیهات
تکجه گؤرمز گونو مین گونده،کؤنول،تکجه یاریم بو گئجه

آچدی گوندوز یاریلان یاره لریم زخمینی،تا کیم بیرده
قالمادی تاب- توان آندا،یاندی قلبی بیماریم بوگئجه

چوخ سعی ائله دیم قیسمت ایله قول قولا ورمئک،یولا وئرمز
چئکمدی دوز قیسمتیمین دائیره سین پرگاریم بو گئجه

بیر تَل ساری یارپاقدان سورا بادی خزاندان نه گؤروبسن؟
بیر حوسنو آلار مین حوسنو یارادمیش، کیردیگاریم بو گئجه!

سجاده نی باغلا کی پکر، دفعی غمی هیجر بولونماز بیر
ایچ، قویما یئره می ِ ناب جامینی،می گساریم، بو گئجه

[t.s.m.t]

یاد ائلین اوخ طعنه سی مین دئیر ائل طعنه سینه
شمع ده اود توتسا اریر،یانار او ئوز شعله سینه

زاهید ار مسجیده گئتسه دورار اوّل صفیله
باغلانیب گؤرنه اودا زوهد و ریا حیله سینه

باغلیدیر گونده اونون موصحف و قرآن بئلینه
هئچ عمل توتمازعجب،بیرجه او ، بیر آیه سینه!

مثلی اولدو حیمار،توشوب جیهالت چؤلونه
تانیماز حق سؤزونو،سس وره ر اول،ئوز سه سینه

مستی لایعقل اولان دا نه بیلر حکمی دینی
عملی ناقیص اولار چون ، شک ائدر سایه سینه

آجی سؤز آفته بنزر قلبی دیبده ن چوروده ر
بیر شراره سالار آخیر یولو وون توشه سینه

دینمه قورتار دا پکر نیه اصرار ائدیسن سن
هر ه نی قویدولار آخیر ئوزونون سینه سینه

[t.s.m.t]

گئچدون جانوندان،جان أوچون،گلگون کفن ایله
یالنیز دوداقین، قلبین یاریخ، خسته تن ایله

ایچدون میِ وصلین داخی اوچدون قفسینده ن
ائتدون ویداع بو جاهاندان، ائلدن، موطن ایله

یاندیردی یاخیبب دردی فیراقین منی گؤر کیم
قویدون داها تک چؤلده بو باشسیز بدن ایله

لاییق دئیل اول موددعی زاهید گئچه جاندان
قالدون تک او میدان دا بو خونخوار دوشمن ایله

گؤردوم ینه بو ریندلیقی، تیکراری زاماندا
آغلاتی ناغیلدیر،قیصصة بولبول چمن ایله

سولدو او گؤن اول لاله،کی توشدون أوزو اوسته
رنگ وردی قانین،لاله ده ایچدی چمن ایله

کور اولدو آنان آنجا کی سپدی سو یولونجا
همدمدی اودا هر گئجه تنسیز پیرهن ایله

حقدیر کی پکر تک هونرین دوزگو سؤزوندور
مین بیرجه هونر یاغدی شهیدی وطن ایله

[t.s.m.t]

نه ایحتییاج کی اغیار ائده بیر داد منه
کی تاریم اول رحمتدن یئتر ایمداد منه

اوتورمامیش مکتبده یئنی درسی حیفظم
بو مکتبین صاحیبی اولوب اوستاد منه

نییم من او شاگیرد کی درسی ازبر اولدو
منم کیم حق دریندن وئریر سواد منه

اولبلریله طعنی باتیر قلبه، دینمئم
بو قانلی خاری چیخاردام اولار میداد منه

نه ایستیرم کلام،کی وصفینه دیر عاجیز
بو کؤنلو،دیلدن عاجیز،ائدیر ایراد منه

آزالسا ایمان،نفس،وره ر گوناها فرمان
نه اولی نفس گوناهدان وره ر جیهاد منه

به حققی فالی صائب،لقب صاحیبی اولسام
پکر قویوب زمانه، ئوزو بیر آد منه

[t.s.m.t]

خوش دا یا غم ده گئچه گول کی بو دوران گئچجاق
بزمی خلوتگه دل، محفلِِ یاران گئچجاق

سالما ایچره غمِ هیجری،ای کؤنول آباد اول
غمی درد و سوزی – فرقت، شبی - هیجران گئچجاق

گؤز یاشین سیل یتیمین،دوشسه قدر فورصتی بیل
دیده قالماز بئله نم،فورصتی احسان گئچجاق

قولو وون اولسا زورو وورما آمان زورسوزو کیم
شأنی گول،محنتی خار،شوکتی شاهان گئچجاق

تا کی وار قووتی جان خیدمتی قیل خلقه پکر
هم فقیر و هم غنی،رعیت و سولطان گئچجاق

[t.s.m.t]

یوکو چاتدیم بئلیوه دور گئدیروق
باغلادیم غم بوخچاسین،دور گئدیروق

دئمه ظالیم یوکو چاتدی بئلیمه
بیر عوموردو چئکیرم،سور گئدیروق

بیر شیرین گونلریمی آنلامادیم
ایندی حاسرت باسیلیب شور گئدیروق

منیم اَل چاتمیری بخت اولدوزوما
بو رقیبلر بو داسن وور گئدیروق

اَلیم آلچاق بو داشا چاتمیر اَلیم
گؤتوسن وور بوداشی زور،گئدیروق

طعنی خلقدیر جانیما نئشتر اولور
بو جانیم،جان یاراسین یور، گئدیروق

بویادیم هر یئریمی قان یاشینان
بو کلفچه، بو پکر، بور گئدیروق

دئمه هر دردی،بیر درد چکمئینه
باغلا آشما بو کیتاب،دور گئدیروق

[t.s.m.t]

خوش او اینسان حالینا چوخ یاشاییب آز آنلادی!
زهر اولور آنلایانا،دونیاسینین هر گون دادی

چئک بیرین فرهاد کیمی،گئت چولده سولطانلیق ائله
دونیادان غافیل اولارکن چون دوشر شیرین یادی

ای کؤنول بسدیر داها،صبر ایلییب عبسم اوتور
دیل کیمی وئردین گودازه او طاووس وش قانادی

چوخدا ساکیت اولما کی سنگه دونرسن بیر زامان
یاغ او سولموش چمنه اوندا کی لاله قانادی

نادان اول أوچ گون ائوه، گؤر ییغدی دونیا ثیروتین
اَلی بوم بوش أوستونه دونیادا تورپاق قالادی

تزه پالتار آلان اول،گوجو چاتماز دا توزا،بیل
یوخدو قورخو یوخسولا آپارسا طوفان آبادی

پکراولماز سؤزووه بو زاماندا بیر موشتری
دئیمه لعله آبالام،داشا گئلمز کی سایادی

[t.s.m.t]

آماندی ها آماندی
دونیا کیمه قالاندی؟

وفا ائتمز کیمسیه
گونو گونده ن یاماندی

کیمسه وفاده ن دئسه
اینامما کی یالاندی

بو نایولداش، رفیقلر
دؤنیب، رفیق ساتاندی

بو آتی چوخ قووماکی
سنی یئره سالاندی

درس آلار اول عاقیل لر
درس آلمیان قاباندی

چوخ گیریشمه دیبینه
سنی درده سالاندی

مؤمین قورخار محشر ده ن
کافر اونو داناندی

دونیا، اییت، مردلره
بیر قورو باغ ساماندی

بیلر اودا سوموکده ن
آغ تپه لر قالاندی

پکر ئولوب گئتسنده
اینان، آدین قالاندی

[t.s.m.t]

ایکی جهانه ورمه رم او پاک گؤزونون یاشینی
او تک گئجه لر همدمیم گئچن گونون هم یاشینی

سعادتیم اولسا بیرده،نفس قالسا جاندا باقی
وورارام ئولونجه قلبه،او پاک سئوگینین داشینی

دؤزه ردی فیراقه کؤنلوم،اودا ویصالی عشقینده
چئکربو ساحیلی عشقه او ایری کامان قاشینی

می ِ ناب أوچون ساتما او لعلی گوهری ووجودو
ایچرلر زهری مردلر،آتارلار ووجودون داشینی

گؤتور مرام تیشه سینی جفا بتین دیبین سیندیر
بو چؤلده چوخ شیرینلر چکیبلر جفایی بیستونی

گئچیرمه عومرونو عبث،سنین او خام فیکریندیر
کی محشر اولماسا گئچر،مورادی ویفقی دیلینی

بو أوچ گئچن جهان ایله گئچیرمدین مورادینی
ایچر می ِ ویصال پکر،وئره رکن ساغلیق باشینی

[t.s.m.t]

بیر نئچه گوندور کی یار سورماز منی
گؤز یاشیمدان باشقا بیر،اولماز منی

کیمسه من نئندیر قاچیر منده ن اوزاق
ای عجب کؤلگم ده هئچ سایماز منی

بیر نئچه گوندور کؤنول أوزگون اولوب
هئچ بیلیرسن!،دردو غم سیغماز منی

گئل سُوروش احوالیمی اغیاریدان
چوخلو وقتْدیر دوسلاریم آنماز منی

آهی اودلو سینمه،اود قویماسین
بوز بو کؤنلون داغینا قویماز منی

دویغوسوز أوزلر منه تیری شهاب
گؤی ملکلر تیریله وورماز منی!

سیر ائدیردیم عرشی تا محرم تاپام
یئرده ملحم دردیمه قیلماز منی

طعنی خلق دیر قلبیمی یوردو، پکر
یار ایچون یانماق کی چون یورماز منی

[t.s.m.t]

کیمسه دی مجنون کیمی یئنه لیلا دلیسی
لیلی دیوانه منه،منده لیلا دلیسی

قازدی شیرین آدینی داغدا فرهاد،بیل یقین
اول داغین شاهی منم،غم و سودا دلیسی

موددعی عاشیق باخار سروی خورامانه اوزاق
یانیری ئوز کولونه،کوهی عنقا دلیسی

رسمدیر بندة موخلیص سئور ئوز اربابینی
بندة حققم،عجب اولو مولا دلیسی

زاهید اول ازبر ائدیر لوحی مکتوبو بوتون
یاندی دینمز اودونا،شامدا سئودا دلیسی

گیردی عابید مسجیده،خیرمن آلوده و بنگ
توتدو ایراد عابیده اول کلیسا دلیسی

دئمه هئچ فلسفه دن،پیس زاماندیر،قورخ پکر
اَجوف اینسانلار ائدر،سنی صحرا دلیسی

[t.s.m.t]

سن اولمامیش قافییه لر دار گَلی
آدین گئلیر سؤزلریمه بار گلی

من او میسم قیبیر قدریم قالماییب
گؤزوم گودور ایندی قیزیل یار گلی

یار دیبیمده،دیل دولاشیر باغلانیر
گوله بنزیر من یانیندا خار گلی

قیش گئلنده گوللری دیبده ن قیرار
اَل آتمامیش اللریمه خار گلی

بخت اوجاقی سونوب داها یانمیری
کوللریله جهننمین نار گلی

دوشمنیمی دوست ایلیئیب گولنده
باش گیجلیر دونیا منه تار گلی

دونیا منه بیر آجی میراث قویوب
حق دانیشیق میللتلره عار گلی

بو وضعیله پکرده ن آد آپارما
قلم یازمیر دؤزوم "شهریار" گلی

طاهر صاحبی تبریزی

[t.s.m.t]

بو مکتبی عشق ایچره دردانه منم ایندی
سون طیفلی زبون ایردیم،بیر دانه منم ایندی

دردیمی فزون ائتدیم،دیل کیم دولو خون ائتدیم
ره سوی جنون ائتدیم،دیوانه منم ایندی

می دن داها مست اولدوم،دؤندوم می پرست اولدوم
هم مست ِ الست اولدوم،مستانه منم ایندی

لام آت قیچی، بیستون دور،فرهادی ائله معذور
کؤنلون سؤزودور مسطور؛غمخانه منم ایندی

وئردیم دلیمی یاره،باغلاندی او اغیاره
کؤنلومده قالیب یاره،بیگانه منم ایندی!

سبحانه ُ خالقی،درد منله قالیب باقی
وئر مه داها می ساقی،،میخانه منم ایندی

فریاد کیم "انا المجنون"،لا خوف،لا هم یَحزَنون
ائتدی زولفی یار افسون،افسانه منم ایندی

دوران ائلئییب تقریر،ائت عشقی، پکر، تحریر
لیلایه ائدن تنظیر، بیر دانه منم ایندی

[t.s.m.t]

بلورین کؤنلومون میدن داشیر اول جام ایمانی
اوتور میخانه ده ساقی ،چالیر موطریب،یئتیر قانی

بیر ال تورپاغیله قاندان موخممر قیلدی اوستادیم
بو جانسیز تورپاغا بیر دم،پولر نفسین ورر جانی

کیمه اویرتدی بیر سؤزلر،اولار او مجلیسه حاکیم
او نفسین صاحیبی آدم، بو آدمننده حَووانی

اوآدمنن ده عوصیان گؤر،او جننتده کی نوقصان یوک
سالا آغیزلارا شیطان،بیر ایبهاملی موعممانی

او اینسان دا شیقاوتدن،سالار عمرین معممایه
او دم کی حرص و ولعیله، وورار دیش او، تر آلمانی

بودور،جننتدن گؤز چئکسین کیمی کیم نفسه باش ایدی
گئینمز او ایپک کؤینه ک،گئیر شولای عریانی

قو وولدی آدمین نفسی،اوجالی عرشیدن فرشه
منیم تانریم محببتدن،ورر فورصت بو اینسانی

منیم کؤنلوم بو اینساندان ،دولو قاندیر هله بولسون
جیهالتدن، اوبیلمزکی، ائدر موشکول هر آسانی

ائدر دونیانی جننت تک ،اواینسان جهلینی آتسا
محبت اللرین آچسا ،گول افشان ائتسه هر یانی

سئور اوستاد او شاگیردی،منییتدن کی فاریقدی
یورولماز اول دا مکتبدن ائده تعلیم او نادانی

ایچر خیضر آبی حیواندان،یاشار اعجازیده آندان
بیر عمر ایچدی پکر قانی،جوشا گئتدی بو ارکانی

[t.s.m.t]

اگر أوز دؤندَرَم بیگانییه شهرة ادوار اوللام
وگر گؤز دؤندرم یاره چوخلو بی اعتیبار اوللام

نه قورخوم وار بیگانه بو آغ دیوانی یاندیرسین
نده بو دیویله،جهننمده هم قطار اوللام

چئکیب طعمی تلخی،موددعی هونرسیزده ن
بو شیرین ذوقیله هردم ده،زهری مار اوللام

کیمه کیم بیر وفا ائتدیم قارا گونلرده یار اولسون
وفا قیلماز قارا گونده،منم تک غصصه دار اوللام

من اول ماهِ افروزدان گونوز بیر اددعا گؤرمم
آشیرسام داغی هیجرانی،ووصالی دم غوبار اوللام

مقددر اولدو تقدیرده ن بهاسیز داش لعل اولسون
منم اول دستی تقدیرده ن صاحیب ایختییار اوللام

بو دونیا بیر آتا بنزیر بو أوچ گؤن منزیله قووما
پکر،فانی جاهانلاردان،گئچیب بیر تک سوار اوللام

[t.s.m.t]

من نه بو شاهلار ایچون عالمی دربار ائله رَم
نه ده بو لشکر ایچون صف ایسه کارزار ائله رم

نه بو دیواندا یئنه ریندلیقا ارج وئرمیشدیم
بو سؤز افسانه دئییل،حققی پدیدار ائله رم

صدف ئوز اینجیسینه هئچ بیر دا قیمت قویماز
نه ده بو سؤزلریمی سوفلة بازار ائله رم

کیمسه عشق دائیره سین چئکدی اول قان تریله
معرفتین دائیره ده نوقطة پرگار ائله رم

اولما خوش دامنیله،ییغیلا چؤل اوتونان
اکدیگیم گوللر ایله چؤلو گولزار ائله رم

یل ییخانماز آغاجی ریشه سی دیبده ن سو ایچه
سینه مین اول آغاجا من نئجه زار_زار ائله رم

جانین وصلی ایچون عالمی جاندان گئچدیم
توتما ایراد پکره ،یاتانی بیدار ائله رم

[t.s.m.t]

من بو گولزاریده بیرده،او گؤزه ل یاری گؤرمورَم
یئنی بیر گوللر ایله او کهنه دیلداری گؤرمورم

قوربتده حسرتلی قالار،بیر آشینا گؤرونجه گؤز
مین آشینا ایچیندییم،بیر گول أوزاری گؤرمورم

چوخ آغ گؤزلر گؤرسمده هئچ بیرسینه وورولمارام
او کاسه قان گؤزونده ده من هئچ غوباری گؤرمورم

گول مین حوسنْ ایله خاریده ن،آیری دوشنمسه، من
یاد ایلئینده گولو، بو داغی خاری گؤرمورم !

بیر آرپا دانئیه دئیمز اول سؤزکی دیلده قالا
او سؤز عمل توتاندا هئچ،دا مردی کاری گؤرمورم!

ئولوب گئدنده خوش اولار،دؤیولسه قبری بیر زامان
نه اولو بو چؤلده بن،ساده مزاری گؤرمورم

یوخ منزیلیم داها بوگون،دونیانی فانی گؤرموشم
چؤکدور پکر بو کؤنلو وو، بوردا نیگاری گؤرمورم

[t.s.m.t]

شور گلیر،نور گلیر،شمعیله پروانه گلیر
عشقی هدایت ائلئیَن عاشیقی دیوانه گلیر

نوح گلیر،روح گلیر،بندۀ لاهوت گلیر
کونو مکان ماتم اولوب،سرسر عزاخانه گلیر

قولسیز علمدار گلیر،حامی سردار گلیر
مشکه سوپر سینه ائدن مشکی دولوب قانه گلیر

بیرطرفین سپاهی شر،جمله شیاطین اولدو جمع
بیر طرفینده سوت عَمَر اصغرِِ دُردانه گلیر

دشمنی مین رکابیله عیشیله نوشو کامیده
خیرداجا دیلسیز اصغریم زهریلی پیکانه گلیر

مین کیشیلر عهد ائدیب وقتی وفادی،گؤرمورم!
زینبه باخ کی گؤر نئجه،صحنیه مردانه گلیر

دیلسیز اوشاق چوک آغلادی،کیم نه بیلیر نه حالدادی
قارداشی قانه بَلَشن، اکبرِ فرزانه گلیر

یاندی روبابین جیگری،جان وئریر ایندی دیلبری
اکبری نیمه جان ولی گؤر نئجه جانانه گلیر

اوندا کی جان، جانه چاتیر،شاعیر شعرین ایلهام آلیر
اول پکرین شاعیر اولان گؤر نئجه میدانه گلیر

[t.s.m.t]

جانیم اول، جانانیم اول، ای جانی جانانیم ، حسین (ع)
آهیم اول،فریادیم اول،وی نوری ایمانیم، حسین (ع)

ای کی اول نوری هیدایتدن ائدیبب روشن گؤزوم
وی کی بو وصلینده هر دم دیده گیریانیم،حسین (ع)


جددیوین کئسمز مناده خنجرِ غیرت باشین
نینواده آدلانیبسان قانلی قوربانیم ، حسین (ع)

نیلیرم شاگیرد اولام،بیر ظاهیر ازبردن کیتاب
بیردرین معناده اولدون،اینجیلو-قرآنیم، حسین (ع)

من نه بیللم مکتب ندیر،عرفان و علم،ابجد نه دیر
بیر نیهایت سیز مکاندا، کون کان،ایمکانیم حسین (ع)

هاله سرگردان خلائق،موجی ظولمتدن بوگون
کشتی بو گیرداب ایچینده گلسه طوفانیم،حسین (ع)

قازدیران اول ایلک سؤزوم قبریمده بیر حائیل اولار
سن کیمی شاهیم اولا،چیخسا گر،جانیم،حسین (ع)

اولمادون دینج، روزیگاردان ،طعنی ملامتدن،پکر
سسله سن دائم حسین،هر درده درمانیم،حسین (ع)

[t.s.m.t]

اوندا کی من واریدیم،هئچ کسیدیم
هامی دوست اولدو،آما بی کسیدیم

کؤچموشه م من،تاپیلیبلار دوسلار
یاتمیشام تا ،اویانوب هم نفسیم

آئینه م توشدو عجب رونق ده ن
سینمیشام قالمیری دای بیر اثریم

آئینه قدرینی ساغ وقتی بیل
یوخ ساغ وقتْ آئینه ده ن بیر خبریم !

سؤز عملسیز قورو بیر مزرعه دی
هئچ اولار حاصیلی،قالماز بهریم

اریدیب موم ائده ر داش سینه لری
پکرم آخشامیم اولماز سحریم

[t.s.m.t]

قارانلیق قبرینه دوشسه م،سینانی گؤزلر گؤزلریم
چؤلون ایفریتسین گؤرسه م،موسانی گؤزلر گؤزلریم

اینامدیم خیزرو موسانی،شرابِی آبِ حیوانی
قوروسا آبی حیواندا،عیسانی گؤزلر گؤزلریم

جهان بی پایه و بونیان،مکانی ظولمی اهریمان
بیر آن عومرومله قالمیشسا،جانانی گؤزلر گؤزلریم

بیچر تا حققی ایستیبداد،یئتیرمئز داده بیر ایمداد
او حیدر صفدری کرّار،سولطانی گؤزلر گؤزلریم

هونر ئولدو مرام ایله،یانیب میخانه جام ایله
من اول مستیله بی پروا،مستانی گؤزلر گؤزلریم

گئچیب عومروم خزان اولدو،کؤنول حسرتله قان اولدو
خجیل شرمنده محشرده ،سوبحانی گؤزلر گؤزلریم

چئکیر بیر خال و خط اغیار،سؤزه بورهان،اوکج پرگار
اومودوم مرکزی حققه،میدانی گؤزلر گؤزلریم

بو زینداندا تکم یالنیز،قریب و بی کسم یالنیز
تیکرکن گؤزلری هوشیار اینسانی، گؤزلر گؤزلریم

سن اول اینجیو هم غوّاس،کؤنول موطلق ائدرایخلاص
منم ناپاک گؤزلرله، مرجانی گؤزلر گؤزلریم

موکدّر کؤنلوموز پور زر ،کؤمور،کور،کوللوقا بنزر
گونش یاغسا قارا کؤکسه،ایمانی گؤزلر گؤزلریم

پکر وار تا عومور جاندا،وئر اول تانرینی اول آندا
هو توّاب و الرّحیم،رحمانی گؤزلر گؤزلریم

[t.s.m.t]

گئجه اول پیری خراباتینی میخانه ده گؤردؤم
عجبا! مستی بی دست دستینی،پیمانه ده گؤردؤم

عابیدین تسبیهی آخیر داغیلیب،یؤز ایلدی فاش
گؤندؤز اول کعبه ده زاهید،گئجه،بوتخانه ده گؤردؤم

ای عجبدیر،چون کی کسیر صیدقیده مین زهد و ریا
یوسیفی میصریده،قارداشلاری کاشانه ده گؤردؤم

مین صیدق و صفادان کی گؤرون دم ووردولار یولداشلار
گؤر کیم عکس آندا ریا،صیدقیده،بیگانه د ه گؤردوم

یوم گؤزون دا باغلا پکر،رختینی، عالمله بوتون
کی نه گؤردوم بو جفاده ن،تئکجه،بو خانه ده گؤردوم

[t.s.m.t]

تا کی مست اولدوم،بوتون مستانه لرده ن کوسموشم
کؤنلومو، تؤکدوکجه غم ، غمخانه لردن کوسموشم

اول فسانیمیش کی قیلدی لیلی مجنونا نظر
یوخ!دئییل دوزگون،مین اول افسانه لرده ن کوسموشم

بیر زاماندا کی ریا کسدی صیداقت اللرین
هم بوراخدیم مسجیدی،بوتخانه لرده ن کوسموشم

چون کی میگون لب لرینده ن کام آلیرمیش اوباشلار
می حرام اولموش منا ،میخانه لرده ن کوسموشم

ای عجب یوخدور طریقی، زولفی یاره،واقیفا!
آشینالرده ن کیم هئچ بیگانه لرده ن کوسموشم

کؤنلوم اول ویرانه اولموش بیر نسیم ِ هیجرایله
تا کی جان وارمیش پکر ویرانه لر ده ن کوسموشم

[t.s.m.t]

بوغفلتله یاتان اینسان ،دوغور دوز یوک،نئدیر ایمان!
جهننم کافیدور آللاه؟ بو نامرده، بوجور نادان

بیری دئرسین گوناهیم یوک من اولدوم اهلی جننتدن!
بیری خوشدور سیرشت ایله،چیخارسیز اود،آدی شیطان

او اینسان کی سیخاوتدن دانانمیر ایلک سیرشتینی
دا مرمر کاخه فخر ائتمز،تیکنمز ئوز ائوین داشدان

اولار مدعی روسوا، دانیشسا تز بونی بول کیم
اوجا طبلین ایچی بوم بوش سسی چیخماز دولی قابدان

او ترلی قان سارالدیبدی، ئوزاریمدا یوخ رنگ هئچ
قوروسا قان،داش اولموش قلب،بوش اورکلر دولی قاندان

اوتور جاهیل بو مسجد ده دوعادن بیر فرج اولسون!
نه قان تردیر نه طینت پاک ، قبول اولماز دوعا بوندان

او اینسان کی گؤزی یاشدورگؤزو گودمز یاغیش یاغسین
نه گون ایستیر بولوت دوغسون هاواخ دولسا وئرر فرمان

کیمه حق اولسا نا مقبول او باطیلدن اوزاق اولماز
قالار حق سؤز بو دیللرده یازان حقی اولوب حیران!

آخان سللر بیر اولموشسا، پکر، عمّانه نینرمی؟
بلا گؤزدن،یاشیم نوحی،کؤنول کشتی،غمیم طوفان

[t.s.m.t]

یولداش!، بنی دیندیرمییجاقسان
دینمم داها بیر، دینمییجاقسان

یولداشین ادا حققینی یولداش
بوینوندادی، حیف،بیلمییجاقسان

بیلدیم کی قرار عهدیوه إتماق
قیلساندا، وفا قیلمییجاقسان

سیندیردی عجب، آیینه، عکسین
بیزدن داها سن، سینمییجاقسان

آچ قوی یئره مین چهره نیقابی
دوران أوچون آت،مین مییجاقسان

شیّادین اولار رفیقی شیّاد
بوینوندان ایپی قیرمییجاقسان!؟

خوش قالدی پکر،جاهاندا رسمین
سرّ رینده، بیلیندیرمیجاقسان

[t.s.m.t]

اینامدیم آللاه بو گئجه اولدوم اهلی دوزخدن
یوخوم صوابیم هئچ بیر،اولسا دا اگر میننتدن

اونوتسا دلی کؤنلومی اونوتما سن ده هئچ، گئچ
سیغار بو دورد دووارلار یارالی قلبیمی غمدن

نه بیرمودّعی اولدوم کی اولموشام ایندی عاجیز
ائدیب زمانه حیران منی هر ایکی عالمدن

یوخوم دو قورخو والله دا ،او گون کی محشر اولسا
چکیب زبانه دار گون،اولوب مین پیس جهننمدن

نه عصیان ائتمیشم کی روسوای عالم اولدوم
نجور چئکیم بو طعنی دوستومدان،هم دوشمندن

گونش دی آرزی ائتسه خیالی رنگ توتارکیم
پوزوب قارانلیق آخشام خیالی خام ذهنیمدن

سولیمان اول شاهلیقدان دانیشسا موریله بیل
پکر اوتار سؤزونو قاچار بوگون میللتدن

[t.s.m.t]

بو سؤزون کیم کسری یوک،دانیشماق نه أوچون!
اولکی جان وردی داها سویی ایشماق نه أوچون!

باغبان یاتسا گولو سولار البت،تز سارالار
بو قورولموش آغاجا سو ایچیتماق نه أوچون؟

قوجا اینسان قاپیسی هئچ دؤیولمز دیری وقت
اول ئولنده ن سونرا دای، قبری دویماق نه أوچون!

قارا گونلر بولودو قاریشیب تز ساواشار
دامیمیز سلدن آشیب، بوباریشماق نه أوچون!

عشقه لاییق اولانی یوکدی قورخو اودونا
بو ایپین حیکمتیدیر شمعه یانماق نه أوچون

کیم ایچه حیواندان، خیزر کیمی ایللر یاشیار
قلبیمیز قاندان دولی أوز قیزارتماق نه أوچون

جاهیل اینسان، یوکونو بئلینه چولقالییار
ئوزگه لر عیب یوکونی، بئله چاتماق نه أوچون !؟

پکراول آلدیغی جانی وره ر هئچ باک ائتمز
اول کی جان وردی داها،جانْ ترکْ ائتماق نه أوچون !

[t.s.m.t]

کیم کی وار آرتدی دولور سوفراسی شاهانه بوگون
ریند رفیقلر دولانیر باشینا ریندانه بوگون

کیم کی آز تاپدیغینا قانع اولوبدور هر زامان
قونمادی سوفراسینا خیرداجا موریانه بوگون

اولکی جاهیل دوغولوب عقلی گؤزونده گؤرونر
گاه مسجیدده گزیر گاه یئری میخانه بوگون

کیم کی چوخ دئوی ائدیب سؤزلری افسانه اولار
تعریفین حددی گئچه تعظیمی ریندانه بوگون

عالیم اینسان بیلری بیلمدیین جهل ائله مز
جاهیلین قیشلارینین باشماقی بیردانه بوگون!

ساده دیل مسجیده گئتسه یولی دیوار دیبیدیر
اول دا کی تزویر ائدر سوبحسی صد دانه بوگون

یولداشین پیس گونونه کیمدیکی چوخ شادلیق ائدیب؟
دوست چون شمعی یانار باشینه پروانه بوگون

قانلی تر کؤینگینی عالمی غیب دن گتی گؤر
یاش تؤکن گؤزلرینی یوسیفی کنعانه بوگون

پکراول تورپاق اولا، بول، گیلی جاندان یارادیر
تانریمیر حورمت ایله، آشینا- بیگانه بوگون

[t.s.m.t]

اُل قضاده ن دی چیخدی گون سولدان بوگون
یاندیریرکن، سالدی بیزی قولدان بوگون

مین رفیقین اولسا اولسون یوخ فاییدا
هانچی یار اولدو یاری بی نوقصان بوگون؟

ائتمیشیق حاکیم هوا و مطلیق هوس
چیخدیلار چون مین رفیقیم یولدان بوگون

کیم کی بیر عمر گئتسه-سانماز-موجود ئوزون
اولدی بی پرده، محرمِ جانان بوگون

کیم وورا تهمت سببسیز اولموش خجیل
توکدوغی تر شرمی ئوزاریندان بوگون

چون قیامت باشلاسا یوخدو آغ گونوم
تاپسا ظالیم دا مظلومی هاردان بوگون!

دوزدی یوخمی قورخو جهنّمدن، پکر
نه ده جننتدیر دردیمه درمان بوگون

[t.s.m.t]

ای عرشی رفیع،صیفاتی دؤزگؤن
یول ئورگده ن اول، صیراطی دؤزگؤن

سوبحانه هو قالَ کون فیکون
بی ریخنه دی ذاتی،ذاتی دؤزگؤن

هم مغریب و مشریقَین دی مولکون
هم ذاتیله هم براتی دؤزگؤن

کوللو ملکوت ائتدی سجده
کوللو ملکین صلاتی دؤزگؤن

کیم خسته جانی پکر فدا قیل
گؤز چئک بوشا دا حیاتی دؤزگؤن

[t.s.m.t]

من ئولنده ن سوراهئچ کس من أوچون آغلاماسین
قارا گیماق نه أوچون!؟أورگین داغلاماسین

ورسه ورسین کاسیبا من أوچون احسان اگر
وارلینیین بوشقابینی دولدوروب یاغلاماسین

کیم کی اینجیتدی منی أوره گی تیتره مه سین
کیمی اینجیتدیم اگر منی چوخ زورلاماسین

قلمین صاحیبینی، کیم دی سوردو دیری وقت
ایندی جانسیز کیتابی بوراخیب باغلاماسین!

چوخ یورولدوم پکرم آرزیلار قووماغا من
قورخ داسن آرزیلارین اوستوؤ قویلاماسین

[t.s.m.t]

قطره قطره یاغموردان،سل اولو اورمان داغیلار
اولکی چوخ صبر ایلییه، صبریدن جان یاریلار

من بو مکتبده دوغان سیرریلَر باستیریرام
گئلسه سیرریم قلمه، دفتره قان دامیلار

چوخ بو آز بیلدیغیما اولموشام پشمان هله
چوخ بیلن باش آغارار گؤزه مرجان یاییلار

دونیانی سل آپارا بیار ایسلانماز هئچ
قیش قورتولموشدی هله آیی یایدان آییلار!

کؤنلوم داغا بنزیر داغیده لاله لری
سویی قاندان سپیلیر مرحمی اوتدان یاغیلار

ائتمه آزار خلقی دوشه سن زحمته سن
بو پیتکده ییغیشیب باشی سانجان آریلار

چوخدا نادان خلقیدن چئکیرم زحمتی من
اونی بول نادانین دوستو نادان تاپیلار!

سالدی دوران ایپینی بوینوما هئچ بیلمم
پکرین ده ندن باشی داردان آسیلار!

[t.s.m.t]

بیلمیرم شاه، نده ن ، ساغ وقتی گدا اولار!
بیگانه،ئولنده ن سورا آشنا اولار

بیر طفلی اولارعمرینده یاغیش گؤرمئیَن
گؤز یاشی آخار طفلین، سیلی بلا اولار

عمریم بیر گوله بنزیرمیش،سارالیب،سولور
عاشیق اولماسان، بیلکی عومرون فنا اولار

هرکیم اتگینده مالدان بیر تحفه قیلسا
یوخ جاندان لاییق سنه جانان فدا اولار

أوچ دورد گؤن دونیانی ساتدیق بیراووج مالا
ثیروت او دونیاده جانیما بلا اولار

سانجیر سینمی نفسیم،هردم ایلان کیمی
اولدور مسن ایلان، بیر گون اژدها اولار

یورگون پکرین سینه سی،هیجریدن کول کول
یاندیر سادا، یادین، حالیمه دوا اولار

[t.s.m.t]

دوست واردی سنی مین بیرجه بلادان قورتارار
کؤل اولار دوستونا بیل،دوستو ناردان قورتارار

دوست واردی ناداندی،نفعی دئیمز ضره ره
آت بوجور دوسلوقو او، سنی نادان قورتارار

قاچ او کسده ن کی بوگؤن ، ریندلیق اوندان قاچیری
چاره ائتمز ئوزونه،سنی هاردان قورتارار؟

نادان اولما گِئری دؤن،چؤن زامان دؤنمز گِئری
محشر اولموشسا اینان،سنی قورآن قورتارار

حق أوچون جهل ائله مک اولدی جاهیل لر ایشی
عالیم اول منطیق ایله حققه بورهان قورتارار

حسدین خیرمنینه کیمسه دوشسه یاناجاق
کیمسه دوشدو یقینه اونو ایمان قورتارار

کیم کی چوخ توتدو آسان،حسابین خلقه پکر
بیل کی محشرده اونو ایشی آسان قورتارار

[t.s.m.t]

بیری جوت ال برج آلار دنیادان یاپیشار
بیری دنیانی هئچ توتوب اونی تز بوشار

سنین سؤزون شکر، شیرینلیقدان باج آلیر
او ابو جهل قارپیز زهری دیله آلیشار

اوترلی أوزارین کی قاندان سیلینمسه
اومال راحت اولار حرامدان تز قاریشار

مین عاقیل اینسانلار کین داشین آتانمازلار
نه حکمتدن دلی یه ساده لیق یاراشار

آتا جانین قویاندا بالاسی جان آلار
آتا کامان اولاندا اوغول اوخا اوخشار

دیلیم قارپیزا بنزیر، کؤنولوم ده شکره
دئییل لر حق آجی، پتک دولاندا داشار

نه انصاف ائتدی هوسه، دوسلیق آد قویان
منم حق صاحیبی دوستلوقوم ائل دن آشار

سونر فانی جاهانلار، پکر اونوتما سن
کی پاک تبریز تورپاغیندانسان آدین یاشار

[t.s.m.t]

هر گولون،گولزاریده بیر بولبولی شیداسی وار
هر خارین،هرجائرین ذهنینده بیر روئیاسی وار

من نیم نیزاریده نی چون حالیم نالان اولوب
هر نین نیزاریده بیر آه و مین سوداسی وار

بیر زینه سو ارخه تک یالنیز چولی اورمان ائده ر
بیر ییغین شور سو،چیخارسیز،دئوی دریاسی وار!

سرو قامتلی کیم اول تورپاغا زحمتله باخار
گؤر اوجا سروین ده بو تورپاغیدان پرواسی وار

بیر عمیر دوران گئچر مجنون کیمی مردلر قالار
هر یانان قلبینده بو، اینجینده بیر لیلی سی وار

بو رقیب سیز صحنه ده بایگوش گؤزه دورنا گلیر
اول تؤکولموش ایوانین نهرینده بیر میناسی وار

کیمسه اینجیدمیش سنی دائم مدارا پیشه ائت
چون اییلمیش قاش گؤزون ده بیر درین معناسی وار

سؤندورنمیللر اوتوم یاشلی گؤزلرده پکر
گؤز یاشین اجرینده ده بیر جنّت ِ معواسی وار

[t.s.m.t]

بیسمی ربِّ کعبه والیومی حشرو اینتیظار
ییغدی حوسنون بیر نفرده ،جمله عشقین کردگار

اوّل"عین"،چون قائم اولدو ایسمی مولاده پدید
عشقیله بیر رنگ اولوب،ائتدی عالمّی، بیقرار

ثانی،"عین"دیر مظهرِ عشق و عدالت کعبسی
تا کی اولسون حقُّ و باطیل بیربیریندن آشکار

ثالث"عین"دی، علمُ عمل، سایه سی جودوجلال
هر مکانُ لامکانی عدلیله ائتسین قرار

قورخی اولسا عشق صحرادور،دیلده کیم عدلی سراب
دؤردی "لام" دیر چون لازیم اولدو اولدا ابزارِ کار

چوکلو پیکار ائتدی رهبر، تاپمادی سرداری تک
لا فتی الا علی لا سیف الا ذولفقار

صحبتِ یار اولدو،بش گلدی،فراموش اولدو " یاء"
دوش تا دوش اولوبدور- زخمی یتیمان- دا پدیدار

شاد اولار، پیوسته سسله، ذکری یا حقدن پکر
"یاء" سیندکی یارلردی ،"یاء" یعنی عشق یار

[t.s.m.t]

یاره نه ائتسه م فدا ،باری خودا ،کم گئچر
موددعی عاشیق گئلر، یاریله گؤرکَم گئچر

گؤردوم او خورّم گولو،غنچه لب وشوخ و شنگ
چاتسام او سرو قامته،گؤر نئجه عالم گئچر

حالیمه تک زولفوده گؤرنه پریشان گزیر
مجنونا چؤلده جنون،زخمینه مرحم گئچر

کیرپیگی نشتر کیمی، باغریمی قان دلمه سه
اُوْ کی دوشدو کمنده،روزیگاری غم گئچر

قیل نظر ای مه لیقا،عاشیقی دیل سوخته وَم
سن سیز اگر گون گئچه!،گئتسه کی ماتم گئچر

توتسان اگر غیری من ،یاریله-همدم،اوگون
چاتماسا تن جانیمه،جان ایله تن،دم گئچر

یاریله هم صحبت اول،وقتی غنیمت بیله ر
کیمسه قالدی،من قالام!،عالم و آدم گئچر

ور خبریم ای صبا، لیلییه، مجنون منم
سور کی بو گون مجنونا،لیلی ده همدم گئچر؟

خوش پکرین حالینه یوخدو زری سیم ایله
آنلی آچیق دونیادان گؤز یومو خرّم گئچر

[t.s.m.t]

عاشیقین سینه سین آچسان نه قده ر قان تؤکولَر
هاوا دولسا بولودا، نم نمی باران تؤکولر

وارلی اولسان غمین یوخ،قیش دا دؤنوب بوز اریده ر
کاسیبین یاز گولونون یارپاقی خزان تؤکولر

بخت سنده ن یار اولا هر آن گؤزووه یار گؤرونر
بخت یاتا گون دار اولو وصلیده هیجران تؤکولر

گول او گون طعنیله یانماز باشینا یاغسا اگر
خار الینده ن اوپر اول ساچلاری باشدان تؤکولر

شمع یاندیقجا اوتیندان باشینا قوربان کسیلیر
شمع سونر، پروانه یانار، گئجه شمعدان تؤکولر

صائب اولماز هله ده کیمسکی دیوان بزییب
سؤزونون حُرمتی وار شعری سمادان تؤکولر

ایلدریم شاخسا قلم نظمینی ایلهام آلاجاق
پکرین شعری بولود لؤلؤی مرجان تؤکولر

[t.s.m.t]

جسمیم بندیده،روحوم خوراسانی گزیر
همچون قمری خسته آشیانی گزیر

سالدیم گونهکار خیالیمی آستانینا
جانان شفاعتیمی،جان شافینی گزیر

سیلابی اشکیم اولدو جاری فیراقیدن
نیلرمی؟! ، آده آخیب دریاسینی گزیر

جیسم ایله جان ایرتیباطی ازلدن جودا
اولموشسادا ابدله آستانینی گزیر

محشر گونونده ده هر غول صاحیبین نئجه
آختارسا،گؤزلریم شاهی ثامینی گزیر

دوشدوم ورطة جنوندا خاکی پایینا
لب لر سجده ده، پایی زوّارینی گزیر

دوشمز پکر،بو گونهکار جیسمین،یولونا
اول،جاندیر کی دولانیر جانانینی گزیر

[t.s.m.t]

یاران گؤروشو معرکه ده صفای جان دور
نامردلرین صحبتی هر جایی ده قان دور

یارین دیلینین طعنسی ائتمز اثر، امما
ناکسلرین آغزیندا شیرین بال دا،ایلان دور

جان دوستو گئچر جانیله الحق کی،حضر قیل
دیل دوستو دیلینده وئردیگی جانی یالان دور

بیر دؤره د ه کی اولدو هونر مضحکی ریندان
بیر سنگی سیه بس دئیجک دورری ثمان دور

سارْبان اویا گر قافیله ده، ایت ده دیلنچی
کاریوان اهلی هم،سرگشته ی بیابان دور

گئج گئلمه ده، داروغه ایچیب،قاضی یئین دیر
ییغ محکمنی ، موتتهمین حوکمی عیان دور!

بو کلبه ی احزانیمدا بیر دادرسیم یوخدور
اونچون گئجلر کاریم، فریاد ایله افغان دور

یاندیرسا اگر کؤنلون محفیلی پکر، خاموش
کیم مکتبی عشق ایچره خود بّچه دبیستان دور

[t.s.m.t]

شور گلیر،نور گلیر،شمعیله پروانه گلیر
عشقی هدایت ائلئیَن عاشیقی دیوانه گلیر


نوح گلیر،روح گلیر،بندۀ لاهوت گلیر
کونو مکان ماتم اولوب،سرسر عزاخانه گلیر

قولسیز علمدار گلیر،حامی سردار گلیر
مشکه سوپر سینه ائدن مشکی دولوب قانه گلیر

بیرطرفین سپاهی شر،جمله شیاطین اولدو جمع
بیر طرفینده سوت عَمَر اصغرِِ دُردانه گلیر

دشمنی مین رکابیله عیشیله نوشو کامیده
خیرداجا دیلسیز اصغریم زهریلی پیکانه گلیر

مین کیشیلر عهد ائدیب وقتی وفادی،گؤرمورم!
زینبه باخ کی گؤر نئجه،صحنیه مردانه گلیر

دیلسیز اوشاق چوک آغلادی،کیم نه بیلیر نه حالدادی
قارداشی قانه بَلَشن، اکبرِ فرزانه گلیر

یاندی روبابین جیگری،جان وئریر ایندی دیلبری
اکبری نیمه جان ولی گؤر نئجه جانانه گلیر

اوندا کی جان، جانه چاتیر،شاعیر شعرین ایلهام آلیر
اول پکرین شاعیر اولان گؤر نئجه میدانه گلیر

[t.s.m.t]

وئردیگیم دیلبری شوخا دیل و جان دور
دیل و جان ایچدیگی هم،چشمه ی قان دور

کؤنلومون نازی چئکن غمزه ی دیلدار
دیزیمی غرق ایلئین اشکی روان دور

باغیبان دور کی گولون هیجرینه دؤزمور
باغی دیل برگی تؤکن،فصلی خزان دور

تیری چشمینه نیشان،ایستدی کؤنلوم
اونو هم بنده چئکن ایری کمان دور

باغلامام دیل بو جهان ایچره کیم الحق
ویردیگی کؤنلومو بو،هر دو جهان دور

ذاتی حق جیلوه له نیب فانظر الی هو
رببی ارنی دئیجک،نقشی عیان دور

پکر هیچ ائتمه شیکایت،غمی فقرْدن
کیم غنی مولکونه صاحیب،بو بیان دور

[t.s.m.t]

نه قیامت وار نه جهنّم نه بهشت!
نه گوزللیق وار نه جوانلیق نه سرشت!

اولدو مجهول هر ایکی عالم بیزلره
ظاهریندن بیلمدوق هانچی خوبو - زشت

کاخ مرمرله ائت عرشی اعلاده ن اوجا
مسکنیم گیلده ندی،قویدو کَج معمار، خشت

بیر بنا کی اول آجوری دیبدندی سست
اولدو معلوم حکمی تقویمی سرنوشت

کیمکی گئچتدی هر ایکی عالمدن ، پکر
بول قرینِ حقّ دیر بی حساب و نوشت

[t.s.m.t]

جان سئومک جان یورار، جاندان اسگیلیب خوار اولماز
هیجریندن گؤزلر یاغار، یاشیندان باهار اولماز

گؤز ایه پاک اولسا قلبیده ن ایلهام آلار
وحیی دن _گؤردوم_ هر ناپاک گؤز خبردار اولماز

سرّین نامرده بیلیندیرمه، مردلیقدان آزار
کؤنلومون سرّینه هئچ، محرمی اسرار اولماز

باغلانما جهانه کی وفا عهدینه قیلمیر
هشیار اُو ،زلفی کمندینده گیرفتار اولماز!

ریند، مردیله دوشسه بوتون عیبی نهان اولار
عاقیل اینسان ریند اولار، نامردیله یار اولماز

نیفرت، آیریلیق سالار، دوسلیقلاری سیندیرار
یامان گونده تک قالار اونا هوادار اولماز

دغل باز اینسان ناموسینی دانیب، تز ساتار
ئوزگه باخیشیندان ناموسینا هئچ عار اولماز

قسمت ایه جبر اولسا،بو دعامیز نه اولار؟
مطلوب نظر ائتسه دعاده اختیار اولماز

ظالیم ئوزونون آغ چؤرگیندن ، أوزی آغدی
آغ أوز قره لر، ظولمون سحری ناهار اولماز

حقّا کی پکر حق دانیشیقدان أوزون آغدی
قلبی یانانین جسمینه ده، بیر ده نار اولماز

[t.s.m.t]

پوزولوب بهاری وصلیم اولوب اول فسانه ،گلمز
سارالیب نیگاری زررین دولوب اول خزانه،گلمز

او نیگاره جز وفاده ن،نه ائدرمی کی عهد قیلمیر
دؤنوب اول رقیبه بیللم،دؤنر اول،یامانه گلمز

نه گؤرورمی قان کؤنولده ن،کی مین اوخ اونا نیشاندیر
کی بو داغدا تیری مجنون بیری بیر نیشانه گلمز!

نده ن اول فیغان و آهیم سنه ای صنم عبثدیر
مگر اول خرابه چؤلده دلی لر فغانه گلمز!

نه وریرمی جاندان آرتیق،داها کوی بزمی عشقه
کی قاییددی تحفه م،هیهات!،دا تنیم بو جانه گلمز

آلیب اول ریاله زوهده،نئجه گؤر دیلی نیگاریم
کسیلیب داماری غیرت،قیناما دا قانه گلمز

بودو ذاتی آینا اولدو،نه ائدرسن اولموش او عکس
نیه پس جوابی صیدقیم دَئیه ر اول عیانه گلمز ؟

گؤره ر اول،دئمه صفاده ن،کی منا بوتون عیان دیر
بئله بیر ریا لی شوم،نحس،داها بیر زمانه گلمز

اومودوم جاهاندا تکجه،سانا دؤندو دیلبری شوخ
نه ایچون کوسوب طبیبیم،اودا هئچ بویانه گلمز!

دئسه م ار غمی هیجریده ن،قلم اود توتوب سیزیلدار
او به قولی خان چوباندیر،کی:بوسؤز بیانه گلمز

چاغیرین او خان چوبانی،نه ایچون بو قیش یوباندی
عجب اول شیرین نباتلی،آدی هئچ زبانه گلمز!

اگر او نیگاری شوخ ده سانا ائتمدی پکر،لوطف
بیلر البت اولدا کج وقت، سانا تای جهانه گلمز

[t.s.m.t]

جسمیم بندیده،روحوم خوراسانی گزیر
همچون قمری خسته آشیانی گزیر

سالدیم گونهکار خیالیمی آستانینا
جانان شفاعتیمی،جان شافینی گزیر

سیلابی اشکیم اولدو جاری فیراقیدن
نیلرمی؟! ، آده آخیب دریاسینی گزیر

جیسم ایله جان ایرتیباطی ازلدن جودا
اولموشسادا ابدله آستانینی گزیر

محشر گونونده ده هر غول صاحیبین نئجه
آختارسا،گؤزلریم شاهی ثامینی گزیر

دوشدوم ورطه ی جنوندا خاکی پایینا
لب لر سجده ده، پایی زوّارینی گزیر

دوشمز پکر،بو گونهکار جیسمین،یولونا
اول،جاندیر کی دولانیر جانانینی گزیر

[t.s.m.t]

موفسیدالارض و السّما آیه و زوننار بیلمز
دوشسه محشر یادینا زققوم ایله نار بیلمز!

گؤزؤ دار گؤرمز اولا دؤنیادا موجود اصلا
اهلی جننت یاشییار، جننتی هئچ دار بیلمز!

نادان اول سنده أوره ک،یاشا اعجازیده کیم!
بونو بول داخی نادان مخزن و الاسرار بیلمز

یاغسا یاغموردا گؤنش،اولار آلتیندان روسوا
بو زولوم شهریده مردم نورالانوار بیلمز!

رسمی دوراندور اوستاد،وره روخصت شاگیرده
مکتبی عشقه اوزاق،حیدری کرّار بیلمز

یوزه بیر شاعیر اولا،مینه بیر شعری بولماز
کیم اوزاق اولدو هونرده ن شعرو اشعار بیلمز

پکر اول غم مولکونون تاجی قان بولبولو دور
اونچون اول دشتی ده غمدن آیری غمخوار بیلمز

[t.s.m.t]

قاریشیب دور ایشیمیز،پوزولوب احوالیمیز
داریخیب بیر آججانا، آیریلیب گؤل یاریمیز

گؤزلدوق بایرام اولا،ایستدوق دیدار اولا
بیلمدوق یول اوزانیر،یاس اولوب بایرامیمیز

سینه ده سیر ساخلاماق موشکول اولدو هر زامان
بیر عومور جان یاندیریب آهیمیز،فریادیمیز

عشق درسین باشلاسان جومله مکتب باغلانار
درسیمیز ده ن درس آلیب، لیلیمیز، فرهادیمیز

رعیتیمیز جان قویوب قان تریله خان اولوب
کؤنلوموزده یانماسا قان دوغوبدور باغریمیز

کیمسه عدله داد ائدیب،بی هونر ایراد ائدیب
چاتسا اول عدل دادیما،عدله چاتماز دادیمیز

کیم آرتدی وار پکر،ایکی دونیا حسرت چکر
بول سیلینمز آدیمیز،قالسا یاخچی یادیمیز

[t.s.m.t]

سینه ده بیر گوهریم وار جومله دریادن تمیز
دوست کی سهل دور دوشمن یانیندا دور عزیز

گیل سرشتم من و لا کین همنشینیم دی ظریف
ارخیدیم،آتدیم غوباری،اولموشام ایندی دنیز

همنشینین تأثیریندن غافیل اولما ای رفیق
چوکلو دیقّت وئرسن واردی بوردا،بیر نکته ریز

اولدوز ئوز برقین بوتون گونده ن آلوب
کیمدی دانمیر حالینی؟ بودی بیزیم احوالیمیز !

بر حذر اول،چؤلده مین بیر قورت یاتیب
کؤل دیبینده یاخیلیب،ایتیلدیر دیشلر نه تیز

پکرین کال شورباسی مین مورغی بریانه دئیر
آت یئرَ میننتدی ریزقی، سوموگو نشتر،نه بیز

چیلیس اینسان مال یولوندا جاندان گئچر
جان یولوندا جان وئرمیشم،اوول آخیر حرفیمیز

[t.s.m.t]

الهی داوری ائیله کی حق چوکلو قلیل اولدی
ایگیت،حق دئویسی ائتدیم،بیزه باطیل دلیل اولدی!
کؤنول بی نور ،بی سامان،محببت خوار و ذلیل اولدی
دوشوب رونق دن ای غافیل،بتین،چون کی خلیل اولدی


ئولن ثروتدی مرد ریند لر بیر ال تورپاق اسیر اولدی
نه بیر مظلومی دویدوردی،نه بو ریندلر سیر اولدی



محببت آرتیرین دوسلار،محبتدن جفا گلمز
یوخوم میخاندن آیری،بو منزیلدن بلا گلمز
محببت بذریله عشقین،سپیلممیش هما گلمز
گؤزون ترلنمسه موشکل،دئیم باشه هوا گلمز

ئولن ثروتدی مرد ریند لر بیر ال تورپاق اسیر اولدی
نه بیر مظلومی دویدوردی،نه بو ریندلر سیر اولدی



الهی مهربان خلقین بو دونیاده ذلیل اولماز
وره ر جانین جانانه، دولو سوفرا،بخیل اولماز
توتان عاجزلرین دستین،ئوزی بیمار،علیل اولماز
سوسوز_ ایچمز_ شرابینده ن،کیم هر سو سلسبیل اولماز


ئولن ثروتدی مرد ریند لر بیر ال تورپاق اسیر اولدی
نه بیر مظلومی دویدوردی،نه بو ریندلر سیر اولدی



الهی ظالیمین حالین،بو دونیاده گرفتار ائت
اوجالی شعلة خشمین،باغین جنّتده بی بار ائت
قیامتده روسوا قیل، اونی بی یاور و یار ائت
چکیب بنده زبون ایله، جهنّمده اونی خوار ائت


ئولن ثروتدی مرد ریند لر بیر ال تورپاق اسیر اولدی
نه بیر مظلومی دویدوردی،نه بو ریندلر سیر اولدی

[t.s.m.t]

بیر قدح می دولو وئر ساقی بوتون غملری ئوز
گیر بو می میدانینا،بحرینه مستان گیبی ئوز
اویما زاهید کیمی چون زوهدی قارالدیر ال و ئوز
ییغ بو یورگون جانیما،ساقی بوتون غملری، دؤز
کی کؤنول مجمر اولوب آتشی هیجرانه یانیر
بو سوپر سیز سینمه خنجری بورران دایانیر
***
تازه لندیر دیم اودور عهدی،وفا اهلیله هم
بی وفا لر غمی اولدوردی کؤنول،بوغدو بوغم
عهدیده ن دن دؤنماق همان مردایگیته اولدو اوسم
هانی بس صولحو صفادن ووران اول صوحبت و دم
کی کؤنول مجمر اولوب آتشی هیجرانه یانیر
بو سوپر سیز سینمه خنجری بورران دایانیر
***
خوش گونومده دولانیرمیش باشیما قارداشلار
تاکی بخت ئوزدو ئوزوندن چیخدی بوتون خوففاشلار
آلوب اول دؤره می افسوس ایندی ده بو اوباشلار
هانی بس جاندان عزیز بو جان دئینیم یولداشلار
کی کؤنول مجمر اولوب آتشی هیجرانه یانیر
بو سوپر سیز سینمه خنجری بورران دایانیر
***
ای صد افسوس کیم اولدوم کس و ناکسلره یار
تؤکدو بو باغی عومور گوللرینی طعنه ی خار
رقیبین گن گونودور گئچدی بیزه هر گونو دار
زولفی یار اولدو عجب بوینوموزا چوبه ی دار
کی کؤنول مجمر اولوب آتشی هیجرانه یانیر
بو سوپر سیز سینمه خنجری بورران دایانیر
***
آلدی دؤران الیمیزده ن بو مین ایل شوکتیمیز
باش آغاردیقجا بوکولدو سروی قد، قامتیمیز
قاریشار بیر گون اولار تورپاقا،جانسیز تتنیمیز
گئل گؤلؤم فورصتی بیل قویما ئوزولسون الیمیز
کی کؤنول مجمر اولوب آتشی هیجرانه یانیر
بو سوپر سیز سینمه خنجری بورران دایانیر
***
زوهدی زاهید تؤکولوب،مسجیدی بوتخانه ائدیب
ریوو تزویری همان سوبحه ی صد دانه ائدیب
مردی تبعیدی جنون عازیمی میخانه ائدیب
بو جنون دور کی گولوم مجنونو دیوانه ائدیب
کی کؤنول مجمر اولوب آتشی هیجرانه یانیر
بو سوپر سیز سینمه خنجری بورران دایانیر
***
سؤزوموز عالم اوچون اولمادی جوز صولح و صفا
یاد و دوشمن ده ن عجب گؤرمدوق هئچ غیری جفا
بیز محببت ساتار کن او باسیرمیش تیغی،خفا
دوشدو اود جانیما اولدوردو بیزی صدق و وفا
کی کؤنول مجمر اولوب آتشی هیجرانه یانیر
بو سوپر سیز سینمه خنجری بورران دایانیر
***
نئچه ایللردی چئکیب هیجری ،بو دیوانه کؤنول
اولوب اول غم سؤزونه هر دفعه پیمانه،کؤنول
ایندی اغیار ده توتور طعنه ی ریندانه،کؤنول
دوشدو آغیزلارا صد حیف اولدو افسانه،کؤنول
کی کؤنول مجمر اولوب آتشی هیجرانه یانیر
بو سوپر سیز سینمه خنجری بورران دایانیر
***
گؤردوم اول عاقیبتی کار موفتی گولنلر آغلیر
سرگذشتی عملینی الده گؤرنلر آغلیر
خوفی محشردن دی پکر ، مرد ی ارنلر آغلیر
اهلی دردین ده بوگون دردینی بیلنلر آغلیر
کی کؤنول مجمر اولوب آتشی هیجرانه یانیر
بو سوپر سیز سینمه خنجری بورران دایانیر

[t.s.m.t]

من ساغری می آلمادیم اول ساقی الیندن
سرمست و خراب اولدو کؤنول، خونخوار دیلیندن
بند ایله دی بو سینه می،زنجیری تئلیندن
مین جامی شراب آلدی شیرین کامی دیلیندن
آئینه ی کؤنلوم کاس اولوب،ساقی دایان بیر
مستان هامی چؤکدوردو ، یئتیر جامی ،اویان بیر

افسوس کی دوران آییرور جانانی تنیمدن
جانسیز ائدیرم صحبتی سودای سریمدن
باش دان اتگه آخدی بوقان کونجی دیلیمدن
هیجران تیرینی آتدی فلک ایری بئلیمدن
آئینه ی کؤنلوم کاس اولوب،ساقی دایان بیر
مستان هامی چؤکدوردو ، یئتیر جامی ،اویان بیر

جانسیز دولا عالم هامی گولشن له نه فایدا
ایسترمی کؤنول بونجا کی جانان داها قایدا؟
مجنون کیمی گؤردوم گئجه معشوقه نی آیدا
اوخشار او منیم حالیمه، بیر گؤر کی، نه حالدا
آئینه ی کؤنلوم کاس اولوب،ساقی دایان بیر
مستان هامی چؤکدوردو ، یئتیر جامی ،اویان بیر

من مستی سرشک اولدوم و کؤنلوم دا قانیمدان
جان کوسدو تنیمدن نئجه کیم منده جانیمدان
دیلداری گؤرون کیم کی کوسوب هر ایکی جاندان
یللر اسه جک سؤیله یئتیرسین خبر آندان
آئینه ی کؤنلوم کاس اولوب،ساقی دایان بیر
مستان هامی چؤکدوردو ، یئتیر جامی ،اویان بیر

گؤزلر بو گؤزوم هیجری سالانلار آدی باتسین
اول دیو رقیبی، منه تک، دیلداری بوراخسین
عمرون شمعی سؤنسون،اونو پروانه لر آتسین
یورگون بو گؤزوم یولدادی زاهید،نئجه یاتسین!
آئینه ی کؤنلوم کاس اولوب،ساقی دایان بیر
مستان هامی چؤکدوردو ، یئتیر جامی ،اویان بیر

دونیا دی بو زیندان،ایشی تیکراری زمان دور
طرّاحی بو دوران دی ، بازیگری اینسان دور
مضمونو جنون،غصّه ومنفعی زیان دور
مجنونی زمان اولدوم و لیلی ده همان دور
آئینه ی کؤنلوم کاس اولوب،ساقی دایان بیر
مستان هامی چؤکدوردو ، یئتیر جامی ،اویان بیر

دونیا و موکافاتیۣ عملدی،اینانان یوخ
بیر شمعی کعبه و مین موددعاسی، یانان یوخ
عشق ده اولدو بازیچه ی عللاف و قانان یوخ
سالدوق اجلین چرخینی همواره،سانان یوخ
آئینه ی کؤنلوم کاس اولوب،ساقی دایان بیر
مستان هامی چؤکدوردو ، یئتیر جامی ،اویان بیر

درد اهلینه دونیا بیر اویون اولدو،نه غم دیر
بالدان دا شیرین شهدی آنا، زهر ایله-سم دیر
تحصیلی ریضادن سورا باقیسی عدم دیر
عمروم منه هر لحظه، پکر ، دردو الم دیر
آئینه ی کؤنلوم کاس اولوب،ساقی دایان بیر
مستان هامی چؤکدوردو ، یئتیر جامی ،اویان بیر

[t.s.m.t]

کؤنول سن بی قرار اولما
صبیرده ن جان،کی خوار اولماز
ائشیت، نامرده یار اولما
ائده ر عهد و قرار اولماز

دئمه هر دردی نامرده
آماندیر، ییرتیلار پرده
چوخ اویما سن بوجور فرده
کی محرمی اسرار اولماز

خودا! ائت سن نظر، مرده
سالیب دونیا اونو درده
أوزولدو قامتی یئرده
اونا چؤن هوادار اولماز

وفاسیز یاره،یار اولسام
دؤنوب گولشنده خار اولسام
او درده گیریفتار اولسام
منم مجنون کیم عار اولماز

کؤنول سیرری عیان اولدو
او طعن اوخ ایله قان اولدو
سینیب پوشتوم کمان اولدو
اونا بیر کیمسه یار اولماز

ائشیت سن،حق و ناحقده ن
دئییل کیمسه طرف حقده ن
بو قان باغریم یانار درد ده ن
دئییر کیم،"جان" ،یانار اولماز!؟

گؤرون موطلق بیان اولدوم
بولود گئتدی عیان اولدوم
دئیرکن کون و ،کان اولدوم
دئیم،چون، ایختییار اولماز

ائشیت حققی بزار اولما
بو کؤنلومه آزار اولما
داغیتما سیرری،زار اولما
گئلر محشر،فرار اولماز

دایانما أوچ طریقته
یالانچی،بیج، بی غیرته
مثل اولدو بو ایللته
کج آجوردان دیوار اولماز

ئوتور بی عار و بی بندی
مگسلر چوخ سئور قندی
یاپیشسان بیل ییخار فندی
کیم هر شیرین،نیگار اولماز

یالان عاشیق ووصال ایستر
او میشکین خطّ و خال ایستر
دؤنر شهوتله حال ایستر
سونر،اوندا وقار اولماز

بودور،عاشیق ملال ائتمز
یانار هیجره،زوال ائتمز
سولار هیجریله سال ائتمز
ئولر،بی بند و بار اولماز

گزیر موفلیس ئولن مردی!
آماندیر دردی بی دردی
گل ائت روسوا بوجور فردی
دیریده ن خبردار اولماز

اوخور بولبول،نه خوش سسدیر
دئمه یاسین، گؤره ر، بسدیر
ائشیت عاقیل،سانا درسدیر
کی مجنونلار یاتار اولماز

یازارسام بیل سؤزوم چوخدور
هونر کسب ایلییه ن یوخدور
سؤزوم طعنیله،قان اوخدور
کی رینده سازیگار اولماز

بو کج دهر ، کج مدار اولدو
اونوتدو،حیله کار اولدو
پکر،بو روزیگار اولدو
عومورده اعتیبار اولماز

[t.s.m.t]

دونیادا بیرگون یاشاماز
اولسا او سنسیز، آناجان
بؤلبؤل اوچورمی هایان؟ا
گؤیده،وطنسیز، آناجان !

اوجا داغلاردان اوجاسان
ایله بیر ائله دایاغسان
هانچی داغدیر کی گؤرؤبسان
ساچلاری دنسیز آناجان!؟

اریئییب چایلا آخارسان
گؤله- خارا بیر باخارسان
بولود اولوب سن یاغارسان
رعدیله چن سیز آناجان

ئوز قانیندان ایچیدئردی
امگین ریند، ایتیرئردی
رنگی یوخدور،سؤزو بیردی
بی غل و فن سیز آناجان

گؤلؤستانا یاراشارسان
حددی عالمده ن آشارسان
جننته آیاق قویماسان
اولار یئلئن سیز آناجان

اؤرگیمین کهلیکلری
کؤنجی دیلی ائتدی بری
بیر سؤمؤگ اولدو بیر دری
باغ و چمن سیز آناجان

گؤلؤستاندا اوخشار پکر
غنچه یارپاقلارین تؤکر
روحی جیسمدن رختین چئکر
گئزرمی تن سیز،آناجان

[t.s.m.t]

ازل گؤنده ن دایانیبسان
دولوبسان سن یاشا،داغلار!
اوجا لارین دولار چنه
اتکلرون داشا، داغلار!

یایلار دولارسان سونبوله
بولاقلارین آخار گؤله
بلنیرسن لاله _ گوله
اتگیندن باشا داغلار

بولودلارلا آغلاشارسان
یاغیشلارلا باغلاشارسان
بیر تاج اولوب یاراشارسان
شاهین،شونقار،قوشا داغلار

دونی صاباحلارا ساتدیم
بویون غیفلتلرله یاتدیم
عومور کوزسین جالاتدیم
الیم چیخدی بوشا،داغلار

یاندیم عشقه گؤله- گؤله
عشقیم اودو دوندو کؤله
دوشدون سنده دیلده ن دیله
ایللر بویو یاشا داغلار

غم دره سی درین درین
باتیب خارا دؤری برین
أوزو سویوق سرین سرین
دویغولاری بوشا داغلار

نا اهل بیلمز سازین دمین
اولدو پکر،تک همدمین
کؤنول ائوین دردو غمین
تک جانیوا داشا داغلار

معنی:
ازروز ازل، پا بر جا هستی
عمری سپری کرده ای،(ای) کوهها!
قله هایت همواره مه آلود است
دامنه ات پر از سنگلاخ،(ای) کوهها!

بهاران پر از سنبل می شوی
رود هایت سرازیر در چشمه ها می شود
غرق در گل و لاله هستی
از سر تا به پا،(ای)کوهها!

با ابرها هم مرتبه هستی
با باران ها هم پیمان هستی
همچون تاجی هستی بر سر
مرغان بلند پرواز،(ای)کوهها!

دیروز را به فردا ها فروختم
امروز را در غفلت خفتم
کوزه ی عمر را این گونه واژگون ساختم
دستم از دنیا کوتاه گشت،(ای)کوهها!

سوختم بر عشق با چهره ی خندان
شراره های عشقم خاکستر گشت
(اما)تو را زبان زد عام و خاص کردم
همچنان زنده باد(ید)،(ای)کوهها!

دره ی غم است این چنین عمیق
پر ز خار گشته اطرافت
در چهره های بی روح ،
احساس های سرد را رها کن،(ای)کوهها!

نا اهلان محرم این نوا نیستند
پکر، گشت تنها همدمت
درد و غم این دل را
به تنهایی به دوش کش(ید)،(ای)کوهها!

[t.s.m.t]

بیر سؤز اولار قان کؤنولده
هئچ کیمسیه دئمک اولماز
حق سؤزودور، دیله گلسه
مین شان ایله یئمک اولماز

دؤنوب یوردون هئچه ساتسا
سالیب هیجره یادا آتسا
کؤنول ماتم غمه باتسا
یئنه ائلده ن دؤنمک اولماز

آجی سؤزلر جانا خنجر
سالیب باغریم قانا خنجر
یارین سالسا جانا خنجر
غریب یئرده ئولمک اولماز

مین گولشنه،گوله دؤنسه م
مرد اولماییم،گوله دؤنسه م
هیجره یانیب کوله دؤنسه م
سنده ن آیری سئومک اولماز

داغلار دونار دومان یئرده
پکر قالدین یامان یئرده
گؤز یاشیدی هاچان یئرده
آخسا اونی سیلمئک اولماز

[t.s.m.t]

آتلی سانماز پیاده نی
دورماز بیرداده، بیلگیلن
یاد،آشینا دوشمز یادا
سالماز بیریاده، بیلگیلن

عارسیزبودور،هرگون یاتار
گونو گونده ن،گونه ساتار
موکافات بحریله باتار
تاپماز بیر آده ،بیلگیلن

آیاق باسدیم درِصیدقه
دیلیم جایماز یالان نیطقه
ارلیق ائتسه م جورو فیسقه
ذاتیم آلوده بیلگیلن

خسته لرین خسته سیه م
بو دونیانین رسته سیه م
الی باغلی بسته سیه م
چوخلودا ساده بیلگیلن

محببت کعبه نین داشین
هر گون دولانگیلن باشین
ایسه ن هئچه بیرجه قاشین
ایمانی باده بیلگیلن

رقیبلریم صاحیب جمال
چوخ وارلاری مال و مینال
اوزاقلاردان گؤرونسه م دال
پایی پیاده بیلگیلن

جانان،وصله،عهد ایله سه م
گئللم،جان وارسا،ئولمه سه م
یار کویینا بیر دؤنمه سه م
دورمام آسوده بیلگیلن

هئچ اوخشاماز بولبول گوله!
بیل رحم ائتمز گول بولبوله
"بو کؤنولده ن او کؤنوله"
یالان بیر جاده بیل گیلن!

دونیا ائتدی منی فرتوت
ساقیم ایندی ملک الموت
وئره ر جامی پکر تئز اود
اییامی باده بیلگیلن

[t.s.m.t]

ازل گونده ن بو دونیانی
ئوزومله دربه در گؤردوم
گهی خیرو،گهی منفع
گهی شوریله شر گؤردوم

گهی افزونو گه نوقصان
گهی خوابیله گه هدیان
گهی خیزریله گه حیوان
گهی فانی،زهر گؤردوم

بو دور رسمی فلک اولدو
نئچون نورس ساچین یولدو
کؤنول ماتم _ غمه دولدو
گؤنو گؤندن هدر گؤردوم

تنی آزادی غیر ائتدیم
بسی تجریدده خیر ائتدیم
گئزوب دونیانی سیر ائتدیم
نه بیر اینسو _ بشر گؤردوم

ورق ویردیم بو دورانی
دوشوب قرعه بو اینسانی
ازل گؤندن بو دونیانی
نه گؤردوم چون، ضرر گؤردوم

بودور پیس گؤن،هانی یاران؟
ایگیت مردلرله عییاران!
هم اینک قصدی دیلداران
نه دیل کیم، سیم و زر گؤردوم

عُمور مزرعینی هر آن
ایچیتدیم جامی دیلده ن قان
سینان دم پیوندی جیسم،جان
بسی خار،بی ثمر گؤردوم

نه بیرلیق عقل و قلب ائتدی
نه طالیب مطلوبا یئتدی
بو دیلده ن سلبی امر بیتدی
الیمده تیغ،دو سر گؤردوم

پکر آختارما ، کو یاران!؟
کؤچوب، قالمادی غمخواران
آلیشدی گئج سبکساران
کی نیمسوز جانلا،پر گؤردوم

[t.s.m.t]

ناحق گؤرنه گئچدی حققی
دئییر حق سؤز لاپ لاف اولدی
باغلا آچما گؤزلرینی
حققی گئزن عللاف اولدی

پامبیق آتان لار خان لادی
خانی دولو الوان لادی
حق آغیزی هپ قان لادی
گئتدی ائوده، ندداف اولدی!

ایشدن سالدی منی درد لر
ایکی ئوزلو اولان فرد لر
خانه نیشین اولدو مرد لر
نامرد عیان وصصاف اولدی

عمرین چایی توکن لدی
دیک بئلیمی بوکن لدی
کؤنلون داغی دیکن لدی
غم قوشونا بیر قاف اولدی

کیمسه بیلمز دورر قدرینی
گیزلت پکر ، بو زرینی
فاش ایلمه کیم سیررینی
ناموس ساتان صرراف اولدی!

[t.s.m.t]

واردیم مکتب سارایینا
دوسلاریمدان آیریلمیشدیم
یئنی مکتب،یئنی سارای
دوسلاریمدان آیریلمیشدیم

ینگی بیر بیغ أوزاریمدا
بیر گؤزل باغ گؤزاریمدا
بیلینیردی هر زاریمدا
دوسلاریمدان آیریلمیشدیم

قالدی حالیم باغلی درده
غولا دوشدوم اولدوم برده
هیجران سالدی منی درده
دوسلاریمدان آیریلمیشدیم

بیر دامغا کیم قوجاقلاردا
ووردو هامی او چاغلاردا
سؤرؤنؤردؤم بوجاقلاردا
دوسلاریمدان آیریلمیشدیم



در راه مدرسه ی جدید
در فراق دوستانم
کلاس جدید،سرای جدید
در فراق دوستانم

نوجوانی،تازه پای به سن جوانی گذارده
کوچه های پر از باغ و گل در راه مدرسه
اکنون چه!؟ نفسهایم سخن می گفت آن روز ها
در فراق دوستانم

جسمم زندانی در داخل، و روحم در بیرون از آن
در زنجیر و غل، شدم برده ی دنیا
هجران مرا در درد انداخت
درفراق دوستانم

آن روز همه مهر بردگی را
با افتخار بر سینه زدند
و من سینه خیز در پی دیوارها.
در فراق دوستانم

[t.s.m.t]

وئرمز اولدوم کیمسه ایچون
کؤنلوم، جانیم، یانارحالیم
ایندی یاندی غوربت ائلده
کؤنلوم، جانیم، یانارحالیم

آغزیم جایدی الیف بیدن
الیف لام لام الیف هیدن
نصیبیم دیر آخیر هی دن
کؤنلوم ، جانیم، یانارحالیم

ایستکلریم بادا دوشدو
ائلیم اوبام یادا دوشدو
اوچ وارلیغیم اودا دوشدو
کؤنلوم، جانیم، یانارحالیم

دونیادن بن تز سیر اولدوم
بیر گوش کیمی یسیر اولدوم
نئدن گنج وقت کیم پیر اولدوم
کؤنلوم، جانیم، یانارحالیم

[t.s.m.t]

ئولن کن جیسمی خسته می
دیله کلرله قویلایین سیز
گنیش قازین مزاریمی
دیله کلرله قویلایین سیز

سازیم یوخدور عاشیق اولسام!
ئوز یاسیمدا ساچیم یولسام
مزاریمدا زار زار دولسام
دیله کلرله قویلایین سیز

مین ایستک دن بیره چاتمام
ئوله نه تک بیر دینج یاتمام
بو تورپاقا بیل تک باتمام
دیله کلرله قویلایین سیز

سیخسا گوناهلار تنیمی
باسا قبریم بوی انیمی
یئر اولمازسا کفنیمی
دیله کلرله قویلایین سیز

[t.s.m.t]

منا، ای سیتمگر دؤوران!
نه ائتدین می جفادان جؤز؟
عومؤر باغیم خزانلادین
نه یاغدیردین می، خاردان جؤز؟


بو دور اول روزیگاری دون
دلیم رنجور ایله، محزون
مئی چشمیم دی چؤن پر خون
نصیبیم دیرمی ناردان جؤز!؟


کؤنؤلدن حسرت و آهیم
اوجالدی اول غمی راهیم
یئر و گوکلر دی گواهیم
سؤزوم اولماز وفا دان جؤز


منی قورخوزما اول ناردان
کی یاندیم سوزی هیجراندان
بو سؤست عهد ایله ایلقاردان
کؤنؤل گؤرمزمی یاردان جؤز!؟


ترجمه:

بر من،ای ستمگر دوران!
چه کردی ،به غیر جفا؟
باغ عمرم را خزان کردی
چه نصیبم کردی غیر خار؟

اینست این روزگار دون
دلم رنجور و محزون
مئی چشمم چو شد پر خون
قسمتم چه بود غیر نار!؟


دل جز آه و حسرت نوایی ندارد
غم طولانی بودن راه فزون گشت
زمین و آسمان گواهم باد
سخنم نیست غیرمحبت و وفا


که را می ترسانی از نار؟
من از سوز هجران سوخته ام
این عهد سستی و بی وفایی
بیند همه دل از یار و دریغ از وفا